sarenlau的个人专页

每年我都去這裡2至3次飲茶，因為地點對住在不同地方的朋友而言，都算係方便。咁多年以來，覺得這裡點心的水準一直維持得幾好。唔會令人食到有好味到曉飛天，但樣樣都算幾好食，點心種類都算有幾多選擇。服務方面，同其他街酒樓一樣都係唔會好夠人，但都算ok，未至於叫天不應，叫地不聞，而且態度亦幾好。…查看更多

無論菜式味道和服務都很好。由餐前小食到甜品，都沒有令人覺得有“伏”的感覺。希望可以一直保持這水準，甚至再進步。個人經驗，好多餐廳食完覺得好食，之後再去就完全走哂樣。…查看更多

今日去飲茶，叫待應落單要“乾炒牛河”，首先同一個阿姐講，佢聽完無反應，再同佢講又唔出聲，之後再同佢講要個乾炒牛河，見佢拎個餐牌睇乜嘢號數，以為佢終於肯幫我哋落單，點知其他點心食完，再叫另一位阿姐幫我哋check單，至知之前個阿姐係無幫我哋落單🙃…查看更多

今日屋企人去買咗兩個酸種包，買到返屋企我已經問點解會係深啡色，我之前都在這間舖頭買個酸種包，並唔係咁深色的。家人既然買咗返嚟，我就當係佢今次買嘅係全麥酸種包，大麥粉焗完會咁深色，點知切開嘅時候見到，啲麵包根本就係焗燶咗。亦都因為燶咗所以啲皮好硬好難切，最後要促進九牛二虎之力，至可以切曬個底啲燶到好似炭咁嘅邊。我上個月都幫襯過呢間舖頭，當時買嘅酸種包並唔係呢種顏色，所以今日啲麵包燶曬，間舖頭冇可能唔知，但係都仲可以拎出嚟賣，真係非常冇道德。老老實實以後都唔敢幫襯呢間舖頭。…查看更多

這裡粥品的選擇很多，連豬潤、 蠔仔都有得揀。可惜這晚食到的粥底有一陣燶味。如果唔係咁，都應該幾好食啩。希望煲燶粥只係偶一為之，希望這類街坊形式粥舗可以繼續經營下去，唔使吓吓要幫襯連鎖店。…查看更多

朋友見到呢間舖頭好多好評，於是就話好想去試下，結果一肚氣離開。兩個人點了兩杯飲品，一件紅絲絨蛋糕，一份可麗餅。飲品冇特別，蛋糕同埋可麗餅除咗超甜以外，食唔到其他味。最正係坐咗廿幾分鐘，就有店員行過嚟講：“唔好意思，請你們不要聊天，盡快食完，因為門口有好多人等緊。”如果舖頭唔想客人坐咁耐，可以在門口寫明用餐時間，願者上釣。我哋食完飯諗住入去坐吓，relax 吓，冇諗過要食到咁趕頭趕命。可能係我唔識規矩啦，以後都唔會再幫襯囉，反正啲嘢食又唔係好好食。…查看更多

此店亂七八糟地方淺窄， 不要求有服務，但想不期到會在這里遇到差劣的態度，未上完訓練班，唔好自己亂落單得罪人。聽講這里奶茶好高質。唔 . . . . . .嚟過呢度咪知個「伏」字剛寫囉，今次真係受教了。…查看更多

食物味道一律偏咸，特别是個White Truffle Spaghetti Carbonara 咸的程度，令人想叫碗白粥。睇其他食評個個都讚話好好食，唔知我呢次係遇到廚師失手定係點呢？…查看更多

點心造型幾靚、幾得意，鐘意影相的來到這裡應該會好開心。點心味道偏淡，咸番小小，即係可以加番小小鹽調吓味應該會好啲。服務幾好，咁同朋友傾偈聚會呢度係幾好的。今日市區氣溫得10度，這裡可能是無暖氣的，所以即使室內，也要穿著羽絨來保暖。…查看更多