ccpchuang的個人專頁

出面嘅鐵板燒Omakase，閑閑地一個人都千幾二千。龍亭呢間隱蔽嘅鐵板燒Omakase，最平一人套餐都只係$588。當日有$588（5道菜）同$788（7道菜）嘅套餐選擇，我地兩個人各自嗌左$588嘅入門廚師發板套餐加一枝梅酒。鐵板海鮮同肉類選擇唔固定，建議問下當日有咩選擇。月桂冠甘濃梅酒酸酸甜甜好易入口，配鐵板燒一流。一、煙三文魚沙律配上黑醋同龍珠果，酸酸甜甜好開胃。二、鐵板海鮮兩品當日有四款海鮮選擇：扇貝、帶子、鮑魚、東星班，選其二。扇貝新鮮，配上牛油黑松露汁又鮮又香，大推！新鮮帶子加上意大利黃瓜，黃瓜吸哂鮮甜嘅帶子汁。東星班煎到脆脆地，非常可口。每款海鮮都可以點隔離嘅蝶豆花泡泡，鹹鹹地，新奇又得意。三、鐵板肉類一品櫻桃蘿蔔切成蘑菇形狀，造型可愛。雞扒皮脆肉嫩，豬扒厚實，配上好fresh嘅特製醬汁，大加分！四、炒飯炒飯炒得好香口，想食多碗～五、雪糕上面嘅紅豆爆珠好特別，可以逐粒逐粒係口入面爆開。總括黎講CP值唔錯，新手想嘗試下鐵板燒Omakase可以嗌入門套餐。間餐廳門口比較隱蔽，見到門鐘就係門口啦，放心㩒落去。…查看更多

今日嚟大埔搵到呢間英倫風格扒房~ OX Steak Lounge老公揀左一份東星斑半龍蝦尾set lunch。東星斑肉質嫩滑，魚皮煎到金黃香脆，龍蝦爽口彈牙，午餐配熊本A5和牛油脂珍珠米，配菜有蔬菜薯蓉，非常飽肚又好味，啱哂男士食量午餐配埋即磨咖啡，啱哂我呢個咖啡控，又香又提晨是日餐湯係南瓜忌廉濃湯，口感creamy牛骨髓牛油配多士，多士焗到好脆口，牛油帶點蒜香，正時令生蠔~蠔肉鮮嫩又夠creamy套餐加38蚊有甜品，雙層奶凍，奶凍有淡淡草莓味。我就揀左澳洲M9頂級和牛小排，點左七成熟，牛味濃郁，仲配埋一份黑松露薯條，薯條灑上少少黑松露粉，而且又炸到金黃色外面脆卜卜，好食另外我地每人order一杯雞尾酒~Well done入邊有橙汁加馬天利酒好適合女士飲呢杯雞尾酒名叫 O，裡面有Gin，菠蘿，果汁，梳打，薄荷。口味非常清新。…查看更多

上個月同老公嚟食，我哋兩個都對呢間餐廳讚不絕口，餐牌仲有好多嘢食都好想再試，一於同朋友今日再嚟，順便介紹呢間隱世餐廳俾佢自家製蟹餅配檸檬忌廉汁外脆內軟入面有好多蟹柳同蔬菜絲，非常足料，夠晒醒胃澳洲草飼羊T骨扒焦香味係扒類不可或缺既一部分，除咗可以提升食材本身嘅味道，賣相同埋香味亦都可以提升到另一層次紅酒好香好純配扒一流，口感比想像更好，有意外驚喜。白酒夠晒清新，有香甜果味。極品海膽魚子醬多士多士香脆，大大塊既新鲜海膽回甘味加上金箔魚子醬一齊放入口，每啖口感非常豐富，絕對係對味蕾嘅一大衝擊。三文魚子泡沫生蠔第一次食泡沫生蠔，泡沫帶有檸檬味，取代咗平時自己滴嘅檸檬汁，將生蠔鮮甜爽脆嘅味道完美突顯出嚟，生蠔三魚子泡沫比例配搭得非常好。鵝肝牛柳鵝肝味道融入左牛柳扒入面，鵝肝嘅順滑同埋牛扒嘅口感，絕對係完美配搭，非常滿足Tiramisu 軟滑，甜道，味道剛剛好，淡淡嘅酒香味成為我哋今餐完美嘅總結餐牌仲有好多嘢都好想試吓，睇怕不久嘅將來又要再嚟一次…查看更多

天氣開始凍，同呀媽一齊黎食羊腩煲暖下個身。個細羊腩煲對於兩個人黎講個份量都唔少，最重要嘅係啲羊肉一啲都唔騷！有時自己整羊腩煲難就難在去啲羊騷味。個煲入面仲有好多配料，全部都好入味。跟羊腩煲上嘅仲有一大碟生菜同廚師自制嘅腐乳醬。個人特別鐘意個腐乳醬，用黎點咩食物都得，想落少少係個羊腩煲吊下味又得！另外仲嗌咗泰式蝦餅、西班牙黑豚肉、黑松露豬肉餃同鮮蝦雲吞。全部都新鮮鮮蝦雲吞大大粒，啲蝦都係真材實料。總括黎講，野食唔錯又新鮮，座位坐得舒服，服務都好好。羊腩煲絕對推介大家黎食！…查看更多

✨裝修簡約舒適係拍拖聚會的好去處😁✨店員的服務友好，態度親切👍🏻✨北海道帶子刺身沙律$228北海道刺身沙律中的帶子鮮嫩配搭新鮮的蔬菜非常開胃。✨法國龍蝦湯$168法國龍蝦湯口感幼滑，唔會過於濃郁，充滿龍蝦鮮味。賣相亦非常吸引。✨焦糖法式燉鹅肝$208特別推薦焦糖法式燉鹅肝，賣相令人賞心悅目，上面焦糖甜甜脆脆，裡面係非常香濃軟綿綿嘅鵝肝。隔離朵花是焗麵包睇得又食得，非常有心思，值得一試的甜品✨極品海膽魚子醬多士$238／3pc海膽好鮮甜，配上金箔黑魚子醬，一口食落去真的非常過瘾。✨鵝肝多士烤至表面酥脆，鵝肝脂肪豐富，口感非常滿足。✨黑松露忌廉半熟帶子薏米飯$288賣相非常吸引，精緻菜式，薏米口感有咬口帶有香濃黑松露味道✨White WineSanta Carolina Premio -2021 $ 78/glass食法國菜配法國白酒，白酒帶有果香味，輕鬆易入口。食品精緻款式多元化，味道一流。…查看更多

帶呀仔坐船過海再搭叮叮，去到Stanley 11，哇，成棟都係餐廳，咁多選擇，試下久違了的大阪燒先！部分店員係日本人，招呼好好，餐廳雖然細啲，但坐得舒服，好有日本居酒屋感覺老公即刻嗌反本draft Sapporo，我就梗係飲可樂啦！免治雞肉燒好正，有軟骨喺入面，好好食，呀仔都食到唔停口蕃茄水牛芝士大阪燒好食！豪華海鮮炒麵真係好豪華，有大大隻章魚喺度葱大阪燒好日本地道感覺，好似去左日本居酒屋咁海膽帶子燒好香，海膽夠鮮味，帶子大大隻，外香內軟芝士免治雞肉燒都好好食，不過感覺無加芝士都已經夠好食了鰻魚玉子卷好正，鰻魚好滑，玉子夠香，無敵！…查看更多

呀仔反埋最後一日學，帶佢岀去食下飯，順便為呢三星期既暑假揭開序幕🫠成日都食亞洲菜，今次試下地中海菜先一search OpenRice第一個就彈呢間El Portal岀泥，近近地，就試下佢先！好易揾！廟街牌坊隔離上2樓就係！地下有大大個黑招牌！岀面雖然大雨，但天氣熱辣辣，一坐低老公即刻嗌左杯希臘黑啤$58老公話幾好，有陣炭燒香味中意食芝士既我梗係要嗌各種地中海芝士$198地中海芝士一般都係比較濃味，配上橘子jelly正好中和口內既味道，脆卜卜既酸種麵包呀仔至愛！蒜香蛋黃醬配炸魷魚$88好香既蒜味！炸到脆卜卜燒烤黑豬排配松露烤南瓜$268超軟滑既薯仔烤到好香，南瓜蓉好甜，豬鞍燒到啱啱好！最怕食到攝牙豬既我今次完全無發生呢件事！下次一定會再食呢個！飯控既呀仔，要點反個西班牙海鮮飯$218呀仔自己都食左半份，知佢咩料啦😂…查看更多

好耐之前黑木未開張時已經比佢門面吸引左，覺得好日式好正咁，一路都想試，終於今日同朋友試佢既午餐omakase 每位$588加一但感覺並唔係我所想，openrice既食評寫到好好咁，所以可能expect得比較高，但最後覺得完全唔係呢個價錢要有既水準首先，有個燒鱈魚片，香脆好味之後有個沙律，正常日式沙律免治雞肉串，正常燒鯖魚，正常雞軟骨，雞皮串，每樣得兩串，問過，係要share的，但其實雞軟骨同雞皮唔係啲咩好貴既食材，四個人嗌四份588 omakase要share感覺會唔會太寒酸呢？如我我一個人泥食，姐係比半串我？鰻魚，好食粟米芯豚肉，正常豚肉腸，正常。最後有個燒蟹肉帶子普通湯，正常水果甜品，正常可能真係expect得較高，覺得588加一一個人比較唔值，因為啲食材唔係話啲咩特別既野食，somehow喺凍肉店都買得到可以自己燒，同埋佢無得另外散嗌野食，食哂所有野我地都唔飽，想encore野食都無，反去要再買野食…查看更多

放假唔知食乜好，醒起平靚正海膽仔即刻召喚老公岀去買外賣反泥比我先今次試少少佢啲燒物，都唔錯牛油果蟹肉沙律，牛油果軟滑，蟹肉份量多壽司同平時一樣，平！靚！正！壽司飯大大舊，其實好快飽，刺身夠新鮮，絕對唔係啲平價壽司整到薄到透明果種，有口感手卷都係果樣野，紫菜分開包，到食果陣紫菜仲係脆卜卜呢個係加分！對外賣手卷泥講係非常重要，淋哂既手卷，無論啲料幾好食，都會感覺好差呢度咁多野先499，兩個飽到反肚，仲唔係平靚正？下午茶都慳反海膽仔我地下次再見喇…查看更多

諗住同老公同仔仔去野餐，買少少壽司去食下都好！經過新蒲崗，Openrice一search就見到海膽仔，望落餐牌好似好吸引咁，就一於試下佢先！壽司即叫即整，10分鐘拎得，果然有效率！材料好豐富，第一次食蟹膏軍艦啲蟹膏多到咁，滿滿的，唔呃枰炸蝦卷到食果陣竟然仲好脆喎！有驚喜！鰻魚卷可能因為有芝士喺入面既關係，成個口感好濃郁，好creamy，正！另一樣驚喜就係手卷係紫菜同涵料分開，就算放左一段時間，到食果陣紫菜依然好脆！加分！…查看更多

又到左一星期去一次既尖沙咀，立鮨午餐梗係我地必到之處今次老公食10件omakase $358呀生(同音)師傅招呼好好，又會耐心地逐件介紹，由上至下開始食，分別有珍寶牡丹蝦，大大隻好飽滿好creamy珍寶帆立貝，師傅整左啲柚子碎喺上面，creamy得泥加多份清新感覺深海池魚，師傅亦整左柚子碎喺上面，帶岀池魚既香濃魚味赤鯥同喜之次都係炙燒既，好香口，有驚喜，喜之次就整左葱醬喺上面，令壽司更有層次大拖羅好肥美，淨係賣相都足以令我地食到哇哇聲中拖羅雖然無大拖羅咁肥美，但綿密既肉質令口腔充滿住拖羅魚味，更加無大拖羅咁易覺得膩，可以不斷encore!煙燻鯖魚好有驚喜！估唔到當造既鯖魚可以咁好食，同以往食開既燒鯖魚會帶點腥味實在係兩個世界！白子壽司永遠無得彈，一路咬，爆開既白子將每粒飯包住既口感係同食海膽一樣咁正！加拿大海膽，今日無馬糞，但加拿大海膽亦不會失禮，好食！最後都係忍唔住揀左兩件最岀色既Encore，分別係喜之次壽司 $58同深海池魚壽司 $25火炙松葉蟹腳壽司$30燒過既松葉蟹係一絲絲既口感，本人覺得仲好食過坊間既生松葉蟹，燒過更加帶有甜味！鮟鱇魚肝小食 $58佢放左柚子醋喺個底度，令容易膩既魚肝更加清新，食哂成碟都唔會厭，好香好滑，肝味濃郁鰻魚櫻花蝦玉子燒 $48櫻花蝦包左喺玉子燒入面，令到每一啖都會食到櫻花蝦既香味，雖然鰻魚味道比較濃，但亦唔會搶走櫻花蝦既香，咁樣既玉子燒第一次食，好正！蟹籽沙律 $28我既必食之選，唔使講，蟹籽沙律無得輸牛油果手卷 $12牛油果好香滑，紫菜超脆！不得不讚佢地既紫菜真係好好食！又香又脆，下次一於問下紫菜既牌子！實在太好食！原隻磯煮鮑魚 $58師傅將麵豉粒放左喺上面，原本以為會好咸，點知好香，好特別既磯煮鮑魚最後以火炙大呑拿魚腩海苔壽司作結$48呢個真係超級無敵勁好食！燒過既大拖羅油脂超級豐富，飯粒將每滴油都吸收左，然後紫菜亦可以中和油膩感，魚油充滿omega 3，係健康既油，食幾多都唔會覺得有罪惡感！分分鐘皮膚仲好左呀真係食幾多次都唔厭，下星期再見…查看更多

又到左老公放假既日子，梗係要食好西！醒起好耐無食立鮨，一於要食反餐豐富的假日午餐！餐廳用上即棄筷子，感覺更加衛生！二人限聚令嘅關係，都會有塊牌分隔住，每格都有斟熱水位，減少同人接觸，食得安心又放心！老公即刻嗌反杯𣄃麟生啤襯靚野我地嗌左兩種貝類刺身原隻活赤背同北海道活象拔蚌都好爽甜，特登一泥到就嗌左開下胃先蟹籽沙律由細到大都好中意食蟹籽沙律，好食！大滿足海膽特盛細細一杯既海膽特盛足以滿足你視覺同味覺既衝擊！海膽鮮甜無比，非常creamy，個味飯係非常之正，同我去超貴omakase既地方食既飯係一模一樣！唔好以為間店細細，佢地既食材係好高級！正過好多高級餐廳！三文魚籽海膽大滿足三文魚籽唔係一般貨式，用特別既醬汁醃製過，鮮！甜！粒粒三文魚籽喺口入面爆開果個滿足感真係只有三文魚籽先做到！絕對唔會食到厭，如果唔係個胃唔夠大，真係可以食多幾杯！嗌左三樣壽司日本馬糞海膽壽司，呢個無得輸，唔使講！用上咁靚既材料邊有得彈！芥辣八爪魚軍艦，好新鮮！鱈魚白子壽司，呢個我地encore左幾次天氣一涼，除左食秋刀魚，白子亦都係我地必食既！肥嘟嘟既白子，淨係賣相已經一流，配上酸汁啫喱，成個軍艦放入口，每粒飯都比creamy既白子滿滿地包圍住，令我地一食再食，真係停唔到口白子小食同白子壽司有少少唔同，呢個除左酸汁啫喱之外，仲有酸汁一齊食，又係encore之選！嗌多兩份半條秋刀魚刺身天氣涼涼地，就係食秋刀魚既最佳時機，秋刀魚入口軟滑，獨特既秋刀魚香味配上薑茸同葱粒係令人味蕾非常醒神，好！繼續食！師傅好好人，仲送左一人一件鰤魚壽司同埋火炙大拖羅手卷比我地鰤魚原來就係油甘魚，不過係野生嘅，平時我哋食開嘅油甘魚係白色帶點粉紅色，而呢個野生鰤魚成件都係粉紅色，咬落去好肥美好香但係又唔會太肥膩，好正！好好食！火炙帶拖羅手卷完全冇得輸！燒過嘅大拖羅非常油香，師傅用紫菜包住成個底，唔會浪費每一滴魚油，而紫菜亦都中和左肥膩嘅感覺，為我哋呢一餐畫上完美嘅句號！立鮨真心推介！每次泥都係超滿足咁走！最正係完全唔貴，但食緊高級餐廳既野食！無得輸…查看更多

終於我履行左我嘅承諾，帶我阿妹去食喜來稀肉，今次去遠少少，去銅鑼灣，順便行吓街閒日嘅午餐時間，仲要係呢個疫情底下，都真係算多人，午市套餐大概係七十幾咁上下，仲有三色韓式小食，都算唔錯妹妹嗌咗個韓式石鍋拌飯，加多支韓國提子汁，我就嗌咗個人蔘雞湯，加多支韓國啤酒石鍋拌飯熱辣辣，又有少少飯焦，好好食人蔘雞湯應該係熬左好耐，雞肉好軟林林，連骨都一咬就化開，個湯好濃郁三色韓式小食好正，對於正宗韓式前菜來講，佢算係偏甜，但係正正就係因為咁，唔會太辣，更加迎合香港人嘅口味…查看更多

真係好耐冇出街食飯，呢幾個月個個都人心惶惶，最近終於可以放鬆少少，哩係屋企成日睇韓劇，一於第一餐出街食就同老公出去拍下拖食韓燒先！出咗去尖沙咀順便行街，再去金巴利街既喜來稀肉，二話不說即刻點返個護心肉同埋五花肉食下先，老公話仲想試吓佢嘅五花肉配特製醬汁，燒酒溝啤酒係我同老公嘅最愛，正呀！五花肉配特製醬汁甜甜地，幾好食，不過，護心肉同原味嘅五花肉都係我同老公嘅首選，點少少醬已經可以好好食，每人嗌多個飯，已經夠晒飽，不過，太掛住個仔，食得匆匆忙忙，一於決定下星期同阿妹再去食多次！…查看更多

見工人姐姐湊呀仔湊得幾好，同老公放心哂，一於偷偷地閃岀去食反個晚飯先老公揀左MGB by Manhattan Grill Bar話好耐無食下西餐，貪佢夠方便，泊車喺APM行過隔離就係，食完飯仲可以行下一田先反去！餐廳都幾大，店員安排我地坐卡位，夠哂闊落，仲有outdoor既坐位，好細心！我地嗌左個set dinner，好抵喎！一個慢煮豬鞍set dinner都只係288加一，又有小食拼盤又有餐湯，又有main course，有甜品有野飲，我地仲加左88蚊要4隻美國泰勒太平洋石蠔，啲蠔好新鮮，夠爽脆！啱哂老公！小食拼盤有雞翼，Parma ham，風乾牛肉，香草車厘茄，芝士，焗紅椒同少少黑醋沙律，好豐富，好少可有set dinner會有小食拼盤，多數一個salad就算，好有誠意，又好食！我地另外加左18蚊升級做蟹肉龍蝦湯好香濃，啖啖蟹肉，正！慢煮豬鞍扒配蘋果無花果醬豬鞍夠哂稔，蘋果無花果醬可以中和口腔內既油膩，再食多啖肉，更加帶岀豬鞍香濃既肉味，呢個配搭一流！另外加多杯可樂，嗌多個蒜香蝸牛同埋牛油果pizza已經夠哂食蒜香蝸牛好滑好香，最好味係下面個薯蓉，吸收哂啲油份，好好食，好香呀！牛油果pizza唔係就咁舖牛油果片喺個面度咁簡單，仲有牛肉果蓉喺芝士個底度，啖啖都充滿住牛油果既香味，好好食！最愛甜品既老公見到個甜品menu直頭雙眼發光咁濟嗌左個特濃朱古力蛋糕口感好結實好豐富，老公最愛呢種結實口感既食物！啱哂佢！酥皮熱情果配野莓醬呢啲輕盈口感既就最啱我！酥皮熱情果配野莓醬酸maymay既熱情果配上蛋白脆脆，一酸一甜，清新又好味！下次泥一定要再嗌呢個！…查看更多