RodneyTam的个人专页

都有一兩個月無食，見天氣咁熱，就想起去食冷麵。去到仲唔駛排隊，心諗咁lucky ，點知望一望餐牌，就知道點解唔駛排隊了。餐牌改了，以前有三隻蝦的套餐消失了，所有冷熱烏冬，素麵和蕎麥麵都沒有套餐了，要$36單點一碗麵再自己加餸，感覺上貴了很多。明白加價都係無可避免的事，但可以保留舊menu ，在舊價錢加價，而不是把套餐拆開，迫人散叫才可食到麵食，感覺不化算。 走時在收銀看了外賣menu，發現還有舊套餐叫，難度是我眼花了嗎？…查看更多

大家幫襯外賣時真的要檢查清楚，我買兩碗燒牛肉丼，一碗M，一碗LL，回家後才發現LL 那碗只得數塊燒牛肉在底，面頭的全是普通的超薄牛肉絲，M那碗反而正常。即時回鋪頭理論，女包裝員的態度像是沒有表情回應：“無錯，呢個係燒牛肉丼”，我回應是：“妳肯定？”。 之後佢俾個經理望一望，經理即時叫廚房整個新的給我。我自己食埋呢次後不會再幫襯，身水身汗拎返黎換，啲職員態度差到一個點。如果唔夠燒肉，用普通肉黎充當，真的令人氣憤。…查看更多

食過兩次，個奶油花鵰酒燉雞意粉和台北燉牛肉意粉都好好食。今日再去，點知個花雕雞意粉就出事。一上枱，個汁稀到呢！咬一啖，碟意粉無味既，我仲以為自己失去左味覺，心諗唔係麻。 咁叫侍應換過碟，佢哋都好好服務，但再出嚟嗰碟都係一樣無味，朋友嗰碟都係無味，係個雞，同意粉，同個汁三者分開左囉，意粉真係好少可煮到咁難食囉。另一個朋友碟牛肉意粉就正常。心諗，一百蚊食個咁既意粉，真係唔會再幫襯。估唔到新開左唔係好耐，就變成咁。…查看更多

講真，呢個位係踏單車既補給位，又對住海咁開揚，見價錢貴少少都無所謂，照入去醫肚。餐廳睇落格局唔差，都有啲期待佢既美食，我去到時間係下午茶，咁就叫過黑松露炒飯$88，千島海鮮薄餅$158，沙爹串燒$48，一杯mocktail, 一杯cocktail. 點知個炒飯一黎到已知不妙，衰過茶餐廳炒飯，仲要無黑松露味，邊似係一間餐廳既出品。咁諗住個薄餅穩陣啦，點知一黎就知道係急凍貨啦！收我$158, 起碼都俾返啲人手薄餅我呀！餐廳俾啲咁既食物客人食，但收費絕對不合理。個串燒梗加唔在講，乾到咬唔開，CLS。唯一係個水吧啲飲品正常，大家真係唔好中伏，性價比係零。…查看更多

唔好話唔幫襯小店，係好食咁又點，由open rice 落單，佢二十分鐘唔接，但信用卡又收左我錢！打落去問，佢先接，咁問實要幾耐啦！話要十五分鐘，點知我落到去仲要等多三十分鐘，即係要四十五分鐘，浪費時間。…查看更多

這間鋪之前食過好幾次，食物水準高，服務態度又好。但昨天幫襯時，食個慢煮雞意大利飯和卡邦尼意粉，首先個慢煮雞飯好咸，食到第四啖頂唔住，朋友嗰個一樣，咸到要飲水，咁同佢講話咸，佢話：“你食左咁多先同我講？ 我整過碟俾你哋啦！” 心諗，食到第四啖頂唔順，好正常啫，心裡有啲不是味兒。再整後也是偏咸，但能食完。另外個卡邦尼就唔似卡邦尼，似黑椒煙肉炒意粉，食落也偏辣，莫非啲人手轉左，完全無左以前既風格和味道，看來lunch 又少左一個好地方了…查看更多

這次是第二次幫襯，上次是午餐，今次是晚餐，平心而論，這間餐廳的性價比算高，價錢不是很貴，而且味道很中上，但可惜服務真的很差。1.食一餐飯要起身讓人出入多次，想安安樂樂食餐飯都唔得，那是設計上的失敗，坐位被圍欄圍著，只有一邊可出入. 2.另外當你投入想食飯傾計時，侍應會打開你枱邊的櫃桶，取出餐巾和墊枱紙，然後大力關櫃桶，仲要係幾次，咩食飯氣氛都被啲關櫃桶聲震走晒。3. 侍應會在你身旁飛象過河收拾隔離坐位的餐具和傳菜，究竟想點？總括而言，沒見過一間裝修的這麼靚的日式餐廳服務和做事方法是這麼差，相信不會再幫襯了。…查看更多

國慶日行過見到呢間餐廳裝修唔錯，一心入去試下，點知中晒伏.1. 餐廳內有條風槽，不斷發出嘈音，想靜靜地食餐飯都唔得2. 價錢中規中矩，叫左個咩鬼黑毛豬夾心嘜叉飯$98，個飯黎到真係冇晒食慾，嗰塊肉仲衰過茶餐廳既雜扒飯，個飯又細又乾爭爭，性價比好低3. 飯後叫餐飲，等左十分鐘都仲見水吧同啲侍應響度吹水，要再追問先去沖杯嘢俾你，學劉德華嗰句“今時今日咁既服務態度係唔夠嫁”總結食物👎，環境👎，服務👎，性價比👎…查看更多

星期日Lunch 12：00，入去時有一枱客，叫了黑松露軟殼蟹意粉$138和黑毛牙豬鞍$138，等了二十分鐘，有點肚餓，竟然忘了給麵包給我們，麵包和意粉一齊上，心情已打了折扣。 先講講意粉，沒有黑松露的香味，只食到好cream, 軟殼蟹普通，再來是黑毛豬鞍，切落去已知中伏，係實到要好用力先切到，食落好靭，未食過咁差既黑毛豬鞍，真心講句，佢價錢唔算平，但食物質素唔到位！咖啡是illy, 正常水平。我想信沒有下次！…查看更多

一班同事食晏，估唔到咁伏， 首先，個餐包實到呢，勁唔新鮮。同事叫左個“珍珠貝意大利飯配香脆巴馬火腿” $82, 點知出嚟係得一塊乾淨淨既肉乾，大佬，想點呀！我叫“特式扒希臘芝士茄子漢堡” $82, 出到黎個包係軟淋淋，唔脆既，又凍冰冰，問職員個包點解咁，佢哋話佢哋唔會烘個包既，咁樣收我$82, 我唔順囉！…查看更多