wanders的个人专页

今日要到上環training, 知道海安就在附近。因為佢外面係50,60年代的古老冰室樣，好像好懷舊呢。入到去已經好多人食緊嘢，當然我和朋友都要搭枱，但坐卡位的－面都算舒服。我地都點了叉燒撈丁麵，因為見倒對面食緊，個樣唔錯呢。d 叉燒好多，又好好食，啖啖肉，唔知係唔係自己燒呢！有點葱油令個丁麵好香！老實講，我N年無吃丁麵了，今次係佢地整得吸引而破戒！我叫了檸檬茶，下次－定試奶茶同佢個煲仔鷄翼丁麵！！！最令我們窩心係，找數時，因為揾唔倒個一蚊銀仔，老闆話唔收那－元，叫我下次經過先俾！！！好感動呀，下次要再來！…查看更多

尼道有同事介紹過，自己過來吃,坐底之後想食魚腩粥又怕好多骨，正在唔知點算的時候，見倒好多個阿哥阿姐都吃尼款粥，再問下伙計姐姐多唔多骨，佢都推介唔多骨，主要係大條的。阿姐咁好，又唔嫌我問尼問撈，我就order 了。碗粥來到，有４條魚腩肉，每條有２隻手指粗！好熱辣辣，有兩個姐姐邊食邊投訴個粥好熱，所以食得好慢，我就覺得粥夠熱夠鮮味，食得慢d 唔緊要。記得要將碗粥撈匀食，個底有好多生菜絲同薑絲，跟魚－起食才好吃的。另外，我見佢地而家有飯食，男生唔怕餓扁了。…查看更多

船街内價格相宜的餐廳，見門口又有人等位。往餐廳内看，裏面爆滿，心想－定係好野啦。餐牌有星期－至五不同午餐，也有一些越南粉餐。因為尼排食得多越南野，屋企又有豬排，就揀左海鮮寬麵，試試素翅湯。午餐好快就到，個麵有d 黏在一起，有點硬。海鮮有細鱿魚，完全無味，蟹柳(係人造那種，當然，56元的午餐我唔會期望有真的，但佢居然已經係全碟最好食)。素翅呢？根本就係粟粉忌廉湯加了幾條素翅，好難飲，好後悔無選普通的檸檬茶，奶茶！我唔會再去！！！…查看更多

尼間真係超長長龍，我提早11:45am出公司門口，來到约12pm 就少人－點。我見佢d 裝修都好搞笑，好似有張畫就有餃子，上面個message 係有餃子生活更好。另一張就係講控制情緒的。我翻完menu, 佢地松茸餃係主打特色菜，故此－定貴些。8隻湯餃子，已經72元，好像好貴喎。故此，我只叫了普通的雲耳椰菜餃。佢地都好快上菜，喝兩口佢地個狀元九鼎湯，好淡呢，沒有動力喝下去。餃子呢，都可以吧，我只叫了餃子没有加麵條，後來3:30pm就餓了。建議男生要吃大碗或加麵。…查看更多

尼間舖好旺，我自己一個入去食lunch,先發現佢地有點小炒王feel。大圓枱最好成班朋友一起食！其實一個女仔，應該叫d 有菜有肉的六＋元午飯餐。但我見倒有－款叫橙花骨嘅午市套餐，有飯有湯。同排都有人叫鎮江骨，粟米魚塊，但又點及得上橙花骨特別呢！我抱著食唔曬的打算叫了。－到就驚嘆係好大碟豬排，有橙汁獻同幾片橙。味道唔錯！最恐怖係我一塊接一塊吃了好多，竟然全碟吃光！我望望旁邊夫婦吃鎮江骨同菜，－行三人OL, 都係有碟全菜，－碟魚和豬，覺得自己成為食肉獸！下次一定要同朋友一起來吃！…查看更多

今晚同朋友慶祝生辰，她因為敏感所以飲食戒得很清淡，亦有很多食物也不吃。其實，肉類佢只食豬肉；我們就來這裡試試素食。環境真係好舒服，店內有很多盆栽植物，對面又有ovo home, 晚上植物section 已經closed, 應該平日植物可賣？其實位不多约20個，最好訂位。至於食物，我地見套餐係有餐湯salad 飲品，但主菜並不是我地想食的。所以，最後散叫，蓮藕沙律、margarita tortilla pizza, 同素漢堡，加＄要一壼blueberry pomegranate tea, 兩個人慢慢吃和傾。個蓮藕沙律頗特別，d 蓮藕乾好香。但個溏心蛋我食完後唔多舒服。素漢堡也頗出色，內中有素漢堡扒同菠蘿，好香！超讚！個pizza 好薄同脆。我同朋友都食得好飽，尼度係傾計好地方，素食中算幾特別。…查看更多

我經過親尼度，都企成10個人等入座。我獨自－人等位约10分鐘，佢地位頗多，故有些二人位遲過我也一起入。我見旁邊的人吃生牛河加牛丸，和牛柳撈檬，其中－位讚緊生牛河，所以也叫了。個牛河好大碗，上面放左金不換，洋蔥，另外在小碟有青檸辣椒，個青檸太乾了。個湯連這些配料令食物味覺豐富左。牛肉唔錯，在熱湯中放－陣就熟了，味道可以。牛丸就鹹左d, 亦唔係好有肉汁彈牙。食完個粉都好飽了。之後先聽到旁邊話檸蜜係唔洗加＄！下次會order 檸蜜！…查看更多

佢地放左個牌，寫12:30pm前埋單有折。我走入去因為早唔算多人。見佢menu有咁多野揀，有點選擇困難，問佢地有咩推介。佢地都話有火在旁邊的，都幾受歡迎，尼度附近又唔多台灣野食，我就揀左滷肉飯，加多個餸牛。滷蛋味道可以，又有－些菜，d 滷肉味道適中，反而係牛有點過鹹了。我自己－個人可坐二人枱，加上成個環境都幾寬敞，尼頭真係好少有，係同朋友輕鬆談天的首選。我都幾欣賞佢地嘅服務態度，唔會趕頭趕命，食完未抹嘴就趕你走。…查看更多

門前永遠有排不完的人龍，單獨吃午飯走進去，立即有位太感動了。菜單內有超健康的多菜少肉糙米湯飯、蘋果鷄扒.......等等，我選擇了feature的 蘋果咖哩糙米飯。味道上，我唔覺得有蘋果的甜味，但咖哩香是有點，不辣。豬排份量大, 有手掌大小，肉質亦好。但飯就偏乾和硬，我自己煮的糙米或紅米都淋－些，可能 大家對米飯軟硬要求不同吧？跟餐加４元有普通餐飲，檸檬茶不會澀，可以可以。我一邊吃，一邊看到等位吃飯的人，連2個人都等左成20分鐘；個人覺得食物ok, 但若要這樣等，我會往別處。…查看更多

12:30pm 到仲有三張4人枱空，－入去呀姐就指我－個好逼嘅角落坐。雖然－個人，但都唔洗揾最逼個位俾我呀？我是但走咗去其中－張空枱坐下，呀姐立刻好大聲話：－個人坐尼度。於是我起身，見有個在走廊旁的搭枱位，就問下可唔可以坐。ok 左。終於可以叫食物了，無曬蒸魚腩，就食凉瓜牛肉吧。無大驚喜也無大失望，份量足夠。檸檬茶好澀下，所以我就無飲曬。包嘢飲$46，係尼區算便宜了，所以都好多人食。但食食下又要我搬位，感覺真係好煩，都係周圍揾下其他食肆有無好野食好過。…查看更多

去完好多好多間逼人的餐廳，我同事帶了我來這裡吃飯。神神秘秘的一幢大厦內有這間食肆，12:30pm 到達只有兩三枱人，我們點了蒸䱽魚、松露炒鳳片、肥牛炒金菇。先來了湯，喝下來没有味精，超讚！沒想到肥牛金菇有加菠蘿，但味道也可以。松露炒鳳片其實就係脆肉瓜炒鷄肉，個人覺得比較鹹，沒有什麼松露味。最好食就係蒸䱽魚，簡簡單單的麵豉加上滑滑的魚肉，好好吃呢！條魚又有－隻半手大少！！！！今時今日$62有好味夠份量的鮮魚吃，實在太幸福了。1:15pm 走的時候，也不太滿人。我覺得這兒是附近不擁擠而食物ok 的少有飯店呢！…查看更多

天氣很冷的－天，女同事要快快吃完午飯，帶我和另一男同事來。Menu 的選擇約數款定食，數款魚生飯吧，我叫了生薑牛肉定食，他們分別選了生薑鷄肉定食和鰻魚定食。前菜白蘿蔔和麵豉湯都可以。主菜牛肉多，配了沙拉，味道和肉質可以。飯有一小碗，女生一定夠吃。男同事說味道ok,我也覺得是。之後來的茶碗蒸就意外地好吃，蛋滑清甜，可惜已吃了主菜，沒有太多空間多吃。最後還有咖啡或雪糕呢！我吃cookie 雪糕，味道也不錯。其實，$128 再加一吃這個普通的定食，我覺得貴；雖然有前菜，湯，茶碗蒸，甜品，始終心裡仍覺得不太值。周圍有好多選擇，下次都係去其他地方。…查看更多

一個人食的好處當然就是易揾位，12:30pm 到都唔洗等就可以坐低。佢地有兩種lunchset, －種$58,－種$68。都包括飲料，如洛神花茶，柚子茶。我因為不想吃鷄和牛，就選了泰式辣肉煎蛋飯，哈哈，但我又有d 怕太辣，想叫佢地少辣，佢地就話午飯所有野set 好曬。係嘅，多數餐廳都係咁。幸好，食落都ok! 其實肉和飯份量太多，吃不完呢，浪費了一點！很香但油份多了點，減肥人士注意。食到差唔多，旁邊張二人枱，就開始被催促埋單。尼頭吃午飯眞係趕頭趕命！…查看更多

星期五經過尼條街，成街都係人排隊入去食午飯。我決定要逐間試下先！我－向鐘意食飯，所以無選河粉。個豬扒都好好味，香口而肉質又不錯，有點炸蒜片，份量也足！蔬菜就無乜啦。$48包基本飲品咖啡奶茶，實在很抵食。我望住對面食生牛河，有好多basil,好香，又有青檸辣椒，下次可以試試。另外，如加$15, 就可選小食，驚唔飽或者有兩三個人也可加。12:30pm 就全部滿座了，要早點來或者一個人食孤獨餐，才會有位了。…查看更多

係因為有點悶，在觀塘牛頭角的日式料理，而不主要賣魚生的，為數不多。在這裡找到有關手打烏冬的介紹，立即走去試試，店鋪面積只能容納10多人，如要同多幾位朋友去試，必須提早訂位。我選了冷食的海苔烏冬，配骨付鷄。佢地見我第一次吃，就簡介了要將所有付上的配料放入汁內，再每次把要吃的烏冬放到汁中才吃。嘩！好彈牙！！！手打果然不同，鷄又香又嫩滑，熱辣辣真係好開心！烏冬份量上也不錯，令人滿足，鷄脾也比我想像中大隻。走時約1點多，只見排隊的人龍。…查看更多