maxwongwk的个人专页

星期日晚，好耐冇外出食飯！因為疫情，冇 live music，冇酒吧。環境變得寧靜。餐牌有set dinner，optional 3 道 or 4道菜。一心嚟食龍蝦，唔駛煩，set dinner唔該！頭盤：炸蟹餅，多蟹肉，外脆內軟！不過份量好多！每人兩大件！餐湯：龍蝦湯，好味道！非常鮮甜！高質素！主菜：芝士焗龍蝦，新鮮，多肉！但芝士好多！（可能未食到主菜已經飽左）甜品：心太軟加雪糕。超正！結論：唔錯！不過性價比就一般般啦！…查看更多

周日到新商場試新嘢，落到 food court，人山人海！選擇了日式刺身飯。店內自設立吞區。店內廚師，工作時帶粗口玩樂，唔理想，有改善空間，可以做得到。D04 特選四式丼：份量介乎迷你丼及正常丼中間，正常男人肚餓應該唔夠飽。取餐時問店員可否俾多少少薑，遭到拒絕。。。講返食物質素，薑好辣，飯質太鬆亦比較冰冷，刺身一般，吞拿魚好腥，其他甜蝦，帶子，三文魚，蛋都係外賣壽司質素。總結：第一次光顧，亦都係最後一次。完。…查看更多

講咗好耐食呢間蟹粥！今晚終於付諸實行！夏天大熱天時食生滾粥，店內冷氣都好足夠！生滾蟹粥：一落單，聽到職員大叫：「啲蟹響雪櫃！」心中有點中伏的感覺！等約十分鐘，生滾蟹粥送到，馬上「嘩」一聲！一只蟹煲一碗粥，目視隻蟹有四両左右。仲要勁多膏，非常實肉。聽到原來雙蟹剛剛今日在附近街市買，冇得彈！鹹肉糭：舗頭門外，用幾十只糭搭起一個糉山，估計每日銷量驚人！食落又唔錯，不太肥！皮蛋魚片粥：清甜，足料，講完！布拉碎牛腸粉：腸粉可以，不過碎牛味道勁似山竹牛肉。。。整體可以！食後不太口渴，證明味精成份不太多！…查看更多

星期日下午茶時間，酷熱天氣警告，又未夠鐘睇戲，銅鑼灣區成條街都係人，一於你個港式下午茶！樓上鋪，唔使等位，冷氣十足，電視直播！凍奶茶凍檸茶：正常！炸雞中翼配薯條：賣相唔多掂！但係雞翼食落好入味！幾好味！煲仔陳醋豬扒飯：小小辣，有啲京都豬扒飯感覺，豬扒幾好味，一定係即叫即整，不過個煲仔完全唔熱，唔知點解要煲上！下午茶時段兩點半有自助甜品：今日係紅豆沙！唔使錢但係有誠意，好味唔簡單！扺讚！有糖水店水準！總結：可 ENCORE！…查看更多

星期日官塘工貿樓早場晚餐，都好多人下！餐牌款式不太多，SIGNATURE 菜式 SET DINNER 已經 COVER。爆炸熱帶雨果：賣相一流，仲有爆炸糖聲！沙冰可以，但整體偏甜少少。大蒜洋蔥忌廉湯配牛油法包多士：香濃，配料多。多士有質素！芝士焗蕃茄莎莎大啡菇：好JUCIY，不過上碟不太熱。。。松露蟲草花雜菌米型粉配63度温泉蛋：好特別，松露蟲草花雜菌味道不太多，米型意粉，risotto 感覺濃！幾得意，可以！慢煮澳洲草飼和牛M2-3西冷扒：好多蔬菜判碟，主菜和牛多根。。。失望。鬚花鬚骨，但性價比嚴重不足！…查看更多

橫風橫雨，都會肚餓！星期日15:30到達都係滿座！菜單Menu設計精美！Hazelnut Latte：有拉花，賣相佳！較淡，唔夠熱！Hazelnut 味都唔覺！Cafe 水凖而言都好失望。。。自家製喇沙汁海鮮扁意粉：雖然用雪藏海鮮，被喇沙味蓋過了。扁意粉較濕。整體味道佳！有心思！自家製伯爵茶忌廉日式梳乎厘鬆餅：即叫即製，落單後等了15-20分鐘。三大件，不太甜，非常鬆軟！唔錯！不過如果加埋雪糕會開心啲！…查看更多

天時暑熱，千里迢迢，走左去紅磡食「熱狗」！聽落真係錯哂！入到舖頭，只得八個位！雖然冷氣開放，但係都覺得唔夠涼。餐牌熱狗都有成廿款，熱狗「多元化」！價格差異很大！楝左01號「芝肉狗」套餐：熱狗好大品，薯條亦唔少！熱狗芝士軟硬適中，牛肉腸香口超熱，麵包亦非常鬆軟！估唔到咁正！讚！食熱狗配冰凍可樂，Perfect！炸魚薯條：炸魚好細件，不太油！可以！跟大量薯條，食唔晒！總結：專業有質素熱狗店，好味道，會再來！…查看更多

All Day Breakfast 一街都係連屋企都整到。。。要贏人的確要比D心思同誠意！Brick Lane Combo：非一人正常份量，好大大份！三蛋可選擇烹調方法，擇左煎蛋！蛋煎得好香，好厚！火腿、煙肉、腸仔都好熱，唔會凍冰冰！讚！沙律菜新鮮！茄汁豆地暖！芝士片好重囗味！煙三文魚不太咸！多士同薯餅都唔錯！正評！棉花糖咖啡：落單時 waitress 提示杯嘢好甜！亦可揀朱古力或咖啡 Base。咁就試試！一枱賣相「嘩」一聲！勁大舊棉花糖響頂，mix 埋咖啡都不太甜。冇乜特別！香橙咖啡：香橙味淡，咖啡較稀！總結：All Day 正，咖啡一般！…查看更多

原本諗住食壽司，行下行入左呢間居酒屋！㨂左個海鮮祭套餐！（相片根據食物上枱順序）蟹籽芝麻醬凍豆腐：説好的蟹籽不見了！但味道都可以！濃湯烏冬及紫菜飯：乜都未有就上烏冬同飯。。。可能太肚餓，烏冬都好好食，烏冬彈牙！唔錯！金菇牛肉串，玉米燒，菠蘿：金菇牛肉串好juicy。玉米燒不錯，但portion太少。菠蘿一般。雞中翼，七味黑豚腩串：雞翼冇乜味，要自己加七味粉。黑豚腩串較香囗，可以！牛肉串：最頂果件好肥。。。冇乜驚喜！大虎蝦：其實唔係好大，不過燒得幾好味！扇貝，白鱔片：急凍扇貝，唔掂！白鱔片，皮脆，肉嫩，讚！燒生蠔：勁多蒜蓉迷你版蠔，失敗！提子梳打：冇意見！總結：全部即叫即燒，但感覺一搬！…查看更多

星期日西貢快閃遊，早午餐二合一！無需等位，直接入座。店內頗多外籍人士幫襯，應該冇揀錯！蕃茄肉丸：五粒山竹牛肉大肉丸！茄汁香濃，肉丸肉質較瘦，冇肥肉，讚！炸雞扒三文治配薯條：超大份量！餡料與醬汁比例適中！麵包有烘過，薯條即炸，冇overcook！正評！凍Mocha：賣相唔掂，飲落都唔掂，茶餐廳感覺濃，失敗！失望！熱Mocha：有拉花，可惜味道都係一般！整體食物質素頗佳，分量十足！唯獨咖啡製品有待改善！…查看更多

見到呢邊餔好多次，只以為食蛇羹及糯米飯。。。原來仲有燉湯及燒味選擇！決定一試！切雞飯：碗上，飯不太多，餸好多！幸運地，比左雞髀我！肉質佳，不肥，讚！叉燒飯：半肥瘦叉，厚切！唔錯！順帶一題，搭個幾條菜芯幾好味！天麻魚頭燉湯：天麻味重！夠熱！蟲草花雞燉湯：偏油，湯較淡，都算甜，中規中矩！（對於冇湯水的人，不會有太多要求！）總結：傳統中式燒臘連燉湯組合，上菜速度快，合香港人速度！加上有湯水組合，完全迎合市場需要！…查看更多

經過呢邊食肆好多次，今晩終於有機會一試！等大約 15 分鐘先可入座！燒粟米：半枝，好香，有啲粟一燒香味，火候十足，微燶而不乾！粟米好甜！極高水準，讚！燒雞翼：雞中翼兩只，雞皮微燶鹽餣，juicy！（欠相片）鮮蟹肉番茄濃湯手打烏冬：高溫鐵煱上枱，保持熟湯！烏冬彈牙！蟹肉無特別！番茄湯極上牛肉手打烏冬：同上面個烏冬差不多，不過隻蛋幾好味！牛肉就冇乜特別！整體不過不失！總結：地方雖然逼夾，但食物質素佳！三個字「會在來」！…查看更多

星期天放假，自然醒後早餐非常重要！之前曾到金加利幫襯下午茶，印象良好！今次首嚐早餐！相比附近港式茶餐廳，果然場面旺盛！多元化餐牌，大量早餐選擇及組合！羅宋湯水晶通粉 ：份量多！羅宋湯湯底較淡，水晶通粉比一般通粉較彈牙，幾特別！咸牛肉炒蛋配厚多士：炒蛋滑，而不太油！咸牛肉份量亦足夠！讚！但厚多士不太熱。。。熱檸檬茶：檸檬頭幾片，茶味較濃，一般！咸牛肉炒蛋配奶油脆豬：咸牛肉炒蛋同上！奶油脆豬堅脆，好鬆化！有料到！總結：幾高水平港式茶餐廳！…查看更多

尚算多選擇啲茶餐廳早餐，有一般早餐A，亦奄列和all day breakfast選擇！價格亦可以，大量$30以下選擇！咸牛肉奄列早餐：牛油多士較硬，唔多掂。。。茄汁豆亦不熱，好似罐頭直接倒落碟咁。。。唯主菜咸牛肉奄列尚算可以！不太油，蛋亦不太老！熱檸檬茶：自家寶號茶杯！正常，茶夠熱，不苦澀！檸檬片數量亦正常！總結：想離開時見到一位小女孩入舗馬上叫「老板娘早晨！」感覺街坊生意味濃！四平八穩港式茶餐廳早餐！！可以再去！…查看更多

唔賭唔知時運高！明明茶餐廳格局，晚市居然做「$148加一，」火鍋放題？？OpenRice 食評亦零記載！等我嚟！店內typical茶餐廳設計，不過張枱裝左電磁爐，亦有一個好大 VIP 房！有 TVB 及 NOW TV 直播！汽水啤酒任飮！椰子雞湯底：居然半隻生雞上！份量十十足！椰子湯底較清，微甜！不過粟米有少少問題！個芯有少少爛！火鍋配料：選擇多，居然有花甲，青口，帆立貝，蝦！肥牛亦正常，蔬菜亦多！仲有出前一丁！總結：追求性價比的食家不妨一試！…查看更多