Chancheungling的個人專頁

酒鍋呢個名，我細細個就聽啦！係打邊爐界佢都算幾出名，但之前試過幾次都book唔到。。。今次終於畀我地book到喇！我地一行四人黎到，好快已經揀好湯底配料（因為做足功課），湯底一黎到成個仙境咁靚！樣樣配料都幾滿意，唔係一般貨色。簡單如雜菜拼盤都有羽衣甘藍、椰菜花等等比較特別既。最最最滿意係個海鮮拼盤，又新鮮又大隻，食到lam lam利！作為打邊爐一定要食丸既人，呢度既手打丸都令人幾滿意，食得出好足料同新鮮！…查看更多

呢間餐廳都開咗好一段時間原來有兩層嘅今次就約咗幾個朋友嚟試好似放題咁 都係剔想食嘅野款式都算多同齊 仲有野飲任點主雪糕雪條個啲就可以出去拎除咗串燒其實仲可以shabushabu不過天氣太熱啦 淨係串燒就算（其實自己燒都熱 哈）都係點啲基本野 雞肉大葱、牛肉、金菇牛肉卷個啲我地仲點咗燒蠔同帶子味道幾好 如果再肥美啲就正仲有翠肉玉、冬菇同茄子鍾意食菜嘅朋友唔洗擔心不過我最鍾意都係有雞軟骨棒但係就燒最耐先好食因為要係咁上汁總括嚟講店員都好快手落單冇耐就有人送野食嚟大致上啲野食都新鮮不過係味道就差唔多因為佢都係個幾款醬汁唔算好特別但呢個價錢嚟講可以接受自己燒下都幾過癮唯一係通風差啲 食完好大陣味啊哈哈…查看更多

打邊爐真係要多人去先開心，終於約到幾個老友同我一齊去食啦！！上次係facebxxk見到介紹呢間，約左兩個禮拜終於齊人！地圖望呢道有d遠，但行落都只係離地鐵站5分鐘左右，都算易搵。多人有個好處，就係可以叫兩個鍋，隔離叫麻辣，我地就叫酸菜桂花魚同松茸鍋～酸菜魚都辣辣地架，仲幾多魚肉食，店員提醒魚肉要盡快食另外松茸就清清地，湯頭都幾好味。見到有黑毛豬就即刻叫，通常都唔會死錯人，呢道既豬仲幾好食添，應肥則肥，又唔會太漏。另外白鱔片都幾抵食，唔會得幾塊，食落好爽口入味，炸豆皮好特別，鮮炸唔會林，又吸味！食咁多肉都要食d菜中和返，蔬菜拼盤都抵叫，＄78大大兜，款款都有d咁。食完仲有解辣沙冰送…查看更多

聽就聽得多，食真係第一次。就係校長同李克勤嘅左麟右李！本身以為只係得個名，但原來野食都非常有質素！先講呢個蝦多士，炸到熱辣辣上枱，店員提醒要即刻食先好味，入口香脆鬆化，配埋新鮮蝦球係very nice! 仲有個白灼系列係不得不提！本身以為白灼冇咩特別，但原來只要材料新鮮，白灼加薑蔥都好好味！豬瞤同生腸都好爽口，值得一試！另外厚切叉燒真係好食到癲，驟眼睇好似太瘦，但一食落口係驚為天人，唔係誇張呀真係入口即溶，忍唔住叫多碗白飯！…查看更多

搞左好耐都冇旅行去，好鬼唔開心，唯有食下越南野當去左越南旅行啦！黎到尖沙咀河內大娘，裝修都幾靚，好有越南風情。一開始先食個沙律頂一頂先，清下腸胃！食東南亞野一定要食青木瓜啦！烤豬頸肉青木瓜沙律感覺好清新，烤豬頸肉烤得好靚，青木瓜沙津又唔算太辣，個汁配得岩岩好。另外想越南野點可以唔食濛粉～平時都係食下海鮮豬雞，今次鮮茄蟹肉湯檬組合幾新鮮，原來蕃茄同蟹肉都幾夾架喎，成件事好清新，蟹肉亦夠新鮮彈牙。好飽呀！…查看更多

行街行到近佐敦，又諗起呢間小小店，串燒癮又起！發覺今次有新野喎，原來佢地同香港釀既麥子啤酒合作，整左獨家「粗口啤」，最過癮係除左粗口仲有個「你」字，岩哂用黎鬧人我叫左支西柚回甘，真係有少少西柚味架！每次黎都要叫煙肉車厘茄卷，雖然兩樣都係好普通既食材，但係夾埋一齊真係不得了，煙肉燒到脆脆地，一咬落去同juicy既車厘茄match到爆！今次亦叫左個新野「黑椒洋蔥焗比目魚」，比目魚身實淨有肉地，焗到脆脆地邊加埋黑椒洋蔥粒又係好夾，好鮮！燒豬頸肉估佢唔到咁大份，飽死人HAHA。燒到燶邊再加上酸酸甜甜既汁，幾得喎！…查看更多

夏天既weekend大部份都係郊外度過，最常去既一定係西貢！今日又同朋友貢入黎諗住去沙下海灘玩水，係碼頭行入黎見到有泰國野喎，睇落唔錯就入去試試。熱辣辣既天氣，青檸梳打係走唔甩既，透心涼～前菜叫左個燒牛肉沙津，辣度岩岩好，牛肉都係岩岩熟keep到鮮嫩。作為前菜份量係幾大既，抵食呀XD 食得泰國野就一定要食明爐魚，呢度仲係自創既冬蔭公魚，黎到時會將湯淋係面，可以一路食魚一路飲湯～冬蔭公夠酸夠辣，同條魚都好夾。店員推介辣椒膏炒老虎蝦，估唔到咁大碟！隻隻蝦都大過隻手，加埋香口既辣椒膏勁惹味！！最尾整多個芒果糯米飯作結，滿足～…查看更多

MK早前開左間day and night by MASTER KAMA, 聽同事講d海鮮唔錯，今晚同同事放工就黎食個飯。我地見個signature lobster set都好似幾多野食，就試下佢。不過同事同我都好肚餓，所以再叫多左個雞翼同茶碗蒸。炸雞翼有4件，仲附上一個汁，顏色有點似龍蝦汁但味道又有d似洋蔥汁，不過配埋雞翼都幾夾，但略嫌雞翼炸得乾左少少。至於茶碗蒸都唔錯，好滑有蛋香，入面仲有龍蝦粒，增添鮮味。個lobster set我最鍾意都係個lobster roll，牛油味令個麵包更香甜，而且哄得岩岩好金黃色，睇落都好吸引，侍應仲叫我地要淋上個salad sauce，我個人覺得同個龍蝦好夾，少少酸酸地更開胃。個龍蝦石鍋海鮮湯烏冬我都覺得唔錯，湯好濃郁，掛晒係個麵上面，幾鮮甜，好大碗，食完即刻飽晒。我仲叫左個pier and lychee cider，好fresh少少甜，好岩女仔飲！…查看更多

今晚黎到尖沙咀搵野食，行過寶勒巷見到呢間西餐廳好似唔錯就入去試下喇。呢到d set DINNER 價錢都算化算。我地2個人叫左2個sets。一黎有個garden沙律同mushroom soup,普普通通但我鍾意個salad有黎麥。我果個係海鱸魚卷蟹黃忌廉飯，蟹黃都幾香，撈埋落d飯到好好食。而且個魚卷油脂平均，煎得好金黃。朋友揀左個龍蝦set亦唔錯，唔算好大隻但都叫新鮮肉質爽口。鵝肝雞卷做法原來係將d鵝肝釀入去件雞塊入面，朋友食落話有少少流心既感覺，幾香口。最後仲有個甜品係homemade blueberry cheese cake.大滿足呀，食到好飽！…查看更多

一排冇食雞煲就會勁掛住, 難得黎到旺角梗係食返個陸陸啦! 好耐冇黎,原來白布街多左好多新鋪頭都唔知添。兩個人叫隻微辣, 一黎到已經勁香係咁開黎睇下得未, 但原來姐姐係會幫手架! 佢會望住幾時得同幫手抄下佢XD 所以自己唔使擔心~等食就得喇~ 雖然係微辣,但都係好麻~~ 麻而不辣先正~ 好快食完嫩滑既雞之後就打邊爐喇! 呢個手切牛肉係好味到痴線, 好濃既牛肉味!! 兩個人勁快就KO左成碟! 另外仲叫左雙併手打丸, 枝竹同水魷, 手打丸好彈牙呀, 打邊爐必食! …查看更多

要係"劣食"林立既旺角搵到間有返d水準既餐廳唔係咁易,但呢間拉麵又好ok喎!一入到黎已經覺得好有日本風味,拉麵非常對板, 睇隻蛋就知有水準! 湯底唔會一味死咸, 仲好濃郁添! 麵質適中,仲有我至愛既荀!! 串燒類都唔錯, 蒜香燒帆立貝皇大半隻手板咁大! 又香又彈牙. 另外叫左12吋特長燒牛, 食哂都唔記得影相XD 牛肉啦同大蔥梅花間竹串起, 一啖濃濃牛味, 一啖辛辣蔥味! 泡菜餃子雞翼超級香脆呀, 熱辣辣,正! …查看更多

住得荃灣既都知久唔久就有新野食, 今次係日式shabu shabu放題~ 可以簡唔同level既牛肉豐儉由人~我地叫既係特級和牛,當然唔只得牛啦,係乜都有!! 普通牛, 特級牛, 和牛, 豬雞海鮮乜都有, 岩哂我. 特級牛真係同平時食果D唔同, 有少少入口即溶既感覺haha岩岩新開, 所有野都好新同乾淨, 好舒服除左shabu之外, 仲可以拎熟食同壽司, 野飲野食種類都幾多,呢個椒鹽同柚子雞翼好得!…查看更多

作為荃灣人，見到荃灣越黎越多野食都幾開心。而之前食過一次台風，事隔一年再黎比起之前多咗幾款拉麵，不過傳統既我都係食返豬骨湯拉麵，話晒都係拉麵中既王道！由麵質、配料、湯底一步步可以簡出最岩自己口味既拉麵。一般人可能鍾意食拉麵叉燒，但妹仔肚既我就鍾意食拉麵既半熟蛋同荀台風呢樣野真係做得唔錯，雪晒啲麵飲埋個湯，簡直係初冬小確幸呀。仲有個貼心位，就係女仔食麵既時候，店員會主動問你要唔要橡筋紮起頭髮，呢隻服務態度直頭好似去左日本咁！…查看更多

之前都嚟過壹火鍋打邊爐，貪佢開得夜岩晒我呢啲夜鬼。今次黎到又有啲新意思喎，有刺身+邊爐+蒸氣火鍋！呢排興丫嘛。一坐低就有個刺身食住先，雖然餐廳唔係專做日本野，但都有啲水準喎，新鮮，夠甜，款式都足夠。跟住就黎喇，大大個海鮮塔送到。有扇貝、蜆、青口、鮑魚仔等等貝類，海鮮類就真係夠晒新鮮，仲有魚肉都唔錯。加埋吸味一流既粉絲同絲瓜～一黎可以中和鹹味，又可以食到海鮮既精華味道～正～跟住食埋最面下面啖精華粥，食完就可以加湯打邊爐，成件事真係太滿足喇…查看更多

成日都恨去日本食廚師發辦Omakase，第一次係香港食到咋！銅鑼灣嘅鉄人旨花裝修風格一流，野食都好精緻二人前套餐由師傅發辦，坐喺度等食就得喇。手作前菜夠開胃，師傅亦同時開工啦！西京味噌銀鱈魚，肉質鮮嫩，魚皮煎得香脆，加上味噌味道一流。跟住就係我望實咗好耐既龍蝦！師傅將佢成條起肉煎香，加上足料香滑既海膽作汁，兩種味道夾到呢～食到咁上下仲貼心地炮製咗個蕃茄凍湯，畀我地消滯同清下口入面既味道～日本A5黑毛和牛!!!師傅一燒已經香氣四溢，入口更加係即溶，牛味濃～…查看更多