AmberCheng0502的个人专页

Revisited La Parrilla in Central for lunch with friends. The $218/$298+ set includes appetizer, main, side, and a complimentary sparkling drink—no price increase in years. Spacious and comfortable area and super convenient location with direct views of heritage Tai Kwun. Perfect for couples or colleague gatherings.Steak Tartare & Fugazetta Empanada
Premium minced beef tartare served with crispy baguette and tangy sauce—appetizing and bold. The empanada is a hot, crispy cheese-onion pastry with rich, melty pull-apart goodness. Highly recommend!Grilled Fish & Hanger Steak
Fresh fish fillet with salty-crisp skin, slightly charred exterior, and tender, juicy flesh with clean ocean flavor. The hanger steak sizzles on a hot iron plate, oozing juices when cut—intense beef aroma and generous portion. Pair with any of the six signature sauces to suit your taste.The full set includes bread, drink, and choice of one side. Mains are satisfyingly hearty, and sides ensure you leave full. Ideal for business lunches.…查看更多

好耐冇過嚟中環呢邊食lunch啦，玩完大館展覽見到對面有間露台餐廳好似幾chill，上到去睇個menu都幾抵，4 courses 先$178，仲係包凍飲。一開始見到有室內同戶外位，今日天氣涼涼地咁梗係簡室外啦，都有唔少人黎食喎。前菜沙律同湯都不錯，沙律2人一份，當日餐湯係蕃茄忌廉湯。之後我地簡左升級嘅辣牛肉pizza，呢種係薄脆個隻，睇落好吸引，有灑上辣椒粉，幾惹味，仲配埋小沙律。朋友唔食辣，叫左個青醬意粉，意粉煙韌，青醬都好香。甜品可以揀兩款，包括意式奶凍或者Tiramisu，用經典嘅玻璃杯裝上，Tiramisu都幾濃厚，奶凍奶香十足，仲有真水果點綴。 …查看更多

中環返工應該知道抵食嘅午餐都難搵 $298就有齊前菜、牛扒主菜及配菜，仲有一杯有汽飲品。環境都舒適，地鐵站行過嚟15分鐘，坐窗口仲望到大館。Steak Tartare & Empanada de Pollo他他用左牛扒肉、脆法包以及酸甜醬汁，算係惹味開胃，Empanada de Pollo係熱辣雞肉炸餃子，配上Salsa醬，份量大飽肚。Ramp Steak & Hanger Steak (Medium)廚師對生熟程度把握得很好，仲考慮埋放上鐵板之後嘅熟度，肉扒帶有濃牛肉味，梅納反應做得很好，而且切下去有肉汁，超乎我的期望。牛扒配上六種不同的特製醬料，肉質鮮嫩，份量好大。成個套餐配餐包、飲品、side dishes （四款選擇），加上主菜肉量頗多，好食又飽肚，食完可以去大館行吓添…查看更多

今日同同事去咗大館1862食西班牙菜，之前經過已經覺得呢間餐廳好靚，估唔到價錢貼地，午餐仲有幾款選擇，最平$108我同朋友叫咗個青口同西冷牛扒，兩個主菜都有配菜，包括手切薯條、薯條以及小沙律，本身套餐已經包埋湯或者沙律，仲要有甜品，我哋真係食到好飽。西冷牛扒份量啱啱好，有牛味，煮到medium well亦都唔會韌，可見品質都唔錯。甜品升級咗做雪糕三文治all good之後仲加咗個tapas，黑毛豬忌廉球好香火腿味，加上唔會好似其他餐廳咁鹹，都幾好食。全程服務好好，會及時收走枱面嘅嘢，又幫手收拾青口殼，連熱檸水都有個靚靚茶壺裝住😂半開放廚房可以見到主廚準備佳餚，成個氣氛體驗到好高性價比…查看更多

之前見到已經開咗，但係好驚多人一直冇來。今日大約中午1:30左右過嚟，見到有10個人等緊包，有四五個人排隊買包。嗰時有啲種類，例如豬肉串已經賣晒，要食就要早啲嚟啦。埋單同等包大約20分鐘左右。呢個價錢嘅包，其實已經係越南嘅10倍，不過香港地係咁㗎啦。法包真係幾脆，見到店員入完餡之後都會入焗爐翻熱吓再加啲濕配料，唔會軟腍腍。食咗椰子水炆豬腩肉，腩肉已經係手撕左，醃蘿蔔都幾好食，不過個醬唔夠香口，整體係不過不失，但唔會話好好食。本身以為會平啲，但係原來呢個價錢都唔包嘢飲。見到飲品吧都幾簡陋，要加$18有啲唔抵。未食過可以試吓嘅…查看更多

喺中環返工一直都聽朋友講Grill又抵又好食，有全日套餐主食+飲品最平$66，仲有各種泰式串燒同泰式飲品。套餐我地叫左青木瓜手撕雞沙律、串燒豬牛羊配菠蘿炒飯，兩個餐都有跟嘢飲。手撕雞份量好多，泰式酸辣汁可以隨心加入適當份量，口味自由控制。串燒份量實惠，沙嗲醬好正宗，菠蘿炒飯香口好食。串燒推介白鱔、豬頸肉、大花蝦、魷魚鬚同菠蘿。白鱔都幾大嚿，大花蝦好長，海鮮類都唔錯。豬頸肉串成S形加入泰式雞醬，同魷魚鬚一樣，非常惹味。菠蘿就更加唔使講啦，甜酸爆汁，表面仲有焦糖脆皮，必食！中環泰國菜黎講Grill嘅份量、質素都唔錯，選擇多樣，而且價錢超貼地，套餐仲要跟飲品，食lunch又多個選擇啦…查看更多

餐前面包有好特別嘅造型，個皮幾脆，鬆軟柔韌，帶有兩款牛油其中有羅勒味牛油。造型幾別緻，魚子醬+新鮮海膽+帶子汁，香脆紙片及有口感嘅扇貝造成卷軸狀，多層次口感。金薄同魚子點綴蟶子造成薄片狀，柱形嘅法式凍派（terrine)中間有白蘆筍，配搭少少辣嘅墨西哥辣椒醬汁同柚子凝膠，非常開胃🤤呢個前菜望落好似一個小花圃咁，朱古力脆皮外殼一咬落去就係入口即溶嘅鵝肝慕絲，美味爆發嘅一瞬間，好有驚喜喎湯未倒落嚟已經聞到龍蝦味，海鮮味好足，上面有牛乳打成細緻泡沫，日本蛤蜊肉質厚實，浸泡係香濃龍蝦湯入邊。魚肚係炙燒嘅，同好似花一樣嘅繡球菌配搭鮮雞高湯，湯碗造型特別龍蝦肉，甚至龍蝦鉗都好完整，佩服！龍蝦彈牙鮮甜，龍蝦燉飯濃厚，好滿足和牛油脂豐富，質感厚實，牛味濃郁，酸忌廉醬配搭得宜，中和咗油膩感，薯仔脆片加強層次。…查看更多

間鋪呢個時間冇乜人，一個大鍋慢慢嘆。我哋叫咗Level 2嘅美國prime牛肩胛肉，雖然肉類選擇比較少，但係質素都OK，牛味濃。火鍋配料都好正，有幾樣自家製包括手打黑松露墨魚滑、三寶丸、爆汁牛丸，仲有好少見嘅芫荽燒賣同芝士小籠包送菜速度都快，而且湯底可以自己加，台灣嘅特色養生湯底，打邊爐之前仲可以飲番幾碗先，每個湯底都會有配菜，例如藥膳雞、豆卜同木耳飲品好多選擇，有自家製冬瓜檸檬茶好飲，仲有啲氣泡水、解茶同埋柑橘汁等，除咗凍飲仲竟然有熱飲，真係好貼心最後可以一人叫一個雪糕，我哋就揀咗好少見嘅Movepick椰子味，大推呀…查看更多

今日以為好凍，點知原來超級好太陽，行街行到下晝已經有啲熱，而且好口渴，記得希慎有間吃茶三千已經好耐冇去過，就去買返兩杯嘢飲因為今日係星期六，人流都好多，當時預計等候時間要50分鐘，店員都好有耐性咁解釋等候時間同埋下單。芋圓同芋泥系列，係經典嘅飲品入邊加咗芋頭元素，我叫咗杯慢熟芋見國王，招牌國王珍珠奶茶，加入芋頭粒粒同埋芋泥，好有冬天嘅感覺。另外一杯寶島水果茶，加入咗蘋果片、鳳梨丁、檸檬以及百香果蜜，香濃嘅茶加上水果係絕配嘅組合，甜度冰度固定但唔會太甜啱啱好。店內有聖誕樹可以打卡，最特別嘅係呢間分店仲有戶外空間可以坐低慢慢飲，樓下仲可以睇到滑板場。店員話之後仲會推出聖誕換領活動，首次推出分店限定款式，只要三點後買1杯嘢飲之後，喺社交平台like同share就可以換冰箱貼同鎖匙扣。…查看更多

又發現左個中環食飯好地方，我同事今日帶我去Uma Nota，午餐2 course $168/ 3 course $198前菜簡左日式微辛甜酸炸雞同三文魚刺身，炸雞用上章魚燒醬汁，柴魚仲郁下郁下，熱氣騰騰，新鮮炸一定好食，雞塊一啲都唔柴，有肉汁。三文魚刺身配搭身配辣椒柚子土佐津汁、芒果莎莎、蘿蔔，清新嘅美道好開胃。主菜有慢烤美國乳豬肋骨配菠蘺燒烤醬，豬肋骨香軟，好容易拆到啲肉出黎，特製燒烤真係好正，甜甜地。炭燒牛柳、温泉蛋，枝豆沙律、飛魚籽原來會配埋飯，牛柳medium rare。仲未飽可以食埋甜品巴西乳酪撻，口感幾好而且撻皮牛油香。雪芭真材實料，熱清果味好酸爽呀。因為呢排好多人係餐廳慶祝聖誕，加上獨有嘅花花裝飾，幾溫馨又有異國風情。…查看更多

之前已經嚟過幾次，今次又同朋友食lunch。午餐$220包一個sharing plate、前菜、主菜以及甜品/飲品真係好抵，冇諗過中東菜喺中環咁抵，又好食。分享嘅頭盤有最出名的鷹嘴豆蓉Hummus，配上醃製漬物，同即叫即煎嘅中東扁包，煙燻Hummus順滑，香料配搭扁包相輔相成。前菜有外脆內軟嘅Falafel同埋清新嘅baby squids，一種配搭青醬，另一種配搭酸酸甜甜嘅羅勒醬，非常開胃。主菜揀咗烤雞同埋鴨腿（+$30），烤雞配搭藜麥沙律同乳酪醬好健康。烤鴨腿就跟飯，香料飯甜甜地，入味嘅烤鴨腿好容易撕開，冇腥味之餘肉質好細嫩，仲有特色醬汁，份量亦都幾大，推薦！最後今日嘅是日甜品係sponge cake，蛋糕香軟有蜂蜜味，有開心果碎以及黑糖醬，唔會太甜之餘，亦都好有中東風情。食完之後都好夠飽，服務亦都唔錯，坐吧枱嘅話可以見到佢哋食物嘅製作過程，呢個價錢係中環lunch冇得輸。…查看更多

午餐嘅自選魚生有最低消費$170（店員親口講，餐牌冇寫），知道生意難做，但係「自選」嘅意義唔係就係可以自己選擇食咩架咩？既然餐牌有低過$170嘅選擇，但係為左最低消費要簡啲比較貴但唔想食嘅魚生，有遺本意。建議餐廳寫清楚係最低$170嘅自選丼，以免誤會。魚生係好食嘅，飯用左赤醋都好食，係呢個安排令人唔太鍾意。…查看更多

住得將軍澳嘅街坊都知道，Table 開業咗大半年，無論咩時段去到都要排隊，我已經嚟過幾次啦，食物份量足水準夠，午餐好抵食，又唔使加一，真係長期飯堂。今次食咗沙當妮白酒煎焗龍脷魚、炭燒安格斯西冷牛扒，配上table水果茶以及白桃綠茶，仲加咗個Affogato做甜品。前菜我哋揀咗楓樹糖漿堅果燕麥杯，裏面有蘋果絲，而且好香豆乳味，是日餐湯係黑松露西蘭花忌廉湯，配上牛油酸種手工麵包，仲加咗個藜麥田園廚師沙律。安格斯牛扒好香，雖然係薄身牛扒，但係有一個半手掌大，加上薯條同沙律其實都好飽。龍脷魚好幼滑，配上酸酸甜甜嘅黑醋汁，以及少少莎莎醬，底下配有新薯以及車厘茄，薯仔有焗過幾香口。飲品方面，table水果茶仲可以加蘆薈或者椰果，健康得來好有咬口。Affogato好精緻，Expresso加上雲呢拿雪糕一樣夾，仲伴上少少棉花糖，都幾好食。兩人埋單大約$330，食物同服務都keep到，只不過可能比較繁忙，唔餐時段要等吓。…查看更多

灣仔新開咗一間以港式元素融合三文治以及飲品嘅coffee shop，個名都好鬼馬，叫做「Sleepyhead矇茶茶」，喺月街入面夠晒方便打工仔食個簡單嘅lunch，嘢飲都幾有特色。叉燒包配搭菠蘿包你試過未？估唔到脆皮同叉燒有幾夾喎，外脆內軟，而且叉燒嫩滑配上炒蛋就好似一個港式早餐咁。鹹牛肉三文治好惹味，醬汁嘅配搭亦都唔錯。我哋仲叫咗加入氮氣嘅港式奶茶以及咖啡，因為係on tap嘅所以冇得調校冰度同糖度，但係十分之順滑，入口一啲都唔會苦澀，港式奶茶用咗香港本地人手沖裝「師父好茶」嘅茶底，十分值得一試。最後仲叫咗個金柑檸檬西多士，多士香脆，夾着清新嘅柑桔檸檬醬，又甜又酸幾開胃。…查看更多

屋企人住觀塘，話附近有間好出名嘅潮州菜餐廳，開係酒店入邊仲攞過米芝蓮一星，睇落都幾岩一家人食飯。竹炭豆腐賣相好特別，出邊用咗黑色嘅炸粉，入邊豆腐都滑咁，食完先知冇影相，可以一試架。陳醋豬手香濃花生味，又唔會太重口，做開胃小菜適合而家嘅天氣。金絲煎蠔餅炸得金黃酥脆，見到個厚度都feel到足料，好過唔少大排檔啦豉油王鵝腸爽口，滷水汁都撈埋食飯，個底嘅芽菜幾適合送飯韭菜鵝紅煲足料，我好少食鵝紅，但係呢個真係唔錯，都幾香。雖然唔係啲排隊名店，但係都幾適合一間食飯，我阿媽都好鍾意潮州菜，香港可以做到呢個水準亦都好唔錯。…查看更多