1234554yeu的个人专页

次次經過開間舖頭都聞到好香大地魚同埋滷水香氣，今日再次經過就買咗個淨雲吞外賣。雲吞大大粒，入邊有加咗蝦子，湯底亦都好鮮但唔咸，係大地魚湯又係加咗啲蝦子落個湯底度。意料之外嘅好食。👍👍…查看更多

網上加同事勁力推薦，話佢個米麻糬芋泥鮮奶好正，又好好食，今日終於一試，但無下次。首先一杯要成45蚊，我覺得性價比太低，又話唔係特別好味。我個人唔識所賞 。第二啲米麻薯用飲管勁難吸。除非你天賦異品，否則一個正常成年人係會吸到支飲管扁唒，都係飲唔到。千祈唔好點俾小朋友或老人家飲。最後啲米麻薯根本就係湯圓皮咁，得啲糯米粉味，無特別。但係飲完係會飽。…查看更多

今日帶完阿仔上完喺藝術中心上完興趣班之後，阿仔話好想試吓間咖啡店，抱住一試嘅心情嚟試吓，點知有意料之外嘅驚喜。我哋嗌咗一個煙三文魚班尼迪蛋，加一個素肉漢堡包餐。首先個班尼迪蛋到，個麵包底烘到好脆，上面啲煙三文魚質量唔差，份量多，啖啖有。Cp值高。👍👍個素肉漢堡包餐到，個粗薯條阿仔勁鍾意食，一上菜就即刻食晒啲薯條，薯條到鹽嘅份量落得幾好，唔會太鹹。個包睇落賣相幾好，阿仔話好食。堂食環境好靚，好文青。侍應態度好好，對小朋友好有耐性。可惜沒有兒童餐，個包餐份量對個小朋友嚟講太多，食唔晒。如果有兒童餐啊，相信會吸引到更加多嘅小朋友家庭嚟，始終上邊係學習興趣班嘅地方。…查看更多

今朝同屋企人去呢間飲茶，平日朝早都要排隊，真係幾旺下。排左4個字，就有位。入面的早茶都幾平下，所以就劃多幾碟試下好唔好食。啲嘢食好快上，而且個上餐姐姐仲好好禮貌，提我地其中一個籠係甜品，洗唔洗幫我地搵個蓋擒住？係香港都真係幾少見茶樓有咁窩心的服務。👍🏻啲嘢食整體都好食，而且一啲都唔貴，又上得快。我地叫左15碟嘢都唔洗300蚊，性價比極高❤️。唔怪得平日咁多人黎飲茶。所以下次都會再黎試下其他點心。…查看更多