一個人一雙筷的个人专页

今日貪得意，見呢間野開左好耐，就去試下$73一個鐵板午餐，都幾抵吖不過一坐埋位，非常濟，但旁邊就係濕濕嘅地板，原來隔離走廊已滿佈水跡，正正旁邊天花就在滴水點左個牛肋條，無分幾成熟。點左個周打魚湯周打魚湯黎到，其實係一個忌廉湯，裡面無魚無蜆，只有一片淋左嘅塊乾，同埋好多咪生洋蔥同生西芹，好難飲餐包就唔錯嘅食完，上鐵板，但侍應可能因為自己都覺得路窄，所以放到遠遠，又唔收野。就咁放左鐵板，一滴汁都無以為轉頭有，有等左一輪，要叫先黎，一黎就倒落去，好彩個鐵板都已經無咁熱，啲汁都無彈到周圍係，加上鐵板仍在我遠方雖然個牛都算唔錯，份量都算大，仲有野飲同雪糕但無服務都收我加一，坐又坐得唔舒服，要我再黎都係no la…查看更多

平日嘅中午，呢間野明顯比黃金海岸嘅其他食肆多人全場爆滿，一個人被安排坐4拆2嘅枱，所以通道都很窄叫左個乳鴿，排骨腸粉，同2粒蝦餃乳鴿黎食，並且食晒，都未見另又2碟到。隔離枱遲過我入單，都黎左2-3蒸嘅點心。於是問個傳菜嘅職員，或者佢真係只負責傳菜，其他野一概不理。佢指指收銀，話問個收銀，之後就轉頭面向收銀方向，再去做其他野。無可否認，我坐嘅位置離收銀不算太遠，大聲同收銀講，佢應該聽到。當企係收銀旁嘅傳菜同我有眼神接觸時，我就大聲遙遠咁問佢，“係你問，定你叫我問”。佢居然話“你問”。我望一望狹窄嘅通道，我再大聲問佢“你係咪叫我行出黎問佢”，我諗佢個腦開始諗野，自己腳都唔洗郁，轉一轉個頭去問收銀之後另一個員工黎跟進，話蝦餃有落單，黎緊，個腸粉就漏單，問我要唔要其實傳菜呀，我唔知你個職位係咩架，你唔知咪搵個侍應黎招呼我囉。衰啲咪話呢個部問唔係我負責囉，早然你衰到叫我自己行去搵收銀。我當時就話坐得近少少個收銀姐，若果個客坐裡面又點處理呀唔知係咪我個蝦餃蒸得太耐無人理，結果黎左一pat野。我叫隔離枱果啲其實賣相唔錯…查看更多

早幾日路過呢間舖，記得之前有好幾個youtuber 介紹個呢間嘢， 所以想試，但係見到價錢咁貴，唔係好捨得，喺配喺舖頭附近徘徊咗好耐，到最後都係買咗聲稱好食嘅焦糖吉士。 睇住佢整發現成個crisp裏面都係cream 同幾粒花生。起初都無特別嘅感受 ，但係食食下發現其實我一路食緊一pat嘢，完全冇後感，我食戟一戟好過，價錢都冇唔貴，仲有球雪糕…查看更多

好大塊無味鱼柳,其實唔係預米之蓮質素,不過佢真係完全無味好彩有個沙律醬幫下手不過佢都炸得夠乾身同埋個包真係好難食最慘係接受唔到煙味嘅我比4個煙民圍攻.走唔甩我就唔會再去囉…查看更多

天寒地凍入去食個雞煲，緊係想熱辣辣咁食架啦成間野得幾個客一個人叫左一個半隻雞煲，一個白飯，都唔叫食得平呱雞煲上枱居然唔係連爐，我知我無叫火鍋料，但都唔代表無爐跟架嘛個煲上枱仲係凍架，佢本身唔係連煲煮熱比我，即係個煲只係一個器皿，咁你不如比隻碟啦，搞咁大煲有乜謂？天氣凍，食左一陣啲雞都凍左，無引食食下佢收起我飲完湯嘅碗都ok, 但佢收走埋我畢雞嘅匙羹食晒個煲個口仲𡁻緊最後一件雞，佢又收走埋我個煲同碗碟。阿姐，我仲食緊架，你洗唔洗咁好服務呀，你係咪趕收工呀，我筷子都未放低喎。我口裡仲有雞，都未講到野，示意我仲食緊，佢就勉為其難咁放返低碗碟其實當時先8:30pm，剛有人入黎食野，即表示未收工啦，阿姐，你做乜咁急呢…查看更多

說好的燶邊蛋呢？多士凍嘅都算，講明話係燶邊蛋，但啲啲燶邊都無。食茶餐廳仲好過，就算唔燶邊，都起碼會熱，除左杯咖啡係熱，所有野都係凍嘅。多士除左凍，仲要淋嘅。。。吉烈豬扒都係凍，但勉強可以。。。…查看更多

夜晚一個人去左鰂魚涌搵食，其實都只係路過搵食，所以事前無做過咩資料搜集，都係黎到先搵因為極少過港島區，鰂魚涌更甚，所以先行個圈。落雨嘅星期三晚，條街無乜人，餐廳亦無乜人，亦無排長龍嘅餐廳。不過經過好幾間西式餐廳，望落都係啲貴價，happy hour, 或者一個人去食好sad嘅餐廳。再唔係就得啲外賣店，無得堂食。到最後路過一間日式餐廳，格局大眾化一啲，望下openrice 個rate 又好高，加上見到個“雞白湯”拉麵，因為未食過雞白湯，一向都係食豬骨湯，所以想試下。見到佢個鯛魚雞白湯拉麵，好豐富，有魚有肉。我鍾意食魚，而個叉燒賣相亦不錯，仲有一隻溏心蛋。所以二話不說，入到去就揀左呢個，但結果黎到個賣相就係咁。首先黎到，我覺得好明顯係有陣“除”，或者係“怪味”。飲落個湯，我飲得出係魚湯，但我又唔明點解咁“怪”，有啲“聲”味，雞味就唔覺。另外，我唔明個賣相點解可以咁差，個叉燒同魚深藏不露都算，但點解要收藏埋隻溏心蛋？咁係想幫我整熟佢？入餐廳時大概7點半，其車同枱只有一枱客，心諗係伏定係正常嘅商業區？不過8點後就開始多左3枱客。當然我唔肯定佢地食乜，但我諗，係我唔識食，定係真伏？到最後，我係食得晒，只係無飲個湯，個叉燒係燒得好食嘅，鯛魚一般，溏心蛋係熟，個麵唔彈牙但飽。同埋入一到去，張枱邊係痴立立…查看更多

好耐無行呢個位，路過見佢新新地，記憶中佢之前係皮革舖都已經成9點，但間舖都仲好多人，好彩單拖易搵位。其實都幾鍾意食刀削麵，因為一般都係即叫即削，夠彈牙煙靭，無乜得見佢有酸蘿蔔，不過唔知係咪夜，好多瓶都所剩無幾咁。不過因為我張枱無，問佢，佢就攞到一瓶仲有好多，我都夾左一碟仔。酸蘿蔔非常爽脆，酸甜適中。好彩夾起左一碟仔，因為轉頭比佢收左比第二枱。若果每枱有一瓶就好喇。醉雞半雞都份旺都幾足，隻雞都算厚身，雞肉都好實，酒味都幾濃，仲有一隻少少糖心嘅糖心蛋。刀削麵份量其實唔係好大，不過眾所周知刀削麵嘅粉量好多，所以其實好飽。一如其他刀削麵，都係新鮮彈牙。個湯都好清，唔似有味精，亦唔油，都好好味。…查看更多

之前經過呢間餐廳，經常性好多人咁今日唔係好多人，可以即時入場。因為下午茶時間，又唔想食飯，就快呢個"鳥籠”吸引左。結果係一個非常一般港女下午茶，無乜野好形容，只可以想像係街邊一間唔出名嘅麵包舖搵得到嘅質素，只係放左入個鳥籠，加啲服務，加啲冷氣，就幾倍價錢加左入個唔知咩會，就$198+1（大概，唔記得），否則貴$100，好唔抵不過其他散叫飯餐，好似都幾好味嘅。另外就係佢裝修又真係幾特別嘅，有成棵樹放左入餐廳咁…查看更多

其實佢開咁耐，我想食佢咁耐，原因只係門口裝修夠特別今日約左人食下午茶，諗住skip 個午餐。眾所周知，一般早餐都係去到11am, 但出到太子，都已經11:10am 應該無乜邊間可以食早餐。突然醒起金沙角，諗住行去睇下有冇蛋撻菠蘿包果啲，配杯咖啡啦。一去到，見到門口寫早餐至11:30am, 就拿拿林入去。早餐都係果啲啦，不過第一次見到茶餐廳有電磁爐姐，睇黎夜晚可以黎打個邊爐。另外就係平時茶餐廳啲早餐，都係一堆食物咁比。煎蛋又會油林林，但呢度唔係，最感動嘅係佢肯比埋刀相信食過茶餐廳嘅早餐嘅人，都應該學識用匙羹當刀用…查看更多

黎開觀塘，想係觀塘搵食心知假日觀塘都好熱鬧，為免同大迫，於是搵食行遠啲上到黎點半鐘，餐廳唔多人，但一入場就話限時90分鐘。心諗，我就係諗住可以坐耐啲先黎呢頭，點知都係限時。有個waitress 帶位，我坐低左，佢放低左張單粒聲唔出就走左。我仲諗住佢會拎個menu 比我，但我再留意下張單，原來有QR Code, 睇怕都係自己點單見到我最愛嘅carbonara就點左，submit 埋之後先發現果個唔係 carbonara，係泡菜煙肉。不過算啦泡菜我都ok嘅。。之後再睇openice 原來佢個台式燉牛肉意粉好食。不過點左就點左，同埋唔見佢個menu 有燉牛肉。再見到個tiramisu 幾吸引, 但諗住時間尚早，食左個意粉先啦。不過發現openrice 個menu 同而家個menu 好似好唔同，連個tiramisu 個shape 都唔同。其實剛剛坐低時已覺得熱，不過又未至於好熱，加上周圍啲位都好似差唔多熱。等個泡菜意粉時，食客陸續進場，大概7，8成滿啦。泡菜到左，賣相幾好，但份量好少，食左舊泡菜，好咸，意粉本身無事，都ok, 但每一啖泡菜，我內心就話，好咸，一啖一句。仲越食越熱，食到有啲冒汗（我食得辣，所以絕對唔係因為泡菜嘅辣）食完成碟意粉，當然唔夠飽，諗住叫tiramisu，點知賣晒，命運就是如此。問問職員，原來佢地換晒menu, 所以openrice 果啲方型tiramisu同綠茶味都無左。餐廳唔算好忙，但我搵職員都舉左十幾次手先有人啋我，有一次我同隔離枱一齊舉，個職員都係serve隔離果個，serve 完都係無理我，走左。既然tiramisu賣晒，餐廳限時90分鐘，又熱到出汗，職員又無視我，睇怕都係命運叫我不宜久留，我走左落樓下Starbucks 飲啡坐下好過啦…查看更多

行行下街，發現原來成8pm，基於肚餓，又懶得走圍走，就入左呢間。再上網睇下，原來好似都幾出名。我就揀左blue cheese，因為客人唔多，好快就有得食但等嘅期間聽到微波爐叮叮聲。唔通個漢堡係叮熱嘅？餐到喇，漢堡唔算好大個，不過都高身，起碼一口真係咬唔晒。或者因為我吃嘅係藍芝士，佢果陣好臭嘅藍芝士真係好勁，我真係好後悔。我接受到藍芝士，只係我更鍾意嘅係軟滑嘅芝士。所以我揀錯左。漢堡我覺得可以，但我最鍾意嘅係薯絛，佢個粉漿好明顯同其他漢堡飽店唔到，佢好脆，但果隻脆，並唔係平時食嘅薯條，佢膽得黎有少少硬，但果隻硬並唔係負面，而係感覺佢就算凍左，都仲可以好好食，而且無咁易淋。成盒薯條，我未等佢凍就已經食晒，所以以上言論沒經證實。不過奇怪嘅係，我仲未知佢叮啲乜。。。同我個餐有冇關係呢？…查看更多

其實應該有兩年無黎過食，因為經常經過，但每次都見好多人排隊，所以好耐都無食。而另一方面，其實對上一次黎，我都係食奄列，但奄列已大不如前，因為以前食過，奄列啲裡仲藏有好多蛋汁，非常juicy ，好好味。但上一次黎，奄列內都無蛋汁，不過依然比其他茶餐廳嘅“奄列"好味，因為其他茶餐廳嘅“奄列”實際上都係蛋餅包火腿。今次再黎，我依然係食唔到以前嘅juicy，即使我望到對面枱果碟，都係比較乾。見對面有人食奶糊，個樣好似幾吸引，唔知好唔好食，但一個人食好似幾飽下…查看更多

對於一個人打邊爐，最好就係日式邊爐，但最好都係平日lunch, 有啲感覺其實時段會阻住佢地做生意。好耐無黎過呢間打邊爐，因為呢間成日都好爆，一來唔想等，二來唔想阻人做生意。對於現今疫情破萬，個個都唔夠膽出街，政府又限制得2人堂食，所以一個人食都唔覺得尷尬，又唔等位。其實以前都食過葵芳呢間同觀塘果間，食過兩次觀塘都覺得一般，但葵芳就好好味。我都唔知點解。我唔追求和牛，我追求係牛味，呢個叫嚴選牛肉。其實我根本分唔到精選，嚴選，特選其實有咩分別，我通常都係睇相同睇價錢。職員介紹呢隻係最瘦嘅，同時又見應該係最平嘅($179 90mins)，就佢啦。先黎一牛一豬，望落賣相都唔錯，我覺得肥瘦適中，同埋呢間係我食開少見嘅，即叫即刨，所以感覺非常新鮮，啲牛仲夠冰凍，夠挺身。不過只要啲水夠滾，淥兩淥就食得。其實豬都新鮮，不過個人對豬嘅興趣其實不大。呢間有好有唔好嘅，係其他任食嘅食物選擇不多，蔬菜嘅選擇還好，約5款。菇也有5，6款。但其他，如肉丸就少啲選擇。不過亦因為少選擇，就可以專注食牛喇飲品選擇就少左而家好多邊爐提供嘅茶飲，不過無糖飲品都有，仲有anson lo 嘅OOHA另一個值回票價嘅係Häagen-Dazs 雪糕，有4款選擇，我當日有芒果，雲呢拿，焦糖脆餅同比利時朱古力…查看更多

疫情關係，大部份馬灣嘅餐廳好似都變左只做外賣或者餐廳支持環保，我買左個外賣，但佢無比到餐具，但佢事前無問過我當我要食嘅時候，我真係唔知好喊定好笑，無餐具我真係唔知可以點食好又因為我已經離開左間餐廳好遠，無理由行返去我真係唔想用手食，無耐之下，我只好搵最近一間餐廳，面懵懵問佢可唔可以比一隻匙羹我食飯講返個飯，我叫嘅係滑蛋雞扒飯。除左個飯，佢仲送左個湯同兩件壽司，個飯真係好大盒，好重，其實雞扒個量好正常，亦可以講比正常大少少，但我就唔係好覺個滑蛋，似食蛋花多啲。至於個飯，又係比正常嘅大。其實論果腹，絕對值得推介，但味道就。。。。。唔難食嘅…查看更多