chubbychickee的个人专页

呢一個係我人生食過最難食嘅paella！大佬佢食落係無味仲要燶左，食落去係真係有燶味⋯ 個邊同個面都變哂飯焦乾哂，但個底就濕淋淋，一路食一路都覺得自己好似食緊煲仔飯咁，真係嬲左！啲青口又乾哂收哂水，好似overcook咁，啲帶子又係乾嘅，二百幾蚊食啲咁嘅野，我早知去隔離outback食扒好過！講到尾都真係令人相當失望，唔好食我都仲可以忍，但係難食到咁真係令人不吐不快，基本上呢餐飯可以用五個字去做總結，就係貼錢買難受…查看更多

基本上久唔久意粉癮起都會去幫襯，因為佢嘅意粉真係好好食！以往食過佢好幾隻意粉，有卡邦尼有墨汁，但係有一次試過法式鮮蠔忌廉汁扁意粉，我以後幫襯都係食呢一個 因為佢真係好重蠔味又好creamy，好正！不過佢係有少少膩嘅，所以真係一個粉夠哂！至於飯類就唔多推介，因為真係普普通通無咩特別，有名你叫西麵，始終都係麵類先係佢嘅主打😂 但係一個意粉/飯單價都60幾70幾蚊，如果加埋$18轉餐(有蒜蓉包粒+粟米湯+一罐嘢飲）（p.s. 鍾意飲粟米湯嘅人可以試下，大量粟米蓉！)，都幾貴下。…查看更多

記得以前隨隨便便一個炒飯個味道都不俗嘅，今次原本想嗌鴛鴦炒飯嘅，但點知轉左餐牌，於是就嗌左呢個茄汁海皇飯試，諗住同平時鴛鴦炒飯紅色嗰邊差唔多，但食落有啲失望，明明蛋炒飯底，但食落去又淋又濕，大為退步⋯⋯…查看更多

記得上年有一排成日係外賣平台嗌尼食，因為真係幾好味！最近經過gogo mall就去左幫襯堂食啦，點知大失所望，退步左好多，麵唔夠汁好乾，同埋亦唔夠味，雞肉亦都偏鞋，所以整體就係乾爭爭咁🙈 米血糕亦偏硬，完全唔好食，而且冬筍亦應該轉左材料供應，以前係切角狀，而加只係切絲，味道都不如以前⋯唯一一樣好嘅就係海苔口味的確好重海苔味，不過只有海苔味，鹹味就欠奉了⋯相信短期內都唔會再幫襯了，因為今次打擊真係好大🙈…查看更多

每次心癢想食邪惡熱氣野嘅時候，shake shack一定會係腦海入面飄過～佢嘅burger同薯條的確做到好美式，新鮮即食真係冇得頂，尤其薯條淋上芝士醬，食落個罪惡感大到😂 但係同時又好幸福！Burger真係so far試咁多款口味全部都係好食，不過真係好熱氣，食完熱返多啲水🤣另外有個推介就係佢啲Milkshake，真係好rich好creamy，完全唔係揸流攤，亦都唔會好快溶，但係自己一個飲哂成杯嘅話都幾膩架，最好就係兩個人share飲！…查看更多

都係經網上嘅試食文章知道呢間餐廳，一睇就比佢嗰梳乎厘pancake吸引咗！於是就捉咗男朋友去試吓啦！我就叫咗個好多人都叫嘅貓耳朵嚟試吓，而男朋友就叫左個手撕豬腩肉burger。貓耳朵真係幾好食，而且啲粉嘅軟硬度適中，仲有啲煙韌，食到啲汁都無淨😋反而男朋友個手撕豬腩肉burger就麻麻地，啲肉有啲鞋唔得軟熟，不過啲薯條就炸得唔錯！到最後最期待嘅甜品：梳乎厘pancake！我地揀左tiramisu味，因為係即叫即整，所以要提早4-5個字嗌定！ 果然不負所望，個pancake真係好鬆化，好有空氣感，味道都好好，又唔會太甜，食落好有幸福嘅感覺🤣 唯一不足就係得兩嚿唔夠食囉！🤪如果下次再去土瓜灣搵嘢食嘅話都會再去幫襯個pancake！!…查看更多

有次屋企人經過買左返屋企，食左一啖已經忍唔住大嗌好好味！屋企人買嘅係羊肉pizza，佢食落好似烤肉咁，勁好味！😍而今次我自己再買左返尼食，羊肉依然encore，另外再要左雞肉+芝士（btw, 佢可以half half揀唔同口味）。真心佢真係交左功課，啲配料完全唔吝嗇，同埋等外賣果時同店員閒談間知道，佢地用嘅芝士都係法國尼，唔怪之得咁好味🤤 仲有Pizza附送果個醬簡直邪惡，每次都點到一滴都唔淨！唯一一樣我覺得可以改善係佢嘅厚、薄批分別唔大，厚批可以做返厚啲好似麵包底鬆鬆軟軟咁就好啦！！…查看更多

譚仔一向係固定食堂之一，今次幫襯呢間分店，點知大為失望！ 店內人手嚴重不足，坐低想搵店員拎餐牌都舉左手成5分鐘有多。拎完餐牌之後想落單，又舉左手幾分鐘，終於有侍應尼到，點知一落單就被告知一心想叫嘅推廣米線已經賣哂！等完又等點知得個吉，即刻唔食走人了😤…查看更多

無諗過普通屋邨街市都會有賣咁西餐嘅舖頭，仲要價錢一啲都唔貴，非常親民！上次叫左個龍蝦汁海鮮焗飯，賣相都唔錯，食得出真係焗飯，而唔係出面有啲燒一燒個面頭就當係焗飯/意粉！醬汁好足夠，唯一一樣美中不足就係咸左少少！不過都會再回頭幫襯！😎…查看更多

初時見到佢價錢牌勁平，招牌嘅鐵觀音珍珠奶茶都只係$25😱 而加一杯台式飲品至少都$30蚊，咁平即刻比錢買一杯試下，點知！好好味啊！！甚至仲好味過貢X果啲大店！！茶底飲得出有鐵觀音茶味，珍珠好q軟又有黑糖味😋 而加已經變左我日常例牌飲品同甜品！👏🏻👏🏻…查看更多

其實平時行街成日見到佢啲野飲好邪惡都好想試，今次終於係朋友慫恿之下一齊試左🤣 我叫左‘’等一個人咖啡’‘，而朋友就叫左’‘可遇不可求’‘(🍓味)。先講咖啡味，我其實本身唔係飲咖啡嘅人，因為覺得好苦，但係我又好鍾意咖啡味嘅野食野飲，而呢杯野飲絕對滿足到我嘅需要，因為佢嘅cream同朱古力醬、牛奶加埋，變左做有咖啡味但唔苦嘅甜品😍而朋友果杯士多啤梨味嘅，佢真係好士多啤梨！唔係單純比士多啤梨醬你就當交功課，佢係真士多啤梨嘅味！好有誠意！店員姐姐知我地想影相，仲專登幫我地杯野嘅花紋同cream再整得突出啲，好體貼！🤗…查看更多

平日媽媽返工前最鍾意同佢去呢間素食店食飯！ 因為平時屋企係無飯家庭，呢到嘅套餐就好似平時家常便飯咁，五餸一湯，白飯仲可以轉粥，湯又可以轉豆漿，餸又每日都唔同款，岩哂驚悶成日想轉換下口味嘅媽咪😋除左套餐，店入面仲有好多唔同嘅野食，就好似一間普通茶餐廳咁，炒飯炒河咩都有，只不過係用素菜整成，有時想食清少少真係一個好好嘅選擇🥳👏🏻另外提一提，佢地人手日日新鮮包嘅糉幾好味架！仲要有好多唔同餡料揀，有咸有甜，成日好快比人買哂架！…查看更多