JJ嘴JJ的个人专页

星期五放工想搵個靜靜地的地方食下串燒嗲幾句。喺山林道經過左呢間口面唔起眼得黎，見到又想伸個頭偷睇嘅串燒小店。入面有得坐室內又有得坐open area~坐低後店員態度好好，加分加分。呢度特色飲品係啤酒，樽上有唔同具廣東話文化特色嘅字眼做packing串燒想惹味比你仼加調味料唔嬲。不過我地就冇加，無可奉告正唔正先黎個菜扮下健康，勁多蒜蓉，好香呢度嘅野樣樣都燒得很不錯的。熟之餘全部嘅表面都係金黃香脆，好少地方樣樣都可以保持咁可口嘅燒焦程度，值得表揚下的。雞翼好味，脆皮香口。豬頸肉同牛舌就曳啲，肉質唔夠正。元貝肉大大，芝士令人興奮！黃金醬原來係mayo加沙律醬。蝦大大隻。羊架最出色！！！非常推薦。肉厚多汁。調味香草好夠。燒得啱啱好冇全熟，所以食落嫩滑。推薦this!整體係不錯，加上店員態度好好，令人感覺好好…查看更多

經過元朗廣場見到間grand grand地新開嘅麵包店，睇落幾高級又夠trendy，係台式時尚感覺除左麵包，佢仲有野飲賣原來係靚版share tea黑糖鮮奶同果茶係主打，係店員推薦的！試了藍芝士奶蓋茶。茶底幾好，有清香。茶味唔會會太濃而澀。佢個奶蓋做得好濃厚，有得揀輕芝士或藍芝士。今次揀的藍芝士奶蓋食到有一粒粒芝士！enjoy食芝士嘅我好有快感(係專登定咁啱攪唔均呢唔知)另外嗌左店員推薦嘅水果茶。發現入面係篤住成大舊菠蘿！呢杯茶果味真係好香，成個口散發住陣橘味~一次過買左好幾個bel比自己同屋企人做早餐。呢度嘅髒髒包勁大個！成塊面咁大的！呢款包應該好受歡迎，我都係好彩至買到最後的兩個。最表面有層糖霜覆蓋住，入面有軟熟嘅麵包同一層綠茶漿、cream cheese同朱古力粒呢隻有少少相似，不過入面加嘅係一層麻糬~呢個中間又係cream cheese相比起其他，呢個朱古力醬包冇其他咁軟熟…查看更多

吉列牛黎講，琥酌都算出名，不過一路唔知原來尖沙咀都有分店星期日放假Lunch黎食，午市都真係幾多set選擇，而且大部分都好吸引最後都係想食吉列牛，再揀多個燒物。輕輕燒吉列牛兩邊幾十秒就食得，juicy香脆真係好鍾意外脆，入面又有生生地嘅牛肉。夾白飯真係絕配的！平時習慣就咁食，今日就試下點下燒汁+鹽鹽少少地可以吊再多啲牛肉味出黎，不過個人都係鍾意就咁啪落口。燒物set都算高質雞翼卜卜脆有個類似豚肉卷，入面包左蠔，感覺幾新奇，又有啲怪其實不過其他串都ok~ 牛肉串嘅燒汁不錯~兩個set都有個菇湯跟，好有中式藥膳嘅感覺。味道都ok,菇入口都香香的。…查看更多

尖沙咀厚福街咁多好野食，喱間元祖沾麵既人氣似乎都數一數二星期五8點半，2個人去食，等位等左差唔多半個鐘先入得。同好多拉麵店一樣，坐位唔算好多，但佢既食物款式就幾多下除左最常見既魚介，仲有好多主打既海鮮味：海膽、龍蝦、蟹皇，而且仲有分為極上芝士如果唔食沾麵，都仲有幾款拉麵同飯，不過觀察全場都係食沾麵既我地叫左極上芝士海膽沾麵、龍蝦沾麵，兩款都加一個芝士飯。極上芝士海膽沾麵，湯底芝士好濃郁，另上一板海膽都夠凍，食落鮮甜，喱個價可以當埋刺身食好正 龍蝦沾麵，湯底係濃厚既龍蝦湯，味道同西餐既龍蝦湯一樣，估唔到同沾麵都夾，有種西日fusion既感覺唔夠飽既朋友可以一人叫多個芝士飯，要讚既係保溫做得唔錯，麵湯食到尾先會少少涼左，而同時間上既芝士飯，最後撈湯食都仲熱熱地…查看更多

今日遠征觀塘，下晝5點想搵野食，唔想食太貴但又唔想hea食，就搵到出名既阿元來了入到去第一下已經被鋪頭既裝修吸引，復古而且濃濃台灣風，有一d夜市檔成日見到既牌，好多台灣海報等等，非常有心思，未食野已經覺得好正嗌左阿元魯肉飯、爆蛋雞肉飯、九份芋圓、蚵仔煎。先講魯肉飯：真係招牌菜！好正，魯肉形狀大小都同台灣魯肉一樣，肥瘦適中，至於爆蛋雞肉飯就無乜特別，爆蛋只係一隻煎蛋，雞肉飯就無咩特別，但都好食蚵仔煎粉漿同蛋分得好開，我唔知正宗係咪咁，不過我就麻麻地咁樣，少少失望～芋圓：必叫！超級正另外叫左杯野飲，百香果紅茶，喱樣就真係唔得，苦得濟黎開喱頭要黎試下呀！…查看更多

文記車仔麵都算係遠近馳名，今日下晝黎到唔洗排隊，即管試下入座前要拎一張膠餐牌，用油性筆劃菜。喱種做法幾好，有d餐廳而家選用紙menu，每次劃一張真係好浪費，咁樣落單清楚又環保每個位都有枝筆落單。位置就比較逼既，多人既時候可能都食得辛苦。今次我嗌左出名既雞翼、豬腸、牛腩、油麵，＋＄9凍奶茶。＄9既餐飲黎講，佢杯凍奶茶算係大杯，味道都正常牛腩正正常常，鹵水雞翼就夠入味，豬腸就唔似平時既淋淋地，有d爽口。喱三樣餸都算係車仔麵最常叫既野，水準幾好油麵又係正常啦，唔會太淋咁。埋單＄56，三餸凍飲可以接受既，當然深水埗黎講價錢算係比較進取。唔敢話味道好outstanding，但而家好多車仔麵既水準都好得人驚，貴過佢既大有人在。個人認為喱個水準係值得一試，當然係唔洗排隊既時候…查看更多

平時行返屋企經過見到喱間小店，應該都唔係開左好耐，一路以為佢係拉麵，後來見到Asok就知係泰國野。今晚唔知食乜好，突然諗起就去睇下，原來係食船麵既小弟都係泰國食過船麵，船麵係細細碗既，相傳係方便以前泰國人係船上食野。因為細碗，遊客通常都會叫好多碗黎食，打個卡咁印象中個湯係好濃，應該係牛肉／牛骨湯底之類。喱間阿叔泰麵既裝修一d都唔阿叔，牆畫幾新潮，小店枱排得比較逼，但整體裝修幾靚食物就主要係三款船麵，同埋其他小食野飲。第一次食就叫左一個牛肉＋一個豬肉船麵。牛肉會有牛腩＋牛丸；豬肉就有片片豬肉＋豬肉丸。配料最特別係有炸豬皮。食落個湯無泰國咁濃，岩岩好船麵可以揀唔同麵底，最吸引既係粉絲／泰式可粉，我地就試泰式可粉。口感比可粉厚丁點，但唔係一條條，有d係好似未切開咁一大塊。下次會想試粉絲三式雞翼拼盤：三種雞翼可以散叫，左邊上下應該係香茅同魚露，上面個隻少少辣，唔係好食得出邊隻打邊隻﹐但兩隻都好味右邊凍雞翼就凍到d肉實左少少，應該係雞翼沙律黎～泰式奶茶：喱隻比較重奶粉味，但個陣泰式奶茶既香味好ok 喱間小店係幾有特色，船麵都唔算好多地方有得食，價錢上就少少進取啦，＄50左右一碗。值得一試，支持小店…查看更多

華嫂冰室，可謂聞名全港，7－8年前年靠住網上宣傳＋樂叔名氣掘起。近年，華嫂分店越開越多，人氣穩定，證明佢既食物係受到肯定，唔洗打手啦作為一個元朗人，可以成日咁近去到屏山本店食（聽講本店食物始終最好，我未試過其他分店），真係一種幸福黎一般黎講就要排15－20分鐘啦，有時好彩5－10分鐘都入到～冬天黎食就舒服d。咁多年黎茶檔既格局都無改，唔fancy無華麗裝修，但每次黎就係熟悉既風味，非常鐘意平時去其他餐廳我都會揀下唔同野食，唯獨黎華嫂，每次都係叫：招牌豬仔包＋皮蛋芫茜湯豬排米線＋冰花／熱奶茶有時我都想食下d未叫過既，例如招牌菠蘿包（因為唔食蕃茄），但真係抵擋唔到喱幾樣野既魅力烘到少少脆既豬仔包，夾住芝士、蛋、咸牛肉，簡單由咸牛肉蛋治演化，將多士改良成豬仔包，就算食個麵夠飽都要嗌皮蛋芫茜湯豬排米線＋餐肉以前我係唔食皮蛋同芫茜。有一次食完喱個湯底，我兩樣野都鐘意食豬排煎香，有時會有冰花皮蛋。喱樣野唔算特別，但又真係無咩邊到可以食到而且出名女朋友就叫左喱個蕃茄湯雞翼米線蕃茄湯亦係華嫂最出名之一，超濃既蕃茄湯，坐隔離都聞到。雞翼亦都係top2既餸華嫂既野食，唔敢講話好特別，但要係其他地方搵到都唔係容易。每樣野既水準都平均以上（我覺得好高分），係我心目中頭幾位既最喜愛餐廳…查看更多

有時諗唔到食乜，身為街坊，都會選擇泰廳因爲佢午餐、下午茶都特別平，晚餐時間嘅價錢都唔離譜嘅~但店門外有泰式雕像，十分當眼易認，甚有泰式風味。之前未搬鋪嘅時候食過佢，水準都ok，估唔到搬左鋪(轉左or請多左師傅？)，有啲野好似比以前好味左喎一坐低就嗌個生菜bel熱下身啦。基本上食泰國野次次都會嗌生菜包的，而泰廳呢個都算係我地試過數一數二好味嘅佢撈入去嘅芫茜、辣椒切得比較細，所以比較容易撈均，令每啖肉碎都有香辣味啊。而本人係鍾意食洋蔥的，洋蔥一條條食落口感同味道都好過切粒嘅做法！唔太好芫茜、而又鍾意洋蔥嘅朋友仔應該都會like!扮下健康嗌個菜。份量都幾多其實。馬拉盞咸度適中，通菜生鮮嫩，十分推薦。繼而是咖哩。軟殼蟹分量十足，惜不太香脆，且咖哩味道偏淡。最後是我最欣賞的河粉。河粉鑊氣夠，配上蛋碎和蔬菜，十分惹味。總的來說，餐廳價錢中傭，店只親切有禮，是一間滿高CP值的小店，值得再次光臨！…查看更多

以前東哥口啤真係幾好，但幾莫半年前去，漏單等左勁耐有個唔好既印象就無去。今日再去番，真係錯哂夜晚1點左右去到，我坐低時其他人都食緊野，落單時理應無其他野煮緊。我只係點左個小籠包+叉燒包，等到1:15都無我就覺得奇怪，但都比啲耐性。1:25，見到另一個後入座既客人都有飯食，真係忍唔住問個阿姐。佢撳下機，好唔耐煩咁問我點左咩。你撳得機見唔到，好明顯係你地錯啦，我又唔係無禮貌喝你，喱個態度已經好差。佢行入廚房時，同另一個阿姐講我地。講還講唔洗咁明顯下話。個下我真係想擺低茶錢走。行出黎同我講漏單蒸緊，一句唔好意思都無，態度仲要依然咁差。等既過程，兩個阿姐不時都有同我地對望，真係唔覺我地無野食好奇怪嫁咩？無野做都唔幫我地跟下後尾再黎多枱客，佢地啲野仲快過我地1:35終於有野食。個小籠包真係差到，一夾起就爛唔係夾爛，係本身就三舊痴埋底皮係爛，漏哂啲湯，食完收籠成枱濕既等左咁耐，結果係食啲咁既野，成肚氣。我唔知係咪個別事件，可能係我唔好彩。小弟就以後唔再去，去附近一哥/至友仲好咁既服務態度，啲野再好食，都唔值得再幫襯。…查看更多

餐館內光線較弱，添左幾分浪漫氣氛店內環境以暗啞為主色調，增上幾分神秘感，係比較少見嘅主題餐廳！店入面滿佈裝飾,非常文青！這是店裡的小餐牌。菜式都係一般會喺cafe見到嘅野食，價錢都ok。我地點左牛排配上蛋黃醬，但性價說不差。薯溶，ok，肉都不過不失，正常水準嗎。點了個卡邦尼，80個大洋左右。不差。多汁。可能加啲芝士粉會啱食啲，令個汁更加濃味。意粉都冇煮過龍，口感唔錯。仲有杯朱咕嚦，夠農，甜度適中，賣相一點都不失禮。我地未食甜品就覺得唔夠飽。我諗下次地會嗌多個小食或者甜品填下肚就啱啱好。價位ok，埋單未到300蚊。氣氛同佈置令人留下印象，坐得舒服。適合文青、情侶！…查看更多

之前有篇食評講過，彌敦道726係好多好野食既，今次黎到就揀左喱間泰國野試下。平日6：30上到去，見到好多空位，但竟然要等位？！原因係真係好多人卜左位好彩兩個人都仲有位。開始時係上圖咁，食左半個鐘7點就變左下圖。閒日都咁多人，似乎口啤唔差wor！我地兩個人食唔得多，叫左個生菜包、椰汁海鮮炒飯、沙嗲同椰青。沙嗲好味，雞肉最好，唔洗點汁都夠做生菜包係成餐飯既亮點，肉碎少少辣但唔會有d怪味，亦都唔會太碎太細粒，生菜都新鮮。喱樣睇落簡單既野，其實成日中伏，喱間就做得幾好原盅椰汁海鮮炒飯平時成日食菠蘿海鮮炒飯，轉下口味試下其他。椰汁唔會太甜，食落好有椰香，如果多d海鮮就更好喱間泰菜其實仲有好多招牌菜，下次又係要encore，不過最好卜位先！…查看更多

為左唔駛排隊，六點幾七點就黎到坐低開餐！佢呢度的放題分時間比錢，我地揀左$178食90分鐘放題紙上都好多野食，有多種牛同豬肉！亦有湯同小食前菜都有六款佢個南瓜蕃薯蓉好好味！先黎個海鮮煎餅！點餐紙上都有泡菜味煎餅的。肉來了！上菜速度都幾快，一黎就全部黎晒！最紅呢碟牛最好味，肉味最多。呢個叫肉係肉眼片，推薦！叫左兩次豬肉嘅話，五花腩同豬頸肉肉質最正！五花腩一燒就香氣撲鼻，最上仲有層薄豬皮，膠質正！順便講下牛仔骨，醃左真係好入味啊！個人就超喜歡近舊骨附近啲筋位韓國燒肉就係多醃肉，而佢嘅肉又醃得幾入味！有啲會有甜甜地嘅味，應該係甜豉油。肉類雖然款色多，但我覺得放題紙上醃肉多過鮮肉就冇咁開心如果想食正啲，就要menu上嘅套餐！睇落好豪華餐廳上個月新裝修完，所以地方好整潔，亦都坐得幾舒服。可以睇到入啲嘅位都係卡位，啱晒一堆人圍威喂。提一提，呢度老闆同員工服務態度都好好。老闆係韓國人，成日笑咪咪…查看更多

平時去開元朗喱頭，都見到喱間Burger，不過好多時唔醒起去食。今次終於記得，早啲7點左右就去食～餐廳裝修花巧既風格好令人印象深刻，牆上有好多類似塗鴉，亦有啲幾特別既掛畫。喱到當然主力係食Burger啦，都有啲小食同意粉既。兩個人嗌左兩個Burger+一個黑松露薯條小食。雖然無咩人，但都等左陣先上菜，原來係想三樣野一齊上先講黑松露薯條：薯條係真係有薯仔味，唔係求其粗薯條/格格薯條，就咁食都幾好。雖然黑松露醬淋左係面，但食到尾薯條都唔會變到好淋，少少粉色貌相幾好喱個小食唔太貴，推薦第一個漢堡係紐約雙層八安士牛堡。美式就係厚身大份，個口唔夠大，食起上黎都唔易，所以唯有壓扁啲食漢堡既麵包好味牛肉都幾juicy，而且用左兩款芝士。算係好standard既漢堡材料，但用料幾好，唔會太花巧太over，幾滿意之後嗌左個好有份量嘅都市大聯盟。呢款集合晒咁多款漢堡嘅材料，有牛漢堡扒、炸洋蔥圈、芝士、軟殼蟹同鵝肝！一個包滿足晒咁多個願望！因為多料，口感極為豐富，亦因爲多料，係冇可能一啖過咬晒成個bel的。略嫌鵝肝太軟身，前得唔夠，似醬。但軟殼蟹就炸得好香脆，食落索索聲。下層嘅洋葱圈好香口，吊一吊出漢堡扒嘅肉味。總括黎講呢間漢堡店喺元朗都幾少見，感覺似會喺港島見到的嗰種chill店，所以都值得一試。…查看更多

荃灣路德圍出晒名多小食，原來附近嘅韓國餐廳都咁夠平價親民㗎！呢間韓閣晚飯時間keep住有人排隊等位，唔執輸都去試試先店面其實好細，坐滿人人家都好close。每樣野食基本都唔過一百！有幾可食韓國野可以咁嘅價！今日唔係爆肚餓，所以只嗌了海鮮煎餅同爆漿溶岩芝士飯同牛骨湯。個湯入面嘅蘿蔔浸得好入味的！煎餅黎嘅時候我地都幾surprise!事關個size真係幾大下！我地兩個最尾係食唔晒的，因為佢比平時出面食嘅厚同大，份量真係冇得輸。不過注意返佢係較厚粉，令人飽飽的。味道方面會食到香香嘅洋蔥味，呢點好似同之前食的不同，幾醒胃。而呢個餅，仲係有好多魷魚的！芝士溶漿飯雖則眼見冇乜泡菜，但食落就好有泡菜刺激同辣味，好神奇芝士同蛋準備嘅時候已經撈埋左一齊，蛋半熟嘅時候撈飯係最好食！蛋漿黏黏的令飯嘅口感更上一層樓啊。餐飲嗌左雪梨茶，潤下喉。想解下辣不妨嗌返杯呢類fizzy drink…查看更多