shizukawing's Profile

今日放假早起，同老公諗住搵間cafe 食個hea 早餐。佢話上次經過呢間可以試下，就專登開車過嚟，最終食到一肚氣。Americano: Espresso 加滾水。。等左半個鐘😒吉列豬扒多士：係好食嘅，等都可以嘅，個豬扒好脆宇治抹茶鮮奶：幾滑唔甜嘅，老公話不錯平日早餐可叫半份沙律，老公叫左，叫嘅時候原來hang 左下機，原來漏左單，40分鐘之後先知，最後我係得跟咖啡個迷你牛角包食😑另一個扣分原因，一間走文青路線嘅cafe.. 係一個唔多客，個個都細細聲傾緊計嘅時候，果幾個staff 係counter 後係咁爆粗，係成句十個字，一半都係粗口字果隻😑😑😑 破壞晒。所以，行開你可以諗下，但附近一定有更好嘅選擇。…Read More

今朝睇早場，買完飛見旁邊有早餐食，諗都無諗就食。。去到竟然無server，有一下以為係唔知邊到買完攞過嚟食。。終於自己坐低自己攞menu，個server 姨姨先出現，全店得佢一個。叫豬柳早餐話無豬柳，問佢可以轉咩，問三次都係話無豬柳🙄，咁我話我想食蘑菇，所以想要呢個餐，無豬柳可唔可以轉腸，佢先話得。老公叫腸加茄汁豆早餐，嚟到時佢果條係珍寶腸，我果個係細條腸，一樣價錢點解條腸會唔同。。算，個菇先奇，一食已知係罐頭菇，西式早餐竟然俾罐頭蘑菇同草菇！！！！係，草菇！！！想點？跟餐嘅所謂沙律菜係裙黑邊的！！眼見另外兩檯叫埋單，叫到忍唔住行出去企係度等，仲要計錯，一千零一個慢到不得了嘅server，仲要錯哂，個個都自己攞嘢算，人都癲！…Read More

今日行過，見到台灣嘢眼前一亮，就走左入去食。我係台灣牛肉麵嘅fans，所以叫左古早牛𦟌麵。佢另外有清湯版，但我都係鍾意紅燒嘅湯。。第一啖先試湯，umm 覺得如果真係要同台灣比，佢係淡左一點，五香嘅味道唔夠重，湯可再煲濃郁點。。麵係用陽春麵，唔係太索到湯嘅味道，但牛𦟌幾好味，本來怕會好難咬，但係好林又無痴牙。。下次會試其他嘢珍珠奶茶都係偏淡少少。。可試其他嘢飲。。不過，題外話，做食客都要有品的，我頭先食食下遇到三個一齊嚟嘅女人，想我同另一邊個都係食到一半嘅女仔其中一個起身讓張檯俾佢一齊坐，講真，我未開始食有咩所謂，但已食到一半啦。。店員叫佢地分開坐住先，無可能叫我地食食下起身，佢話，咁我食第二間囉，店員無理佢，佢望下我個碗，見食淨一半就話坐低先啦咁，但坐低後又繼續講話唔明點解唔叫我地起身，起碼講多兩三次，終於我都忍唔住講，我食到一半妳覺得叫我起身無問題？我就得啦，食完咪俾妳囉。。果時，我嘢飲都未嚟，所以同店員講，我外賣杯罷啦，廢事阻住人地坐埋一齊😡😡，店員都笑笑之後整俾我。。我衰D 就唔出聲再慢慢飲埋杯嘢先起身，但廢事再見到佢個樣，所以起身走！做人做食客都不要太自私呀！…Read More

最近呢間店好似好hit，又話要排隊，係睇晒咁多位師兄師姐嘅食評後抱住無期望無失望，要排就即走嘅心態去食。。今晚六點半已到，未坐滿，所以入左去試。。環境方面，其實同茶餐廳無分別，好窄下，身位比較大件的話去食會有點辛苦。。話左睇晒大家好壞參半嘅意見，心目中大概知道邊個飯係伏，同埋大概知個量，所以四個人打算叫三個飯，剛好每個價錢揀一個，白飯油飯菜飯試晒。。湯就一坐低就有得飲，睇其他人comment都幾好奇，有人話好有住家湯健康果隻，有人話例湯，而我飲完絕對覺得係後者😑聽聞龍蝦係必叫，又見到隔離檯食，多嘴問一句，隔離個食緊嘅小姐話都不錯，建議蒸嘅。。所以叫左。。龍蝦蒸肉餠賣點應該係果份創意，龍蝦肉應該係整左入肉餅裡面，所以幾彈牙，但味道只屬非常一般，其實無話好香蝦味，反而淡淡地，呢個價位真係唔係好值，但話晒鎮店之寶試下ok.. 我都係鍾意食出面d 籠仔蒸蝦飯多d..咸旦黃煎肉餅呢個反而幾好味，因爲我地問左落單哥哥，佢話煎會惹味點，所以我地煎，都真係好香口，好多咸蛋黃，幾正，呢個推介土尤煎肉餅ehhhh..... 正常到不得了，無話超好味咁囉。。至於白飯，菜飯，油飯都偏硬，食到D米絕對係茶餐廳果d，假如整肉餅咁有心機，何不用靚少少嘅米，軟熟果隻去襯返熱騰騰嘅肉餅，效果可能會上一個層次。。總括嚟講，未試嘅唔係一定要試，路過唔駛等抱住食茶餐廳嘅心去食可能有驚喜點。。我覺得最近嘅報導名過於實。。…Read More

係附近返工，都係第一次食，全場有六至七個位，所以今次食都係同事一個星期前訂位的。入到去可能剛開鋪，好熱，都要忍耐一陣，環境就真係一般的，如果想坐得舒適，未必係你嘅選擇午餐有魚生飯，壽司拼盤選擇，價錢偏平，同事形容爲争鮮價，但好過爭鮮嘅質素，但難得有檯，我地選擇揀自己鍾意食的，逐件叫。。我total 叫左十一件，因為聽聞唔算太大舊，坐吧檯的話會好似高級壽司店般，放個長碟係你面前，整起一件俾一件你。。我地坐門口高檯，就要等耐點，整起幾舊先出一轉。。頭輪我無影相。。叫左墨魚。。正常芥辣八爪魚。。麻麻。。我自己鍾意八爪魚係生嘅，滑滑的，但佢呢隻係熟嘅玻璃蝦。。同爭鮮一樣的第二輪如下赤貝。。麻麻。。好薄一片蔥碎吞拿魚。。最好味的油甘魚。。都幾肥美海膽。。都係好麻麻最接受唔到。。其實係。。壽司飯竟然係暖的😅總括嚟講，係抵嘅，但質素絕對普通。。…Read More

其實係附近返工，經過無數咁多次，但都無食過。。今晚本想去佐敦食晚飯，但實在無位泊車，咁不如返大角嘴食啦！大角嘴而家實在太多隱世好嘢食，其實食burger都好幾間，問老公食咩，泰國嘢，車仔面，burger都話唔好，所以經過呢間時諗住行過就算，點知佢停，佢話佢唔食burger可以食pasta，所以入去了。。舖面其實幾少地方，有位先生主動移位先俾到兩個相連位俾我地。。三心兩意下揀左Buffalo wings我係超鍾意食的，有的話我一定叫。。呢個仲要幾有水準。。雞翼炸到好脆，但唔乾，咬落去裡面仍滑滑的，火候恰到好處，值得讚！Danish blue cheese burger好香，個牛肉好juicy，塊煙肉都係juicy，唔係岀面好多都係crispy嘅，我自己比較鐘意呢種，bluecheese 食到好中間先食到，本想話咁孤寒架得咁少，但咬落去又覺得剛剛好，bluecheese 味搶，落多了返而喧賓奪主，而家就平衡點，薯條亦炸得剛好，脆但唔乾，放左一陣先食都無話淋晒，負責廚房炸爐的應記一功Shrimp carbonara 好香，好creamy，但我只食了一啖，因為係老公的整體好好食，但因為所有嘢即叫即整，要有心理準備等十五分鐘以上，我地等左二十多分鐘先有得食…Read More

曾經係萬豚屋多年fans, 久不久心血來潮就會去食碗石燒豚肉豬骨湯底烏冬，其實幾個月前食過一次，覺得係差左，但依然好多人食，琴晚係尖嘴諗嚟諗去諗唔到食咩，心癢癢俾多次機會佢，同老公行下行下到左，諗住又要等一陣，點知令我O嘴嘅情況出現在眼前。。無人排隊，仲要有個店員定老闆在門口兜生意，我地停一停佢已問我地有無食過，有位禾，所以基於已唔想行，就入左去。。入到去，好似比以前黑左，成個氣氛好奇怪，只有一半檯有人，我地就叫左。。照燒雞翼石燒豚肉烏冬石燒豬軟骨烏冬覺得好似加左價。。雞翼嚟先，都算正常嘅味道，暖暖的燒汁，不過不失。。我嘅石燒豚肉烏冬，一如以往滾住上，但飲了一啖湯，已覺不對勁，無左以前果種濃濃嘅豬骨香，淡左。。豚肉呢，以前肉面係白雪雪的，入口即溶好好味，而家呢，個肉面係燒過嘅，肉有點硬同帶點酸酸嘅味道，好似煮過頭咁，烏冬好普通，因為我地無加$10轉讚歧烏冬。。我係一路食一路失望老公嘅豬軟骨我無試，但佢話都叫ok.. 我老公對食嘢無咁高要求，佢食我一舊豚肉都忍唔住話唔好食。。杯茶係凍的，水都無加過一次，但都係要俾加一架禾。。總括嚟講，未試過無必要試，如要排隊更加唔駛諗，以前食過就預左會失望。。係可惜，但我就決定唔再去喇。。…Read More

今晚一行七人連一個BB飯聚，因有bb, 一早book位，朋友打來訂話無問題，仲提人齊先好入。訂730,720已到，然後同我地講我地無得訂，以為自己搞錯，但原來有另一party中伏，佢地訂700都係無得入，終於815先有得入，期間個四眼帶位亦惡聲講，我地無得訂，一定要等。終於坐低，燒牛肋骨，牛舌不過不失，但唔明一碟菇都收好貴，算！熟食超一般，炒年糕純熟街邊quality, 牛肉窩好大但無味，海鮮薄餅好粉！到埋單好在有check, 收多了五花腩，生菜白飯同麵，同佢講又唔係好理，pass around 4 個人處理，最後老板娘減返，反映下佢就賴d員工，不知所謂！…Read More