Lucifer_Sakura的个人专页

飽點不嬲都係小女子至愛，而粉麵就係馬騮至愛。所以上海菜館就可以一次過滿足兩個人嘅慾望！呢間上海菜館係西環開業無幾耐，主打手拉湯麵同傳統上海小菜，是日就點左兩款菜式，來個小試牛刀。酸辣湯麵(追加排骨)：排骨肉嫩多汁，無乜油膩油。酸辣湯酸度夠，材料亦豐富，但稍少了點辣。麵質彈牙，份量比較少，女仕食就剛剛好足夠。生煎包：湯汁多又鮮包底又薄又脆肉餡份量適中。餐牌：其實呢間餐廳仲有好多選擇，下次有機會會再嚟試。…查看更多

細蓉ｰ即係雲吞面相傳做法：匙羹攞底，再放上雲吞，再放上麵，咁麵就會無咁易淋哂。雲吞麵嘅靈魂當然係雲吞同麵，呢間位於上環嘅舖頭，打住"細蓉"嘅名號，賣嘅係粉麵同點心。就等日食最少一碗麵嘅馬騮仔(因為唔鐘意食飯、日日唔係麵就係米粉)同人稱吃貨中嘅吃貨ｰ我 深入去一試究竟！是日揀左三樣嘢：(1)當然係細蓉ｰ麵質彈牙，值得一讚。可惜湯底沒鮮味，只有咸味，雲吞太細隻，有種將貨就價嘅感覺。($30)(2)叉燒腸ｰ普通，非常普通。並不是難吃，只是皮太厚，厚到像普通×佳惠×買的叮叮腸粉。(3)港式奶茶ｰ茶底原本是不錯，可惜落奶嗰位重手左。**但值得一讚是他們的辣椒油！**油香而不會過辣不能入口！…查看更多

之前經過覺得好得意…今日同馬騮+熊貓去旺角行街、咁就一於去試下！！店面我哋都揀好屬於自己嘅配撘後、就去俾錢、我揀左蘋果+哈蜜瓜+西瓜、味道非常好！甜甜地又易入口、撞正天氣勁熱、消暑一流！舖頭仲好細心、會印番我嘅配撘嘅營養成份同卡路里俾我！咁樣嘅新鮮果汁mix and match都係二十零蚊一杯**後記**馬騮揀左青瓜+西瓜+檸檬，沖完出嚟連個店員都嚇親、連佢都未見過、啡黑色！好在都唔難飲………查看更多

今日收工約左熊貓去旺角買嘢…經過呢度時…熊貓抵擋唔住門口個妹妹熱烈推介…加上佢本身係芝士迷…所以就來一試究竟！店面唔大…只有兩個坐位…大部份客人都係外賣…呢度除芝士撻外仲有其他甜品…同埋糖果奶昔…聽落幾特別…但是次小妹無試…所以唯有留待下回再探討主角出場！！熱哄哄嘅芝士撻…同最初想像嘅唔同…芝士味唔太濃…但個餅底出乎意料地好食！有牛油香…鬆化…正！…查看更多

其實已經試過朗豪坊嘅baby cafe .知道屯門開左…一早就想來試下…但無奈收工收得夜…每次返到屯門已經關門了…今日難得放假…所以同熊貓就決定來一試究竟！！呢度同朗豪坊唔同…係先付款購票然後坐低等食嘅…我哋叫左個set(2主菜+1小食)主菜：芝士香草肉醬意粉 蕃茄味濃…但無乜香草味…意粉太冧了…小食：焗帆立貝呢個味道good good …有啲酸酸甜甜…帆立貝屬細size…一啖一個同場加追：…查看更多

是日收早呀～飯腳小豬說帶我去九龍城食好嘢見佢誠意拳拳自己又為食捨命陪君子…來就來吧！呢間位於南角道嘅"越粵會"…門口睇落似一般粵式菜館…但當我坐低後…發現餐牌上嘅菜式都幾特別…有泰式咕嚕肉…秘制德國咸豬手…仲有唔係好多地方食到嘅黃酒雞…菜式選擇都幾多…是日菜式：先來了個潮式獅奄…獅奄係生嘅…小豬話生醃最能表現到獅奄嘅鮮味…我試左少少…都唔錯…但由於第一次食獅奄…未適應其獨特味道…只食左數隻…其他小豬食哂再來個十大推介嘅鮮虾腐皮卷…腐皮入口香脆…內部虾肉份量多又彈牙…點少少喼汁食…勁好味香茅豬柳條…碟豬柳條未落枱已經聞到好香…食落好冧唔油膩…但可惜稍嫌香茅味唔入味…只係喺面撒左啲味粉…所以只聞其香食無其味值得一讚係呢度啲嘢食幾抵食…每樣都係幾十蚊…以下是餐牌：同場加追：其實小豬星期六先食完…但食過翻尋味…仲話個避風塘茄子係推介咁話…以下是小豬當日嘅菜式照片：…查看更多

小妹喜愛有open area的餐廳…因為通風之餘仲可以……您懂的！上次朋友介紹呢間餐廳新開張…今日經開旺角…走到有點累了…所以就決定來試一下…餐廳位於朗豪坊戲院旁邊大厦…門口很少但也不難發現…先來個飲品開開胃這個蘋果酒酒精不高…少少甜…襯托有colour嘅冰杯…靚得來又好味…($32)再來個小食：起司培根焗薯皮(with chess and bacon)$38薯皮香口…配合兩款醬料都好味…只是略嫌芝士味不足香辣炸雞翅$32酸酸辣辣…雞翼不會炸得好過份…唔熱氣…個味都好夠總括來說…嘢食幾好食又不太貴…位置方便…在旺角鬧市很難找到像這裡咁好環境又幾抵嘅地方…下次會再來…查看更多

小女子其實原本是係唔太愛打邊爐因為中國菜式博大精深…煎炒煮炸燜燉焗…幾時會出現有"烚"丫？！但馬騮仔平身係勁愛打邊爐…所以佢決定帶我嚟老三…希望可以薰陶一下我結果我真係俾佢薰陶到現在久不久都會嚟打下邊爐上一次食老三已經係上一年嘅事…今次我哋就叫左以下呢啲：老鴨湯底：呢個鴨湯係先飲湯後打邊爐個湯個色好清但味好濃老闆話係用老鴨+好多藥材餚出嚟跟住再放入嫩鴨所以食起上嚟鴨肉唔鞋口個湯又夠味**其實呢度仲有其他湯底…例如胡椒豬肚等…因為小妹愛飲湯…所以每次都叫呢個**醉雞丸(左前)：呢個都係每次都叫…因為出面無得食雞肉嫩…中間包心有酒…所以好香放心…食多幾粒都唔會醉美國桶蠔(右前):桶蠔好大隻…新鮮花枝片(左中)因為係薄切…輕輕烚一下已經可以食新鮮彈牙…所以食完一碟再encore了仲有花膠仔…手切肥牛…駝鳥肉…炸魚皮…皇帝菜…芝心丸…蜂巢豆付等等值得一提嘅係呢度嘅芝心丸同出面唔同…啲芝士勁多一啲都唔嘍囉其實鐘意嚟老三除左個湯底外…最鐘意係呢度啲食材夠新鮮…又多選擇…唔似一般出面打邊爐…食嚟食去都係嗰啲…單單淨係菜蔬呢度都有十幾款選擇…所以連唔熱愛打邊爐嘅我都被佢吸引到…查看更多

是日天朗氣清…見天氣唔係好熱…就約埋馬騮仔同埋兩個朋友去長洲郊遊一下去長洲點少得食下海鮮我哋今日叫左8個餸…聽落好似好多…個其實知道呢度啲份量不嬲係細碟啲…所以叫多幾款試下豉椒炒蜆：蜆就唔算大隻…但個味都幾夠亦無好似出面有啲餐廳咁炒完出嚟得個殼…無哂啲肉椒鹽瀨尿虾+炒菜虾就唔係太新鮮同細隻…椒鹽亦唔夠入味…無乜蒜香椒鹽鮮魷+薑蔥蟹蟹雖然細隻啲…個味道炒得幾好鮮魷唔會太多粉…不錯不錯白虾虾虾明顯比瀨尿虾新鮮…中虾size蒜蓉蒸蟶子蒸得有點過火了…其實有8隻但口快過隻手…已經食左了總括來說係抵食嘅4個人8樣嘢飲埋啤酒汽水先四百幾五百蚊…平食海鮮來說算唔錯…查看更多

第二次惠顧鴨子…這次坐在外面的open area..看著夜色真的不錯！上次試了這裏的片皮鴨和生煎包…這次就試其他吧～是日點了桂花鴨件…小龍包…桂花拉糕…桂花蘋果…小妹特別喜歡桂花的味道…就來個桂花之夜吧～桂花鴨件：一碟四件…是片皮鴨+青瓜+桂花糕+薯片…沙律醬伴碟…口感奇妙…脆的軟的都一起來了…但估不到這奇妙的組合十分可口美味…桂花和青瓜中和了鴨片的油膩感… 還增添了一份香氣桂花拉糕：都係一碟四件…拉糕就是糯米糍的感覺…本身淡淡的…加了桂花汁…一起吃的時候就想起了酒釀丸子了桂花蘋果：誠意推介！！看樣子以前會好甜…但吃了後就不覺得了…因為其實外面泡著蘋果的不是糖漿…是煮好的桂花汁…蘋果中間填了像八寶飯那種甜糯米…加上蘋果的清新酸甜…好吃都不行了！！…查看更多

今日叫左熊貓做苦力…就同佢去左奧海城食嘢…因為無咩特別想食…就去左大食代…貪佢有多項選擇…可以各自叫自己鐘意嘅嘢食…我就揀左呢間粉面試一試我就叫左個炸醬面+菜先講個面…面質唔錯…彈牙…個炸醬汁味道可以…略嫌唔夠多同濃…唔足夠撈哂成個面個湯唔咸…但差啲虾子香…仲有個菜…普普通通囉總括而言…清淡口味…不油不膩Okok…查看更多

好耐無嚟嚕…今日馬騮仔話要氹下我…好！就拋下工作食食食以前呢度好旺㗎！成日排隊但而家顯然靜左…今晚只有我哋一枱客…不過都好…可以靜心欣賞師傅手勢…我哋揀左鐵板前嘅吧枱位…點左個2人餐簡單嘅沙律頭盤燒鮑魚…肉質彈牙…juicy無雪味呢個正燒銀鱈魚…外脆內軟連平時唔係好食魚嘅我都覺得好味另外加嘅牛…師傅手勢好…牛肉外面剛熟…裡面肉汁全保留…加少少蒜片勁香口呢個雞扒都好好㗎…師傅將雞皮煎到好似脆豬肉乾咁…無油…脆卜卜…雞肉嫩配上少少辣嘅汁…good！！最後來個炒雜菜…大滿足了！！後話：呢道嘅服務真係唔錯…連幫您收嘢都問下您先…老闆都落手落腳親力親為…而家好少地方有…查看更多

之前見呢間新開張…咁啱又開始凍…就來試下佢嘅煲仔飯今日揀左(臘腸排骨飯)煲仔飯係即叫即制…要等30分鐘個飯好香…飯焦無過燶…係條臘腸細條啲另外叫左個菜心炒牛肉人哋話越簡單嘅菜…餐廳好多時會求其…但呢個菜心炒牛肉好good菜心炒得香而翠綠…牛肉入味唔嘍囉…意外之選！！…查看更多

女生10個有9個都鍾意食日本野..但來來去去都係壽司真係有D DRY..所以居酒屋先可以滿足到好似我呢D為食女生.(/^o^)/別府0係香港好多年,由以前出名賣地獄拉面..到而家成為有眾多小食既居酒屋,小妹都有一直支持,最近就來了銅鑼灣這間.是日點了以下菜式(≧ω≦)鵪鶉皮旦豆腐: 這個是新菜.涼伴似台式做法,豆腐滑,但醬汁咸..雖然用鵪鶉旦做皮旦感覺特別,但始終鵪鶉旦旦王部份比較多.做皮旦會咸D,加上咸醬汁,令整個菜式變得更咸了.....柚子鹽麴蕃茄:日本流行一種調味料「鹽麴」，由於鹽麴經過發酵，不但味道比一般鹽巴更有層次，裡頭的活菌，據說能促進健康，還能養顏美容.所以我就點了這個試一試.蕃茄新鮮JUICY....D 鹽麴食落都幾得意,好似啫哩.咸咸地.(@ v @)..不過兩樣野好似唔係好夾.鬼山地獄拉面:呢個我無食..因為小女子唔係好食得辣..但別府出名地獄拉面.加上馬騮仔每次黎都會食..我估應該幾好食蚧子七味虾丸串:細細粒,,會比想像中好味(因為個賣相唔係咁好)呢個真係好出奇....出奇在啤酒係無啤酒味(一_一)仲有呢D.....(^ 3 ^)…查看更多

小女子雖然在香港土生土長…但骨子裡始於也是個台灣人…所以對台灣菜總是情有獨鐘(^β^)易牙妙手主打台灣小菜面點…所以每次來吃都有回家的感覺…今次點了這些：皮旦豆腐豆腐：醬汁好味…不咸…皮旦混合木魚花…只是略嫌豆腐不夠滑……牛肉麵：清湯牛肉,湯汁濃味而色清,配以蘿蔔為配菜,蘿蔔吸收了牛肉湯.GOOD GOOD (...> <...)…查看更多