Fatguy Daily的个人专页

呢日接完女朋友放工後，同佢去左附近既一間小店試下。當日去到其實得一枱客，而且一坐低就已經講左好多燉湯都賣曬，一開始對佢印象麻麻地。另外就係呢間餐廳上錯出奇地慢，客已經唔多，但大概都起馬要等半粒鐘以上，先後見兩至三個客叫外賣都不停催促，甚至話取消某樣單，可見而知上餐時間真係有幾慢。不過好彩既係，食物既味道都唔錯，我地叫左個竹絲雞海南雞飯套餐同鰻魚蛋包飯。海南雞既雞好乾身，雞似不濃，但係飯配埋個醬汁都幾好食，飯有淡淡椰香，醬汁少少辣都幾惹味。蛋包飯既鰻魚最令我喜歡，大家平時食既鰻魚都係偏淋身，但呢到既燒鰻魚係好彈牙爽口，口感同出邊好唔同。但係就細舊左少少....而且擺盤事但到放兩件粟米係上邊，真係唔係幾知幾諗咩......不過粟米就幾甜既！不過套餐包既湯佢好似唔記得左咁..要我提佢先記得比我地。不過可能係開張無耐掛，感覺上覺得服務唔係咁好同埋等餐時間真的太耐，唔餓都可以黎呢到等下既！完。…查看更多

最近成日都去觀塘做野，呢日諗食lunch諗左好耐都諗唔到食咩好，記得之前食lunch時見到呢間鋪好多人等位，見呢日星期六朝無咩人，記就去左試下！咁睇番佢大招牌都係做酸辣豬扒米線，咁我順理成章就叫左個酸辣豬扒米線（中辣）同凍奶茶。咁樣上堂嘅時候叫佢見到嗰個賣相都好靚，豬扒岩岩上枱時仲係有少少脆身，不過當然都預左唔係咩特別好味既扒，不過佢個酸菜做成既酸辣湯真係食到我個咀都麻曬，但又唔會話辣得好緊要，我個人幾喜歡呢隻酸味，令我胃口大增！如果下次見唔多人既話都會入去再食過，不過就唔會再食豬扒了！完。…查看更多

呢間小店女朋友一早想試，但上網book極都book唔到岩既時間，最近終於難得地book到枱可以試下啦。我地當日book左枱，去到唔洗等位即可入座，小店分左兩層，座位之間的距離唔會令人感到焗促，燈炮同空間感至鋪頭既裝飾都令人好舒服。咁我地就叫左一個Good good燒飯團茶漬同埋椒麻伴面，一杯日本茶同埋黑芝麻麻薯蛋糕配豆腐雪糕。鋪頭用到既餐具擺得好靚，擺盤都好精緻，真係未食都大飽眼福。但講番味親既話，我就喜歡食茶漬飯多點，但跟既茶略略唔夠熱，令到成碗飯撈均後熱度不足，但係味道調味得宜，配埋菇、紫菜同蓮藕脆片，好有日本風味。而女朋友就較喜歡食椒麻伴面，我覺得有點不夠麻不夠辣，但女朋友就幾喜歡佢既味道。闊闊的刀削面掛住小許湯汁都幾惹味，溏心蛋軟滑，配埋特製薯蓉同麵豉湯，令人印象深刻。而甜品豆腐雪糕就唔係好食得出豆腐味，但係黑芝麻麻薯撈少少雪糕食都幾好食，單獨咁食就怪怪地了。不過呢間鋪最出色反而唔係食物，係一個舒服既環境，令到客人可以好放鬆咁食一頓飯，開心的同自己鐘意既人聊天已經勝過一切。完。…查看更多

辣既食物，無論熱天定冬天，我都係咁鐘意食！最近女朋友帶左我去佢之前試過既一間食辣野餐廳試下。由於太耐無食酸菜魚，所以我地叫左叫小辣既酸菜剝皮魚同埋小辣既乾煸四季豆！其實不嬲食開既酸菜魚都係嫩滑魚片，但呢次叫既剝皮魚完全唔同，係一種比較結實既魚肉，由於我地都係第一次試，我同女朋友都對呢種魚麻麻地，既無魚味又不嫩滑，好在既係佢酸菜魚個湯同酸菜真係好好食，辣味酸味取得平衡，酸菜又好好味，配埋白飯簡直一絕！另外乾煸四季豆就幾好食，但辣度可再提高少少咁多，肉碎配埋四季豆都好夾，送飯送酒都一流！其實我地仲有好多野想試，下次黎有少少想試下辣子雞或者其他未發掘既好味辣野呢！完。…查看更多

最近終於可以同朋友去聚下，呢次係附近去左616打邊爐。我地叫左叫牛骨清湯同麻辣湯底，肉就叫左一堆，但名就真係掛住吹水唔係好記得了。不過可惜既係無論湯底好定係配料都係都係普普通通...麻辣湯底完全唔辣，清湯底接近無味。不過牛都有好食既，我地最鐘意食既就係牛舌，係唯一一款我地有番頭再叫既食物。而五花趾、花雕酒醉牛肉等等既牛就真係無咩特別，牛味欠奉，不過個樣就都正常既。不過本人就覺得呢個價錢黎講既話，我覺得有部分價錢平過佢既任食火鍋店仲好食過佢，如果近近地唔想煩既話都可以既！完。…查看更多

本身最近都好少機會出去食，咁岩係果邊做開野，就去左搵間野食Lunch.本身都唔係抱好大期望，事但搵間野食下，咁就叫左個清湯腩河跟蘿蔔。但估唔到佢個腩又幾正，有咬口，唔會太淋又唔會太硬，份量都唔少，星期六食果時仲有8折，四十零蚊有野飲既話係中環都叫平嫁啦。不過蘿蔔就唔係咁好食，得苦味而無清甜既味道，仲有少少根，不過份量黎講都叫做唔少嫁啦。總結黎講普普通通啦，中環呢個價位都唔要求得咁多啦，咁岩果邊做開野既唔洗再食連鎖餐廳啦！完。…查看更多

最近成日出開去咁岩又有想試既漢堡包，呢次黎左近黃埔既呢間鋪試下。我去到岩岩過左早餐，所以我叫左個單層漢堡同凍奶茶當食早餐。當日我剛到時只有一枱，人不太多。坐左一陣即有得食，漢包既包皮係有微微焗熱左少少，外面少少脆又夠軟熟，漢堡扒就比較細塊，配埋佢地本身既沙律醬，塊扒係好食。如果比我再叫多次，我諗我會試下其他醬同埋轉做雙層再加番隻蛋！不過份量同埋價錢就真係唔係幾值呢個價，如行開見到既話會再食既。完。…查看更多

最近天氣雖然熱左少少，但香港人真係四季都咁鐘意邊爐，咁我當然都唔例外啦。呢次同朋友相約左去長沙灣林洪記食蒸氣火鍋。當日去到唔洗等位即可入座，一坐低無耐，超大碟既海鮮拼盤即上枱，雖然佢既餐牌上面好細心寫明曬各款海鮮既烹調時間，姐姐都好好心咁同我地講下鮑魚同龍蝦等等既海鮮點樣為之熟，等我地唔洗煮到過曬龍。拼盤上邊有龍蝦、鮑魚、海蝦、扇貝、大桶蠔、貴妃蚌、大蜆等等既生猛海鮮。平時出街食海鮮好怕唔夠新鮮，食貝類又驚多沙，呢到既海鮮清洗得非常乾淨，完全無沙而且樣樣都好新鮮。鮑魚大隻夠鮮味，非常彈牙。龍蝦蝦肉彈牙鮮甜，仲有膏既添。桶蠔肉大大粒，又juicy!大蜆同貴妃蚌跟足佢既提示蒸完三分鐘，超超超鮮甜嫩滑，平時我地自己買既係煮唔到呢隻質地同味道呢！海蝦蝦肉爽甜彈牙，配埋辣椒豉油，真係好好味，海蝦仲可以任叫任食嫁！海鮮蒸到七七八八，我地叫左少量肉類、花甲、獅蚶同香辣炒蟹。花甲同獅蚶同頭先既海鮮一樣，新鮮無沙，處理得非常好，而且落單比既份量都好多。香辣炒蟹姐姐話係即叫即炒，黎到果時係相當辣手，廚師好細心已經將殻拆開左少少，所以唔洗用拑都可以拆肉食，微微的辣味配埋蟹既鮮味，真係幾夾，但如果再辣少少既話就更加正。呢到既海鮮咁得，緊係要試埋蝦滑同墨魚滑，同我想像既一樣，夠曬彈口！仲有一樣野一定要提既係，佢既蟲草花滑雞..我地encore左兩次，本身滑雞已經調左味，雞件新鮮蒸出黎嫩滑唔會梅，真心必叫。而且呢到提供既任飲飲品竟然仲係玻璃樽裝既汽水，真係又解熱又Gur曬。平時打邊爐真係打得多，蒸氣火鍋我又真係少試既，但估唔到呢次朋友介紹既呢間火鍋店，海鮮可以做得咁出色，好少可令到我有咁深印象，總結黎講，下次我會帶埋屋企人黎食，因為我地成定家都好鐘意食海鮮同打邊爐😂完。…查看更多

最近天氣咁熱，行行下街真係想搵個冷氣地方抖抖。呢次係Tst行開街，就去左呢間女朋友之前試過既餐廳試下。我地叫左兩個set lunch,包括無骨海南雞飯同冬蔭公炒飯。無骨海南雞飯附送一個清湯，雖然唔夠熱，但味道唔錯，雞既份量一個人食既話係夠曬，但個醬就可以再辣番少少，飯偏亁，但整體不錯。冬蔭公炒飯比較有驚喜，叫左之後其實有少少想轉第樣野，但試食過後味道竟然幾好味，雖然無左冬蔭公既辣，但酸酸地既味道配埋少量青口、魷魚，蝦等等，唔當佢係冬蔭公味既話幾唔錯。不過我地都hea左差唔多兩個小時，冷氣又足，攤抖下都係好地方呢，最緊要唔洗熱辣辣情況下等位。完。…查看更多

機緣巧合下因為錯過左一件事，最後成就左食呢個漢堡。其實之前都想試嫁啦，可惜次次經過都好多人，又熱又怕排隊既我，終於等到呢日人少少，即將開鋪既時刻試下。咁我叫左個烤菇芝士牛堡再加套餐薯條連汽水。但坐位真係幾迫下，同邊既食客差唔多手撞手咁滯。講番野食，薯條未炸好，所以漢堡先上，拎上手都feel到份量唔錯，而肉汁真係流到成手都係..我同旁邊既食客都食得有少少狼狽，不過炸堡味配埋牛肉同芝士再夾雜埋生菜蕃茄，沒有油膩感，味道真係比想像中更好食。食到半路，薯條到了，本想拎一條上手試下，一拎上手熱到放番低，差唔多食曬個包，用佢支竹籤吉黎食就fit曬，薯條有少量既鹽，帶少少皮，唔會炸得過龍。呢間小店其實不嬲都係幾有人氣嫁啦，不過呢次食到真係覺得名不虛傳呢！完。…查看更多

呢次尋味之旅係因為天氣實在太熱🤣想搵個有冷氣地方舒服下，而女朋友經過又知我未食過雙皮奶，所有就去左呢間義順抖下。我地叫左一個凍雙皮奶同埋凍木瓜牛奶。咁雙皮奶因為未食過，都對佢有所期待，黎到即刻食啖，首先發覺既係唔夠凍，不過面頭浸牛奶衣帶埋軟軟滑滑既牛奶都幾好食，不會太甜。跟住就係木瓜牛奶，因為去親台灣都幾喜歡飲呢類野，所以呢次都帶叫黎試下，都係同一個問題，唔夠凍之外，木瓜顆粒偏大，木瓜味不足，同埋飲到尾有太多既渣。總結黎講，未試過的話都可以一試既，味道尚可，不過當係一個抖抖涼既地方都不錯啦！完。…查看更多

呢次因為做野遲左番到大中食碗好耐無食既車仔面，相信住大埔既朋友都無食過都會見過呢間小食店，而呢次我要介紹既唔係佢既面底有有幾滑有幾彈，而係我最鐘意佢既沙嗲醬，無論車仔面或腸粉，我都一定會叫姐姐加半勺沙嗲，因為真係辣得好過癮😆講番個面啦，河粉都係普通野，但我覺得比較碎，蘿蔔無渣，但係食唔出清甜味道，豬腸呢次就唔入味，而且湯都唔夠熱，鳯爪就保持水準。平時食既時候熱辣辣配埋佢既沙嗲醬係真係幾令我回味既，但我食評都以呢次既進食體驗而寫，希望下次可以做番正常水準啦！完。…查看更多

自從之前係旺中同女朋友食過川婆婆既麻辣魚蛋同鴨血，就即刻上openrice睇下川婆婆有無火鍋店，估唔到又真係有wo!仲見到個logo都一模一樣就更加確定係同一間！鐘意食辣既我同女朋友當然要去試下啦。當日訂左位去，唔洗等即入座，咁我地叫左個麻辣鍋（小辣），加廿蚊仲可以變做鴛鴦鍋，另一個湯底係菇菌鮮雞湯黎。先講個麻辣湯底.....暫時係我食過最好味既麻辣湯底，夠辣夠麻，唔會係死辣味，辣得黎唔會蓋過曬食材既味道，仲令食材味道更試要一層樓。咁我地叫左既食材包括大滿足肉併盤、韭菜餃、咸蛋流心丸、萵荀、蓮藕、粟米、鴨血等等。當中既肉併盤包括左安格斯肥牛、牛脷同羊肉片，當中既肥牛牛味幾足，入口鮮嫩，勁好味，羊肉片就同豬肉片差唔多，但配埋麻辣味都好正，但牛脷就比較韌少少..即使只係淥左唔夠10秒都係咁，咁應該係牛脷本身問題。講埋另一個雞湯底先，鍋中配埋大約半隻鮮雞既雞件，食得出雞係好新鮮，雞肉有彈性又結實，但好多雞皮都仲有雞毛未清理好就差少少，但味道係好既。跟住再講係韭菜餃，大大隻夠足料又好味。而麻辣鍋中原來已有鴨血，本身我地都唔知，黎到先發覺鍋中既份量已足夠，不過都唔緊要既，當食多d,反正都幾鐘意食。粟米夠甜，蓮藕爽脆，萵荀清甜係渣，蔬菜類普遍都新鮮。但食到最後..本身仲有紅薯粉..但到最後真係太飽了..食唔到好多。總結黎講，呢間麻辣火鍋真係岩曬我地呢d鐘意食辣既同好，食材湯底都好滿意。如果下次食既話會食到尾唔夠飽先再加野，咁就唔會浪費啦！完。…查看更多

近呢幾年韓國炸雞真係大熱到不得之了，同埋自從同女朋友去過韓國食過橋村炸雞後，直頭去到有少少不能自拔既情況！呢次女朋友帶左我去係韓國都幾出名既Goobne Chicken 食炸雞。咁我地就叫左個半半烤雞，味道係原味同埋Bbq醬，另外仲叫左個鐵板芝士泡菜炒飯。咁兩樣野差唔多時間上枱，我就緊係襯熱食左烤雞先啦，咁雞食落幾時都唔會烤到好柴皮，仲有肉汁，味無論原味底bbq醬味都好唔錯，份量黎講都幾多，咁當然價錢都比韓國貴好多啦！鐵板炒板就成個鐵板底都係芝士，配埋泡菜炒既飯，味道其實就唔係幾夾，而且鐵板竟然唔係熱...所以都唔係好明點解要用鐵板盛著，仲記得係韓國牛島食過一個漢拏山既芝士炒飯，味道難以忘懷，台灣黎韓國既服務員一路幫我地炒一路介紹牛島由來等等資訊，都幾過癮！總結黎講，炸雞既味道同橋村無得比嫁啦，但都可以叫係好食既，但係鐵板芝士泡菜炒飯就普通啦，雞可以再黎食過既！值得一提既係，當時食呢間餐廳既時候大家都路夠口罩用，但Goobne Chicken 竟然為客送上5個口罩，值得一讚！完。…查看更多

呢次同女朋友去左試做港女！咁就去左呢間人氣pancake 同 soufflé 店試下，由於當日時間都尚早，所以等左一陣即可入座。我地叫左一個Caramel Apple soufflé 同埋北海道8.0牛乳芭菲。首先黎到既係芭菲，外觀都好靚，見到面頭既雪糕，急不及待就筆左喺黎食，比起平時3.6牛奶更甜，幼滑既雪糕散發出啖啖奶味，而佢個莓醬配埋蛋糕同雪糕仲有脆脆一起食更正！跟住等左陣，soufflé 終於上枱啦，一放低已經聞到肉桂味，服務員放低碟時都感受到Soufflé 震下震下，咁講番個味道先，呢個soufflé 食得出幾香既蛋香味，鬆軟，但係個蘋果塊就沒特別味道，合桃味道反而不錯呢！雖說港女野就一定貴嫁啦，不過呢到既價錢我覺得都叫做值既，但係暫時我食過最好味既soufflé 都係係韓國食既呢！講講下又好想去韓國食啦！完。…查看更多