carmen017682's Profile

假日兩個女仔外出走走，黎到氣氛感滿滿嘅楓子咖啡。店舖外觀同內在裝潢風格很一致，很喜歡木質調，令人感覺很舒適今次嘗試左明太子意粉，意粉本身有煙韌感好好食，明太子醬很濃郁但不過咸，整理都是水準以上。甜品方面焦糖巴斯克蛋糕，外層焦脆，內裡creamy，令人一試難忘。而斑蘭椰子戚風也做得很出色，香味令人食慾大增，味道偏向椰子風，蛋糕體很鬆軟，下次到訪再想試埋其他口味。店舖飲品亦有梳打或咖啡選擇，滿足到唔同朋友嘅需要。…Read More

環境舒適，地理位置一流，雖然喺大商場裏面，但一D都唔嘈，枱與枱之間有一定嘅距離，唔算迫，可以同朋友安安靜靜飲杯嘢，傾下計。巧克力咖啡：好好飲！奶味夠、朱古力味濃，個花都畫得靚，最緊要係溫度適中，唔會熱到辣咀，又唔會凍到好似室溫咁，個杯保到溫，食完餐飯，杯飲品仍然暖暖的，冬天飲真係一流！個人覺得仲好飲過貴價連鎖Coffee Shop嘅Mocha！ 烤雞菠蘿漢堡配檸檬乳酪醬及焗薯：份量十足，有2塊厚厚嘅烤雞，原本以為「檸檬乳酪醬」會有D酸，都擔心唔知夾唔夾，但點知係出奇地咁夾！好好食！同埋都好抵食，食量細既真係可以一個餐2份食，因為個漢堡真係好巨型！西多士伴鮮漿果及雪糕配楓糖醬或自家製海鹽焦糖醬：一開始見到個醬原來已經放哂上個西多士度，都有啲擔心佢會過甜，點知食落又真係岩岩好，雪糕似係自家製果D，有一粒粒嘅雲呢拿杍，好好味！最犀利嘅喺D伴碟生果竟然粒粒都好甜、好新鮮！真係全碟清哂！特別值得一提既係，佢地嘅服務態度好好！呢D唔趕客又有禮既食肆，真係買少見少，所以值得推介呀！…Read More

好鍾意呢個餐廳位置，需要職員幫忙佢哋嘅回應又快，但你用餐嘅時候佢哋又同你保持距離，好有私人空間。夏天冇乜胃口，叫咗佢煙三文魚沙律，好大份！啲沙律有好新鮮，配埋佢檸檬醋，好開胃。另外就試吓佢嘅豬頸肉漢堡，好口好大塊嘅豬頸肉，旁邊嘅炒雜菌好有驚喜，好香好消滯！個漢堡大份到⋯要逐層拆開嚟食先得。跟住就係我最愛嘅西多士！今次試佢哋嘅自家製海鹽焦糖醬。我最鍾意食呢間分店嘅西多士，因為佢哋有配雪糕，唔係間間分店都有。最後歎杯iced latte，啡味比以前濃咗，幾好！…Read More

放假同小朋友去科學園踩單車，朋友介紹呢間餐廳環境好、嘢食嘅性價比都高。間餐廳嘅位置都幾容易搵，而且就係超級市場對面，食完買埋野free park返屋企，的確係唔錯嘅選擇。佢食物嘅選擇都幾多，真係一間比較合家歡嘅餐廳。我小朋友揀咗個炸雞烏冬（$88），炸雞皮薄肉滑，都幾脆口，幾抵食。老公就叫咗個滑蛋吉列豬扒定食，配埋湯同茶碗蒸，佢豬扒個味醃得幾好，甜甜地，不過肉質就比較淋。我自己就叫咗個雜錦魚生飯，魚生新鮮肥美，個量又多。重點係個環境真係幾好，大人坐喺度食，小朋友可以走出去跑下玩下。…Read More

剛巧到將軍澳工作，發現商場開了Espresso Alchemy！之前去過其他分店，食物唔錯，今次決定與同事一齊係度食lunch。餐廳格調一如既往，溫暖微黃燈光令人很放鬆，午餐餐牌亦有不少選擇，素食嘅朋友都可以一嚐滋味。青醬雞肉忌廉長通粉醬汁很creamy，很香很濃，加上長通粉很掛汁，讓人一口接一口。雞肉也比想像中嫩，調味很夠。菠菜芝士意粉配忌廉汁菠菜芝士是不會出錯的組合，這邊的發揮是水準以上，芝士香但不會感覺很油膩。法式西多士配自家製雜莓醬西多士有滿滿蛋香，加上糖霜和雜莓，本來以為會很飽，竟然食完意粉也能輕鬆吃完的甜點，相信是雜莓醬的神來之筆。愛重口味的我，希望西多士可以很濕潤最後來一杯熱咖啡，是很滿足的一餐～雖然咖啡是附餐飲料，但一點都不馬虎，是我喜歡的偏nutty口味🫶🏻…Read More

一間性價比極高嘅韓燒餐廳，燒肉嘅選擇好多，豬牛羊雞同蔬菜都有不特止，仲有炒年糕、春川炒辣雞、海鮮湯同石頭鍋飯等等，滿足唔同人嘅需要。我哋今次首先叫咗個五花腩燒肉，三塊肥美嘅豬肉，你燒到咁上下，職員仲會嚟幫你手剪同燒，食落去嗰種油香，真係令人停唔到口，豬皮又脆！另外，我哋仲叫咗兩隻大虎蝦，餐廳事先將隻蝦開邊，所以比較容易燒同燒得靚！蝦肉好爽口彈牙，食佢本身嘅甜味都已足夠，唔需要其他醬汁。最後，我哋仲叫咗個牛肉石頭鍋飯，通常出邊都係幾塊薄薄嘅肥牛；但呢度幾塊牛肉大嚿到好似牛扒咁！食韓燒又點少得嘢飲，佢有三款特色飲品，我哋試咗其中一款（甜過初戀），其實都唔係好甜，清清地嘅梨汁柚子味，消滯又解暑。…Read More

在旺角煩囂的地區，選了一間樓上鋪來試一試。此餐廳位於四樓，要上半層才可以使用電梯，全層分兩個大房間，地方不錯，還有各類型的broad game 可供食客使用。中午餐牌有多項選擇，飲品的選擇性也多不勝數，非酒精類, 花茶， 咖啡，朱古力，soft drink及沙冰都有：我們選了煙三文魚意大利烘包配薯條和軟殼蟹黑松露意粉。大塊的三文魚加上醬油配烘包，美味清新；香濃的意大利醬攪入黑松露，有陣陣的松露味撲鼻，真的把口感提升上另一個層次。整體來說餐廳簡潔，從食物質素你能夠感受到廚師的準備的心思。…Read More

朋友介紹嘅餐廳，地點方便，餐廳又夠闊落，坐得舒服。一到就忍唔住嗌嘢飲消消暑，我自己叫咗杯「花」嘅飲品，其實即係菠蘿特飲，朋友就叫咗杯asahi，夠冰凍，正！跟住就梗係要叫個刺身啦，「松」盛盒，只係$398，但有象拔蚌、三文魚、珍寶赤蝦、帆立貝、油甘魚、真鯛同海膽。超級抵食，我最鍾意係赤蝦，好新鮮好彈牙。小食先叫咗個明太子玉子燒，食落有驚喜！玉子嘅質地，乾濕同軟硬度適中！配埋面頭嘅沙律醬同明太子，好味。之後就叫咗炒野菜同炒雜菇，份量都幾多！主食就叫咗個壽喜燒牛肉鍋同和牛炒飯，好重牛味。和牛炒飯就好有功夫，粒粒分明，牛肉嫩滑，加埋大葱就更加香。…Read More

週末想找個地方好好休息，吃好一點又健康一點，這間餐廳絕對是一個好的選擇。先講環境，落地大玻璃，看着這樣的景色進行午餐，多放鬆和療癒呀！我和朋友點了海鮮丼和超級吞拿魚腩卷一起吃。前者看價錢感覺很昂貴（$218），但當看到刺身的組合便感到超所值：肥美的大赤蝦及海膽等刺身，非常新鮮，而且他食物的份量很大很足夠！而超級吞拿魚腩卷，刺身甚至比飯還要多，而且他的飯都不是白飯，對於怕肥的女士完全可以吃得安心又放心。幸好我是在剛開門的時候光顧，離開時餐廳已滿座；最後必須一提，就是餐廳職員的服務態度都超級好。…Read More

新年同朋友聚會，當然要搵個坐得舒服嘅地方，但呢間餐廳唔止舒適，食物嘅質素仲好高。餐廳本身裝潢好有中華嘅氣氛，擺設都好配合呢個節日。即使要等位，都可以打下卡消磨下時間。食物方面，朋友叫咗個唔係好多餐廳有嘅蝦籽柚皮，我自己本身就好抗拒，因為曾經喺其他地方食過完全理解唔到點解人會鍾意，但今次試咗係有改變睇法！一啲苦澀味都無，有啲入口即溶，味道有啲似鮮淮山。另外叫咗個鵲巢羊肚菌蝦仁帶子，食材好新鮮！連裝飾嗰塊脆卜卜都食得，好香、好好味！離開時見到餐廳又買新年糕點同羊腩煲，日間仲有點心食。…Read More

疫情影響真係少咗同朋友見面。咁岩大家都係灣仔附近放工就即興食個飯。朋友介紹哩度係談心嘅好地方！好鐘意佢嘅環境，暗暗地又浪漫，仲有已經擺晒聖誕裝飾添！6點半去到已經坐滿左一半人，有朋友知己，有情侶慶生又有一家大細。嚟哩度當然要叫牛啦！配埋把signature 嘅moo moo刀就係好正！今次叫左紐西蘭安格斯肉眼同牛肝菌黑松露意粉。餐湯用料足，食到牛嘅鮮味同蕃茄嘅酸甜，好令人開胃！餐包除左有烘底外，仲好特別配左肉桂牛油，出乎意料嘅驚喜！凱撒沙律新鮮開胃。主角肉眼嚟啦！牛味濃肉質鬆軟，表面仲有啲焦香，好滿足。唔單止牛好得，佢嘅配菜一啲都唔馬虎，seasoning 再加grill過帶出蔬菜嘅清甜味！另外，薯條係任食！至於牛肝菌黑松露意粉，黑松露味濃同好creamy!好鐘意黑松露嘅朋友唔可以錯過！本身諗住叫甜品，但真係太飽叫唔落！我見差唔多枱枱客都有叫，甜品應該都唔錯！下次一定留少少肚再試過！…Read More

疫情下，要安排飯局已經冇咁容易，難得出嚟，梗係要食好啲。呢間餐廳，淨係環境，已經令到人未食先滿足；好寬闊嘅空間，氣氛好舒服寧靜，同另一半或者知己好友喺度慢慢食傾吓計，絕對係一種享受。同朋友一齊揀咗極上一人錢鐵板餐。首先前菜分別有豆腐、茄子同埋煙燻雞肉。煙熏三文魚食得多，煙燻雞肉都係比較特別嘅嘗試，原來都幾香幾夾。跟住有我最愛嘅生蠔，淨係睇個樣已經知佢咬落去有幾咁飽滿，蠔香同海水味平衡得剛剛好。至於海葡萄沙律，口感非常之豐富，食材新鮮甜美。刺身分別有吞拿魚、赤蝦同埋油甘魚，每一塊都好厚身，有魚油香而不油膩。呢個鐵板燒帆立貝爽口香甜。二選一嘅部份我揀咗深海野生白雪魚，個面煎得好香脆，但魚肉嫩滑鮮甜，個汁清香。四選一嘅部份就揀咗紐西蘭羊架，一啲都唔騷，而且餐廳切好一塊塊，讓客人可以優雅地品嚐美食。另外仲配上酸汁、味噌汁同芝麻醬，客人可按個人喜好，刺激味蕾。茶碗蒸絕不馬虎，魚子、海帶、黑松露油豐upgrade左一個看似普通嘅菜式。然後仲有味噌湯同鐵板炒飯，炒飯入面有櫻花蝦，仲另外有壺鰹魚汁俾大家，一碗飯都分唔同口感。最後就簡簡單單有一杯抹茶雪糕，大滿足。…Read More

又到了想吃拉麵的日子，工作結束後經過鳴虎，被名字吸引了，二話不說地走進去。店內座位雖然不多，但坐下來感覺仍然很舒適。這裏除了拉麵，還有不同的丼飯和小食選擇，喜歡酒精的朋友也不要錯過來點一杯啤酒喔！鳴虎 (日本魚介豬骨湯拉麵)最原始的味道沒有令人失望，濃而不膩的魚介湯底，配上幼身的麵很搭配，這店很貼心可以選擇麵的軟硬度。配料方面，炙燒過的豚肉帶點焦香，肥瘦適中，溏心蛋也十分出色，加上清脆的蔥末和紫菜，很滿足。吉列池魚小食方面，吉列也十分出色，池魚炸得香脆而不油膩，一份有兩大塊。脆脆的外表配上紮實的魚肉，加上沙律醬，偶爾沾一下拉麵湯也別有一番風味。…Read More

放lunch見到咁多人排隊，餐廳又有落地大玻璃，好好景，所以決定湊下熱鬧。返工做到好眼瞓，整杯回魂啡，呢杯longblack好香濃！係我近年飲過數一數二嘅齋啡。清清哋嘅煙三文魚沙律，就係on diet之選。好大份，有勁多煙三文魚，蔬菜好新鮮，個檸檬醋又好開胃，食完成碟已經好飽！落order時見到counter display嘅cake好吸引，佢分咗三種味：香蕉、藍莓合桃、咖啡合桃。問職員推介，佢話自己比較鍾意香蕉味，因為比較軟身，所以我就買咗一條。個香蕉蛋糕無論室溫、凍食或者放入焗爐reheat，都有唔同嘅口感，同樣好味，強推佢嘅蛋糕！…Read More

小小的一間餐廳，但裝潢精緻，環境舒適。我點了的這個Signature Sushi recommendation，有15貫壽司+1件手卷 ($498)。首先由廚師發板13款壽司，剩餘兩件兩件壽司，是由客人自己在13款內選擇去encore。當天廚師分別安排了蜜柑鯛、𩶘魚、深海池魚、活赤貝、春魚、烏賊、希魚、全熟車海老、地甘木鯛、油口魚邊、鯖魚、拖羅及月子（海鰻）配鮑魚汁等壽司，食材新鮮甜美！套餐內還包了沙律、一杯咖啡及一球豆腐雪糕，非常滿足的一頓！…Read More