Wwy_fi的个人专页

有一日偶然在hysan經過此店, 見到門外有小小的人龍,八卦既我就甘遇上左高級的松露薯片 因為有coupon, 所以買齊左3款口味 - 原味, 芝士, 蜜糖芥末,近日先試晒3款口味! (因為唔捨得食得太快呢) 薯片一打開都有好大陣濃郁既松露香氣反而食起黎冇甘濃個人認為最喜歡蜜糖芥末口味, 皆因佢帶少少辣辣地, 不過呢款我覺得口味偏咸一點點,當伴酒小食應該不錯!如果想口味冇甘濃, 可以試下原味, 原味既話越食越想食, 好易食到唔停口! 薯片本身比較厚身, 幾有口感我就幾中意 另外因為係"高級的享受", 價錢方面當然不可以同平日十幾廿蚊包作比較啦~ …查看更多

幾個閨密好耐冇見 想簡一間就腳又岩傾計既餐廳見到呢間餐廳感覺幾休閑 就黎左試試～ 一入去感覺成個風格令我覺得自己好似遠離左地市甘～ 有種自然而來既安心感覺 -水牛城辣雞翼-朋友仔都話好辣好辣 但好彩我好辣 覺得好正呀 -牛油果蟹肉意粉-呢個配搭平日比較少～ 當日突然好想食牛油果仲配埋杯牛油果昔好味 -酸辣蕃茄大蝦意粉-呢個係開胃之選 食左一兩啖就好想再食落去 總括黎講呢度食物做得唔錯 不過當日人流有d多 所以好似都有時間限制呢～ 下次會再去光顧…查看更多

雖然住得好近 但係只係黎過築地一次 仲要唔係食壽司甘岩戚起條筋 就決定黎個happy friday~ 發現呢排有個幾抵食既餐驚喜價已經包晒有沙律、湯、壽司壽司非常鮮 有足足12件其實食左個餐都夠飽飽但係為食又再加左刺身、燒大蛤、牛舌深海池魚薄切配上酸酸地醬汁 鮮甜又開胃燒大蛤燒到岩岩好唔會過份熟牛舌黎講就不過不失 畢竟築地都係食番刺身/壽司啦 最後仲要黎多個via tokyo 雪糕 完美！ 飽飽的星期五晚！真係唔好睇少女仔食量 大食起上黎我自己都驚呀…查看更多

偶然一晚係西環食左晚餐總係覺得要食埋甜品先夠完美西環選擇好似不多 所以又偶然地入左輝記 見到焦糖布丁+ 椰王呢個組合甘新穎所以就簡左佢黎試上台果刻有d失望 乜得布丁加椰奶？ 食左幾啖覺得有點單調 依...了了下個底仲有野既？唔！係好軟棉濃郁既椰汁凍(？)雖然唔知佢實體叫咩名 但係確實加左不少分原來寶物尋歸底件事即刻唔同晒 ！ 好好味…查看更多

平日同朋友放工食飯最好就係去居酒屋 環境輕鬆又好岩傾計～銅鑼灣其實都有好多居酒屋選擇今次黎左呢間專食豚肉串燒既居酒屋 首先叫左個刺身 -刺身併盤點都會有三文魚 呢個價錢有三文魚呢個組合有少少失望 沾面-個湯底都好'傑‘下可以再湯少少就好啦 大啡姑-正正 好juicy 串燒-應該係有牛舌、豬利、豬頸肉、白鱔、金豚、豚肉秋葵串燒質素都唔錯 果然居酒屋都係要食番signature既串燒比較好 本身想食雪‘巴’ 但係好飽最後有送到呢個甜品～…查看更多

平日冇乜幾何食得甘豪 上個月趁住男友生日一於以佢做藉口食豪d 因為主角話好想食浜燒 我就簡左呢間 尖沙咀幾就腳得黎呢間既位置又十分寧靜 店員推薦我地食信用卡先有既優惠套餐-前菜-沙律上都有好多燒過既魚味比較濃一點 不是清淡的沙律 -大蝦刺身-當日仲有小遊戲 就係你一手拿到幾多蝦就送俾你食拿到五隻 我地就刺身食左佢 正正 雖然送的但係大隻又肥美 -浜燒食材-店員幫手燒唔使自己郁手 又唔會搞到一身煙味當中鮑魚同蚌都燒得好juicy 岩岩好 -跟餐刺身同生蠔- -仲有飛驒牛-Yummy!!! 不過當時已好飽未能以最佳狀態感受佢！但係真係好正 -作戰到最後：甜品-係蕃薯入面仲有蕃薯雪高 好滿足呀！ 一年一次係要豪下既…查看更多

為食出動：今次由港島去到荃灣搵食！ 牛角次男坊同牛角同一集團平日就比較少去牛角 因為兩個人去都幾貴又唔抵食今次出動去牛角次男坊希望平民既價錢食到牛角質素既牛牛 6點去到都排左成45分中左右先入到去 等既期間就發現 其實都唔係平民價wo係高級版牛飯 我點左一個牛舌飯牛舌係唔可以加配其他食材 因為侍應話個飯唔夠高 d食材‘企’唔到所以我加左個溫泉蛋加埋都差不多一百蚊了牛舌量都幾多 鋪到成碗都係 不過係薄身同硬身少少的加埋蔥幾香口但整體黎講唔會驚為天人 另一個普通牛肉飯 雖則普通 都加左百二蚊要多個海膽！成件事即刻變得好唔普通！ 好特別！特別貴既（海膽）牛肉飯呀 真心地說 燒過既牛肉比吉x家的牛肉飯當然好吃多但整體感覺令我感到真係高級版的吉x家下次有機會再食 應該都唔會加配海膽或其他刺身呢d gimmick野試一次都夠了…查看更多

之前lunch食過一次 覺得炭燒豬頸肉飯真係好味今日又想再黎食其實都知佢多人架喇 不停有人排隊同外賣所以我等左20分鐘外賣都未敢催佢 見前面一位都係問一問佢先有 甘我都問一問我果份有未 店員一話：我唔知呀！你問入面！我就係見入面打晒杖甘亂先廢事問... 但係店員一叫我問既'入面' 係吧台既人佢汁緊野 又同時要管理外賣但係眼見係冇人得閒理我而我lunchtime都過左差唔多一半既情況下都要問下吧店既店員二 點知店員二唔應我不特止仲要用d人地飲剩既飲品一野潑晒落我隻腳度都唔講聲對唔住我忍唔住話：你潑到我wo!店員二依然係冇表示 眼尾都唔望我 然後我同一位貌似老闆既男士講：我想問下我外賣幾時有 同埋你地店員用飲品潑到我連道歉都冇聲 男士都冇講唔好意思都算 要我出到聲問佢拎紙巾佢先拎左紙巾俾我抹腳....之後男士仲要叫我第時打電話外賣快d! 喂大佬 你地午市堂食同外賣自取都未做得切仲做埋外賣送貨？！ 幾好食都好 服務態度甘差都幾趕客架wo!…查看更多

我係一個芝士迷 又係甜品控好耐好耐好耐之前已經好想試cheesecake factory可惜每次都大排長龍... 今日約左好友早上11點食 果然早起的鳥兒有蟲吃 終於俾我食到！ 三個女生叫左一個小吃（雞翼）、一個意粉、每人一件cheesecake 呢度所有野食勝在大大份人多黎share其實真係幾正 雞翼都不過不失 不過我覺得佢有入面既肉可以再入味d 嫌唔夠味都可以點sauce 蝴蝶粉口感幾好 都有濃濃芝士味但係雞扒好乾 不過美國口味係咪大大份 乾曾曾？ 但係以上都只係配角 是日主角一定係cheesecake 為左避免太滯 我地叫既都係比較清新口味：芒果青檸、青檸、紅莓芒果青檸- 香甜清新青檸- 好酸我就幾怕甘酸～紅莓- 我最中意 但係朋友話有藥水味 之後中人仲叫多個cheesecake 番屋企食 因為口味太多真係試都試唔晒！…查看更多

自從上年係pmq試過此店既原個水蜜桃撻 一直念念不忘今年又再出喇 即刻要再黎食呀！！ 原來佢地上環都開左店 唔使去到pmq都有得食 男友好醒甘訂定 訂左一個桃撻同埋貪心地一人一個水蜜桃芭菲（今年新出）原個水蜜桃撻一樣甘出色 爆juicy加上cream cheese+莓醬內涵同厚實餅底其實一個都好飽飽 呢個芭菲顏值同性價比一樣甘高！又係有一個桃肉加上雪糕 白桃啫哩 仲有餅碎最重要價錢同桃撻一樣！但係感覺上呢個芭菲內容比較豐富同份量大d但係兩個都好味！！ 可惜佢每年呢個季節限定都係做好短時間 十幾日左右幸好趕得切完promo前再嘗…查看更多

某日為左line friends展覽 好日都唔去澳門既我竟然勇敢搭船過大海一同朋友提起將去澳門 佢第一個反應係：甘你咪可以去食pancake!?平日我真係幾唔中意食輕飄飄好似食空氣甘既梳乎厘pancake 但係橫店一場黎到澳門 就膽粗粗去闖下 點知.. 跟住個地址去搵 連的士大佬都唔知係邊度...熱辣辣搭完的士仲要周街行左十幾分中先搵到... 長長既人龍並冇擊退我既信心 因為我付出太多先黎到呢度！點都要食勁多！所以一個失心瘋之下 兩個人叫左3款 原味：本身係想叫流心焦糖波蘿 點知原來5點先供應！當時只係4:30 限時食一個中 就算5點叫 佢話要整40分中... 所以用原味代替佢 點知都幾好味 蛋味好重 cream好幼滑呢間比起香港尖沙咀果間我覺得更好味更實在 香到好似食左好多隻蛋甘樣 髒髒：呢個真係不建議... 隔離台都話唔好味朱古力搶晒蛋香 仲要食完好膩 流心焦糖波蘿：哈哈 係咪好奇怪點解明明話食唔到最後又有呢！因為我實在死心不息問左個店員可唔可以外賣之後佢知我山長水遠黎 好好人甘俾我食埋先走 話晒出面極熱難怪一路食出面人龍都冇少人過 我諗大家都係等5點可以食呢個！呢個推薦！ 好特別 波蘿同pancake呢個配搭好少有 仲有熱熱地既奶皇流心流出黎最衰食左個髒髒太滯 唔係既話一定更enjoy! 無獎問答：究竟我一餐食左幾多蛋？…查看更多

星期五晚同友人慶祝 偶然選中這裡 喜出望外 友人係嗜酒之人 每次食飯 必選之物：今次簡左柚子檸檬酒平日我都好少飲 呢款酒水果味好重 甜甜地酸酸地好開胃 又岩女仔飲 也叫了刺身 尚算新鮮 最欣賞海膽 叫左幾款壽司 其中有超極上拖羅 入口即溶 冇筋另吞拿魚蓉及蟹膏表現當然冇超極上甘驚喜 但也不錯不過鵝肝帶子卷物就有少少失望 唔係太食到鵝肝味 較普通 呢個蠔 size有點大小不一呢... 牛舌串燒！每逢menu有我都必點呢個都不錯 幾香口入味 口感都適中 不會硬 壓軸仲有個牛肉鍋 唔好睇少兩個肚餓女人既食力 牛肉量算多 感謝友人請我食左豐富的一餐整體而言好滿意 上菜速度如果慢少少更好 快到有種感覺似食放題…查看更多

近排有好多有關韓國出產既百味堂廣告嗜糖既我又好易被佢地吸引左喇 -Menu- 簡左阿薩姆奶茶雪糕濃香阿薩姆奶茶茶配上招牌牛奶雪糕再有些檸檬皮（？）有淡淡果香可惜感覺雪糕係比較沙冰質地 經常食到冰碎 都幾易溶個人比較喜歡幼滑 奶香再重些少再濃既雪糕同埋呢個定價確實比較高 不過下次都想試下佢其他產品 例如多士、面包希望可以挽回我個心啦…查看更多

灣仔超人氣拉麵一幻呢間被我同事譽為係佢心目中拉麵排行榜頭三位既拉麵 終於係香港都有店了由開張到依家 幾乎日日都大排長龍 好天又排落雨又排... 果然是超人氣 排隊真係會令人喪失心智 一於唔理甘多 叫左個原味醬油拉麵 再加多個蝦味飯團拉麵份量其實都不少 所以加埋飯團真係好飽飽呢講番味道 我叫的是原味 睇落個湯好似唔係好濃但係食落已經好濃味 果然係用左好多蝦去調製既湯底？！好難想像我同事仲要食濃味 個味究竟有幾濃！味道不錯 但係可能期望太多 注定難過 有少少覺得都係普普通通 未到好出色而飯團味道有少少驚喜 唯一不足係飯有少少硬同埋點解我冇紫菜既？…查看更多

好耐之前已經有見人介紹呢個海鮮搖搖搖食法一心諗住都係gimmick野 所以都冇特別去試但係朋友好堅持想試下 就陪佢試啦 一入去有好多個櫃養住活生生既海鮮～代表供應既都係新鮮食材 黎到呢度大家都一定會叫呢個海鮮包～佢有一set set既海鮮 亦都可以自選我地簡左自選- 龍蝦、蜆、蝦醬都有幾款 我地要左個辣辣地既～呢個海鮮包入面都會有腸仔、粟米、薯仔 所以其實都好飽架服務員幫你搖完 就可以落手食 落手食就最滋味 食得出食材好新鮮 不過醬如果有額外一碟可以點就好喇～ 呢個蟹肉意粉係我見到人地食又忍唔住叫其實幾好味 但係海鮮包已經食到好飽... 另外仲叫多左個小食...炸姑 - 入面有濃濃芝士一齊炸點可以想像到兩個女人仔明明食個海鮮都好飽仲可以叫甘多野潛力無窮 其實除左影相呃like食物味道都不錯 不過我就覺得有少少貴～ 要特別日子先會食喇…查看更多