rene_honestfoodie的个人专页

Peko Peko Eatery有三間分店🏬，一間喺荃灣，一間喺何文田，一間喺太古。我去嗰間喺荃灣海之戀，餐廳設有室內同室外嘅部分。室外嘅部分唔大，得幾張枱⛱️，不過望海景🌊，有啲情調🕯️ ⚠️注意坐室外好似有minimum charge，所以訂户外座位最好預先同餐廳溝通。餐廳最熱門嘅菜式🍽️係海膽三文魚籽竹炭烏冬🍝個汁有海膽味又唔會太溜，加上三文魚籽爆出黎嘅鹹鮮味，真係幾夾😋 烏冬嘅質感似意粉，掛到汁🤌🏻我地另外仲叫左個黑松露海皇炒飯🍚(裏面都係有啲海膽)、香脆廣島蠔🦪同巴馬臣芝士薯條配黑松露醬🍟，全部都唔錯。尤其係個蠔，酥脆無渣👍🏻💰: HK$280 pp (Dinner)💝: 7.5/10…查看更多

海灣係喺流浮山嘅其中一間海鮮酒家。流浮山有好多檔海鮮檔🦀，客人通常會喺海鮮檔買完海鮮直接攞去餐廳加工。食過海灣咁多次，我都冇見過佢個餐牌😂，但係佢嘅收費一向都算好合理嘅。必食係蝦仁炒蛋🦐🍳，係我食過最最最好食嘅蝦仁炒蛋😋，炒蛋好滑好滑，咁多年都冇變。蝦仁唔需要自己去買新鮮嘅，餐廳會用啲平嘅蝦炒，但係放心完全唔會霉👍去流浮山，就冇理由唔食蠔啦🦪 流浮山嘅蠔係冇渣㗎！可以考慮食酥炸生蠔，夠晒香口。條魚🐟蒸得啱啱好，炒飯🍚夠乾身，咕嚕肉脆口，椒鹽鮮魷🦑外脆內軟😛😛😛食完餐廳會送上一碟橙🍊，通常啲橙好甜，但係對上嗰次去啲橙就酸咗少少啫🤪💰: HK$400 pp (Dinner) (連埋買海鮮)💝: 8/10…查看更多

我去嗰間Chef’s Cuts位於屯門黃金海岸🏖️，舖頭細細，有一個area賣肉🥩同芝士🧀等等，行入啲先係餐廳🍷 餐廳食物幾高質，仲要唔貴👍烤牛骨髓🦴(第二張圖)上面加咗啲酸酸地嘅醬汁，所以唔會太油膩，配上脆口嘅多士🥪我覺得必食嘅係佢嘅牛油果蟹肉多士🥑🦀(第三張圖)。一碟多士有四塊，兩件搽上咗薄薄嘅牛油果醬，上面再加上超多蟹肉撈沙律醬，好好食😋 另外兩件係煙三文魚多士🐟，比嘅煙三文魚都好大嚿，啖啖肉。上面仲要落咗超多芝士碎🧀牛面頰🐮(第四張圖)好有膠質，配上薯蓉同黑松露油🍄，都唔錯。甜品好有創意🤩 我哋叫咗tiramisu棉花糖雪糕🍨(第一張圖)。睇落似普通tiramisu，但係其實中間係大大嚿黐埋咗一齊嘅棉花糖同雪糕😝 側邊落咗啲餅碎同朱古力蛋糕碎，成碟甜品睇落好messy但係出奇地夾😛💰: HK$300 pp (Dinner)💝: 8/10…查看更多

座銀、ode、Next Shikaku三間拉麵店🍜屬於同一集團，舖頭位置鄰近，都係細細間，價錢絕對唔平，但係Openrice評價同樣好好👍 座銀主打雞白湯🐥，ode主打鯛魚湯🐟，而最新嘅Next Shikaku就主打牡蠣湯🦪 相比之下，我最鍾意嘅係Next Shikaku。Next Shikaku提供三款麵，分別係蠔清湯、蠔白湯(第一張圖)，同埋蠔沾麵(第二張圖)。我今次試咗後面兩款，兩者湯底應該係一樣🥣，但係沾麵嘅湯底濃郁好多，變咗試完一啖湯就唔係好食到白湯嘅味🤣 湯底有蠔味，仲好似有味精味❓，但係好味😝 沾麵嘅麵睇落似闊嘅河粉，晶瑩剔透，用水浸住。蠔白湯嘅拉麵麵質適中，比較扁平，唔會好似油麵咁嘅樣。湯裏面仲有啲洋蔥粒🧅、一塊肉🥩同一隻蠔🦪 好食！😋💰: <HK$200 pp (Dinner)💝: 8.5/10…查看更多

諗起仙后餐廳，就會聯想起已經退咗股嘅張敬軒🎤 一開始認識呢間餐廳都係因為有佢宣傳🤣 餐廳嘅一大賣點係裝修，入到去好似置身一個古老有氣派嘅表演場地咁，有舞台👯‍♀️、有特大水晶燈同彩色玻璃天花，好適合打卡📸餐廳好貼心，訂座後會早一日將你去嗰日嘅菜單WhatsApp俾你睇，實體菜單就好似一張報紙咁嘅樣🗞，幾特別。Lunch set價錢唔過份💵，三道菜HK$258，四道菜HK$298，有部分菜式要加錢。前菜我哋叫咗鴨肝雲吞同大蝦。鴨肝雲吞🥟配上巴馬臣芝士泡沫🧀🫧，同埋一啲菇🍄，味道都唔錯。大蝦🦐配上芒果莎莎🥭、牛油果蓉🥑，味道好清新。是日餐湯係椰菜花湯🥦，都幾好，唔會好似就咁用麵粉開出嚟咁。主菜叫咗和牛面頰🐮同埋雞腿🍗，兩樣都嫩滑。甜品叫咗一個榛子拿破崙🍰配海鹽焦糖雪糕🍦，一個西班牙柿配桂花糖梅酒果凍🍮。前者中間夾住焦糖同榛子，但係唔會太甜。後者就好似食緊好重桂花糖味嘅酒釀丸子咁🍡，各花入各眼啦，我就唔係太欣賞。個lunch set仲包咗咖啡，我叫咗mocha。咖啡都幾好飲，上面印有餐廳名，再襯返個靚靚嘅杯☕️💰: HK$350 pp (Lunch)💝: 7.5/10…查看更多

Grand Hyatt Steakhouse有自己嘅入口，喺酒店隔離，𨋢口有啲霍格華茲嘅感覺🧙‍♂🪄餐廳晚餐分兩輪，都幾難book。負責我哋嗰枱嘅外籍侍應相當熱心推介食物。我哋聽佢推介前菜叫咗個thick cut bacon🥓佢真係冇介紹錯。雖然係bacon，但係唔會好似平時成日食嗰隻咁韌，相反有啲火腿嘅感覺，好容易咬，上面仲落咗啲楓糖🍁，甜甜地，估唔到咁夾😋另外我哋叫咗碟signature嘅蟹餅🦀，非常足料。主菜叫咗兩個牛扒🥩，其中一個係聽侍應推介叫嘅rangers valley M5 tenderloin，肉質鬆軟無筋，火候控制適當🔥牛扒有五種醬汁選擇，我又揀咗侍應推介嘅bearnaise🧈，有啲牛油味又唔會覺得太溜，幾好👍 但係都係比餐廳自己整嘅黑松露芥末🍄搶晒風頭，個芥末好濃黑松露味，啱晒我胃口😘😘😘甜品叫咗個apple crumble🍎，都唔錯唔會太甜，但係佢個配角軟雪糕正啲，好滑好滑🍦總括嚟講用餐體驗幾好，但係我覺得相比之下Ruth’s Chris性價比高啲，前菜更加好食啲，牛扒就Grand Hyatt質素高啲。💰: HK$1300 pp (Dinner)💝: 7.5/10…查看更多

螢火位於尖東嘅一個地庫，位置唔顯眼。我見OpenRice評語好好，所以去試下。餐廳竟然星期六日都有做平日嘅午市套餐，最平HK$380就有一個九道菜嘅鐵板燒午餐，性價比超高👍HK$380嘅鐵板燒餐有兩個，一個叫”星⭐️”，一個叫”月🌝”。我哋三個人去，兩個套餐都有叫。最估唔到係餐廳竟然俾咗間房我哋，一個師傅👨‍🍳淨係serve我哋三個。~星⭐️~1. 沙律🥗加咗海葡萄，落咗啲酸酸地嘅汁，正常一個沙律啦。2. 帆立貝🐚落咗少少魚子醬喺上面，望落即刻再矜貴咗😂，煎得熟左韌左少少，不過味道都唔錯。3. 汁煮白鱈魚🐟師傅將白鱈魚嘅皮同肉分開，將皮煎脆，插喺肉上面，肉嘅肉質嫩滑，真係做到皮脆肉嫩。再將魚放喺洋蔥湯裏面🥣，呢個配搭真係估佢唔到，賣相又靚😋4. 大蝦🍤師傅喺我哋面前用鑊鏟挑走蝦腸，將蝦肉同蝦殼分開。蝦肉彈牙，蝦頭多膏🥰5. 美國牛肉🥩肉類可以揀豬或者牛，我哋全部人揀牛，牛肉亦都可以揀厚切或者薄切，又可以加錢轉日本A5和牛，我哋就冇加到。薄切牛肉裏面夾咗啲青森縣蘋果碎🍏同埋蒜粒，幾惹味。厚切牛肉都好食，配上炸蒜片，但係肉質相對較韌。兩款牛肉都配咗一種芥末醬，估唔到又幾夾😛6. 櫻花蝦炒飯🍚師傅雖然好靜，但係好細心，見到我冇咗隻匙羹🥄即刻細細聲叫侍應幫我攞，又問我哋炒飯有冇乜嘢配料唔食。個炒飯最出色係飯上面嘅煎蛋，蛋黃顏色🍳好吸引，仲要燶邊脆脆地😋😋😋7. 漬物漬物就係兩款酸酸地嘅醃咗嘅小食，我自己不嬲都唔係好鍾意食，所以冇乜點食。8. 吸物🍲即係麵豉湯，正常發揮啦。9. 甜品或咖啡🍨☕️甜品係芝麻雪糕，味道唔錯，咖啡對我嚟講就有啲太苦，不過都OK👌~ 月🌝~月套餐唔同嘅係轉咗:2. 鵝肝多士🥪雖然塊鵝肝唔係入口即溶嗰隻，但係都煎得唔錯，麵包好脆，最正係佢喺鵝肝上面加咗啲焦糖醬🍯，又係出奇地夾👍4. 廣島蠔🦪隻蠔嫩滑冇渣，上面加咗啲櫻花蝦，幾好食🥰💰: HK$380 + 10% pp (Lunch)💝: 8.5/10…查看更多

最近先知原來帝苑酒店嘅拿破崙蛋糕咁出名🎂 餅店位於酒店地面嗰層，睇落冇乜特別，但係我幾次去見到都幾多人吓，買蛋糕要排下隊。餅店有超級多俾人預訂咗嘅拿破崙蛋糕。我見到主要係雜果🍒🍇，第二係芒果🥭 雖然雜果色彩繽紛靚啲，但係我揀咗芒果。啲芒果好甜好好食。下晝去攞，放雪櫃，夜晚差唔多11pm先食，但係酥皮都依然保持到脆口😋 裏面嘅吉士唔會太甜，食落唔會覺得好溜，四個人一晚已經食晒成個🤣🤣🤣💰: HK$440 (per cake)💝: 8/10…查看更多

燒烤堂有唔少分店，我去嗰間喺中環九如坊。餐廳細細間，唔係好起眼，但係生意好好。我星期五食7:30pm嗰輪，估唔到前面已經有一輪， 講明我哋9pm要交枱，因為後面仲有一輪，做到11pm。朋友7:15pm到咗，但係餐廳話前面嘅客人未走，結果我哋差唔多7:45pm先入座。餐廳嘅食物都唔錯。當中墨魚滑最好食🦑(第一張圖左上)，上面應該係落咗啲鹹蛋黃醬😋 蒜蓉茄子🍆(都係第一張圖左上)都好惹味。另外值得推介嘅仲有免治雞肉串🍖(第一張圖左下)。原塊燒雞皮🐣(第二張圖左上)大大塊，脆卜卜。焦糖青蘋果鵝肝多士🥪(第二張圖右上)個麵包係脆嘅，蘋果🍏同鵝肝嘅味道幾夾。和牛粒🐮味道都幾好，有油香。8:30pm已經last order，但係差唔多9pm第一轉叫嘅食物先嚟齊。侍應好心急咁幾次叫我哋快啲交枱，所以食得有啲倉猝。如果大家係想食住串燒飲吓酒同朋友吹吓水嘅話，燒烤堂就唔適合喇😔💰: HK$700 pp (Dinner)💝: 6.5/10…查看更多

Ruth’s Chris有兩間分店，一間喺金鐘，另一間喺尖東。兩間餐廳內部裝修好似，都係用好多深色嘅木材🪵，好有懷舊嘅感覺，但係可能因為金鐘分店係地舖，所以感覺上再靚啲古典啲🏚雖然Ruth’s Chris係扒房，但係我覺得佢嘅前菜🥗同甜品🍰更勝一籌 👍前菜我冇乜點影相📸️，因為賣相比較普通(但係好食😋)，同埋餐廳比較暗，好難影得好。蟹餅🦀、牛肉薄片、龍蝦湯🥣都值得推介，尤其係個蟹餅，超足料。主菜一定係食牛扒啦🥩 餐廳都幾有儀式感，會喺客人面前打開一張小摺檯，喺上面切斧頭扒，同埋會比每一位客人一隻上面有少少熱油嘅”污糟碟”🍽用嚟食牛扒。肉質方面，我覺得就相對失色，牛扒有啲筋，可能因為係美式扒房，肉質亦都唔係走嫩滑嘅路線。係唔錯嘅，但係唔係我最鍾意嘅肉質。極力建議大家留肚食甜品🍨 Ruth’s Chris嘅甜品唔細件，仲要好足料，尤其係個芝士蛋糕🧀，食完會勁滯。我覺得芝士蛋糕🎂、焦糖布甸🍮、同蘋果金寶🍎都好值得推介👍Ruth’s Chris係一間好有情調嘅餐廳，大家有特別節日想慶祝或者同另一半食飯都可以考慮吓佢😛💰: HK$600 pp (Dinner)💝: 7.5/10…查看更多

汴京茶寮係喺雲咸街嘅一間小店，餐廳裝修係簡約嘅日式風格，有好多木嘅元素🪵一睇個名就知餐廳主打係茶🍵 圖中嘅係茶漬飯🍚(裏面嘅飯有啲黏黏嘅質感，應該係糯米，可以配上三文魚碎等等嘅配料🐟)、迷你冷抹茶蕎麥麵🍜、手工茶凍🍮，配上一杯手沖茶☕️，啱晒想食得清淡啲嘅朋友👍餐廳仲有提供冰磚冷麵，用大大舊冰🧊裝住啲麵，每日限量供應。我就未食過，不過應該好適合夏天去食，順便打下卡📸💰: HK$150 pp (Lunch)💝: 7/10…查看更多

MUTA喺美麗華廣場一期，餐廳位置唔算顯眼，但係我星期六中午12點餐廳啱啱開門嘅時候去到，已經有10個8個人排緊隊👭👭期間限定嘅海膽奶油燉飯🍚雖然少少偏鹹，但係有海膽味，而且顏色鮮艷，賣相吸引😚蟹肉蟹膏甲羅燒燉飯🦀個飯有蟹膏味，蟹蓋嘅上層係蟹肉，下層係蟹膏，都幾真材實料👍壽喜燒牛肉蛋汁燉飯🥩有輕輕嘅壽喜燒汁味，奶油味較重。三個飯嘅份量都唔大，所以我哋兩個人叫咗三個🤣 燉飯比較多汁，啱晒我，食起嚟好似高級版嘅薩莉亞名物多利亞咁😋我哋另外仲叫咗個吞拿魚他他🐟，有啲汁食落味道酸酸地幾開胃。我本身以為裝住他他嘅係一隻碟，原來係塊食得嘅花花形餅🌸💰: HK$400 pp (Lunch)💝: 8/10…查看更多

有一日好random咁去咗黃埔聚寶坊(即係冒險樂園嗰個商場🛝)嘅Yakiniku Kakura食日式燒肉。餐廳座位都算幾闊落，唔會覺得好迫，抽氣都做得OK，唔會食完覺得成身一陣味。餐廳提供嘅和牛肉質🐮唔錯。我哋叫咗一個拼盤，裏面有唔同部位嘅牛肉🥩、牛腸、豬肉🐷、雞肉🐥、腸仔🌭等等，另外叫咗啲和牛同牛舌👅。比較特別嘅係個和牛海膽壽司🍣 自己燒完塊和牛之後，鋪喺壽司飯上面，再加上海膽。係幾好食嘅，但係我自己就鍾意分開嚟食多啲，因為我和牛同海膽都鍾意食，想分開細細品嚐佢哋嘅味道🤣💰: HK$400 pp (Dinner)💝: 7/10…查看更多

Ichu主打秘魯菜，喺香港好少見。餐廳裝修行少少高檔嘅路線，座位舒適🪑Lunch set本身唔貴，兩道菜HK$248一位，但係食物比較細碟，同埋想食啲賣相吸引少少嘅嘢就要加錢💸前菜我叫咗鯛魚片，加咗HK$68，淨係記得味道好酸😖，但係可以接受 。主食我叫咗蟹肉龍蝦意粉🦞，又加咗HK$98，個海鮮汁幾好味，上面嗰兩舊蟹肉🦀都幾鮮味。我見到餐牌上面有espresso，唔見有其他咖啡，就問侍應餐廳有冇提供普通凍咖啡☕️。侍應話有，冇特別講價錢，我同朋友就叫咗兩杯。杯凍咖啡同一般平價西餐廳嘅冇乜分別，係唔好飲嘅。埋單先知原來HK$60一杯😱 相比個午餐嘅價錢，加上以杯咖啡嘅質素嚟講，杯咖啡嘅定價就進取咗啲喇🙁💰: HK$300-500 pp (Lunch)💝: 6.5/10…查看更多

Westwood Carvery位於中環和安里，喺蘭桂坊附近🍾🪩，呢條街好多嘢食😛餐廳最吸引我嘅係佢嘅海膽意粉(lunch set: HK$278)，唔止意粉面頭鋪咗海膽，連個意粉醬都係滿滿嘅海膽味😝 美中不足係有一次我去食嘅時候個意粉係凍左嘅🥲 記得呢個意粉唔係成日有㗎，要食要睇緣份🤣餐廳嘅招牌菜係prime rib🥩 個prime rib “dip” sandwich🥪好食，圖中嘅只係半份，lunch set HK$148，就連埋前菜(可以揀沙律🥗、蔬菜湯、或者是日餐湯🥣例如蘑菇湯)同飲品。塊肉夠嫩滑，冇筋，仲有少少芥末搽咗上去，好match，不過跟sandwich上嘅蘋果🍎我就覺得有少少格格不入，特別係喺餐廳好少會攞住個蘋果嚟咬😅整體嚟講，Westwood Carvery性價比係高嘅！💰: HK$200-300 pp (Lunch)💝: 8/10…查看更多