suet1628的个人专页

California Pizza Kitchen 係唔少人嘅兒時回憶，好可惜依家香港得返幾間，九龍灣megabox 店嘅店員有禮貌又快手，食物咁多年都keep到水準，特別個墨西哥粟米湯真係好好飲，成日都會掛住，心思思又好想黎飲，ribs 的味道都做得好好，好容易就分到骨份量都係剛剛好食得哂!! 飲品有得refill !megabox嘅座位都非常之舒適，泊車優惠嘅門檻都相對其他地區嘅商場低，絕對係一家大細週末去休閒娛樂嘅好地方！…查看更多

其實真係唔知依家仲有和民...呢日要去紅館睇林家謙，所以就去黃埔食下野先，有個好心家庭食完野走果時派左啲coupon，不過套餐唔用得浪費左佢一番好意。食物普通囉，都係咁質素個火鍋比較辣，魚生質素ok炸豆腐同埋個蠔飯都係一般質素呢間係一間好啱家庭聚會去嘅餐廳，因為可以咩都叫啲咩都食下…查看更多

上次食過一次之後,一路都好想再食, 趁今日放假就去左食佢午餐時段, 可以食足三個鐘, 一個人都要去食!九龍灣店同旺角店一樣感覺好好, 佢洗海鮮果度就少人手過旺角, 中途發生左一次小意外就係我去拎返我桶海鮮嘅時候, 唔係我本身撈果桶, 雖然要再撈過, 不過店員都好快幫我處理返唔駛我又等多15分鐘,最後食左5隻蟹、數唔到幾多隻蝦同埋沙白鵝肝多士都食左5份用埋會員有優惠...又想再食...…查看更多

幾年前同朋友食過幾次一跌路都好鐘意呢間餐廳海鮮新鮮好味店員有禮座位舒適用埋openrice coupon lunch 套餐好抵不過今次蒸蒸下個爐唔知咩事店員好快就幫我處理，開隔離位個爐畀我用不過都蒸左3次先有蒸汽一定會再去的…查看更多

之前獨遊尼泊爾時認識左香港朋友,回港後佢跟我分享過呢間尼泊爾餐廳幾好吃,本身以為係book左後面街另一分店,另一間係半開放式門口,同埋比較似酒吧,呢間就完全係餐廳feel,野食好食, 推介佢個青口！不過呢度無plain lassi就爭少少…查看更多

喺thrrads見到好多宣傳，好想去食，星期日無book位，四點九左右去到，佢地入左第一輪17:00之後好快就畀我地入，入到去勁大，勁多人，坐低之後一張枱有一個桶畀你出去撈海鮮，其實個桶裝唔到太多蝦/蟹，撈完之後佢會幫你洗，隔一陣出返去拎，所以得兩個鐘頭其實都幾忙，仲有得點野食同埋其他火鍋配料，仲有焗榴槤，食左幾舊！海鮮幾新鮮，好想再去，不過可能要去lunch,因為lunch時段係會有三個鐘時間慢慢食！…查看更多

店舖位置都客易搵店員好nice有禮貌店內位置環境都舒適食物可以，意粉口感不錯不過唔係好食得慣無肉/配料的意粉感覺lunch比較抵食tiramisu係坊間話香港數一數二好食的，的確無令人失望…查看更多

見到好多食評 ，話呢間咩主打韓國地道正宗乜乜 .....見到價錢都唔平，真係會對佢有返咁上下期望！個餃子湯根本就係 超市雞湯再加超市餃子加一堆麻油，賣成百幾蚊一個。成碗野都係勁無heart咁畀人食，好心賣咁貴就畀多啲誠意。個釜山豬肉湯就得嗰兩塊肉，用餐體驗極差！！！！一定無下次！！！！！如果有得畀零粒星我一定會畀零粒星！到底香港邊度有真正有心好食嘅韓國嘢？？…查看更多

做緊星期一至五lunch 90分鐘任食 $100（另加一）好抵食湯底有好幾款，肉都不錯出面好多野食拎不過啲豉油就咁成兜放喺出面衛生情況有啲考慮食食下見到曱甴喺地下爬即刻埋單走人同店員反映都無理到我～～…查看更多

入西貢諗住食個好少少午餐咁呢間兩三年前食過一次，佢有樓上座位，個感覺係幾好feel， 於是就決定食呢間！叫左個海膽蟹肉手工意粉、日式雞扒飯糰、一杯熱朱古力同埋一杯凍latte朱古力都算好飲嘅，都成$54 一杯Latte $45 杯但係飲落溝水咁最嬲係個意粉，佢話係手工意粉仲賣成$188 ，個意粉無味都唔在講、佢啲海膽係腥臭食落勁苦食左一啖就無再食海膽成個意粉都係勁難食佢賣$88嘅話都嫌多，仲要賣$188真係好唔開心間餐廳啲野仲要咁貴但咁難食浪費左我出去食午餐嘅quota...…查看更多

樓面服務要改善，先講等位，一開始講左2位，叫我地等一等，隔左一陣佢又問我係等位定等外賣。然後佢地每次上菜都會問你「係咪有個湯呀？」、「係咪有個炸脾呀？」咁樣俾客人感覺就會變左「嘩你問返我嘅？咁不如我做埋你果份。」services language 真係要改善啦。另外地方淺窄，食完嘅碗佢地唔會主動幫你收，就算佢上菜俾你時佢見到都無收到，有一個仲離譜，撞到我個碗差d跌落地下佢淨係講左句sor就去左第二到，我個碗真係好明顯食完架啦，真係忍唔住講左句「咁都唔收⋯」至於食物，我覺得係正常嘅但係服務方面咁樣就係我心目中扣左好多分我覺得一間餐廳幾有創意都好，都仲有好多其他野要注意架！…查看更多

早前團購網有呢間餐廳ge $88 甜品放題,好似好吸引咁,於是就買左2張,終於今日就去啦, 環境都唔錯,服務亦唔差不過最重要ge 野食就...選擇唔太多, 全部都係一粒一粒咁, 最大問題就係你每次叫完都要等好耐好耐d 甜品先黎,佢限時1.5 小時, 其實都只係食到2round...我就真係唔明點解要等咁耐,d 甜品你都唔係逐粒逐粒咁去整架啦- -d 甜品都麻麻地好食...如果佢地真係咁樣特登拖慢d 速度ge 話其實真係自己搵自己笨,因為識買團購ge 人一定識上openrice,有人食過唔好上網一講你就係咁先...見到有2個人黎同佢地傾野,貌似係再傾團購,各位如果係見到團購心思思想買之後上黎openrice 睇下先ge 話你就真係好彩,因為我係第一個寫呢個甜品放題意見ge 人,我真係唔建議你去買~原價$168 真係冇人會食…查看更多

之前響團購網買左$15 當$30 coupon,今日去用,佢同我講張coupon 亂碼唔用得,要有個名(其實有)同舖頭地址先得禾(其實張coupon 下面就係地圖)而且一直響其他舖頭亂碼coupon 都用得,因為有barcode 同我個名ge,從來都冇好似今日咁ge 情況...最搞笑係我兩星期前用過另一張,一樣都係亂碼ge,佢地店員都有收,但佢同我講::"我冇收過,check 過紀錄冇",會唔會我自己食過用過coupon 呃你呢?跟住之後佢話check 到有呢個編號,所以今次俾我,下次就唔得禾...但係我仲有三張已經print 左ge 又點算呢?好跟住之後揀左要咩,我就行開左少少,冇睇住佢筆野因為當時揀配料果到出面有好多人ge,另一個女店員態度超差咁將杯yougurt "pat"響張枱跟住再"pat"兩枝更響張枱然後唔知同邊個講"多謝哂"就走開,我隔左十幾秒見冇人拎果杯yogurt 先行埋去睇下,原來係我果杯!!我真係心諗咩態度呢?佢地俾左一種好似我冇錢食唔起佢杯yogurt 睇唔起我ge 感覺我又或者搞到好似我係偷張coupon 返黎咁...真係好唔愉快講返個yogurt,其實個人覺得比較酸,綠茶冇咩味,再加上咁樣ge 態度,我真係唔會再考慮葵芳的yo mama 了(雖然我仲有三張coupon)…查看更多

行到去兆萬有個姐姐派呢間ge 傳單, 咁我地就過左去,試下新野~9點半後$128,價錢算係咁...欣賞ge 係上菜好快,唔會話寫左十世都唔黎, 又冇乜漏單...同埋d 野食都好新鮮,三文魚大大塊又厚身,唔係紙咁薄果d...d 燒物都好好食,最好食係牛利服務都好好好有禮貌呀better than we expected!…查看更多

今次真係特登走出黎九龍灣食呢個赤丸因為覺得呢到d 烏冬真係好彈牙第二到食唔到今次黎到,等位都唔係等得太耐叫左2個冷烏冬,一個天婦羅冬菇照燒雞扒同串燒雞軟骨冷烏冬都仲係咁彈牙啦只不過而家唔再係十蚊,十八蚊真係有d 貴雞扒同雞軟骨其實麻麻地雞扒好鞋,雞軟骨又好細粒天婦羅冬菇就唔錯不過冇野俾人點ge......其實我真係搵唔到第二到手打烏冬好食過赤丸好可惜而家貴左…查看更多