chris eason's Profile

朋友好鍾意食牛舌,  約埋我去試間牛舌專門店, 佢話係同事介紹呢間小店好好食,  咁就試試佢。我只係知土瓜灣有好多小店, 有關注組介紹過呢間, 幾高質. 簡約裝潢 都有20個座位左右. 燒鱈魚干$38鱈魚干 超脆口又香.  點埋沙律醬好惹味 我地配埋生啤啱曬.   極上牛舌定食  1倍 $178有唔同份量,  第一次食揀個最少1倍試下先 ,  個牛舌煮得剛剛好. 厚切有咬口啖啖肉. 肉質又嫩, 牛味濃, 配少許鹽同胡椒吊味已經好好味. 真係必點.   定食仲有茶碗蒸, 蛋味濃滑溜, 仲有菇同蟹類,  沙律,味增湯. 鰻魚定食 $138  試左個鰻魚定食同樣出色, 份量好多. 半條鰻魚有多. 燒得剛好. 皮微微焦脆肉嫩厚身多汁. 配飯食一流另外點左冬季限定～牛舌關東煮 $88關東煮湯底好好飲個湯.  牛肉味重香濃,  牛舌芯都有4大塊同燒嘅又有另一種口感，煮到牛舌芯好軟淋牛味都好濃.  其他大根, 魚餅, 竹輪都好入味. 全晚所有食物都好高質. 一定會番食. 我地好彩早去食. 走時大概7點左右已經開始排隊. 果然係土瓜灣區高質小店. Gyutan Toku土瓜灣天光道44號天光大樓地舖…Read More

今日朋友仔話想食海鮮, OPENRICE 搵下銅鑼灣區有無. 有間一人一鍋蒸氣海鮮火鍋啱曬. 餐廳環境舒適,  仲有竹簾分隔,把它放下, 可令客人更有私人空間感 有4款唔同價位既套餐, 套餐名都幾得意.  有八府巡按, 九五至尊, 內務總管, 九品芝麻. 咁我地今次試左其中兩款. 九品芝麻   $258海鮮有白蜆、大蜆、北寄貝、蝦、鮑魚同鮮魚片,  全部新鮮鮮甜, 口感豐富。肉類可 3揀2咗 美國肥牛/ 豚肉/雞肉，雞肉滑嫩,豚肉就正常唔嚡.  仲有三寶丸 .  小食炸物章魚丸.  八府巡按  $488  當然厲害D啦， 有多款海鮮，特別在有龍蝦!呢個套餐豐富好多！海鮮拼盤有龍蝦、鮑魚、元貝、蟶子、貴花蚌、白蜆、蝦，  肉類仲有安格斯牛肉！龍蝦新鮮啖啖肉， 肉嫩爽口仲有好多膏，其他海鮮都好新鮮，蜆類全部都處理得好好完全無沙。套餐仲包前菜沙律、炸餃子同芝麻雞翼，同埋蔬菜拼盤。 最後揀咗南瓜芋頭粥做粥底，吸收晒海鮮嘅精華，好鮮甜！另外餐廳做緊推廣， 只要follow 餐廳社交平台  就可以抽獎, 我地就抽中左一份沙白, 同一罐可樂. 呢間一人一鍋蒸海鮮值得推介！食材新鮮，服務周到！@boatboatsteam船渦銅鑼灣謝斐道500號維安商業大廈3樓…Read More

今日突然好想食石燒牛扒,  上OPENRICE 搵下附近有無啦.  搵到呢間"八幡平石燒牛扒專門店. 環境乾淨整潔唔會油淋淋. 好似日本小店精緻實用所有野都係.  門口有自助點餐機可直接點餐, 店員都會過來幫忙如有問題  ,  座位上提供圍裙 非常好 ! 八幡平招牌牛扒 270G   $125 招牌牛扒好大份.   我自己比較鍾意食medium rare, 所以一上枱我馬上切開一半. 一半放碟上先. 先食一半. 表面焦香鎖住肉汁.  非常可口軟淋. （如果石頭唔夠熱可以請店員協助更換一塊熱石）珍寶元貝 (扒餐+HK$25/一枚)    元貝好大隻，好厚肉, 鮮甜多汁, 記得唔好燒咁耐. 青檸封門柳 230G$160   肉質柔嫩，牛味濃郁 加埋青檸汁 多一重種清爽味道， 餐廳幫我切件， 方便食用。 加配左元貝， 好大粒啖啖肉， 煎到表面焦脆特別爽口， 值得加配。 自助吧提供的沙律， 蘿蔔牛肉湯和 珍珠米飯仲有飯素 ，全部都係無限任添。 特別一提個牛肉湯一定要飲，真係好足料用好多牛肉煲，入邊仲有洋蔥所以都好清甜。 單係個湯已經完勝好多石燒牛扒店。 八幡平石燒牛扒專門店 地址: 鰂魚涌英皇道1010-1056號東匯坊地庫077號舖太古站B出口…Read More

今日黎左筲箕灣試下一間連續3年攞米芝蓮嘅餐廳食上開海菜.  試食午餐先, 如果好食之後再食晚餐. 佢地都有LUNCH SET 都經濟實惠個價錢.  酸菜魚（午餐SET）$83跟前菜、例湯、白飯(+$5 轉左菜飯), 菜飯好香,  酸菜魚, 肉質嫩滑,  全無魚骨, 魚肉好多,   酸辣度剛好.  配飯一流. 燒汁爆炒牛肉 (午餐SET) $70   好惹味, 鑊氣夠, 牛肉肉嫩爽口  ! 外婆墨魚烤紅燒肉流心蛋  - 本身我自己超鍾意食紅燒肉,  紅燒肉工序多. 屋企好少會煮, 所以出街食飯, 如果有呢款都好大機會會叫. 而且店員話呢個係得獎菜式. 好有驚喜, 紅燒肉肥瘦平均, 肉質嫩滑, 炆得入味,紅燒醬汁甜美而且仲配有墨魚好爽嫩惹味，仲跟埋一隻流心蛋都好有水準，配白飯一流！七里莊酒糟醉雞個醉雞又係要讚！香醇嘅酒糟味, 滲透曬成碟雞 , 雞皮爽滑，雞肉肉嫩軟熟,  一款好出色嘅開胃冷盤！花雕酒味香濃，將雞肉都醃得夠入味！高力芒果奶黃有D特別, 係奶黃同埋芒果醬嘅味道而唔係傳統紅豆.  芒果清新香甜, 配上糖霜,  熱辣辣炸蛋白微脆 , 常高質素的, 口感外酥內軟 ! 野蠻奶奶其實係紅豆冰，用料足有椰奶味特別香濃溫文爺爺伯爵茶底清清地.  配椰子芝士雲. 無咁膩. 特別一提店員服務都好到位有善. 有任何需要都會盡快幫忙. 一家筲箕灣筲箕灣道393號形薈地下G04號舖…Read More

今日去左杏花村outlet 買運動用品, 買完當然要醫下個肚啦. 杏花村商場樓下成條食街. 去睇下有咩好食. 就見到有間" 阿荔麵檔" 好似唔錯. 去試下先! 佢地MENU 好簡單, 一頁係麵食, 一頁係小食. 專注幾款食品應該唔差.  招牌特濃沙嗲沾麵手工拉麵有彈性好口感滑溜 , 沙嗲醬濃香但唔會死鹹 ,  沾麵掛汁 好香嘅花生味! 好惹味. 餸有肥牛、豆卜、魚片頭同糖心蛋. 個糖心蛋真係好出色.古早黑糖豬手雞翼麻辣撈麵個份量真係唔少,  要試下個豬手先,  好入味煮都好軟淋, 咬落去就感受到滿滿嘅膠質感.  味道濃郁但唔會恐咸.  個撈麵超有彈性係我最愛嗰種. 本身係有D 麻辣味道!   如果想再刺激D 可加佢地嘅火辣辣自家辣菜脯更惹味.  -仲加咗兩款小食，黑松露醬炸單骨雞翼炸燒賣  , 炸得好香脆, 外脆內嫩多汁! 韭菜豬紅蘿蔔  - 豬紅滑嫩, 韭菜新鮮, 蘿蔔係最好, 清甜無渣, 全部俾我食曬 !果然無揀錯呢餐。  阿荔麵檔 (杏花邨)杏花邨盛泰道100號杏花新城地下G53B號舖…Read More

太古城Apita Eatery有個 food  court 主打日本食品,  今次黎食北海道湯咖喱.   佢都個MENU 都好多選擇, 好多小食, 原來佢地仲有蛋包飯.  咁一於試埋啦. 日式唐揚雞咖哩蛋包飯  個蛋包飯 係會配湯咖喱  , 唐揚炸雞炸到外脆內嫩多汁, 個蛋包飯嘅蛋好滑.  再加D湯咖喱味道更豐富. 我仲加左條司華力腸, 超大! 成個飯個SIZE 好似升左級咁.  生炸脆皮雞髀湯咖喱配烏冬隻炸雞脾好大隻炸得好脆又好多汁， 我仲配埋季節限定蕃茄湯底 同少辣 幾惹味,  配烏冬加溏心蛋 !  小食. 香辣單骨雞翼個皮炸得勁香脆, 單骨方便食. 抵食 加$12 就有. 野菜蝦天婦羅 / 海苔天婦羅魷魚   -  呢兩款都好惹味. 特別係個魷魚好大份啖啖肉配埋海苔碎好可.  巨峰乳酸梳打 , 香桃蘋果茶- 兩個飲品都好好飲.   特別係個蘋果茶有驚喜 . 所有食物都好好, 份量大, 小食選擇都好. 下次可以試埋其他小食. Food court 環境都好整潔. 座位都舒適. 會再去! Suage北海道湯咖哩 (太古)地址：太古太古城道18號太古城中心地庫APITA Eatery…Read More

今日去左灣仔做野。 順便食埋個午餐， 出面好鬼熱， 快快手搵間野坐低先。 呢間過江龍台灣牛肉麵就去試下。餐廳都好大，樓底高空間感十足勁闊落舒適枱距都足夠，我最怕迫。 先黎小食 — 台灣特產三星蔥， 所以叫個 三星蔥肉鍋餅 外皮煎到焦脆可口，蔥香撲鼻內餡滿滿蔥花 唔油膩 。鹽酥雞塊塊都好大件， 炸到外脆內嫩啖啖肉好juicy , 仲有幾片炸嘅九層塔好香好味道招牌紅燒腱心牛肉麵 厚切牛腱心煮得超軟淋，好入味， 湯底有中藥材味唔太濃烈，入口回甘好香，我直頭飲曬個湯。 手工麵彈牙好口感！ 讚台式肉燥飯— 肥瘦相宜的肉丁，口感軟嫩，鹹甜平均相宜，搭配溏心蛋一流，如果肉燥份量再多點就更好。蒜醬青菜 油麥菜爽脆冇渣，份量大。 點餐時店員仲推介宜家 Chatime 同陳凱琳⾃家朱古力品牌Dulce Vida 合作 推出左暑期限定「朱古力捏捏杯」- 8月限定咁特別朱古力捏捏杯  當然要試下啦。 我就揀左泰式珍珠奶茶  —濃郁茶味入口順滑 ，Q彈珍珠，最特別係杯壁上嘅黑朱古力，同奶茶一齊飲，多重口感紫香芋泥特調 — 紫薯芋泥奶香濃郁，芋泥綿滑。  段純貞X日出茶太(灣仔)地址: 香港灣仔莊士敦道74-80號The Johnston 地下A及B號舖#段純貞 #DuanChunZhen #CafeDecoGroup #taiwanesefood #台灣牛肉麵  #灣仔台灣菜 #香港美食 #灣仔美食 #香港探店 #打卡酒吧 #香港旅游攻略 #香港旅游 #手搖 #茶飲 #珍珠奶茶 #水果茶 #風味飲品 #可可 #特調 #Chatime #ChatimeHK #ChatimeHongKong #陳凱琳 #朱古力捏捏杯 #DulceVida …Read More

朋友話想試下間牛丼店 SLOW COW 佢 都幾出名!  之前次次去到佢尖沙咀店都太多人要等太耐, 緣慳一面.  今日去銅鑼灣見到原來希慎廣場地庫個FOOD COURT 有佢分店.  俾機會我地試下. 佢地係開放式廚房 , 清楚睇曬所有煮食工序, 一定係好乾淨衛生,  SLOW COW  係food court內嘅餐廳,  所以最好搵左位先.  好在我地6點到仲未係好多人, 搵左一陣就有位. 招牌 - 慢煮熟成牛肉丼 $116    自選主食+ 醬汁+ topping  慢煮熟成美國牛肉軟嫩, 厚度切得剛好牛味重. 有球鮮忌廉 我配個牛肉食又幾好食. 滑溜同牛肉幾MATCH .  個汁揀左芥末籽肉汁, 幾惹味. 蒜香醬油炒飯+$6：飯粒分明，蒜香突出半熟日本溫泉蛋 +$10    蛋黃配菅個飯同D牛肉 , 口感更佳. 日本A4 和牛丼A4 和牛油花豐富, 肉質嫩滑 , 切粒口感更好,  火喉煮得剛好. 每粒表面都焦香內裡粉嫩 , 入口馬上溶化, 牛味香濃 揀左紅酒照燒汁幾好味, 少少甜甜地幾開胃. 加埋自家製鲜忌廉 同 加了日本蘭王雞蛋黃, 蛋香味濃,   配埋脆香蒜片和 珍珠白米飯, 加埋一起,每口都有驚喜 ,  多重口感 香滑到不行.  牛丼新造 (銅鑼灣)銅鑼灣軒尼詩道500號希慎廣場B2樓B217號舖…Read More

今日去左佐敦一間舊式西餐廳. 單係個招牌門面嗰種懷舊味. 就令我諗起 細個老豆帶我去鋸扒. 超開心. 宜家呢類低調又平實嘅小店真係越來越少了. 英式雜扒配飯  -   羊架, 牛柳, 豬扒, , 腸仔, 煙肉, 太陽蛋. 份量超巨 !  羊架  一D都唔膻, 肉超嫩火喉剛好, 好入味.  牛柳  - 有牛味. 唔鞋好軟淋 豬扒,腸仔, 煙肉   - 正常發揮.好食.  煙肉微焦香口, 成個雜扒都好高水準,  最驚喜係有羊架！羊架真係好好食.  下次我會單點羊架，。配埋個羅宋湯，完全係80-90年代港式西餐回憶！招牌英國威靈頓牛柳+薯菜  本身呢個威靈頓牛柳唔係間間餐廳會做.  因為工序多,難處理 . 有做的都要預先訂.   但牛屋呢到竟然隨時可以order, 可見佢地廚師幾有料有信心.  香脆既酥皮，內裡包住呢件超juicy 既牛柳. 熟度剛好，嫩滑多汁. 真係一路食一路讚.配咗沙律菜及大量既粗炸薯條，好大滿足  沙律菜仲加左D 醋，薯條香脆, 好正! 每個套餐都跟埋餐包餐湯個餐包好鬆軟， 微熱 ， 內裡夾左牛油非常好唔使自己搽。羅宋湯好足料， 少少酸微辣開胃 。 朋友加錢要酥皮忌廉湯，好靚仔，酥皮好香脆， 內裡係粟米蘑菇忌廉湯 好creamy! 牛屋真係佐敦隱世餐廳！威靈頓牛柳高水準, 親民價錢, 我應該會定時光顧. 支持本土小店 !牛屋餐廳地址:佐敦吳松街143號地舖…Read More

裝修乾淨企理,有好多卡位,坐得舒服,   店員服務到位, 反應快. 食物選擇多 價錢合理,   中式小菜、鐵板餐、西式焗飯，輕食及炒粉麵飯等. 鐵板西冷牛扒  配薯菜 西冷牛扒烹調 , 7成熟,  外層微焦多汁, 肉質軟腍，搭配蒜茸醬不會死咸, 幾好 ! 最愛鐵板上熱度保持到。 跟餐薯菜，配埋餐湯及飲品。 份量足！ 重量級足料厚切焗豬扒飯必食之選焗豬扒飯。厚切豬扒嫩滑多汁，勁多芝士厚厚一層焗至金黃色，個炒飯底粒粒分明好乾身， 滿滿的芝士蕃茄醬汁，每啖都微微熨口非常好食。鮮牛油粒粒西多士 份量都係好多. 西多士表面微微脆口, 內裡軟熟., 非常可口. 金記冰室 (筲箕灣)筲箕灣筲箕灣道393號形薈地下G-01A號舖…Read More

今日去左新都城買完野.   見到呢個餐廳個MENU 又好似好抵食就試下啦, 試下小店.  有驚喜! 原來佢地新開張無耐,  個裝修環境都好舒服. MENU 選擇好多. 仲做埋甜品真係好有誠意. 咖哩軟殼蟹滑蛋包飯  呢個飯真係無得輸, 完隻軟殼蟹上, 炸得勁香脆, 滑蛋好香好嫩滑. 內藏咖哩醬, 每一啖都有咖哩好惹味. 份量仲超大份. 可加配沙律,餐湯, 蛋糕和飲品特飲百香果沙冰超大杯,  唔會太甜好飲, 透心涼, 只係 +$12  抵. 柚子芝士蛋糕 酸酸地唔膩 口感絲滑. 黑椒牛柳粒炒飯好多牛柳粒仲要係大大粒. 配埋洋蔥粟米菇一齊炒, 香氣撲鼻, 食落好香口,炒飯粒粒分明.夠乾身. 佢地個餐湯都好足料, 好濃郁, 配埋沙律, 又健康D  . 抺茶芝士蛋糕作結, 非常滿足. 特別一提, 所有店員都好有禮, 招呼周到. 真心讚. 我肯定會再來. 茶意香港寶琳貿業路8號新都城中心三期地下G08-09號舖…Read More

今日黎左北角做野. 順便去食好耐無食嘅麥記美食念念不忘佢嘅生煎包.   酸辣湯麵  酸辣惹味不會好辣, d料勁多, 有豆腐、木耳、肉絲、豬紅 , 每條麵都沾到酸辣湯汁非常惹味.  小雲吞皮薄餡多, 肉嫩多汁.  用料足新鮮, 啖啖肉兩大主角招牌生煎鍋貼  , 生煎包生煎鍋貼同生煎包真係麥記美食招牌名物外皮煎得金黃微脆焦香,  鍋貼個薄皮煎到好焦脆內裡肉嫩爆汁. 生煎包外皮鬆軟, 個底煎到好香脆微焦.  包軟熟 入面啖啖肉多汁爆湯小籠包  係即叫即蒸, 新鮮熱辣.  要少少時間等待,  小籠包皮薄人餡飽滿 入面勁多湯汁, 非常好吃！真心讚抵佢10年都米芝蓮. 保持住高質出品, 經濟實惠. 麥記美食北角堡壘街19號景文樓地下2號舖…Read More

餐廳的裝潢和音樂的確令人很chill,環境寬敞, 樓底夠高, 空間感足夠! 環境好chill好relax ,好多人一邊飲酒，一邊傾吓偈環境舒服既墨西哥西餐廳bar! 店員好NICE , 笑容滿面,  感覺好舒服. 坐低左馬上叫杯野飲先. , Prosecco  氣泡細緻,  清爽House White Wine  Victoria Savg.Blanc  甜度剛好, Pork Nachos  (Jerk Pork )   超大份, 豬肉絲好汁肉嫩,  玉米片香脆可口,  配清新微辣的醬汁, 多重口感食慾大增. Peperoni Pizza芝士拉絲, 辣肉腸惹味, 薄餅底烤得香脆,  辣辣地好過癮, 餅邊金黃酥脆, 好滿足!整餐飯都好好, 好CHILL 食物好味道, 一定會再encore!8five2restobar尖沙咀天文臺道8 號地下…Read More

今日喺觀塘做完野, 食埋野先走.  走時都2:30PM 左右, 剛好下午茶時段觀塘區有好多台式小店. 想食魯肉飯. 搵到呢間壹01小店. 佢地開左有4年多. 應該有番咁上下質素. 壹.01芒果魯肉飯 - 真係好有驚喜, 賣相好靚, 滷肉配芒果, 感覺好特別 , 魯肉肥美可口, 配飯一流. 再配芒果肉食又另一番滋味, 香甜又咸香. 食落唔會膩. 感覺超口, 小店知道有人唔想食飯, 另外加左其他選擇, 可以飯轉豆腐底 , 係用蒸煮豆腐 , 更健康. 脆炸鮮奶卷·古早芋泥三文治 -脆炸鮮奶卷香脆 ,  而古早芋泥三文治, 真係驚艷, 香芋泥味香濃，外層酥脆芋泥口感綿密滑溜. 食到唔停口. 我不是章魚燒- 用心次作, 賣相係章魚小丸子, 而真實係炸花枝丸內裡仲有章魚粒, 口感好好食. 花雕雞翼 (炸)雞翼肉嫩多汁, 外皮脆得好酥脆.  酒香味濃 特飲- 楊枝甘露  超足料. 整杯都係鮮果. 芒果, 柚肉多到滿瀉,  清甜解膩  . 壹.01 (觀塘)觀塘駿業街56號中海日升中心2樓D號舖…Read More

今日黎左太古坊食餐好嘅.  呢間餐廳好有驚喜！環境舒服有Outdoor,  座位寬敞 , 好適合HAPPY HOUR  放鬆下飲杯嘢 , 朋友聚下. Alonzo’s Set Dinner(2位)  套餐$596餐前麵包有兩款自家製麵包:  蕃茄麵包 & 果仁麵包兩款都好好食, 我就偏愛果仁多少少.  外脆內軟, 有堅果香, 好有口感.  其實主角有黑松露醬, 超香. 前菜Roman Meatball  羅馬肉丸  - 肉丸好大粒, 好軟淋 加埋個Parmesan 勁香. Seared Tuna  -   吞拿魚好鮮甜, 外皮煎到微焦好香 , 配洋蔥,  水瓜柳, 彩椒車厘茄同火箭菜醬汁. 微微酸,  係一個好出色開胃菜. Prawn Risotto鮮蝦意大利飯  - 賣相已經一流. 大大隻嘅鮮蝦配上意大利飯, 每一口都充滿驚喜, 香味迫人. Italian Porchetta  - 意式烤豬腩肉非常厚身, 好大塊,  外皮烤至香脆, 非常惹味香脆,  而肉質有點鹹 , 配菜有滑溜薯蓉同黑蘑菇汁Cheesecake   - 軟滑芝士蛋糕 係比較軟淋嗰款.  配上莓醬口感更上一層. Alonzo’s Signature Tiramisu  -  芝士香滑,  食落慢慢會有陣陣酒香味. 佢地嘅Cocktail - 都好好飲. 店員介紹 Auntie Maria A. Spritz - 少少甜, 清香果味. 佢地嘅店員都好nice 好有禮貌. 呢一餐食得非常開心. 值得介紹俾大家. 鍾意食意大利菜和地中海風味的朋友們可以試下 . ASK FOR ALONZO鰂魚涌英皇道979號太古坊電訊盈科中心地下6號舖…Read More