keon的个人专页

BOOK 左 7點 入到去都唔使等, 不過就淨返好少枱.之前睇食評都預左服務唔會係好, 我今次仲係團購形式,所以都預左比人趕, 食野會參差 D 咁.. 不過反而喜出望外 ^^一坐低店員都會介紹團購裡面可以選擇既野食, 我黎呢度一心都係想食巨蠔,所以之前已經預訂, 質素亦算中上, 唯欠海水味.. 可能巨蠔只食份量沒有蠔應有既海水味 不過隻碟十分大, 佢地上菜速度亦都好快.. 所以我要快手清左一部份野食先可以放其他野食, 不能慢慢品嚐, 但佢地亦都見我食得差唔多就幫我轉細碟, 亦都值得一讚! 而火山卷佢今次只比一舊, 如果散叫佢會有三大舊,所以今次可以叫試下, 唔知係唔係因為得得一舊感覺三文魚比較單薄, 不過裡面既材料同醬都幾豐富, 下次起碼有5-6個人先敢再叫 . 而我拍拿就揀左 羊同鵝肝羊鞍扒略羶及肥, 而且比較韌, 不過雞翼同鵝肝超讚, 由於一人前, 所以鵝肝每人只可以半件 不過少食多滋味啦 其次佢推介本港首創 八吋八長三文魚壽司, 三文魚唔錯, 我相信如果加埋鰻魚會仲吸引 , HAHA不過咁長既三文魚包住D飯一齊食, 真係好好味, 長得有道理 前菜清清淡淡, 我食完之前D海鮮同鵝肝先食, 可以中和返D肥膩, 唔錯!另外兩個人可以選四款和食我就揀左呢D:感覺太油, 但份量都好多下..鐵板上估唔到係咁好, 芝士溶得好均勻, 豆腐滑, 冇揀錯 燒魚類當中我最喜愛既就係青魚, 燒香既脆皮, 內裡啖啖肉, 配備檸檬, 同埋佢比較多蘿蔔碎拌豉油,令到此魚味覺提升了最高點 都算香,脆, 但賣相唔太好& 有少少油膩.. 如果有D沙律醬伴碟會好D..每位有一個白飯, 不過我加 $12 蚊可以轉拉麵, 一向我都好鍾意拉麵, 湯,麵質都一定要合格先食,所以即管加錢試下. 賣相都幾單薄下 不過有我鍾意既白湯, 唔算好濃但總算合格.麵都好有彈性, 我將佢放到最尾先食都唔會淋, 唔錯.仲有最後呢樣 食得咁開心又點少得佢, 餐飲+$30 有可以半價轉佢 (1000ml) 完滿結束.後記: 食到一半時間已經座無虛席, 但亦都無減慢佢地出餐,收碟同斟茶, 在場亦有見習新手待應, 表現都唔錯, 顯然整間店在服務方面下過苦工, 我們亦受到良好招待, 不似一些以團購折扣為名, 將那些顧客變成二等市民, 食差服務差仲出到聲講明你地係團購所以要早d走! 一些極為難聽既說話. 破壞佢地今次做"宣傳"既目的. 今次我都有晒心理準備情況下預左爆場都會比 人趕, 但最後佢地並沒有, 而且亦不會主動埋單趕客, 開開心心比我地食足兩個 半鐘. 埋單時還送了兩張 100蚊 coupon, 我將其中一張轉送了隔離枱一家人, 希望佢地都可以用得著 ^^ …查看更多

由於怕平安夜多人所以訂了 九點半非繁忙時段.有幸可以係團購用 HKD99 試了一個 SET DINNER (沙律/頭盤+主菜+飲品),覺得非常超值, 而且服務員都好 NICE, 下次都會再黎幫襯下. <由於無閃光燈所以影D相好黑莫怪 >頭盤: 凱撤沙律配杏仁香酥雞胸 HKD68 (欠相) 沙律分量唔多幾清, 但少了我喜歡食的麵包碎, 好彩叫左杏仁雞都有D咬口, 脆脆的幾醒胃.女友要了凱撤沙律配燒蝦4件 HKD70 (欠相) 蝦明顯較鹹同尾部有殼, 如果可以去殼女士食會更方便主菜: 烤排骨伴薯菜粟米 HKD 148 全場最多人食係呢樣, SIZE 一人食岩岩好~烤到外脆內淋, 而且一條骨好易起, 真係超水準女友要了鮮檸牛油汁龍脷魚配白菜及飯 HKD78 份量我諗只夠女仔食... 味道OK.甜品: 朱古力心太軟 HKD48 切開後用杯仔裝所以睇唔到流汁既樣, 所以我諗唔係好流漿果隻,味道幾好~ 幾鍾意食女友要了荔枝焦糖燉蛋 HKD48 我食了少少就超甜, 不過女友幾鍾意食餐紅白酒各一杯 HKD50/杯 HOUSE 黎講唔錯~總括黎講唔錯下次經過開都一定會再試下其他野食~…查看更多

晚上九點多去, 好彩岩岩唔使等位就入去試下呢間,入座率都有九成, 侍應循例式講只可以食一小時, 無問題~ 心諗食個麵都唔會坐得耐既, 女友叫了一客燒牛仔骨飯 $45牛仔骨 "快餐廳" 水準.. 太腍..汁都唔錯既.. 不過D飯太普通..如果珍珠米會好D.我叫了海鮮手打烏冬 - 辛辣湯 $65烏冬食唔到有幾彈牙煙韌, 有D一夾就散, 湯好重麵豉湯味&得個咸一D都唔鮮, D 海鮮就淡而無味.. 好失望!加埋一 埋單 121. 可能今次水準有D參差, 不過我都唔會再試了.…查看更多

第一次試呢間, 六點鐘開始食所以唔使等位..之後8點後果D就要係出面等.所以要早去早食.不過時間得兩小時, 所以遲到既就唔夠時間食. 總括黎講呢間野款式真係好多, 無計錯有八張 ORDER 紙, 樣樣都唔錯.最欣賞佢呢度既份量, 寫一客真係比一件你, 唔會好似某D放題咁,平野比成盤你要你飽要你浪費食物.佢10月逢一至五都有某些優惠. 希望佢11月都會有就好了 ^^ …查看更多

肉類樣樣都好細粒同好薄,無之前食家影出黎果D比較大件.全部都"散收收"咁.. 小小失望. 食物將貨就價也不大問題, 最主要係佢刺身只出了一客我地一行5人, 叫了好多次話仲差4客,佢望完又望,CHECK 完又 CHECK.. 都係出錯.. (只補返海膽).好似我地呃佢咁.. 我真係有諗過放棄唔再理論..叫一叫個經理, 佢就叫第二個做.. D伙記都唔太得閒..今次想寫呢個食評其實主要都係講呢個經理, 睇住佢成日鬧D員工,我係度消費聽完都無咩胃口食. LAST ORDER 又無講一夠2小時就即刻遞左張單黎.. 毫毛心理準備下..想加 ORDER都唔得了.有位小姐都肯幫我地加..不過經理見到佢就係度鬧過左兩小時仲幫人落單!?戥那小姐可憐..原本我地坐底笑笑口介紹我地點煮野食..到我地加野食野飲小姐都做到無停手..仲要比人係咁鬧見到佢都目無表情.. 我都唔好意思再叫了..九龍城仲有好多平野好野食..未必再黎呢間 食到背脊骨落.希望那個經理服務同態度有所改善, 員工士氣係公司最重要既資產..仲有..唔好9點後先去食..實唔夠時間同D人趕收工無咩人會理你..我地仲叫左個芝士蛋糕 $180 + 2送1 大支裝 ASHAI $56請埋生日果個每人要 $280期待新食評有改善~ …查看更多

假日既天后特別夜欄人靜~今次係女友細心挑選既地方,環境細細,地方清靜,真係好適合二人世界~ 坐底後,有善的服務員遞上了餐牌,發覺款式只有 4 COURSE - HKD198 / 5 COURSE HKD3XX-4XX此外還有一個鵝肝乳豬餐推廣價 - HKD298哈.. 咁推廣又唔怕試下~鵝肝 - 香脆內軟非常唔錯, 不過我喜歡可以再燶少少就好 龍蝦湯拼蒜溶包 - 湯味道岩岩好~好鮮~ 包亦都鬆脆 芝士菠菜焗生蠔: 正~好好味! 用菠菜墊底可以帶到蠔既鮮甜乳豬: 哈..食到呢度都差唔多飽,不過都比佢既外表吸引下都可以清晒佢.. 比起出面食既乳豬無可媲美!薑汁疏乎厘: 呢個水準唔錯~~~~女友既 4 COURSE如下~田螺 - 都幾大隻南瓜湯 - 清甜, 女友話好飲過龍蝦湯, 哈三文魚配飯 - 魚唔知點解越食越鹹, 不過D飯係估唔到係最好味既食物 Tiramisu - 好味~唯有美中不足係酒類得一種紅酒.. 所以今次無 ORDER 黎助興~ 不過都十分滿足~呢間係我比最高分既餐廳~~~~…查看更多

呢個場一個月總會黎兩三次,介紹過朋友, 同事都讚好.. 好在抵食,又可以飲埋酒~ 雖然話任食兩個半鐘, 但次次都坐兩三個鐘粒都無比人趕走算好彩, 可能仲有位淨啦.(有時兩個人都坐三個幾鐘)調味BAR 有成十幾醬&配料,出面真係好少見~無取巧無話有D食物雞蛋要加錢,連麻辣湯底都有.. 不過唔太正宗亦都唔夠辣,且食落偏咸.. 試過就算..所以我通常都會叫濃沙爹湯底.. 千祈唔好叫鴛鴦湯底..一滾會溝啖晒D沙爹湯底, 又會污染到d清湯.. 落單大概 5-10分鐘就有成盆材料拎上黎.. 所以一次過唔好叫太多.. 其他食物都新鮮..唔會出面任食果D又厚皮又少肉,又唔會係貴價野比少D,飽肚既比多D, 份量咁多就係咁多, 我次次都食返兩三板肥牛先走~加埋任食好少有既雞子, 味道唔錯既魚皮餃~ 飲飲食食~開開心心又一1DAY 唯一彈既係魚皮間唔中會諗唔脆, 記得要叫佢換..出面門口寫住 68蚊位 + 茶芥醬料加一 實收 99蚊/位咁既價錢飲飽食醉去邊度搵? HAHAHAA…查看更多

19蚊的確 OK , 仲要係 出前一丁, 一定無死錯人不過............. 雞扒太鹹............拎到返公司我都要加兩次清水先可以入口..因為的士返葵芳, 所以叫佢整太陽蛋 (佢無反應)& 麵唔使咁淋 (無反應 X2)最後佢都係整到太陽蛋及好淋既麵.....好彩佢D辣油不嬲都出色..令我可以加水既麵..有D刺激味.....…查看更多

係店舖既口號 第一次黎呢間.. 好好招呼之前打電話留枱, 叫左預每人200 蚊左右既餸就ok點知.. 哈..大家都讚食唔停口, 埋單每人280, 發覺都十分超值一行10人,諗住試下聞名既燒味, 點知都係唔夠海鮮既吸引..所以無食到湯底-飲頭淡湯發覺好似水咁..之後落埋海鮮飲就好正..可能佢唔想搶走晒d鮮味..不過我鍾意濃既番茄湯多d..魚缸唔會有好多野..所以訂位時要叫佢留定肥牛就真係好靚..不過見到佢用油拿過..我明佢想滑d.. 但我話靚既肥牛本身就會有口感..你咁樣整會搞到好油肥膩無左d口感..之後果碟佢無落效果真係好好多.其他推介仲有海參 象拔蚌 芝士丸真係好似私房菜咁..開開心心~ 非常超值…查看更多

尋日去左屯門掟鏢, 之後去左麒麟徑度打邊爐,有人想食羊腩煲... 不過呢個天氣都好難再食到,之後職員推介醉雞煲..那就試下吧..不過都整作需時..等都等左我 15分鐘都仲未有個煲出黎.於是我就入去廚房睇緊仲係度煲緊 @_@於是我再坐低等多 5分鐘.. 因為真係好肚餓,最後都係頂唔順又走入去..話唔使咁熱了出黎先再滾過.. XD基本上黎度都仲係出煙.. 應該係岩岩好, 所以就立即放D雞入去,一陣好香既藥材同酒味係咁攻入鼻.. 正! 雖然唔知個煲幾錢,但起碼好食過三陂坊果邊要成 180幾蚊既煲..飛快地叫了4碟既肥牛飽肚後埋單..每人都係一百..就趕車返屋企了..呢間食完.. 果陣味我到第二朝都仲陶"醉" 緊.. HEHE.. …查看更多

之前試完重新裝修完既長發之後..覺得不比以前差,只係細間左.. 同服務仲未回復到之前水準外..D野食反而好似新鮮左..所以都可以一推~咁尋晚就去左隔離果間新開既潮篇(麗都集團),佢所有火鍋價錢都跟足長發..大家埋單都係 99蚊.咁就真係可以比較食物同服務既分別了..入到去見到好多一蚊既小菜, 於是我問下接待員可唔可以點一蚊既小菜..佢話得.. (心諗真係咁 SO? ) GOOD! 坐底諗住叫左個鍋底先.. 再戰醉雞鍋! 點知個侍應話一定要等埋其他野食一齊落單先得........ 咁就要迫我好快咁揀左幾樣野食就落單了.多口問一句話叫唔叫到 一蚊 小菜.. 佢既答復都係唔得.. & 小菜牌都係有寫... 咁算啦..下次食過.不過估唔到落單無耐大約五分鐘就黎左個鍋底同D野食..任食都預左個湯底無咁得, 試一啖湯.. 發覺都唔錯. 唔會好咸好味精既 FEEL,不過就打多幾下就好快無晒味了.. 雞都算多.. 不過就無咩味..其他野食都幾新鮮, 不過麻煩在野飲係要 TAKE 紙仔, 叫啤酒就煩D..雞蛋就要收錢.. & 調味料無長發咁多.. 想要碟芥辣都話唔得.....好滿足唔到我呢D 多要求既人.. 如果佢規限無咁多..我諗會食得開心D.. 其實好多地方真係做到火鍋可以叫一蚊小菜,講真..人地食小菜果D..都係叫多兩三碟埋單都係幾十蚊埋單.我地火鍋已經係一百蚊個.優惠下當噱頭又好.. 當食少D火鍋配料唔好浪費咁多都好丫.. 芥辣要既咪比下人囉..收成 12蚊醬芥架..總括黎講都係長發多完化D & 變通多D, 下次都係去返長發..…查看更多

標榜唔收加一茶錢, 咁真係無茶比你飲,係得 竹蔗/酸梅湯 俾你飲, 咁都無所謂,兩個人我就叫左一楂竹蔗水, 唔係咁甜都幾足味,之後我都叫左 10蚊三支 ICE 清下熱氣 HEHE. 7點幾入到去都唔等位..上到去我睇到都係得三,四台係打邊爐,小菜都係十圍左右, 場面都幾冷清, 都無所謂起碼夠清淨,點了一個麻辣加清湯既鴛鴦湯底, 黎到一睇就變左 沙爹鴛鴦,追問之後原來無麻辣鴛鴦.. (開頭係個侍應生介紹麻辣可以配清湯的 一.一) 咁叫人換返個淨麻辣就算.. 但個侍應就不停講話我地係要沙爹鴛鴦..真係吹漲原本都唔想同人有咩爭拗, 既然仲要爭執係我地叫,於是我同女友都反擊講返晒叫湯底既過程, 有台客都望過黎睇下我地拗D咩..之後有個知客黎了解返情況, 我實際都唔想再拗D咩只係換過個鍋底就 OK 啦..佢都好配合地立即叫人換過就算.. (不過果個侍應仲好不滿咁.. )咁之後點菜.. 聽到隔離台已經話無魚皮.. 水餃又無餡又細隻..都好不滿似的.我覺得 88 蚊/位 既又唔會有咩大期望..食得飽都算..叫左好多野 有雞子 肥牛 四寶丸 脆鯇片 草鯇骨, 冬菇, 雞蛋, 西洋菜, 羊片, 鯪魚滑, 生根等等..係蝦 / 鱔片 要另外加錢.不過佢地都送左一碟有蝦有鱔片俾我地.推介肥牛, 真係唔太肥又有牛味. 蝦就六隻只有一隻係霉其他都 OK草鯇骨好韌.. 冬菇都幾鮮..湯底就幾香越食越辣..其他不過不失啦.. 總括黎講係某一些好似唔太識聽廣東話既侍應有D誤會之外其他既服務都唔錯 …查看更多

收工後就去試下食 MK 分店既上次去左長沙灣果間叫左 1/4少辣,發覺無乜麻味.. 所以今次大膽D就係度叫"加麻"~!!!!!!! 不過今次加左驚太辣所以叫 1/5 辣.再加碟 香草雞翼.(好香不過略黑)湯來了~ 金黃色既湯令我垂涎三尺.. 呷一口湯.. 呢隻就係我最想要既味道.. 可惜的呢間米線煮得太耐, 或翻煮, 或在鍋底,所以夾起上黎會有即斷, 鬆散既效果.. ANYWAY 我都唔係太主重D麵,湯同配料既配合先係我想要既.. 我大口大口地吃了三啖之後就出事了..可能好耐未食過咁麻.. 條頸負荷唔到.. 有少少腫脹感覺.. 之後再食落去,完全沒有味覺了.. 我知道出事了.. (太麻了~ XDDDDD) 搞到我以龜速既速度..慢慢咁"捱"落去.. 旁邊的女朋友也差不多吃完..我還剩一大半~ 於是我好期待佢食埋果少少, 我就用佢d湯過一過"冷河".佢 1/10小辣既湯先至品嚐到佢美味個湯..而我條頸亦都無事了..不過成面成頭都係汗.. @_@||下次都係唔再試加麻了 ...... 呢間值得一讚係地點方便, 同有一位好熱誠既阿姐, 有禮有效率~ 大家可以留意下…查看更多

除夕去左呢度食.叫左個中式牛柳黃金魷魚粉絲蝦米雜菜煲兩支金威樣樣都好大碟~ 碟碟都50蚊左右兩個人都食唔晒.. 嘿 埋單 180 …查看更多

同事 FAREWELL 去左呢度食~ 178 + 10%真係非常抵食~ HEHE .. 食物種類都算多, 酒店都好靚~ 但服務生好似唔多夠, 不過咁既價錢~ 算係超值~ 推!推介: 羊架 同番茄湯唔錯~…查看更多