子穎的个人专页

想寫呢篇好耐，其實都食左好幾次。最近興起北上熱潮，喺獨廣州亦被預制菜攻陷。香港連鎖酒樓更加無須多評。憶起小時候爺爺去牛池灣飲早茶，14:00前就last order，除左高CP外，就係香港80-90黃金年代的回憶。21/9（日）大雨，下星期三話打風，唔理lu，填飽肚再講。^嘩，$25食到碗蒸飯，$23食到碟點心，去邊搵。雖然地方睇起黎唔算乾淨，但確實帶著一種實而不華的地茂酒樓感覺。^熱辣辣即蒸鳳爪排骨飯，不亞於灣仔金輝👍^山竹牛肉球^即制燒賣講起燒賣，本來已經賣晒，但老闆見我靚仔，特登整多籠即蒸比我，我緊係要惜英雄重英雄，讚返老闆夠靚仔。哈講起燒賣，如果有返大陸就知廣州的「賣」和香港的賣是不同的。各有千秋。而港的賣可能自己由細食到大，所以有種親切感。今次食完新龍城，唔知幾時再有機會，今晚返去又要做運動減肥啦…查看更多

2024年11月8日開章第一天，已經來光顧。2個月才在openrice作登記實在有點遲。遲到總比沒到好，補完這篇飲食紀錄。開章前，已經留意到其日系昭和風的裝修，故此一早已經book mark呢間餐廳。^開章前已經留意這張通告^最吸引之處莫過於這個水盆。作為試食大將軍，灣仔本陣出現新鋪，當然要痛首迎擊！出擊！首先當然係店鋪^紅色地𥖁，加上啡色木材，白色牆打造日系昭和風咖啡廳^最近興《王牌酒保》^拱形窗是大正、昭和風的特色。唯窗連接大廈牆身不能更改，故改為假天花式設計。眼前角落相信為VIP設計，當天被數為小資女所預約。^華而不實的掛衣架XD去過日式居酒屋一定見過^真皮Sofa, 反正就是第一個客人坐上去😛軟林林超舒服^餐牌如上，餐牌選擇不多。明顯走格調為主。價錢亦較對面街🐶會餐廳貴。^頭盤選擇了沙律，出乎意料比想像中更要細份^蟹肉飯真的有蟹肉。^草莓蛋糕也比想像中的細小。整體而言，餐廳是吃環境。食物水準不過不失，CP欠奉。「流連小餐店裡望大時代過去。」偶爾與心愛的人，在城市中飲杯咖啡，吃個午餐享受這種時光。…查看更多

唔怪得openrice越黎越唔掂啦，投稿都嫌食評重複。第一次投稿銀杏館咋。將軍澳銀杏館，門口餐牌一望就見最吸引我的鐵板餐^餐牌當然係睇多次有雜扒，但原來都有其他甜品小食可以額外附加^先來一個南瓜湯和餐包。正常發揮^雜扒分量充足， 煙肉，雞扒，豬扒，牛扒全齊。另外選擇薯角。牛肉厚度比隔離「銅」記冰室厚。一般黎講，銀杏館以聘請年長人士，以達至社會企業方向，回饋社會。事實食物質素和CP值都算合理水平。餐廳職員會主動問食物好味與否，可見職員對餐廳的投入度很高。唯一改善建議係…員工上場前最好先清理身上的香煙味。有一件事額外值得一提，小弟其中點了一份凍檸水時，但由另一位職員送上了凍檸茶。負責落單男職員有留意到並主動向我提出換回凍檸水，這個動作比起其他茶餐廳更細心和主動。而我雖然有向職員表示不用更換，但男職員亦有如實向水巴報告情況。以助餐廳留意和改善。一間餐廳能夠上下齊心，無介替地分享情況，比起外邊不少茶記，無論事後叫換，不論「主動性」和「誠信」更為重要。好比打仗，上下一心方能共患難。相信這亦是開創銀杏館的宗旨。將軍澳新都城黎講，此餐廳非常值得推介。下次再試。…查看更多

幾日前，經過喜馬拉雅餐廳。回想已經2年沒吃過，原來有自助午餐，於是決定今個星期斷食完就去攻頂。長長的樓梯，彷似走上布達拉宮的路。自助餐包一款飲品，另外有咖哩羊，咖哩雞，印度烤雞，印度烤魚。菜有西蘭花碳水化合物有尖長型白米，同埋SAMOSA(咖哩角)水果有火龍果。另有沙律。^咖哩雞，印度烤雞，咖哩羊^有西蘭花^白米，另外咖哩有分有菜，及印度咖哩^左起有甜蛋(真的好甜)，及SAMOSA(咖哩角)^第一次進攻^咖啡角內在涵料^及後會送上印度烤餅^第二次進攻^第三次進攻，及印度烤魚的橫切面圖餐廳內有掛畫，令人彷似身處遊歷當中。評價︰$128有齊雞、魚、米飯、西蘭花、火龍果、沙律。小弟早前糖尿，現正進行斷食。當日身體已斷食39小時，需要重新補給時，這間餐廳能給予西蘭花、魚和自己喜歡的烤雞。價錢不算昂貴，餐廳支持八達窿，豬付寶等常見付款方式。報告將軍，士兵已經恢復體力，我地可以繼續向前!…查看更多

如果你問我香港食懷舊牛扒，農場餐廳，第尾牛扒，哥登堡，飛鷹，金鳳必入香港回憶。今次黎到扒王之王，90年代香港的平民扒房。由於唔熟路選擇左行樓梯上去二樓，點知經過一樓有夜總會，嚇死寶寶。比女朋友知道我經過夜總會，跪榴連都唔掂。快腳行上一條幾窄的樓梯級，就到達玻璃門。大字寫住扒王之王咁啱當日推即炸雞翼，緊係即刻點左一碟。牛扒我就揀左$198肉眼牛扒。之前沙田我就食過，肉味略差於日本和牛，但在香港黎講CP又唔低。最緊要唔使飛去日本都有得食下。至於果d咩限量牛扒，綽頭黎啫，人最緊要知道自己鐘意食咩。由沙田搬返九龍，由死場地鋪變左二樓樓上餐廳。有時諗，香港平民扒房之後係咪漸漸變成樓上餐廳。在紙醉金迷的社會，香港經歷左一次又一次的繁榮，食住牛扒，飲住熱檸水。食完餐飯就坐巴士回家。…查看更多

因為要到附近上課外活動，故此晚飯要到火碳一帶找晚飯。由於上堂位置於工業區內，又未到駿洋村，故此在此商場內尋找食物。這次是我近3星期內第二次光顧此店。店鋪非常細小，內裡大約只有十張枱。可能剛到放工時間，卻未到食飯時間。兩次店內的人流未算爆滿。餐牌內容如下：鎮店之寶當然是橙皮咖啡，雖然沒有強烈的橙味，但朱古力咖啡不差。第一天的晚餐居然不在大餐牌內，芝士蜆肉意粉：因為個人為食，額外點了一份芝士肉丸拉絲芝士配合肉醬的安格斯肉丸，極度邪惡到第二次光顧時，到店希望再嘗美味肉丸，可惜已經賣光不過老闆向我推介另一款自製菜式，雖然沒在餐牌內，但聽見是肉丸改良，我就二話不說，就試下新菜這款老闆研發改良的新款菜式，就是魚子醬煙肉安格斯肉丸。比邪惡肉丸更邪惡的魚子醬煙肉肉丸。老闆還拎酒支出來，打算一起飲酒配小食。可惜一會還要上堂，無法飲酒，否則一定飲飽食醉。本人不是住在火碳區，所以不會經常光顧。看見店內職員跟其他客人（附近居民）都有歡樂聊天，相信這間餐廳比起一般餐廳，多了一份熟悉和親切感。如果未曾試過邪惡肉丸，推薦一試。…查看更多

最近天氣轉冷，突然想食燒鵝。原本想去天晉某間老字號食。後尾發現沒有下午茶。呢個年代未比人炒，都瀕臨失業危機，邊敢亂花錢。最後發現此隱世食店。店鋪位置在將軍澳中心，幸好附近有單車路，非常適合平日入將軍澳踩單車的朋友仔去食。廢話少講，食物行先。餐牌如下，其實目標只係想平平地食個燒鵝瀨。呢個價錢乎合我呢D瀕臨失業的貧友仔。唔好以為下午茶就無料到，一樣有料。燒鵝瀨送上菜心一條。燒鵝甘香，肉質幼細。另外呢杯「夠薑奶茶」有驚喜，內有薑絲，飲落肚非常暖胃，適合這個寒冷的冬天飲用。埋單$38有燒鵝瀨粉下午茶，將軍澳區內可以去邊揾?缺點係間餐廳空間比較細，坐起黎可能會比較迫。或者等位要點時間。總括黎講，值得再食。…查看更多

*錢就有份我比，免費試食就無我份。*所以此文非膳稿，連coupon都無張。上回講到自己同朋友返大陸食好野，被發現無帶埋佢一齊。被埋怨多天，終於今次帶佢黎食Cheesecake Factory。免不了講的是平日排隊好多人，萬幸今日適逢強國大假日前夕，未見太多強國人出沒，倒是前面一面5位魚生國家庭在排隊。入內見到傍邊的侍應們正在為剛離去客人的枱進行清潔，由枱面去到枱底，把整張枱都翻出來清潔，我對這間餐廳的整潔是充滿信心的。首先來的是炸芝士通心粉，天哪，網評上常說的“每個人食2粒就夠”百思不得其解，一食便知其芝士味濃郁，非肚仔已經塞滿肚子，而是膩感充斥著整個胃。淺嘗即可，點到即止。推薦每人食1粒即可。然後很快，30周年朱古力芝士蛋糕就到。朱古力間夾入了杏仁，是石板街的味道。朱古力配合芝士，難怪女朋友如此喜歡。由於未有試其他芝士蛋糕，所以無法給予推薦，唯一注意一個蛋糕一個人難以完全吃下。2個人分一個蛋糕足夠已。最後帶著滿肚子的芝士回家。…查看更多

第二次過黎食早餐，公仔麵依然係"林"晒。一上枱，就望見唔開胃。今次唔係第一次啦。公仔麵應該要Q彈同有咬感。浸到林晒，不如我食意粉。價格比起後街其他店鋪，除左比較光猛衛生之外，價格較為昂貴，而且食物質素完全比下去。唯一要讚嘅，係佢嘅自家餐包，厚份又香脆。個人禁食此餐廳3個月，3個月後再來測試有無改善。…查看更多

話說星期日路經銅鑼灣，遇到街邊一位婆婆派發傳單給我。收下以後正好肚餓，於是乎女朋友就話一齊食佢。"泉章居"個名就聽過，但真係有眼不識泰山。本來諗住平平地食個下午茶就繼續陪葉妃娘娘繼續shopping。點知葉妃娘娘話呢間好出名。然後就兩個人開開心心咁走上去食。2：15pm先開始下午茶，葉妃娘娘提我金牌霸王雞份量較少。於是乎我點了一碟鮑汁炒牛河。而葉妃娘娘則點了一碟霸王雞飯。鮑汁牛河的鮑汁香甜，最重要的是牛肉並非就咁掉落鑊炒，牛肉非常"林"。葉妃娘娘點的金牌霸王雞，雞肉結實而不老。比起一般用黃油雞的雞更有咬感。香蔥用麻油爆過，非常香口。特別一提，葉妃娘娘點的熱檸檬菜蜜異常香，比起茶記以前曾經飲過的檸蜜，更加香濃。檸檬與蜂蜜兩者味道香醇，完美咁融合一起。而本將軍點的"朱古力"，廚房實太謙虛。明明就係一杯"唂咕粉"連奶沖出。街邊不少用柯x田沖出黎交貨就話叫自己朱古力，或者買盒吉x利就沖杯朱古力出黎。唯獨此店用上唂咕粉，重新將朱古力由原始的味道調配出黎。此店甚多驚喜，滿心快樂。享受完美味的下午茶，又充滿力氣繼續陪葉妃娘娘"做牛做馬"(Shopping)去。…查看更多

是今家中廁板壞掉，於是嗱嗱臨出旺角深水埗買貨。路經深水埗，正值3時正，回想起深水埗有一善翁開有餐廳，傳聞中其樂於助人，故此慕名而來親身來光顧。門口裝修光亮餐牌如下炸雞髀+炸薯條，配冰奶茶少甜~$26薯條結實，雞髀並非普通生炸，經雞粉及椒鹽醃，更顯惹味。牙籤比例時間~看圖:侍應傳餐時，不忘提醒客人餸菜熱，小心辣手。短短半小時內，已經見到明哥接受2次訪問。想必其平日一定繁忙。有幸親眼見到佢一面，見其待人親切，待食客如街坊一樣。恰如店名~北河同行…查看更多

軍中將士連日腹瀉，已經多天沒可吃的東西進肚。夜晚醒來只為醫肚，恰巧附近的海王店舖裝修，眼見地鋪又有粥食。所謂三軍未動，糧草先行。眼見"飽餓度"即將見紅，兵士無心戀戰且陸續出現降兵，決定破斧沉舟，冒死一試。蝦米炸兩腸粉脆得黎又有蝦米腸，唔錯。皮蛋瘦肉粥足料又正氣，唯一敗筆應該係成條蔥咁上，定係我唔識食呢？都係全切粒蔥花好d。埋單總數42無得跟餐，唯有一碟碟咁計...本將觀察所見，隔離搭枱阿伯想要油菜又無，想要白粥加料又無。唯一侍應可以答應阿伯嘅，係白粥無落鹽。如果做埋時菜，會唔會多個選擇?大軍聽令，醫飽肚子，繼續攻略下個據點。…查看更多

大約7:00左右到達，當時人流未算很多。由於已經一早BOOK枱，順利成章一入即坐小炒皇-味道不過不失。鼓汁蒸白鱔-味道一般到了自己最喜愛的炸白飯魚，份量很大，可惜咬感不夠脆潮洲蠔仔粥-無得輸，用料充足，味道一流南乳豬手-充滿骨膠原，但應該是豬腳，而不是豬手 飲品-朱古力還有一碟$10的小吃…查看更多

店鋪位於居家附近，平日也常光顧。今天放工後，眼見附近的快餐店的燒雞脾餐已經售光，只好轉移陣地到此探雷。探雷前，必先中立地講解。之前曾於此餐廳的晚餐吃過鐵板燒，無論質數、份量和價錢亦屬上選。必想下午茶也不會太差，結果中伏。光線充足，如同享受一天即將過去的心情一樣。伏已中，縮水的炸雞脾。另外，薯格只有1、2塊熱，其他都是冷的。只有凍檸茶少冰少甜正常。或許大眼晴的朋友會覺得份量足夠一邊食，一邊嘗試轉換較開心的心情去面對開心一天中的少許不幸，相信環境也為我送上冷水，我需要冷靜?冷氣機突然掉水到肩膀，看來餐廳的冷氣也出現了問題。一排水珠倒掛在出風口上。…查看更多

今日早上到金鐘面試完後，眼見時間尚早，便打算去灣仔188。其間路過見到這間咖啡冰室，於是小試。12點前也有早餐，店員雖作八、九十年代冰室服裝，但很有禮貌。牆身和天花刻意形造懷舊的裝飾，讓我這種八十後也能感受一下以前香港的氣氛。炒蛋和公仔麵都是個人最愛，食物不過不失。比起食物，今次主要吃環境。…查看更多