cshisze226的個人專頁

有日放工又喺屯門覓食俾佢最新出嘅menu吸引左，去左呢間裝修好靚又坐得舒服嘅餐廳試下～－星際彩虹芝士豬扒見到張相勁靚嗌左黎試試，炸豬扒上面鋪左七彩顏色嘅芝士，豬扒炸得好香口，芝士冇拉絲但係好香芝士味。本身期待唔同顏色有唔同味，不過佢地只係顏色唔同XD 作為小食開胃菜都唔錯－水星八爪魚腿蛋包飯 瀑布蛋包飯見得多，但係藍色嘅真係冇見過。蛋嘅熟度非常好，一界開就瀉晒出黎，非常嫩滑！裏面係足料嘅蕃茄炒飯有紅蘿蔔粒同洋蔥粒等等，粒粒分明。八八魚望落白雪雪以為會好似刺身咁冇味，但係我估應該用鹽醃左，熟度岩岩好唔會過熟整到冇晒水份，好食！－穀神星大蝦墨汁意粉除左大蝦仲有新鮮三文魚籽，兩樣都非常新鮮唔會有腥味。意粉煮得好有彈性，d汁唔會勁水，令意份可以做到掛汁效果。不過同男仔食建議唔好食呢個意粉，d牙同嘴唇都黑晒XD!－伯爵茶布丁牛角包窩夫全晚最好食係呢個甜品，伯爵茶布丁超綿密好有茶味。Croffle食落香口唔會咬落去一浸油味，加埋伯爵茶醬超滿足但唔會有負擔。雖然價錢較高但我覺得對得住價錢。－月球幻影黑芝麻沙冰 沙冰整得碎唔會一舊舊飲唔到，上味有好creamy既cream，好香芝麻味仲真係見到一粒粒芝麻，想清爽推介可以飲下呢個！－木星朱古力咖啡其實係一杯mocha，重朱古力味，甜味較高岩晒女仔冬天飲。…查看更多

每次經過都聞到好香嘅pancake味，今日終於有機會試吓😍1. Parma Ham吐司吐司好似平時去BBQ食嘅蜜糖麵包升級版，外面夠酥脆又keep到厚吐司果種軟熟。牛油果醬有檸檬調味，味道清新好啱做前菜開胃。平時都好鍾意食Parma Ham，第一次又甜又鹹又酸酸地咁食估唔到幾夾，（下次又可以試下屋企咁整🤣）。2. 大閘蟹risotto 到咗秋天梗係要食佢哋嘅大閘蟹risotto!成間舖頭好有心機轉左萬聖節嘅裝飾，同埋Menu都有跟節日同埋季節轉左🤣！好蟹人士梗係要試吓佢呢個risotto! 驟眼望落去平平無奇，但係每一啖都會見到有蟹膏同埋蟹肉，食落有忌廉、蟹肉嘅鮮味，唔使自己剝蟹但係又食到蟹膏同埋蟹肉，我覺得呢個價錢抵比🤣唯一係有一啖食到少少蟹似中間白色果啲「軟殼？」不過可以接受。唔好蟹嘅男朋友都覺得呢個飯好好食。3. 經典英式伯爵茶疏乎厘重頭戲就係佢哋香噴噴嘅疏乎厘，一擺上台已經勁香蛋味，以前食疏乎厘我都覺得食完好似食空氣咁，得個香味但裏面好唔packed😂但係呢度嘅疏乎厘質感蓬鬆而食落好實在，連cream都係好濃郁好口嗰一種，配埋唔同口感嘅配料，可以試到好多口味。疏乎厘有伯爵茶嘅香味，加埋佢帶甘味嘅伯爵茶醬真係好香，唔怪得知係人氣no.1🤣! 見到好多人都係食完晚飯，之後嗌咗兩個疏乎厘坐低慢慢食同傾計，下次想試下其他味！！4. Tiramisu coffee上面果層cream好rich同埋份量好多，成個雪糕咁好似食緊第二個甜品😂本身非常鐘意Tiramisu，已經非常飽嘅我哋最後都清咗。Tiramisu愛好者必嗌！Godiva chocolate wine coffee星期五happy Friday，一於試吓有酒味嘅咖啡🤣上面有朱古力脆脆同埋竹炭粉，朱古力脆脆，增加口感，竹炭粉其實冇乜存在感，用黎裝飾🤣飲落有少少似Baileys嘅感覺，有酒精嘅味道，不過係似cocktail的感覺，我覺得女仔都會鍾意🤓…查看更多

放工見到呢間舖頭平日都坐爆人應該質素唔錯，見仲有最後一張枱即管試試🤣成個環境燈光都好有feel ，日本居酒屋裝修，有幾枱都慶祝緊生日😂1. 芒果牛乳乳酸，芒果烏龍紅茶第日要返工，冇飲到酒試咗兩杯冇酒精飲品兩個都係好啱夏天飲嘅芒果特飲，乳酸好清新開胃，好似食緊甜品咁啱女仔飲😛男仔唔鍾意太甜可以飲芒果紅茶，茶味比較出。見到玫瑰乾花以為會有玫瑰味，不過飲咗就知其實佢係打卡用🤣2. 深海池魚王簿切深海池魚聽落好勁即管試試🤣 魚本身非常新鮮，薄切都食到肉質好肥美，醬汁配搭都好夾，叫做對得住價錢。男朋友本身唔鍾意食刺身，食完一片之後同我爭，每人得四片唔夠喉😂3. 厚燒A5宮崎吉列和牛男朋友想食和牛所以叫咗個吉列牛試試，牛肉唔會太多油脂好膩，反而係重牛肉味嗰種和牛👍🏻上菜嗰陣會有塊熱鐵板俾你燒下玩下，但係實測左每塊牛正反面各燒十零秒都ok🤣佢有兩種將一個係燒肉汁，一個係清新啲嘅汁；配料有蔥、炸蒜，個人最鍾意加大量蔥一次擺入口4. 牛油甘薯食唔落飯諗住嗌其他澱粉頂下肚，佢比我想像中好食好多🤣佢同DONXX賣嗰啲蕃薯一樣超甜，個番薯皮仲要勁脆好似食緊厚啲既薯片口感，加埋牛油味非常之香，推薦。5. 雞髀肉串燒雞肉多汁嫩滑，調味都好夾，有機會再試其他串燒～下次再你試一人晚餐精選👍🏻👍🏻…查看更多

之前聽朋友推介呢間餐廳，嚟咗食星期六晚餐早場，一入到去裝修已經好似日本居酒屋嘅感覺，環境燈光都好啱傾偈飲酒，而唔同種類嘅嘢食都有驚喜！1. 炸魷魚圈 - 炸得好酥脆咬落唔會有油味，魷魚本身好新鮮彈牙，調味啱啱好加埋沙律醬好開胃2. 白飯魚魚生沙律 - 沙律口感豐富，第一次食白飯魚整嘅脆片，食落唔會腥有魚嘅香味；另外仲有三文魚吞拿魚三文魚籽等等，魚生新鮮足料，唔會因為切粒就俾頭頭尾尾你3. 清酒煮蜆 - 望落分量雖然唔係好多，但係粒粒蜆脹卜卜，好新鮮每個蜆殼都開晒同堆有肉，清酒咪唔會太勁啲湯可以一齊飲，暖胃好味4. 串燒 - 秋葵，牛舌，鹽燒黑豚腩 - 串燒喺呢間店最好味嘅食品種類♥️所有食物唔會燒得太乾，牛舌同埋鹽燒黑豚好soft咬落即刻有浸油香，好出色，一串唔平但係每人一串都夠晒，送酒一流5. 銀鱈魚西京燒定食 - 冇得輸，皮煎到脆卜卜，魚入味，調味加魚本身油脂送飯超好味！如果你每餐都一定要食飯，推介大家要嗌呢個定食！…查看更多

大學一星期食幾次delifrance，有日放工見到附近竟然開咗新鋪仲要多好多野食揀，最後比門口嘅甜品吸引咗去試下 !為咗試多啲唔同種類野食嗌咗晚餐set，三百幾蚊有前菜，2個主菜同埋甜品，加少少錢仲可以飲其他啡，性價比認真唔錯，而家份量超足個人覺得3個人食岩岩好。1. 餐湯＆沙律
沙律有蕃茄仔火箭菜仲有羽衣甘藍，調味剛好幾開胃。但個人覺得餐湯比較出色，一碗有好多材料，而唔知係咪因為delifrance本身做開bakery，塊飽搽牛油或者點湯食都好好味。
2. 飲品 （熱抹茶燕麥奶＋雪糕特濃咖啡）
抹茶燕麥奶嘅燕麥奶味唔會搶過抹茶味，抹茶夠濃但又唔會有苦味，好暖胃岩晒夜晚飲；飲左幾啖男朋友杯雪糕特濃咖啡覺得好好味！雪糕重奶香，甜度令到本來帶澀嘅咖啡變得更易入口，女仔應該會鍾意！
3. 主菜A － 焗醬燒豬肋骨配薯條
一上菜見到個份量嚇親，一隻碟要分開兩排擺，數過係足足有12條骨！每條都焗得好淋好易離骨，我好怕d bbq汁太濃食劑但呢到d味岩岩好，骨上面仲有少少香料令味道唔會太單調 而薯條都係一般西餐水準。
4. 主菜B － Bistro招牌海鮮飯
飯個份量就正常返，有青口﹑大蝦﹑鱈魚魷魚同蜆，每樣都食得出係新鮮既。而飯就粒粒分明，佢嘅蕃茄味係屬於比較fresh果種，食到超飽都可以照食晒全部飯 
5. 法式蝴蝶酥配雪糕
蝴蝶酥好好食，面頭有一層糖包裹住，食落好酥脆但係好實在，唔會好似出面買果d夠脆但係好似食空氣咁；雖然個酥甜，配埋甜嘅雪糕都唔會漏，輕鬆KO晒同埋令呢個晚餐非常滿足。三百幾蚊食到咁多款野，味道唔錯真係大件抵食，下次再想黎會主要想試多d唔同甜品同埋飲品：D!…查看更多

呢間鋪頭主打佢地嘅海南雞飯，所以上次已經黎過食呢間海南雞飯，因為覺得味道唔錯所以再黎幫襯，想試下其他菜式同普通香港茶餐廳有咩唔同😋，所以就嗌左以下幾款：1. 咖喱雞煲配白飯及香脆薄餅（首推）呢度既咖哩雞係成煲上，熱辣辣保持到溫度可以慢慢品嚐，佢嘅咖喱似係港式咖喱，咖哩椰香撲鼻，唔會太辣，雞肉同上次食過嘅海南雞一樣，超嫩滑！而且完全無雞嘅腥味，雞肉索曬咖哩汁送飯好好食！份量都唔小。配菜一樣係原汁原味，個人覺得呢度無將配菜擺埋入咖哩煮，而係煮好再放落去，咁樣可以keep到蔬菜嘅味道唔會煮到爆一Pat野，秋葵薯仔茄子都好好食，男朋友話如果有咖喱蔬菜煲都會想食🤣 薄餅擺咗好耐都仲好趣，將蔬菜雞同埋飯擺上去一齊食，滿足！2. 星洲海鮮炒貴刁呢個貴刁完全唔會太鹹或者太油，有大大粒帶子同埋大蝦，另外仲有啲魷魚。佢本身有另外比魚露辣椒，但個人覺得本身嘅調味岩岩好😋，所以冇再加！大大碟最後都食得晒！3. 蒜蓉炒小棠菜最後清淡少少食返個炒菜，味道偏向清淡但好香蒜蓉味，每一紮菜都好大棵😋4. 美祿"好濃" （恐龍）嚟到東南亞餐廳必試嘅飲品！味道好濃，但又唔會太甜岩岩好，上面又美祿粉同埋波波同埋增加脆脆感覺，飲晒成杯都唔覺濟…查看更多

行過聞到好香串燒味比呢間小店吸引，睇menu覺得尖沙咀有呢個價錢好都算好抵所以試試佢！小店裝修簡單，位置唔多，但根據我哋觀察佢係做外賣多，通常隔十幾分鐘就見到十幾盒串燒等人嚟拎！好彩堂食都唔會等好耐先有野食～照樣嗌左蔬菜肉類同埋海鮮串燒必吃韭菜同埋娃娃菜！之前去其他舖頭娃娃菜都係一片一片串埋當一串，但呢度串埋應該有一整個娃娃菜🤣見到真係覺得價錢真係好貼地合理。茄子鋪滿滿滿嘅蒜蓉同埋香料，又係另一款必吃～肉類唔會燒到太柴好輕鬆就可以咬到，咬落仲有肉汁，尤其是係燒五花腩啲油好香～如果大家唔係食肉獸我會推介首選五花腩，之後係羊肉！海鮮我哋試咗兩款唔同味嘅帶子，類似西式同中式感覺，芝士帶子好邪惡，主要食芝士嘅鹹味，個人覺得都係蒜蓉帶子更加容易帶到帶子個鮮味！帶子大大粒，鍾意食貝類嘅要試吓！我哋仲嗌咗燒奶皇包同埋小饅頭，第一次見有呢啲燒烤有包嗌哈哈！兩款都係燒到外皮脆脆地，裏面都仲係好軟熟嘅感覺！推介奶皇包，雖然唔會做到流心效果，但感覺會再濕潤啲！最後嗌咗個「甜品」棉花糖夾餅，第一次聽呢個組合，食完最後想食啲甜野隨便嗌左～意外地梳化餅嘅鹹味同埋棉花糖嘅甜味都好融合，係幾好食！（等我下次又喺屋企試整下，哈哈）呢度嘅調味燒到串燒好惹味但係唔會過分咸，食完都唔會好口渴，推介大家嗌外賣或者堂食黎試吓！…查看更多

有日行過見到新開左間漢堡包店，位置偏偏地但係好多人排隊，試吓佢有咩吸引力🤪有超級多款嘢食，仲有炸雞，單點漢堡包三十幾蚊就有超吸引，不過太肚餓嗌咗套餐，有漢堡包小食同埋飲品！1. 貓霸漢堡+薯條食肉獸男朋友嗌咗有兩塊牛肉嘅大漢堡，兩塊扒好厚、有肉汁，不過中間有菠蘿好fresh中和晒所以完全唔會膩！成個包大到無可能一啖咬晒全部料🤣 佢仲話好鍾意個包，輕烘加埋兩款醬汁好惹味！薯條份量好多！抵食！有鹽同胡椒調味～2. 貝羅菇漢堡黑松露醬多到瀉，雖然佢其貌不揚🤣，但真係好好食！牛肉有油有肉汁，大啡菇好多水好鮮味，就算加咗黑松露汁都唔會搶咗大家嘅味，擺埋一齊食好滿足！雖然味道香濃但係食晒全部都冇問題♥️薯餅好脆唔會有好多油，仲有一粒粒薯仔，有口感小店堂食位置唔多，但係隔離喺公園都幾靜幾舒服下次會再嚟試吓佢個炸雞！等食嗰陣聞到超級香！…查看更多

某日同男朋友放假去咗海灘玩，晚餐諗住喺附近解決，見到呢間餐廳有人喺戶外嘅座位食串燒勁香孜然味，俾佢吸引咗就諗住試試佢。菜單選擇唔算多，全點嗌晒試渾晒蔬菜類係幾有意外驚喜，燒到冧左岩岩出水食到蔬菜嘅甜味，雞脾菇係必試牛肉同埋雞翼發揮到正常水準，最特別係有好多未試過既羊部位，聽都未聽過但全部都係好食同埋值得一試！即使係內臟類都唔會太騷，外脆內軟的口感，加埋孜然粉燒好有食街邊串燒嘅感覺！第二round我地都專攻羊肉類LOL秋風起夜晚坐出面燒肉都完全唔會熱，食完我地都坐左陣係到傾計，環境好舒服。建議大家日落黃昏時間黎，望住日落食感覺再正Ｄ！…查看更多

之前經過呢間舖頭想試好耐，見到環境唔錯，仲有個大電視播足球，非常適合同朋友來傾偈睇波！打風前夕嗰日同男朋友即興去咗食，走嗰陣都坐滿左人🤣🤣好有氣氛，以後唔使去到尖沙咀先有場啦！（順帶一提服務態度超級好，嗰日落大雨，員工主動幫我收遮，等我可以快啲入去坐🥹）坐低嗌咗杯Cocktail同埋啤酒，桂花味啤酒有甜味同埋花嘅清香比普通啤酒易入口，上面仲有桂花味嘅冰沙，夏天飲非常爽！至於杯peach Mojito好啱女仔飲，酸酸甜甜好開胃，唔會太重酒精咪好易入口。之前去開嘅酒吧可能都係得nuts食，但呢度好特別有串燒，可以連晚餐一齊解決唔使搵下場🤣因為想試多啲唔同種類嘅串燒，所以冇嗌到任何主食，嗌咗20幾款串燒，兩個人食啱啱好。蔬菜肉類海鮮都試渾，食得出本身食材質素都唔錯同新鮮，燒出嚟過熟度剛剛好，調味加分，完全唔會出現太鹹太淡嘅情況，都幾surprised🤣 全部都好好食！本人最鍾意燒白鱔同埋燒鵝肝。白鱔個皮超級脆，每一啖咬落去都食到魚肉嘅油脂，但又唔會太膩。鵝肝佢唔係一片片咁上，整到個形狀好似一粒粒肉咁樣，又係表面燒到超級脆，咬落去鵝肝個味爆出嚟，好鬼幸福。羊肉，茄子，安格斯牛肉粒，扇貝都非常推！見到隔籬枱嗌咗蟶子都好吸引好香，下次再嚟試！鍾意打卡嘅我一次過嗌晒二十幾串，建議大家嚟到可以分開嗌，咁就唔怕啲串燒會凍咗🤣！（同男朋友諗定下次再去happy Friday）…查看更多

男朋友喺大圍果邊做野，同我講每朝早經過呢到勁多人排隊飲茶，又聽聞佢拎米芝蓮，終於早個幾月打到去bk位bk到早幾日！！超期待！！（晚市有兩段時間，六點去到勁多人等位，八點食完門口又係勁多人。。）1. 勾魂叉雖然價錢不菲，但一場黎到都覺得要試下呢到的招牌菜，見到在座每枱都幾乎有嗌，推介大家黎到要一試呢個入口即溶既叉燒！上菜既時候waiter會喺舊叉上面搽一浸用15年陳皮整嘅醬，然後用火槍輕輕燒到好似有一浸焦糖喺上面咁！聞到陣味已經留晒口水，本身以為個醬都係gimmick野，但係佢係非常岩同呢舊叉燒一齊食！！雖然呢幾舊叉燒肥瘦適中，但係一次過食咁大舊，配呢個refresh d醬食先唔覺得濟！另外佢地仲有配脆米，軟林林的叉燒加香口脆米嘅口感好正，脆米就咁撈個醬食都ok xd2. 大孖豉油雞男朋友出去食飯一定會嗌雞食，但今次係第一次食“本地農場雞“，個雞皮個底有一層薄薄的油脂，咬落去唔會太肥非常嫩滑非常入味。聽男朋友講佢第一次見有埋雞內臟食!! 每一款都算入味，唔會有內臟既奇怪味，我地最鍾意雞腸！3. 啫啫生菜煲Waiter上菜果陣會開鍋蓋幫我地炒個生菜，佢同我地講個鍋幾百度千奇唔好掂到，我估個原理係出到黎先會鍋既熱力炒菜，咁樣炒先夠香！食落男朋友話似用馬拉盞炒xd 黎呢到食咁多肉嗌返個菜絕對可以refresh到！4. 薑米蒜香籠仔蟹蒸飯一場黎到覺得肉菜主食同海產都一定要試渾，所以嗌左呢個蟹蒸飯！Waiter話佢地一定d蟹一定有14／16兩，夠大隻先食到個鮮甜味！成隻蟹夠肉夠膏，d鮮味仲浸埋落d飯到，令d飯又有鮮味又香！成個飯份量超大，最後個飯都要打包走！飯粒粒粒分明唔會痴埋一舊，第日食都仲有浸香味！食完咁多野之後有一碗熱西米落肚，舒服晒！兩個人食咁多野真係有d吃力xd 下次要帶屋企人黎一齊試更多野！！！…查看更多

今日經過深水埗西九龍，見到之前喺葵芳有分店嘅阿佳拌麵，上次誤打誤撞食咗雞卷超好食，諗住翻綽但好可憎係雞卷已經賣哂趁下午茶時間試吓其他熟食！首先叫咗兩個拌麵1.鹽水雞拌麵 2.豬肉腸拌麵拌麵有得揀醬料：原味、沙茶味、芝麻、麻辣。我地分別揀咗原味同沙茶味，我哋都比較鍾意沙茶味，味道較濃。原味就係普通豉油。推薦豬肉腸，即係原味既台灣香腸切片，皮脆而且十分入味，但係唔會咬落有好多油。而鹽水雞就係雞絲，十分入味方便食唔使吐骨，口感似手撕雞！另外叫咗啲小食，最推薦係糯米卷，好鍾意外面層酥皮，食落好香口，搭配埋入面既糯米，外脆內軟十分軟糯，又唔會太細條，十分推薦。然後叫咗魚蛋加麻辣醬，魚蛋爽口，冇粉漿味，麻辣惹味，10蚊6粒好抵食。生煎包一啖一舊，分量啱啱好，完全唔油膩，令人想食多幾舊。整體來講好推薦呢間餐廳，價錢好抵，食咁多野都係百零蚊，又可以填飽肚，味道好好，CP值高。…查看更多

星期三去shopping之後經過呢間鋪頭，比鋪面既gelato吸引左我同朋友去試試呢間餐廳😋 估唔到除左甜品之外佢既主食都做得好好！1.紅茶匯聚 crepe鋪頭主打Crepe，嗜甜既我梗係嗌返個甜Crepe試試佢。呢個紅茶Crepe，蛋皮好有蛋香味，咬落去啖啖都係完全唔會太甜既紅茶custard，面有朱古力碎，仲要皮裏面有啲曲奇碎，多重口感，幾啖就比我地清晒！呢個crepe仲有得試埋佢地啲gelato，我地揀左榛子味，gelato食落俾雪糕真係幼滑啲，仲要用料比較健康，罪惡感都少啲。佢啲咸crepe望落其實都好吸引，下次真係要黎試試佢！2. 和牛漢堡配薯條 平時出去食牛和漢堡好多時塊漢堡都會乾爭爭完全唔似和牛，但呢一到既肉係真係好juicy食得到肉汁！個包有好香既牛油味，裏面既材料勁豐富，脆片芝士、洋蔥、磨菇，每一啖都覺得勁滿足！望落正常size但我同妹妹食左各一半已經飽左😅😅 最後仲剩返啲薯條😅呢個main真係好味又抵食3. 帶子蘆筍意大利飯呢個係一個比較清淡食落較fresh既飯，啲汁係白色但唔係好膩既奶油汁，而係一個充滿露荀原味既汁～ 食完重口味既和牛漢堡再食返呢個解膩🤣 帶子煎得好好唔會太生太熟，調味都ok. 除咗煎帶子，仲有好多細粒帶子同埋蘑菇等配菜仲有好多其他野想試！！係會想返兜既餐廳！！…查看更多

有日放工同同事一齊行去灣仔碼頭嗰邊諗住返屋企，同事見到呢間餐廳幾有氣氛，鍾意食意大利菜嘅佢就拉我入去撐枱腳。餐廳內部唔算好大，但成個感覺好適合包場，一班朋友或者同事嚟開party。1. 牛油果大蝦沙律成個調味好Fresh，本身以為會好似其他餐廳咁淨係普通落黑醋橄欖油，冇乜特別，但食落就發現啲蝦搽左芥末，意外地同酸酸甜甜嘅感覺好match! 沙律菜爽甜，啲蝦十分新鮮唔會霉霉爛爛，份量又多，個人真係幾推介呢個開胃菜。2. 意式拼盤呢個意式拼盤有莎樂美腸，煙三文魚，巴馬火腿，三種肉類，每種食落都好香，其中我同同事最鐘意莎樂美濃烈的煙燻味！本身唔係好食得慣意大利菜，例如cold cut果啲拼盤我會覺得啲肉太鹹，芝士又怪怪地，但呢度嘅拼盤十分易入口，配佢個細麵包食岩岩好。其他幾樣食材亦夠新鮮，蔬菜只要夠新鮮已經很好吃。3 . margherita pizza呢度有得自選Pizza配菜，但第一次嚟到梗係是最經典但又考功夫嘅Pizza啦！同事係margherita pizza fans, 成日周圍去唔同地方試。佢都話呢度嘅Pizza做得幾好，個底薄脆有麵包香，配熱辣辣嘅芝士，酸甜適中嘅蕃茄醬，咬落好滿足！絕對係可以翻兜既一味菜。4. Cappuccino cake唔食甜品點會滿足，揀咗個比較少見嘅甜品。呢個甜品幾層，最底係朱古力金寶，之後係咖啡忌廉同埋牛奶慕絲，一啖食有幾種口感，忌廉同慕絲好香滑，超級好味！之後店員同我講話原來個個都讚呢個甜品好味😋！一揀就揀中左好野！…查看更多

每次放工時間都大排長龍所以放棄左，上星期六的起心肝早啲起身去食，去到排左陣但終於試到喇！！一入去見到裝修寫住「見字飲湯」，就知呢間舖頭主打湯！基本上Lunch menu嗌任何飯同埋麵，都會送一碗湯，當日我飲既係「蘋果紅蘿蔔沙參煲鹹排骨湯」，湯好清甜，睇個面唔會有太多油，飲完就知真材實料冇落味精！而我同妹妹分別嗌左手撕雞飯同埋豬扒藕餅飯。手撕雞份量適中，啖啖肉點麻醬食一流。食手撕雞最忌個雞得個辣字/咸字，但佢呢到係整得好有風味但又唔會重口味，果然係其中一個人氣推介！ 豬扒藕餅飯又係第二個人氣推介產品，豬扒好淋好入味，而個藕餅真係surprisingly好食！出面炸到十分香口，咬落去有好多粒爽身既蓮藕，一食就知係真材實料唔係得個粉。平時好少出街食藕餅，但係今次試完真係會想返兜，因為太好味既關係，走果陣仲嗌個齋藕餅飯返屋企😂 最好笑係望好多枱都係食齋藕餅飯，仲額外加多塊，總共3塊黎配飯食😂另外仲嗌左佢地晚麻辣鴨腎，味道唔錯份量都好多，$28黎講係抵到爛，食飯唔想咁dry想豐富啲真係嗌個黎開下胃都好！期待下次再黎試佢地其他招牌菜…查看更多