Yuni_Sum的个人专页

同朋友去牛大人食，因為朋友有優惠券，所以去咗食午市90分鐘吃到飽火鍋放題。本來之前先上openrice睇餐牌，見到食物款式好吸引，都好期待，到當日去食，食物的種類比一般日式火鍋多，而且湯底的確足料好味！不過冇諗過，員工工作手法係我哋惡夢開始！90分鐘吃到飽，不過只係食咗大約30分鐘就同我哋講仲有15分鐘就截單！吓？唔係掛？我哋仲有大約60分鐘喎！減埋你個15分鐘都仲有45分鐘！咁唯有叫多少少食物食同拎多一轉食物就係咁淥係咁食！食物仲有一定分量我哋又未食飽，已經催我哋交枱，仲同我哋講如果要繼續坐同食雖要每人俾多70元｡我再睇時間，我哋過咗時間多咗8分鐘！我當時即刻望一望係咪好多人等，點知唔只冇人等位仲要好多吉枱！不過OK！我遲咗8分鐘交枱俾你哋係我哋唔啱！唔係自己同為做服務業體諒員工，已經想鬧佢好耐！食咁多次火鍋放題冇一次因為時間預錯問題，而預錯食物分量浪費食物囉!冇可能60分鐘前催埋單囉！仲有現在疫情問題，其實好多火鍋放題見冇咩人等都隻眼開隻眼閉，不過多數我食物預啱分量最多仲有甜品食緊，所以好快可以交枱，從來冇試過好似今次咁預錯分量唔可以交枱前清食物囉！仲要話每人俾多70元坐1小時，雖然話可以再叫食物，不過我哋只係想清晒枱面食物，更唔可能再叫食物唔想浪費，咁就要每人收多70元？錢不是這樣浪費的！同埋好多火鍋店都冇一定執行，所以寧願走！雖然話店家唔係老奉俾你遲交枱，不過好多任食餐廳見靜場時間，都會通容一下，又可以留住客人心又減少浪費！呢間餐廳可一不可再囉！…查看更多

  好耐之前知道The one新開一家食厚吐司的cafe,不過一直都沒去過,前兩日行過The one經過好奇想試下,不過可能太遲去原故,前兩日去到籌都已經派完,星期六兩點幾去以為開到八點一定會有位,點知棟個派完籌o既牌出來.......今日十一點幾去到博下有冇籌,點知畀我博到~之前好奇拎個menu睇個時,就好想試下個抹茶紅豆蜜糖吐司,結果今日試到,仲試埋個玫瑰蜜香奶茶~抹茶紅豆蜜糖吐司呢款吐司睇相時已經覺得好吸引,因為我鍾意個馬卡龍~吐司份量好大,食完都可以當午餐,而已材料份量都好足,同相一樣~最後更加食唔晒個吐司要打包,至於味道方面,本身抹茶配紅豆已經是絕配,用呢個絕配加入吐司都不會有遺和感,只是可能因為有太多蜜糖同奶油,最後越食越甜,若果奶油少一點就剛好了~吐司來到時員工會等客人影相後才切吐司方便客人食用,呢種貼心服務值得一讚~本來懷疑個吐司值唔值$90,不過份量同味道都對得起此價!玲瑰蜜香奶茶玫瑰好茶唔只呢間cafe有,之前都有係香港飲過玫瑰奶茶,所以我自然都會做個比較,不過我落單時就唔係好明點解唔係一杯而係一壺,最初我以為個玫瑰奶茶同之前飲個D差唔多,不過來到之後先知原來係一壺奶茶另加玫瑰花瓣,客人可以隨自己喜好加入花瓣,加入花瓣後個奶茶傳出玫瑰清香,飲個時都會食到花瓣,滲入奶香味的花瓣就好似浸淋的脆脆一樣,不過要浸淋先好食,唔係會苦的同呢個玫瑰奶茶係我飲過的玫瑰奶茶之中最好的,因為奶香味足,奶茶味同玫瑰香變成絕配了~ 呢間餐廳係試業,見到個日期都只係至到22號,唔知之後會唔會繼續營業,若果繼續營業的話我都會再去幫襯~試後就會覺得早去排隊都係值得~…查看更多

其實已經食過幾次了~每一次都好滿足呢~我個人黎講唔太鍾意食太濃味太辣o既食物,不過覺得可以接受個米線o既味道,只係食到最尾個陣真係太濃,可能下次要叫落醬落得輕手記得最初食o既豆花米線係用硬豆腐製成,後來轉用了軟豆腐,個人覺得最好有兩種選擇,因為兩者都係正宗雲南豆花米線做法,雖然我個人都係偏好軟豆花米線,而香港人一聽到「豆花」二字就覺得豆花應該要入口即溶,不過硬豆花總有人欣賞的以下是食物評語硬豆花:豆腐比較有口感,不過個人覺得做湯米線比較適合軟豆花:個人比較偏好,軟豆花有個好處,因為可以溝淡小小味,加上軟豆花比較容易撈入米線中,名符其實的豆花撈米線豆花米線:撈米線的肉醬好香口,不過淡返少少會比較好,食到最後有點過咸,辣味方面可能是因為沒特別要求要辣的程度,所以可能一般都畀幼稚園辣,不過因為個人唔太食得辣關係,呢種程度都已經可以接受,更辣就未必接受到了牛尾米線:個人最喜愛的米線,應該是暫時唯一一款唔辣米線,呢款米線o既汁比一般牛尾汁淡,容易入口得多,最驚喜係連蘿蔔同西芹都入晒味,完全食唔出西芹本身個種味~我一向都唔鍾意食西芹,不過今次連個西芹都唔放以下係小食,不過就冇試過幾多款式,畢竟唔係樣樣都o岩食雲南豆腐仔:個人覺得太辣,第一次買個陣搞到連碗米線都好辣...........水煮牛腩:辣程度比想像中小,牛腩比較淋,值得一試小黑鵪鶉蛋:這個不知道有冇估錯,應該似是魯水蛋,不過味道算濃,一碗米線配一兩隻都唔錯~ 最後放圖~…查看更多

今日放工後回青衣城,打算吃個下午茶烏冬,因為見到赤丸有做下午茶$29一個烏冬,所以就唸住吃個平價美味烏冬~點知烏冬一來到,發現唔對路,點解烏冬樣子怪怪的?感覺好似酒樓火鍋烏冬咁款,心唸住可能係我錯覺,食落可能冇事,點知食落就知並不是錯覺,口感絕對係酒樓火鍋烏冬!我當下根本食唔落,待應見我反應怪怪的,於是就問我有咩需要幫忙,我就話烏冬食落去一D都唔彈牙,佢之後拎走o左個烏冬,問清楚之下就回覆我應該係今批烏冬有問題,問我要唔要轉其他,我就轉o左食個饅魚飯饅魚飯黎個時,其實我已經唔係太有心情食,加上饅魚飯唔特別好食,首先個饅魚又薄又少,饅魚飯加入蛋絲並不配撘,汁都過醎,感覺隨了烏冬外飯都不太好吃,若不是今次烏冬出問題絕對不會叫飯!未必唔會再有下次,不過真係唔太希望下一次再幫襯再食到噹噹貨色烏冬,係赤丸出現實在不能接受!…查看更多

係南丫島行大約三點幾肚餓,就去o左蔡記醫肚,因為未出糧所以唔可以食太貴我同朋友叫o左每人一碗牛腩幼麵同凍豆漿,另外都叫o左煎餃子同煎豆腐,食物都黎得幾快,餃子同豆腐賣相唔錯,錯落去都幾香口,最值得讚o既都係牛腩麵!牛腩麵黎個時已經嗅到好香清湯牛腩味,麵中有唐生菜做伴,其實伴菜未必會好食,因為始終唔係主角,不過個唐生菜煮得好霖,d牛腩味入晒落去d菜到,真係值得一讚,煮麵落唐生菜遠遠比菜心好~牛腩件件都肥瘦適中,唔會有一兩件偏肥或偏瘦,一碗美味o既牛腩麵我就已經愛上~豆漿都唔差,可能因為行得耐比較口渴,所以就覺得呢杯豆漿簡直係人間極品,冰凍度一流,直情想一次過飲晒成杯,若果唔係因為冇太多錢,我一定會一次過飲晒成杯後再叫一杯!…查看更多

其實係去南丫島之前,我都睇過openrice食評,有好有壞,有d相睇落都覺得粗糙,當然都做o左個小總結,就係越早去會越有機會食好o既豆腐花~不過當然最好係抱住平常心去,唔好真係比太高期望,往往就係因人人都比太高期望而失望而回今日係南丫島行私影,原本因為怕天快黑難影好相而選擇早出發,所以理所當然去食豆腐花都係大早o既事,去到建興都大約十一點,去到個時都唔係有太多人排隊,就係因為咁,我對佢o既豆腐花就比較有信心,因為人多會失準,係正常o既事,講真句,就算糖水鋪有晒方法程序,忙起上黎都唔會真係跟足程序吧,大約就算,更何況亞婆都只係小店,更加唔會有咩一定方法程序,佢都只係靠記憶經驗去製作,失準都唔好真係怪責亞婆.講回豆腐花~行到過去買o既時候都傳出豆香,睇佢賣相個時都睇得出應該好滑,咁買前就更加有信心失準機會偏低.雖然天氣偏涼,不過我堅持食凍豆腐花,盡管有食評話熱豆腐花滑過凍豆腐花,始終講食糖水我都鍾意食凍我朋友都叫凍豆腐花,不過佢就叫走甜,我就由得佢落糖水,因為我想試傳說中o既薑汁糖水其實豆腐花真係入口即溶,而且都好滑~其實我都聞到小小燶味,不過只係輕微,食落去都唔多覺,佢有個神奇之處就係開頭食會覺得好淡,不過食落去就會越食越甜,你最初食會因為太淡而想溝糖水食,食下食下就會開始食到糖水,所以最初食就好似沖淡個口先,之後中間先至係最好食o既時候,到最尾........說真的,唔鍾意食太甜的話真係唔好食到尾,因為真係好甜整體黎講個豆腐花真係keep到水準,因為我早去食吧所以好好彩地食到好味豆腐花只係我食個時見唔到亞婆只係之後再次經過先見到亞婆.................食到失準豆腐花o既,唔好怪亞婆,要怪就怪你自己點解唔早d去…查看更多

首先抵讚o既,就係食物真係用料十足!我同阿媽仲有佢朋友叫o左幾個點心,首先有叫o既當然唔小得蝦餃同燒賣,鮮蝦菜苖餃,紅油抄手,鳳爪,鮮菇竹笙腸粉,奶黃包,薑茶湯圓.蝦餃,鮮蝦菜苖餃:用料十足,起碼食到o既唔會係外皮幾尺厚.鮮菇竹笙腸粉:第一次食,同想像中一樣,唔錯鳳爪:個xo醬幾香,食落有少少辣薑茶湯圓:薑茶唔會太辣,容易入口,湯圓未至於皮薄,不過食落口感都幾軟身其餘o既都唔錯.不過有樣野,就係食物再好都冇用,就係員工真係好有改善空間.事件1我被安排去一間類似細房入面坐,之後窗口位有人賣單,我想轉位,問個員工可唔可以安排一下,佢就好似有點不滿,佢話出面有人等緊,咁我就算,反正我都只係想問下事件2我行去洗手間途中,條路算幾逼下,有兩個員工咁o岩企係到,佢地兩個應該咁o岩傾緊計,有講有笑咁,我行過去個陣,其中一個唔小心踩到我,其實我心唸算吧,不過佢踩到我完全冇同我道歉o既意思,正常人踩到野都會望下,連望都唔望下,唔係我講o左句"你踩到我喎"我相信佢係唔會察覺,呢個係唔細心之處,之後o既道歉都唔太見得佢有誠意.事件3我之後想加單叫多個甜品,不過就想了解下有有d甜品係點樣回事,我媽個朋友叫個員工比點心紙o既同時,亦都同佢講我有疑問,不過個員工就比完個點心紙就走o左,我最終有問題都問唔到,我真係好想知個員工究竟係聽唔到定無視客人,前者的話就即係佢唔夠細心,後者的話就真係需一需要去訓練一下個員工.事件4我最後落單係叫o左兩個食物,係薑茶湯圓同福井蘿蔔糕,不過薑茶湯圓到o左,只不過個蘿蔔糕就遲遲未到,都係睇返張單先知佢落遺,之後想問清楚先確定真係落遺單,個員工知道後完全冇任何行動,連講一句"不如宜家幫你落單,叫廚房快點做過比你"之類o既說話都冇一句,哦完就算,唔通呢個就係你地o既待客之道?我本來係有充足時間等,最終我都等都冇時間,連累到我想食都冇得食.員工態度未至於叫惡劣,不過就未能夠位客人提供細心窩心o既服務水準,有d甚至令人不滿,就係呢一點,就算食飯再美味,比你搵到視帝幫拍廣告都冇用,食一餐飯唔只係要食物o既美味,員工所提供o既服務同態度都好重要!…查看更多