Foodie623的个人专页

Soho區餐廳多，估唔到連平民台式飲品都有幾間今次經過路口見到呢間，試試先個menu選擇不錯今次想飲咖啡，店員介紹如果鐘意奶味重啲可以揀玫瑰或桂花鮮奶咖啡但如果想咖啡味重啲就蜂蜜美式會好啲最後怕太甜，但又想有啲奶味平衡下，所以就揀咗桂花咖啡牛奶個賣相好靚，有幾層顏色飲嘅時候要先攪拌好飲落除咗平時嘅鮮奶咖啡味之外仲有陣陣嘅桂花香，似乎係直接落咗桂花糖漿唔單止有桂花香味，仲有桂花花瓣食到入口添！直頭同你去食桂花糕個感覺一樣感覺好特別好新奇值得試下，唔洗成日飲黎飲去都係個幾味鮮奶咖啡嘛…查看更多

一開始揀呢間嘅時候係先見到勁多好評，就當然二話不說訂枱啦但臨去食之前再睇多兩睇，咦啲負評都唔少，仲要係話個個都被啲好評呃咗好伏咁我都心大心細，畢竟有負評講到話唔好去食咪上當喎我地係食9:30，有兩個鐘頭時間任食店內食客唔算好多，所以有得兩個人坐四人大枱而且落單即落即到整體上其實又真係無啲負評講到咁差喎我地試晒所有牛肉，最出色係牛舌同肉眼反而個牛仔骨就真係麻麻。最特色係燒嘅時候佢個爐上有舊鹽磚，我地直接將啲牛肉放上鹽磚到燒，正啲牛肉直接吸收咗啲鹽，食嘅時候完全唔洗點任何醬料又唔需要其他調味都好好食，好帶得出個牛肉嘅鮮味呢隻燒法我都係第一次試，值得推介除咗牛肉，我地都點咗啲蔬菜、岩燒雞翼（又係好食推介）， 同海鮮（三文魚骹正），所以整體黎講一啲失望一啲伏位都無…查看更多

好耐無去食松記糖水，今次去返，見到多咗好多新款式今次點咗個鮮什果雪糕同西米露同紅豆沙+豆腐花再拼紫薯個鮮什果西米露凍冰冰，特別係有幾舊西瓜係到好消暑加個雪糕球，增加味道，令成個甜品味覺上同層次上都豐富啲紅豆沙+豆腐花加紫薯都唔錯近期大熱紫薯，估唔到松記都會跟返住個潮流加個紫薯落去諗落呢個組合都幾搞笑好少見，但食落去綿綿嘅紫薯蓉再加滑滑嘅豆漿花，再配埋帶有陳皮香嘅紅豆沙，又幾夾幾好食，但又唔會甜到太漏或太頂肚…查看更多

鐘意食海鮮嘅可以考慮下呢間火鍋，因為個海鮮鍋真心唔錯佢叫航母海鮮盛宴，叫得航母，除咗因為隻鍋好鬼大隻之外，仲係因為隻鍋真係成隻海軍母艦嘅設計好得意好搞笑個鍋好大隻，好多新鮮海鮮，所以都要多啲耐性同時間去等佢滾起先可以分批去食啲海鮮例如墨魚仔、蝦呢啲可以先食，但鮑魚就要等到最後先食好彩啲職員雖然係忙，但行出行入經過都會提醒你邊啲食得啦邊啲要等多陣食味方面，海鮮都尚算新鮮，加埋個湯底係小辣，所以啲海鮮煮熟時都有索到陣小小辣嘅湯味。食完啲海鮮就可以加啲自選配料，首推肥牛見到啲肥牛嘅紋路都估到唔會太差海鮮湯底再淥肥牛，非常好味最後打完再飲返啖湯，正…查看更多

喜愛芝士奶蓋呢類邪惡飲品嘅朋友都一定會試過喜茶吧我今次試咗多肉莓莓，初初睇個名以為比同類的芝芝莓莓多啲士多啤梨肉掛等咗兩張飛就有得拎，值得一讚嘅係店內職員態度良好，而且背後有好多職員製作飲品，基本上我一落聽後面負責製作嘅職員一聽到我要咩就即刻去整咁加上等嘅人唔多，所以比預期等得快咁到底多肉莓莓即係有幾多肉呢？果肉方面我就覺得唔係話真係好多，飲嘅時候都食到一兩啖碎碎嘅士多啤梨肉啦。其中我都食到啲類似椰果嘅配料，透明圓條狀嘅，幾有咬口，似乎用黎增加個口感。我估就係呢啲雙重口感所以呢杯野叫做「多肉」值得一提係喜茶嘅芝士蓋真係好好味好濃厚，加埋啲士多啤梨又幾夾幾好味喎 …查看更多

深水埗荔枝角道有2間差唔多嘅越南餐廳，經過間時見呢間入面差唔多坐滿晒人，於是就諗住應該唔錯入到黎見到餐廳嘅裝修好簡單，一邊就係簡板寫晒啲菜式（當然佢本身都有張餐牌）點咗個蟹糕蕃茄湯檬 （$50）大大碗，熱辣辣個湯底都幾香，飲到淡淡的蟹肉同豬紅味逐羹逐羹湯連啲檬粉啜黎食非常正另外又試咗佢嘅米紙鮮蝦卷（$20）好靚咁樣用芭蕉葉包紮住，食嘅時候比較方便唔會黏手裡面有兩隻蝦，一堆檬粉、生菜、豬肉同香葉調味，味道較淡同乾身。而同時仲附送啲醬汁比你點，啲醬汁嘅味道咸咸地，岩岩好調和到米紙卷嘅清淡…查看更多

以前成日食outback ，因為個時一講起食高質靚扒就會諗起Outback。但隨住愈來愈多小餐廳小店都會用心主打牛扒，係出面食得多見識多啲，就發現宜家Outback嘅牛扒真係唔平之餘又唔好食叫咗呢個7成熟肉眼牛扒。一切就發現多肥，而且肉質好實好硬，切都好難切。咬落去肉質超鞋，雖然係紅紅地，但一啲肉汁都無，非常乾身。佢只勝咗夠大份厚身，食落頂到肚，但完全唔好食，一啲都唔值呢個價反而個薯條比起上黎仲出色過件扒。反而呢個雞+蝦嘅No Rules Pasta 食味同質素都比個牛扒更好。可能下次去outback 都係食下海鮮食下pasta 算啦…查看更多

McCafe 啲咖啡其實一直都唔錯，所以閒時都會去買杯飲下今次叫咗杯岩鹽焦糖鮮奶咖啡，佢比自己另一杯「焦糖鮮奶咖啡」嘅味道較濃同較香。而我一直都鐘意飲McCafe嘅岩鹽焦糖鮮奶咖啡，覺得McCafe嘅呢杯咖啡比其他連鎖咖啡店嘅同類型飲品更出色，無其他個啲咁甜，而且個焦糖味同咖啡之間嘅平衡調較得好，因此味道夠晒夾，十分好飲最興奮係今次去到見到佢宜家出咗特大jumbo size!一共有（好似）四個大細嘅選擇比大家揀，我就當然揀特大喇…查看更多

第一次食Mr. Steak ，見到午市時間成間餐廳都好滿，並有light lunch menu 同 semi lunch buffet就咁簡簡單單係light lunch menu 點咗個烤美國薄牛扒午餐個餐包咗個龍蝦湯同一杯餐飲 個龍蝦湯幾濃味，色水同味道都唔錯而個主食牛扒我點咗5成熟，不過黎到一切都似有7成熟了講到明烤，一食落又真係好有炭燒味而且肉質都幾好，香，而唔鞋口唔太硬以咁嘅lunch 價錢我覺得有咁嘅質素嘅牛扒實屬唔錯幾好而且個薯蓉好重牛油好creamy好滑身，配返牛扒同燒汁食又唔會太膩侍應們都好忙，但都好好態度同好貼心見到佢地手腳都做得好快…查看更多

呢間係蘭桂芳嘅Starbucks 可能因為地域關係，佢有嘅食物（特別係熱食）比其他Starbucks 分店嘅多今次黎見到有長通粉、又有千層麵，又有烤綿花糖多士，仲有湯添基本上你要係呢到點個4-course meal一啲都唔難因為肚餓得濟，又想試下佢啲pasta ，所以我今次叫咗個經典卡邦尼長通粉不過呢碟長通粉定價都幾高成$63一份基本上其實佢都係我一點，就即刻由個雪櫃拎佢出黎再翻熱。份量方面都唔算多，你要當係一個輕食都可以，真係好肚餓就唔會夠飽長通粉有煙肉同白汁，仲有啲芝士碎係面。食落個味道就當然不及去出面餐廳新鮮煮個醬料其實都幾香，唔錯，但始終係翻熱食物所以都會有影響，期望都唔好咁高…查看更多

第一次黎呢頭，諗住食個lunch ，點知好多餐廳都爆晒棚有排等，見到八方雲集都尚餘少少位就去食點咗個雙拼套餐（9號餐）。個餐有跟5隻水餃同5隻鍋貼每款水餃同鍋貼都有得揀，好似素菜呀、咖哩味等，但我就揀招牌等咗一陣就叫號碼，然後就有得拎有得食喇！每張枱上都有豉油、醋、辣椒醬比你倒落隻小紙碟上點黎食水餃個皮厚薄適中，有少少口感，裡面肉餡嘅份量較少，調味一般，較為啖口，所以點埋啲醬料就岩岩好個鍋貼煎得岩岩好，肉餡較多。成個套餐有十隻餃，所以即使無任何飯麵落肚食完都好夠飽了 …查看更多

宜家興食素，環保又健康，今次黎green common 見到除咗零售外，隔離就係餐廳今次試咗個植物蛋照燒碗，另外再加個素嘅肉粒上菜一睇，驟眼望真係同平時出面食嘅無分別！素肉粒賣相同真係肉嘅肉粒一樣個汁係黑椒汁，非常惹味。而當然個素肉粒嘅味道口感同真肉嘅完全唔同啦但都係好味道，唔會令人反感或抗拒呢個植物蛋照燒碗真係勁！唔講唔知個蛋原來係素蛋！即係一啲雞蛋成份都無食落個口感同味道都唔錯，當然唔及雞蛋咁濃味，但呢碗植物蛋加上個日式照燒汁，撈埋啲糙米飯，又健康又好食…查看更多

食完晚飯就當然要例牌食返個糖水今次去松記食，見到裡面超滿，不過都好彩好快就等到位餐牌好多款甜品糖水，見到其中好多都有加芋圓鐘意食芋圓嘅我就當然唔會送放過呢個大好機會啦點咗個雪糕仙草芋圓雪糕可以有幾款選田，我就揀咗曲奇雪糕球。呢款甜品好正，超級豐富。最好嘅食法當然係等個雪糕球溶少少，然後再將雪糕汁撈仙草黎食。夏天食非常消暑至於芋圓佢有兩隻色隻味道。個人覺得黃色（地瓜味）味道較出同較香。兩款芋圓都好QQ好有咬口鐘意食好煙韌嘅朋友就會喜歡。同埋芋圓都加咗糖所以味道都偏甜整體黎講呢款甜品都好食嘅…查看更多

深水埗區除咗一般茶餐廳外，愈來愈多年輕潮流嘅餐店，呢間圓圓都係到開咗好一段時間，主打係黑糖飲品。之前睇過網上報導好似話係台灣人走過黎開，啲黑糖仲要有每日新鮮煮，好似好正宗一排隊就聽到店員之間傾計係用國語，感覺好似真係台灣野喎點咗杯黑糖珍珠鮮奶一飲，好好味呀係好香好濃嘅黑糖漿！啲珍珠偏硬身，口感好強，好Q。一準備好拎上手個刻仲感覺到個杯底係暖嘅黑糖珍珠同鮮奶永遠都係最好嘅配搭，而呢個黑糖漿嘅甜度同鮮奶混得岩岩好，唔會話過份甜而且價錢黎講都算係抵！屬性價比高…查看更多

一直都鐘意飲珍煮丹嘅黑糖系列特別覺得佢嘅黑糖珍珠厚奶係城中好飲 今次呢杯黑糖珍珠紅茶豆漿都無令人失望其實飲落就似普通珍珠奶茶差唔多。佢嘅茶底好香好濃，茶味混完黑糖珍珠同豆漿都仍然係咁出另外，今次用咗豆漿唔用奶，感覺好似健康啲又無咁濟。如果都牛奶敏感，呢杯都應該會岩飲嘅。至於啲珍珠，佢嘅黑糖珍珠系列嘅珍珠都係偏甜（浸過黑糖糖漿咁），所以都應該適合嚐甜嘅女生飲或者可以揀微糖。而呢間分店嘅裝修都唔錯買杯飲品再打個卡岩晒…查看更多