蕃茄薯仔的个人专页

坐落於K11既綠色食店, 地方闊落, 閒日既關係人流唔多好正既流心悠芝士大啡菇 雞蛋超嫩滑, 唔使醬汁都已經好惹味!!唔少人推介既雞肉墨西哥餡餅果然冇介紹錯我自己就最喜愛就係配牛油果醬, 感覺清新, 有田園風味。 另外兩款係蕃茄粒粒同sour cream, 味道冇咁突出。 雞肉好甜美鮮嫩, 一入口就感覺到醬汁豐富。最後仲點左三文魚闊條麵, 不過不失, 但份量只夠一個人食用。我地各自點左紅菜頭smoothie同berries口味, 少甜得黎又健康, 足夠一日既水果攝取所需! P.S. 食完仲可以行行店外既有機產品店…查看更多

每次經過都被Amaronli's的裝修吸引, 環境不錯, 今次慶祝朋友生日終有機會試試!!餐廳裝修幾靚, 天花都有吊燈, 可惜調較得太光, 令到環境唔夠高級。首先上菜既係頭盤*白汁煮青口*青口新鮮, 但酒味唔濃。*拼盤*cold cut有2款係ham, 1款味道似辣肉腸, 但係我地發現夾芝士唔太襯, 夾中間酸果子更怪, 建議用水果代替。*pizza*我地5個人食, 每人可以分到兩件, 分量適中。 但係茄汁味比辣味重, 而且肉都唔知去左邊, 味道好淡。*千層麵* 從來冇見過千層麵係湯麵咁, 一般應該用肉醬伴千層麵, 但呢個連茄汁都不如, 只可以話係好稀既茄湯。而且入面亦都唔係層狀, 似水蛋狀既千層麵, 最終我地選擇左退貨。*雞扒*賣相還好, 但一貫茄汁作風, 唔知點解雞扒都配茄汁。 雞肉算嫩口, 但味道非常寡淡, 建議用較濃郁較稠既醬料調味。*海鮮risotto*從相中可見, 相信大家都只可發掘幾粒海鮮既蹤影。 而且, 海鮮飯又係用茄汁味打底, 淡而無味。 最值得讚賞既係餐前既麵包及飲品*tropical smoothies* & *healthy green*…查看更多

剛登上本週第一位既食店, 就特意黎試試😇😇 碰巧今日落雨唔需要排隊就可以入座了!海膽 · 魚生雜錦丼配料非常豐富, 有三至四款魚生 (三文魚、三文魚籽、吞拿魚、帶子、左口魚) 一般街上白飯既比例較多, 好多時候會食剩, 但係呢度每一口飯都食到幾樣配料, 好滿足😍😍 魚生好新鮮, 入口即溶.題外話：碰巧朋友手機冇電, 問問店員有冇充電器提供, 就幫我地攞左去叉. 服務非常細心😉😉…查看更多

最近總是雨紛紛, 難得今晚冇落雨, 我同朋友就想係睇到夜景既地方食飯訂枱時唔記得左預訂窗邊位置, 所以只能遠眺香港夜景今次點既係二人餐👫前菜6小碟, 全部都係蔬菜類韓燒：豚肉、羊架、日本和牛、大蝦羊架：醃得夠味, 燒出黎香氣濃郁, 食落冇羶味日本和牛：餐廳送左一盤生菜俾客人配起黎食, 個人就喜歡配生菜, 點少少韓式豆瓣醬, 充滿香氣既肉汁慢慢滲出黎, 口感軟嫩, 清新又入味大蝦：肉質鮮嫩, 但建議多加蒜蓉醃料天婦羅豆腐及茄子：醬汁唔太配, 豆腐本身質地略為硬, 茄子較好味海鮮湯：配料足夠, 海鮮味濃鰻魚飯：唔記得拍照鰻魚新鮮, 醬汁配珍珠飯味道唔錯, 份量適中曲奇雪糕特別優惠：中銀信用卡8折…查看更多

時間尚早, 所以唔需要book都有位*風味燜苦瓜* 份量唔少都有8-9件, 咬落好軟身而且甘甜, 係做開胃小菜既選擇*咸香黃花魚* 外皮炸得非常香脆, 魚肉亦很鮮嫩, 只有少量魚骨所以很易入口*椒鹽豬手* 配有貼心既膠手套進食時更方便外皮同樣係脆但比較硬身, 咬一口就成口鹽, 但裡面既膠質就好豐富好快溶在口中, 感覺好似補充左好多骨膠原*菊花茶*左邊的*莆田鹵麵* 配料有海鮮有菜, 湯底稠, 令到麵條比較黏, 所以食左一碗都已經有飽既感覺。適合3-4位用右邊的*紫菜蟹肉豆腐羹* 紫菜份量足, 唔算好稀。 但蟹肉就食唔到, 比較似蟹絲, 用普通既食材黎講唔係好抵食。適合3-4位用…查看更多

特意黎試試以串燒聞名既深夜食堂😆😆 唔好以為串燒淨係得炸、煎、炒好熱氣, 有d串燒係好清新好特別 😄😄 首先推介係“煙肉荔枝卷”, 新鮮既荔枝減低左煙肉既油膩, 咬落去唔係又咸又甜既感覺, 而係清新爽口既口感!! 另外都點左唔少蔬菜類. “芝士翠玉瓜”既芝士燒香過, 半溶既芝士完全溶入口中! “鹽燒秋葵”外面既鹽好幼細, 輕輕為味道較寡既秋葵吊味! 另外“燒金菇”、“蘆筍”, 調味唔錯!新鮮小食仲有“凡立貝”同“芝麻雞翼”, 炸得非常香口, 食完想再食! 主食則有豬扒飯, 豬扒飯比較油膩, 令白飯都沾滿左油份, 換成吉列會適合D~ 招牌菜薄餅好香脆, 醬汁適量剛剛覆蓋住薄餅, 唔會太乾身, 但份量少唔過癮埋單時店員仲俾左折扣卡我地下次可以用😍😍閒日晚上人流算多, 大家記住要book位喇!!!…查看更多

今日又係泰式環節, 首選係我必點既生菜包😌 配料只有豬肉碎、芫茜, 好單調! 外表看不見辣椒, 但味道卻非常辣, 怕辣人士可免則免啊!冬陰功一向俾我既印象都係香料重、辣味濃既泰式湯, 但呢度卻係酸味多過辣味, 唔知係咪廚師調味出錯呢! 而且草菇份量少, 蝦亦唔新鮮, 好失望! 雞肉串燒配辣醬, 醬汁就係精粹, 辣得黎令你想一點再點, 味道唔錯香脆易入口! XO醬炒芥蘭, 用乾蒜比起生蒜炒味道更勝一籌, 用蒜粒也可送飯~最後登場既係粉絲蝦煲, 驚喜地有5隻爽口大蝦, 味道好香! 但記住粉絲好快索哂蝦汁, 一上枱大家快D開始食!值得一讚既係員工服務態度滿分, 自動幫我地加水之餘, 剝完蝦殼亦遞上濕紙巾, 非常好!…查看更多

向大眾提倡至少每星期一次食素, 減少破壞生態環境, 就係少少的進步🙋🙋 今日就輪到試試素食一家, 雖然我已經訂左位, 但鋪頭原來冇特別留位, 都等左3個字~ 頭盤係*涼拌海哲手撕雞* 配料有蘿蔔絲、青瓜、辣椒絲、菇類、素肉, 味道微辣! 用菇仿作海哲口感像真度滿分, 好煙韌! 相反素肉就唔夠嫩滑, 食落好“鞋”口.*香芋荔蓉卷* 配有酸甜汁. 芋蓉卷煎得十分鬆化又香脆, 咬落似炸餅. *紅燒野生竹笙素翅* 配料有百靈茹、竹笙、素翅、其他菇類. 起初以為味道會好清淡, 誰不知好鮮甜, 配料入口即溶~ 而且十分足料, 每一啖都有齊料入口.*菠蘿炒飯* 配料有雜豆、菇類切粒、菠蘿. 呢碟有D驚喜的炒飯, 望落普普通通, 但飯粒竟然炒得不乾不油, 水份啱啱好, 好難得!*梅菜蒸菜心* 帶有甜味、少辣. 可能因為一般梅菜都會用糖痷過, 除左菜心本身的鮮甜, 仲有一陣梅菜香!*椒鹽魷魚* 外型似炸薯圈, 實質都係椒鹽炸菇. 上菜時仲係熱辣辣, 新鮮炸起, 脆皮外面有黑椒鹽粒, 十足十真的炸物! 一啖咬落去就有香油浸出, 好香脆!!…查看更多

事緣係被門口的WHAT THE... 吸引入黎😂😂 長長的人龍圍住餐廳, 相信食得過!! 首先就係越南火車頭湯河粉，用料多，有牛丸、牛筋、牛柏葉、牛腩、蘿蔔，加埋有青檸吊味，感覺清新。牛湯底好入味，唔太咸! 另外，就點左我個人越南菜至愛：生菜包😍😍😍 帶有辣度適中的豬肉碎，其他餐廳唔會有的蒸粉皮，包埋生菜一齊食，好爽口又特別, 更有飽肚的感覺!!生菜包內有乾坤😎仲有第一次食的香蒜炒蓮藕苗，蓮藕苗好爽口，有點似西芹，加埋芽菜絲一齊炒，香口又惹咪，啱哂送白飯!最後，庶蝦就有D令人失望啦，蝦肉太多粉，肉質太鬆，失敗！WHAT THE.... …查看更多

座落於市中心地下的麻酸樂顯而易見, 對於酸辣有種癖好的我立刻想試試!!! 點左一個迷你對對碰的茶餐“中越同盟米線”配鹽酥雞. 其實就是扎肉燒排骨麻辣小辣😄😄 辣度適中, 未至於會有咀麻麻的感覺, 建議可試中度辣. 三件排骨都係近骨位, 很少肉亦很難咬, 但味道痷得唔錯, 有台式風味. 鹽酥雞則香脆鮮嫩, 加上七味粉調味好香口, 邊咬仲邊有油份滲透入口, 證明新鮮炸起!!…查看更多

下午茶時間最適合揀D輕盈小食, 呢間台灣菜份量就啱哂😁 而且人客數量唔多, 可以坐耐D傾計~~飲品各點左一杯仙草奶茶同蜜桃烏龍茶, 茶味幾香濃幼滑, 甜度適中.烤雞翼好脆好香口, 但油份好高.一碗混合炸墨魚丸同炸花枝丸拉麵, 每夾麵時就有肉絲碎, 少少點綴令碗麵口感更特別, 但湯底就偏咸~…查看更多

一知道有新的韓國菜, 又點走得出我五指山✋ 環境好寧靜, 裝修亦好別緻😊如果在小每勿島上搭橋=香煎西冷牛扒店員建議煎5成熟就足夠, 因為底板會一直熱住牛扒, 會愈黎愈熟! 3款醬汁分別係芥末蒜蓉、檸檬鹽同埋甜酸醬😋 牛扒煎得好平均, 口感好軟, 都冇煎燶. 旁邊焗過的蒜頭可以配上牛扒同醬汁一齊食, 蒜頭的口感有d似熟薯仔, 一齊食好夾🙋🙋北漢山看雲海=清酒硯湯最頂的配料係薄荷葉, 覺得加落硯湯味道怪怪. 硯湯本身偏咸, 但酒味淡淡帶出硯的鮮味, 硯的數量都意外地多, 大概有30粒🙆仙巖村的秋天=酸甜芝麻湯喬麥麵唔知係咪因為未完全解凍, 有d喬麥麵係痴埋一舊. 湯底似芝麻醬味道, 不過加左d檸檬酸既感覺, 好開胃!…查看更多

經常到葵芳食野，但今次第一次到這小店。既然叫做醉鮮靚湯特色粉麵，當然要試一試佢既招牌醉鮮湯底啦。我地分別點左醉雞同醉牛麵線, 未食之前已經聞到酒香!! 醉雞既酒醃得好重, 雞亦好少肥膏, 好嫩好滑. 而醉牛真係第一次食, 估唔到酒味都咁濃, 但食落又不會將牛肉味蓋過，值得一讚! 另外，鮮魚湯底好清甜唔咸, 鍾意魚湯既朋友千其唔好錯過😄 魚湯蘿蔔更加將魚湯精華吸收晒，加上蘿蔔又夠腍，真係想食多幾件啊!!燙生菜亦都好鮮甜，仲可以平衡一下食左咁多肉類既油膩感添~…查看更多

離開人煙稠密的大棠路, 不遠處有一間裝修精緻的小店, 就吸引了我們來用餐😎😎 因為店鋪小巧, 所以地方有點狹窄, 寧靜的環境適合小班人傾計^^*蒜香煙肉意粉: 可能配上煙肉, 所以意粉偏油膩, 但蒜香味好重, 味道濃烈香口😉煙三文魚窩夫: 份量睇落好細, 但其實除左煙三文魚, 裏面仲有炒滑蛋、香菇同粟米, 好抵食又飽肚😁 三文魚好新鮮, 味道唔咸, 菇類用牛油煎香過. 窩夫上枱時仲係熱, 有少少脆.法式薄餅: 配料唔多, 比較乾澀!煙肉千層薯仔: 賣相非常精緻~新鮮熱辣辣食好好味, 薯仔煮得夠時間, 一夾又唔會鬆散😄一級捧!!窩夫甜品: 窩夫非常香脆, 配上忌廉同芒果醬都唔會太甜, 比重啱啱好😄飲品方面點左水果茶, oreo朱古力飲同熱咸柑桔, 都幾大杯架😎 …查看更多

星期五既晚上四周都好多人, 好彩等左一陣就有位了🙋 東南亞菜必點既當然係冬陰功湯, 偏辣而且配料唔足夠, 一般冬陰功湯都會有草菇、芫茜, 但呢度卻只有蝦同蕃茄, 蝦亦唔太新鮮! 小食則點左生菜包, 有豆角、豬肉碎、香茅. 豆角非常爽口, 味道小辣唔咸, 生菜數量適中, 啱啱好包哂所有配料😉最後有越式生牛河, 牛肉好薄份量足夠, 湯底好重牛味偏咸😁😁餐廳外面一直都有人龍在排隊, 但都冇限時90分鐘用餐時間 非常好!!!…查看更多