奧奇邁的个人专页

黃店。平日兩點零黎到，都有唔少人。不過間鋪夠大。餐牌寫拌面加貢丸湯，黎嘅時候變左花枝丸湯，旁邊有雲耳、蕃薯同泡芙。湯相對重口味，係雞湯味。可惜唔算太熱，加劇左個油膩感。拌面就熱辣辣，一食落口已經有好好食嘅感覺。麻辣有味，魯肉配麵十分唔錯。唯一係越食越鹹，如果你係怕濃味人士就會覺得個底太heavy。但係整體黎講，$58咁嘅質素完全唔失禮，值得推介。…查看更多

黃店。平日兩點黎到，細細間鋪都坐滿人。午市套餐一個麵加一個小食連野飲，普通雲吞麵嗰啲就$44，雞麵就$60。相對黎講，可能揀雞會抵啲，因為佢份量都唔少，一隻雞髀加三四舊雞胸左右。叫左沙薑雞，雞算係正常水準。當然未至於好好食但係絕對ok，遇上邊日想食雞可以encore。小食係酸辣雲耳，幾鍾意上面有啲醃嘅辣椒，幾開胃。粗麵幾好，有粗麵應有嘅彈牙，第一次食嘅時候都幾驚喜。整體黎講，係中上水準。價錢以呢啲麵黎講稍貴。…查看更多

之前新開嘅時候甚至要排隊，而家無咁誇張，不過就長期都有唔少人。平日晚7點零黎到，岩岩好樓下有位，唔使上樓梯。三小辣麻辣湯底。辣度喺BB辣之後就四小辣起跳，相對頗辣，亦有麻味。另外食過沙嗲同酸辣湯底，沙嗲個味就濃味啲，辣黎講就麻辣會純粹啲，稍微係油膩左少少，但米線鋪食到呢隻有層次嘅辣已經好ok。麵質黎講都係好，唔會煮到淋曬。一個餸，雞肉份量夠亦好食。$37黎講算中等價錢啦，不過無論你係鍾意食米線定鍾意食辣，應該都唔會失望。…查看更多

黃店。平日六點半黎到，佢岩岩先開鋪。頭半段都係我一個包場。＄６８鹽燒牛舌定食，有麵豉湯、青瓜同糖心蛋。本來擔心牛舌飯個份量唔夠，結果完全唔會。飯香，牛舌有五塊，唔可以話特別驚艷嗰種，不會都唔錯。而且係鹽燒的無錯（最尾食到有幾粒鹽）。其他就正常發揮，麵豉湯偏酸。好多人提到通風嘅問題，係無錯的，的確係有油煙味（尤其係燒緊野嘅時候）。我第一個入去，佢都指我去通風好啲嘅位置。不過礙於佢身處熟食中心裏面，可能都唔到佢地話改善就改善。當然可以做得好啲就食客都會開心啲。最後要提就係服務，店員（唔知係咪，定老闆）好有禮貌，最後仲鞠躬話多謝支持。讚。…查看更多

黃店。平日七點半黎到，有位。鴨胸蒜香意粉，配湯或者沙律，連野飲。黎過幾次，呢個鴨胸意粉都唔係第一次食。不過今次就失準。一個字總括曬：鹹。蒜香本來就係重口味，廚師今次明顯重手左，結果成個意粉都真係幾鹹，鴨胸都一樣。之前食，水準可以話係中等，價錢合理。今次有啲可惜，希望只係例外啦。…查看更多

星期日晏晝一點黎到，岩岩好有位。丸京一直都係香港拉麵黎講質素中上嘅鋪頭，而且價錢合理。今次試100蚊丸京拉麵，有齊普通叉燒+「真叉燒」，揀左濃湯。其實一路以黎都係食濃湯。檯面有蒜蓉同埋辣醬可以加，通常都加辣，我鍾意惹味啲。湯、蛋同荀都係正常發揮。不過今次比我食到麵有鹼水味，有啲錯愕。最後講下「真叉燒」，肉眼都分到，色澤帶粉紅嘅就係真叉燒。相比普通叉燒，肉質比較軟，筷子一夾可能就會散。食落口有一陣香味，但未至於好驚艷嗰種。…查看更多

泰國野，係裕民坊新商場裏面其中一間新開嘅鋪頭。星期日十一點半黎到，岩岩開門。兩個人，嗌左一個串燒、一碗冬陰功湯同兩個主食。有趣嘅係，雖然泰國野，佢主食大部分都係意粉。呢個紅咖喱意粉就比人少少唔夾嘅感覺，尤其係佢炒埋芽菜同韭菜，配埋意粉感覺有啲怪。冬陰功湯好辣。材料係新鮮嘅，不過一落到個胃就火燒咁。煎帶子喇沙一貫嘅精緻風格，蛋係溏心蛋、帶子有鮮味、麵質都好。不過一碗喇沙三位數字價錢，我就覺得性價比唔太高。整體黎講，基本上可以用碟串燒總結成間鋪：走精緻路線，材料唔錯，而且係好食嘅，不過幾十蚊就只得兩串。…查看更多

黃店。星期日晏晝一點左右黎到買外賣，見到裏面仲有啲位。之前都食過幾次，唔太鍾意個麵，所以今次淨係嗌左十隻白胡椒豬肉湯餃。38蚊，外賣再加兩蚊。價錢同份量都係正常水平。一樣係十隻，同百x雲集價錢岩岩好一樣，相比起來就百貨應百客，應該呢間水平會穩定啲。餃子之外有一舊蘿蔔加埋湯底，湯底算係幾鮮甜。不過如果做麵嘅湯底就淡左小小，都係我無嗌麵嘅其中一個原因。白胡椒餃子出面好少見，食過一次之後就無打算試餐牌上其他餃子了。胡椒味夠、豬肉爽，餃子略細隻，不過係好食的。如果唔係好肚餓個話係好嘅選擇。…查看更多

平日兩點黎到，入到去見到都有一啲空位，不過咁啱有卡位坐，可能因為book左枱掛～環境可以算係正常地好，坐窗邊可以加分，裝修黎講就預期中嘅分數。乾淨+清新。兩個人嗌左兩個意粉加一個fish and chips，午餐飲品半價要左一杯，最後計埋加一三百零蚊埋單。Fish and Chips份量夠，好快上枱，一開始有啲擔心係咪新鮮炸。整體黎講係不過不失，唔算突出。夠熱，不過魚就油膩左啲，一切落去會見到有油流出黎。同埋醃多左，比較鹹。奶油羅勒干貝意粉都係鹹，又唔算係heavy，不過係個醬嘅調味嘅問題。帶子無咩特別。$128算有啲貴。巴馬火腿奶油牛肝菌汁意粉唯一無咁鹹嘅食物。無咩特別，火腿同菇都唔算特別好食，正常水準。個菇汁再香啲就好。總體黎講，野食太重口味，價錢可以接受（如果你會食埋個環境嘅話），尤其係佢無限時，可以慢慢坐同傾計。睇吓你係唔係只追求食物嘅人。…查看更多