04232011的个人专页

唔多講，過份程度一睇相就知。係咪以為我叫左三餸？張相係乜都未食之前影嘅，特登攤開晒d雞出黎，雞皮都有幾塊，雖然我都食雞皮，但辣子雞，雞肉佔八成都唔過份吧～好明顯青椒比例遠高過雞肉。其實佢嗰盆辣子雞仲係一大盆，唔係餸尾。眼見佢夾俾我嗰陣見其實有好多雞肉。可能係我衰，唔即時出聲，離遠睇以為自己嗰盒除左多青椒應該都有合理份量嘅雞肉，點看一開盒真係咁過份。係我叫少飯的，唔係佢問題。不過連少飯都少到咁，得幾啖。可能又係我問題。…查看更多

琴晚諗住喺open rice訂外賣點知顯示停止服務，去到舖頭只見員工拖緊地，就問仲有無得order,有個女侍應話有，但野飲，續問點解，佢話八半last order,以上答案全部態度差，好似得罪佢咁，算。今日，晚上七點諗住open rice order實得，點知又唔得，直接去啦。去到問有無野食叫，又係嗰位帶眼鏡女仔招呼，拖長把聲應你：有，我問點解open rice order唔到嘅，佢先睇一睇部機話無電，我諗無人問佢就唔會知。跟住，我企喺度等我份雞麵，炸雞好大份，喺廚房出黎，佢(眼鏡女子)負責蓋好外賣盒然後入代的，俾我見到，佢用無帶手套嘅手整我d雞令佢可以襟到蓋，我有叫佢唔好再用手整食物。大佬，佢負責收銀，掂完晒錢嗰d野，油晒指甲油嘅手唔帶手套就掂落去。唉！野係好食，但而加疫情咁嚴重都可以咁，會唔會有d過份，d管理層唔該處理下。…查看更多

分享只係唔想大家未食野就食左人黑面先，無必要。味道，衛生等等都唔知，又無得漏空，所以一粒星，其實服務我想揀負數。本來1月1假期想去食下好野。前幾日經尖咀美麗華見到有間葡國餐廳知媽媽鐘意，諗住同佢試下點知，今日兩點幾去到……一。枱。客。都。無。然後入到去見有個女知客企喺度，問佢而加係咪有野食？佢黑面唔答，只係問我地幾位。好，帶我地去一張枱。媽媽同我講：有卡位喎。😠人地問佢又唔答，唔問又插嘴，話嗰度唔開，(眼見嘅係廚房員工喺嗰個area落場午餐）我未坐低既，見佢呢兩句對答我已經火都黎😠結果去左甫田😀有失必有得，好好食，d招呼超好，連傳菜呀姐都問，好唔好食呀？反差大到貢~😌紫菜脆口+香口米粉雖然有腥味，但係係有風味既腥👍個蚊形餃子叫炸肉喎😂諗諗下都明點解間167(店如其舖位）一。個。客。都。無。即晚我send email投訴，之後嗰日老闆回覆話睇過cctv之後即刻炒左嗰位知客，仲邀請我同媽媽免費食一次，老老竇竇，由一開始已經講過唔係為左d乜。不過我會返去睇下佢係咪真係炒左嗰個傑出員工，如果唔係，open rice再見。…查看更多