Sun Lam的个人专页

見KC推介，挑起條根，又想再來。侍應姐姐推介新菜式 － 臭草炒蛋粉絲。最鍾意試新野，店員介紹臭草係泰國一種植物，未煮前係臭既，但煮左之後係香，咁神奇，試試佢先。冇老點喎，係有種特別既香味，好香，粉絲入味，炒蛋肉碎，出面唔係道道有，冇介紹錯。天氣凍，叫個湯暖下胃，同行友人唔太食辣，否決我必點之冬蔭功，咁叫個椰汁雞湯試下。 好味，有冬蔭功既酸味，有椰香，原來都有輕微辣，飲到底見有隻辣椒干，但只係好輕微，唔食辣既都可接受。生蝦，夠爽，唔係雪蝦，汁 酸辣開胃串燒，個沙嗲好香花生味，微辣，有麪包小食跟，少見。都幾細心，抵讚。繼續支持 …查看更多

原本想去華星冰室，但一朝早１０點幾已經要排隊，唔係呀麻，真係無耐性排，坐得又迫。轉而去隔離康年。都係翠華翠河既朋友，連鎖式茶記，但地方大，位置多，太子黎講坐得算舒服。來個早餐B牛麵，個沙嗲都幾辣，少有，我鍾意，個湯有味。出面有時d牛麪好似用清水６咁。奶茶用最喜歡的黑白奶杯，奶茶味道有質素，有茶味不老，奶不過多，剛好。一早有杯剛好的奶茶，成日都開心d.…查看更多

成日經過見長期爆，試下咩料。原來都係普通料，羊群心理。餐牌介紹祕製三重芝士撈丁，話係老闆遊歐時試了各種芝士，研發出以blue cheese 車打芝士 同 巴拿馬芝士混合而成。幾靚，芝士面燒過。但真係好漏，一個人食唔到，如果唔快快食，凍左會變一餅野。燒栗米好吃，鮮甜。燒番茄，太大，比較難處理，一咬又噴汁，下次都係叫車厘茄。…查看更多

出旺角火車站，過天橋見對面有間叫有一腿真功夫好似幾得意，過去睇下，原來係食台灣夜市雞腿卷，未夠鐘晚飯又有小小肚餓買黎當小食。雞腿卷，$18/支，$50/3支。個店員問要咩味，原來有好多味，叫左原味。燒得唔錯，皮係脆到卜卜聲，入面唔係腸仔，係雞肉，都算滑，入味，好吃。但美中不足係好多油，見佢燒果時已不停濟滴油，間中食下都唔錯。…查看更多

食過翻尋味，再黎試新野。侍應推介新出品，咖哩炒蜆 $88, 一上枱真係有驚喜，好大隻花甲， 食得出好新鮮，冇沙，其他地方好少用咁大隻花甲，通常用蜆仔，細蜆仔口感差好多。另外個咖哩汁好正，又有洋蔥清召等配料送飯一流，叫左客蒜茸包好香，點個咖哩汁食去越食去越想食，再order多一客包。好滿意，一定會 Encore.…查看更多

突然好想食旦撻飲奶茶，路經灣仔，記得有一間檀島，叫左一個旦撻一杯奶茶，$29。旦撻係酥皮，唔係啱啱出爐，只算麻麻，奶茶好澀。但閒日四點都有5成滿，好熱鬧，好香港茶記既氣氛。…查看更多

睇得出裝修有花心思，唔係是是旦旦有枱有櫈就算簡簡單單叫個魚腐，芝士丸，菜心河粉，要麻辣汁，個汁好香又夠辣，好味，魚腐好味，但芝士丸太多芝士有d奇怪。2個人食左$70, 簡單又一餐…查看更多

下午遊走九龍城，見非繁忙時間唔洗等位，貢入隆姐食碗粉先記得之前係泰國，食過地道冬蔭功金邊粉，超好味，酸酸辣辣叫番碗冬蔭功湯河先，價錢比其他湯河貴十幾蚊點知香港冬蔭功湯河同泰國果種唔同，香港果種其實只不過係冬蔭功湯內有河粉，但泰國果種個湯都係清，只不過加左香料同調味料，酸酸辣辣，其實冬蔭泰文即係酸辣當飲冬蔭功湯，都好味既…查看更多

路過被懷舊風裝修吸引左入黎，點左串燒，油菜，梅菜豬軟骨飯做晚餐點知得過油菜係可以，串燒好乾，梅菜豬軟骨飯完全冇梅菜味，得過咸字，純粹食裝修，食物要改善下次都係坐低叫支汔水HEA下算…查看更多

見經常性有人排隊，門口又可以睇人片皮鴨係一個亮點，卒之星期四晚去左，7點去到都要等成個鐘，餓到暈。叫左一個奶油小黃白，一個雲吞鴨湯，半隻片皮鴨。奶油小黃白意外地好食，但有D漏，所以最後隻鴨食唔哂，要打包。片皮鴨走哂所有肥膏，但個人認為留番小小肥膏會比較好味，皮薄，整體OK，但大都好似感覺出色D…查看更多

週末落街揾食，貢入一間粉麵店，以為只係一間街坊麵店，但見枱面有一樽"菜圃"，咁熟口面既，望望餐牌，先知原來係旺角間明苑過黎開。叫左碗牛腩河，加幾滴特辣既辣椒油 同 微辣菜圃 再落埋D醋，完美配搭，正呀，但太大碗，想叫多碟魚皮都食唔落。快靚正的一餐。…查看更多