JASONKAMMING的个人专页

朋友話想打邊爐 喺屋企附近搵 見到呢間未試過 就入去試下 環境都幾大，比平時嘅闊落好多，但張凳成日撞到張枱，張凳坐位好深，個人離張枱好遠食物方面 款式唔算特別多 不過一般火鍋店有既 佢都有湯底叫咗鴛鴦鍋，冬瓜瑤柱同四川麻辣 四川麻辣叫左中辣，但食落似小辣，加完湯更加唔辣牛就叫左牛頸脊同澳洲牛小排，應該係即切出黎 每塊都冰冰地，但師傅太好刀功，啲牛有啲薄，不過兩款牛味都ok手打丸叫左墨魚同蝦，墨魚就唔係粒粒ok，有幾粒食落好粉，但蝦丸好建議食，每一粒都有蟹子包住，粒粒都彈牙同埋真係有蝦肉喺入面，好食，食完一碟忍唔住要叫多碟韮菜餃都唔係粒粒好食，有啲好有韮菜味，有啲冇韮菜味，珊瑚蚌同貴紀蚌好新鮮豬膶新鮮 好食娃娃菜比相象中多，起碼有3-4棵整體都幾好食，環境舒適。…查看更多

今日放假難得約到一直好難約既朋友仔兩個人可以談下心就去附近芝加哥串燒酒場，又可以飲下酒傾下計，最緊要係無限時一邊食一邊可以慢慢吹水。太多酒類飲品真係花多眼亂，如果好鐘意飲酒既朋友可以試下酒精放題任飲。我地飲得唔多，最後一人一杯酒Peach Mojito $89 外觀都好吸引成片蜜桃乾杯邊裝飾，好濃既蜜桃味加埋蜜糖的甜味好配合Whiskey Sour $82Wiskey加冰淡淡Wiskey味道加上檸檬汁再加埋蜜糖，有種清新既味道。呢到咩串燒類型太多選擇叫左幾款試下:主要以孜然粉為主因為我都好鐘意再加埋少少辣煙燻和牛牛舌 $33 黑毛豬腩串 $25 風味燒雞腎串 $19 孜然燒羊腩串 $26 蘆筍燒(串) $29韭菜燒(串) $16 串燒juicy唔會太乾，完全食孜然風味。最正係和牛牛舌有煙燻香味而且切到一粒粒咁食落好似食和牛肉一樣入口即溶肉質爽嫩。孜然燒羊腩串重羊肉味而且又唔會太羶味。 食串燒一定要叫既就係韭菜 ,沾哂啲孜然粉味勁野味。燒大啡菇(隻) $35大啡菇加左鵪鶉蛋同煙肉出面好少咁配搭都都配合得幾好，菇味本身都好出再加埋 煙肉帶出少少鹹味而鵪鶉蛋令都整個菇食落口感更滑。燒芝士年糕(2件) $32通常食芝士年糕好多時都係炸燒芝士年糕好少食到，燒到個皮有啲焦香味食落煙煙韌韌，好多芝士流出黎淡淡芝士味都好正都encore 多次。蒜香牛油燒大龍蝦尾(份) $268 爽口彈牙燒羊架(件) $43 好有羊味又唔太羶食落都幾多肉汁A5極品和牛粒(串) $128 油脂分佈平均真係做到入口即溶，啲油脂香仲停留係個口到唔散石燒prime牛小扒(份) $148 牛肉味重而且夠冧整體嚟講食串燒飲酒都係一個唔錯既地方，而且味道又唔差。下次再黎可以試埋其他野。…查看更多

隨著城市的發展, 大型商場開始慢慢成為都市人的落腳地。 而一些較傳統的食肆就開始式微！ 我所說的是曾經在19世紀深受大眾歡迎的大牌檔。而我第一次接觸這這種大牌檔是跟家人去飲茶、感覺就是沒有冷氣、價錢很便宜、食物的種類很多！ 而比較深刻是食客雖然互不相識、但大家仍好像認識了一段時間！大家都是有傾有笑、可能這就是惜日的文化！ 今次朋友介紹一間位於屯門的大牌檔、地點雖然比較偏遠，但如果你是居住新界、應該就不會很陌生！ 這是位於屯門建榮街的熟食市場、從外觀察、相信已有相當的歷史！整個熟食市場有各式各樣的美食、而今次就選擇了這間泰國食肆 - 「暹邏泰式粉麵燒烤」。我很少在大排檔見到有泰國🇹🇭食肆、可能這就是荒漠中的甘泉！🥹 我個覺得環境算是合格、而且有一間冷氣房算不錯了。可能時代進步了、人還喜歡涼快的地方、但如果是冬天我一定會選擇在外邊坐。這間和大部分的泰國食肆都很接近、很多的泰式食物都有供應！1. 因為天氣太熱、所以我們一坐下就先叫了兩椰青 。在這炎炎夏日、的確很合適飲椰青水… 鮮甜難以形容！ 而且接近當造的季節、所以椰青汁液會較飽滿、我連椰子肉都不放過了@@2. 冬陰功湯 這道菜可算是泰國的經典菜式、所以是必點之選。那種酸酸甜甜的味道、和大量香料的加持下、真是十分開胃！喝下的味道對我而言是恰到好處！ 香料的份量也一點不吝嗇、比例控制得很好。因為有些地方只用上大量冬陰功醬、但香料就不足夠、可說是華而不實！ 除了香料十足外、配料也十分豐富、有秀珍菇、番茄和草菇！當然還有大大隻的中蝦、中蝦很鮮美、肉質很嫩、而且比我比平時吃的中蝦還要大隻些少！ 的確這道菜式是值得推薦！3. 九節蝦 蝦刺身 每次去泰國一定要吃的一道菜式、簡單但卻美味！ 用盆底下的冰去保持蝦的爽口、吃下有會有一種涼快的口感、加上酸酸甜甜的醬汁真是一流。而這裡是用九節蝦、特質是大隻、肉厚！ 味道算是不錯！ 4. 生菜包 這道菜式可以說是十分簡單、但要令人印象深刻卻是很難！ 除了豬肉要新鮮外、在炒豬肉時要炒得粒粒分明、和生菜包著一起吃才有口感！ 當然更重要是調味要恰到好處、如果調味不好、那就只是肉餅而已！這間的生菜包可以說是不錯、味道適合普羅大眾、而且他還加了很多紅蔥頭、是我的最愛😂。 如果魚露再出一點相信更野味！ 生菜🥬夠新鮮。 雖然未到一試難忘、但還是值得一試！5. 炸蝦餅 這是我其中一款最愛的泰式美食、 因為要做得好是蝦要夠新鮮、當然一般的食肆都會用急涷的蝦仁、而且要將蝦和調味料攪成膠狀後備用是很花功夫的、做到爽彈真是少一點心機都不能！ 這道菜的味道算是不錯、蝦的味道很鮮明、吃下去也很有質感！ 外面的麵包糠很脆口、比我平時吃的較大粒！ 而且分量算也很大、性價比也算很高. 😆6. 串燒 （豬肉、雞肉） 我一般都不會點選、但職員推薦我就不得不試。 這個可以說是其中一個較深刻的菜式、因為這串豬肉燒得十分十分野味、不用其他醬料就已經很足夠。 豬肉裏帶少許肥豬肉、而且醃製得恰到好處、領整體口感很豐富。🥹 另一串是雞肉燒、味道跟豬肉都不相伯仲。但我最喜歡是那個沙嗲醬、超濃郁的花生醬…. 這個醬和雞肉配合得很好、我要再三推薦這款美食！店員服務態度一流，有種親切既感覺，黎到好似熟客一樣。 如果你在旁邊的酒店Staycation, 或是在市中心踱步著思考吃甚麼、又或是放工後和同事們想找地方撠腳！ 你不妨考慮這間充滿惜日情懷的大牌檔。…查看更多

知道天水圍 “一糖” 旁邊開左間咖啡館、出於好奇心既驅使之下和對咖啡店既愛慕之情！一如往常地帶著期待的心情去同朋友試下呢間新開既半的隱世咖啡店，因為同天水圍西鐵站一路之隔，所以地點比較方便。一踏出天水圍西鐵站行大約２至３分鐘就到逹呢間 “ Flat Mountain Café ”，原來係一糖姊妹店。如果你知一糖係邊就一定識黎。Café 都係簡約既設計風格, 帶點歐陸風味的色調，感覺另人有種舒服既感覺。餐牌主要都分左三大類別，All day breakfast 、漢堡、蓋飯，另外飲品都係正常Café 都有的。一般咖啡店較少出現有的蓋飯類, 真是貼心, 照顧到一啲想吃飯類既朋友. 今次我當然選擇了一般咖啡店的主打All Day Breakfast 和 Burger。All Day Breakfast (牛油果大啡菇全日早餐) 我係被佢既大啡菇和牛油果吸住啦. 因為我本身都好鐘意食菇由其係大啡菇, 所以唔駛諗就要左呢個啦。牛油果對於減肥人士是係好受歡迎既水果之一, 佢營養價值相當高有好. 在一般All day breakfast 中很少見芝士大啡菇, 裏面也加左啲洋蔥. 整體的味道配撘是唔錯. 因為大啡菇本身帶有大量水份, 所以食果時唔會太乾身. 記得食左大啡菇唔係啲芝士會乾哂食落口感會變差. 炒蛋都幾滑.其他薯餅、煙肉、牛角包都係現成既食物材料.Burger 經典安格斯芝士漢堡伴蕃薯薯條 因為鐘意食牛肉. 漢堡黎講麵包都係一個重點能做到外脆內鬆化都唔係間間都做到！而呢到就做到麵包兩邊都焗得好鬆脆、恰到好處. 而牛肉方面唔係一般在坊間食到既質感呢到好軟綿綿既口感,有牛肉味但牛味不算重而牛肉入面都撈左洋蔥🧅所以食落都好重洋蔥味。多數都係配薯條🍟而好少配健康啲蕃薯薯條，值得一提既係薯條係炸的過程不夠高温、就好難做到外脆內暖的效果。我覺得這個唔錯。飲品方面的佈局都很清楚, 大家可以按自己既喜好選擇. 對於咖啡愛好者的我, 當然揀左一杯 Americano 美式咖啡. 而朋友鐘意飲抹茶, 所以佢揀左 Ice Matcha Latta 抹茶拿鐵. Americano 美式咖啡 上面的咖啡油脂 Crema, 我試得出有一陣陣濃郁既咖啡豆香呢款豆甘味多啲都岩我既口味. 店主之後都會出自家既咖啡豆, 有機會再返去他們試下自家炒既豆. Ice Matcha Latta 抺茶拿鐵 好有心機既拉花睇到都開心.味都唔唔差但如果可以抺茶多返啲我相信會仲好飲!新開張期間都有一盒四款既甜品比我試下，減緊肥既朋友都岩食，佢地食材都符合生酮飲食原理用上杏仁粉取代麵粉。煙三文魚迷你漢堡、麥提沙三重朱古力蛋糕、士多啤利芝士蛋糕、柚子果凍芝麻蛋糕。煙三文魚迷你漢堡 - 呢款係鹹食黎，食落口感都唔錯士多啤利芝士蛋糕 – 應該都係用上鮮果肉做酸酸甜甜麥提沙三重朱古力蛋糕 - 朱古力都好濃郁，口感滑順柚子果凍芝麻蛋糕 -柚子果凍味道清新，芝麻味濃總結： 如果大家經過天水又想找一間Café, 我想這絕對值得去試一試。…查看更多

我真係好鐘意食日本野，因為疫情關係一直都唔敢去食生野都少去左。朋友介紹左呢間古今二比我，佢話啲熟食同卷物都唔錯抵食又大件。今日就約埋個朋友去試下。 舖頭都係開放式出面可以直接望到入去。去到拎飛都要等多陣先有得入去。兩個人可以坐4人位都幾舒服又可以有櫈放下袋。 呢度主打係食卷物。諗住叫住幾樣野食住先，唔夠再加先再加。一個沙律，兩個小食，兩個卷物，一個湯鍋。 龍卷風沙律 $68比平時日本餐廳份多多兩至三倍，有蟹柳絲、飛魚子、中華沙律加埋生菜，生菜都幾新鮮而且幾樣加埋一齊食都幾好味。 網燒牛舌 $48牛舌厚薄適中燒到好香而且爽口，仲保留到肉汁。而且仲有一個好清新既醬汁去點黎食，連食落油既感覺都無。正! 三文魚頭湯鍋＄88勁大個三文魚頭勁多肉加埋豆腐娃娃菜，個湯勁鮮甜👍🏻 火山＄88，蜘蛛＄85 火山下層係壽司卷物裡面有帶子、牛油果、蟹柳，而上層鋪滿左好多蟹柳絲撈沙律醬加飛魚子，飛魚子正好就是火山岩漿。味道鮮甜食落又有多個層次。 蜘蛛裡面炸軟殼蟹、蟹柳、牛油果及青瓜。而點解叫蜘蛛可能因為軟殼蟹啲腳睇落好似蜘蛛咁。軟殼蟹香脆蟹味濃加上牛油果同青瓜有清新口感。 價錢唔算貴而且味道好。啲卷物都有多款配搭梗有一款岩食。…查看更多

而家晚市都無得開又要返工搞到無啖好食，屋企樓下果間台灣菜開左咁耐都係食過一次，上次試左牛肉麵都幾好食。由於疫情影響下，公司要求員工在家工作，咁我有機會同我個朋友去試下啲午餐。午餐價錢都唔算貴5x至7x都幾抵食。好多人等位都等左成20分鐘，入到去都有卡位坐。 我試左個鹽酥雞飯，皮脆肉嫩而且仲配左個柚子汁，食落相當開胃。我個朋友就叫左鰻魚飯，夠燒汁而且入味，筷子插入鰻身魚肉即分開，一口吃下去後，魚肉的鮮味在口中溶化，美味無比。仲叫左果小食蝦卷一齊食，有粒粒蝦肉，應該有少少花枝滑係入面，爽綿交集幾有口感，又好鮮味。 跟餐叫左兩杯水果茶，滿滿的生果都幾新鮮應該係即日切既，甜度適中。 台灣菜黎講都幾好食，下次可以再試下其他野。…查看更多

本身都在荃灣返工、當然要找一找附近有乜美食啦！發現海之戀有間新餐廳、就和朋友來試一試呢間叫 WM Cafe。環境都算舒服的、外面重有個露天既位置、但就比較人多、所以無得試吓坐出面。見佢個set dinner都算合理、所以都想試吓！ 一般西餐的特色、在餐前送上餐湯及黑糖包作前菜。餐湯可以揀朋忌廉蟹肉龍蝦湯或者羅宋湯、 而我地就點了忌廉蟹肉龍蝦湯、味道都算濃郁、龍蝦味都突出。我追加了一份炸雞翼，味道不錯、都幾香味的。主菜方面我地點了WM安格斯牛肉芝士漢堡配薯條 、牛肉味還可以、而且都夠厚身、所以層次感都算豐富的！ 當然有我最鍾意嘅薯條、薯條和一般既西餐不同、係我以前細細個食過既舊式西餐薯條、都幾懷念😎主菜另點了巴馬臣芝士香煎珍寶帶子卡邦尼扁意粉、芝味都濃烈、我好喜歡💕 而帶子也合格、不會煎得太過！飲品我地叫左兩村特色飲品1. 宇宙洛神 （因為我喜歡洛神花茶、所以點了這款、一個大𣲙球、非常涼快、加上洛神花的味道都幾Match，但）2. 青檸幻影蝶豆腐花 （朋友叫左呢杯、都幾清新既味道、外觀打卡一流）當然還有甜品啦！我叫了心太軟、因為都喜歡😘 呢個都不過不失、只可惜沒有我平時既流心效果。 但味道整體都算可以的 ！我覺得呢間勝價比都不錯、所以下次有機會、大家都可以試吓啦！…查看更多

本身住係紅橋, 最近才發呢間新餐廳.... 木玥巷 主打台灣菜和日本菜, 從外部裝修觀看, 我感覺很有日本風情多點.外面還寫著試業,七點半前仲有八折. 當然值得一試啦.餐廳的裝修都算簡單, 但我覺得入坐後都算舒服.而且待應都幾有禮貌. 今次我點了以下幾款菜式: 招牌紅燒牛肉麵這個牛肉麵真心覺得不錯, 份量適中. 湯底不算太濃，而且紅燒牛肉都不會太韌, 牛肉味都重的! 我覺得最特別係那個豆卜, 真係脆卜卜. 好想叫佢比多一條. 哈哈~~蟹肉明太子炒新竹米粉呢個真心係我覺得主打菜, 食落去真係好重蟹肉味, 再加上明太子真係不得了. 而且個米粉炒得都算乾身, 食落去真係天衣無縫.如果大家去食, 一定要叫呢個蟹肉明太子炒新竹米粉. 鹽酥雞小食我地叫左鹽酥雞. 它的外皮不會太厚, 而且每件雞肉都算足料, 所以口落去的口感都不錯. 加埋甜酸醬真係一流. 木玥黃金水果茶飲品方面我叫左呢個水果茶, 真係叫我感到值門票價. 當飲落去時個茶底有一陣陣水蜜桃的香味, 再加上一啖啖的水蜜桃, 而且個水蜜桃重好甜. 我滿足了..... 秋（雞尾酒）朋友叫了這個 秋, 我覺得賣相都不錯. 飲落去都幾清新. 用清酒做底，如果你本身係鐘意清淡既人, 都可以一試. 我誠意推介你, 如果過開來或者唸唔到想食乜, 你防來試下呢間餐廳. 價錢合理, 食物質素我覺得都算高.…查看更多

係尖沙咀返工，公司樓下既餐餐都食到厭哂，今次行遠啲去左厚福街呢個翔壽司試下，反正我都鐘意食日本野。入到去位置多數都係bar枱坐，原來呢間係Omkase黎，方便師傅上壽司。我試左個角切魚生丼飯，前菜都有沙律同面鼓湯，而丼飯起碼有7至8款魚，拖羅赤身、金目鯛、三文魚、油甘魚等其他魚都唔清楚叫咩名但都係時令最新鮮既魚，角切魚生增加口感豐富，而且魚生都比較新鮮一啲腥味都無。整體都唔錯，一碗魚生丼有齊咁多款魚都係做緊＄88呢個價都算幾抵食，下次要試下啲壽司set先。…查看更多

在疫情下出街食飯真係一件變得越來越奢侈嘅活動，特別係我最鍾意食放題嘅， 又鍾意食高質素嘅我，要揀一間比較就腳又唔係太過差嘅地方真係一件好困難嘅事，而今日朋友介紹咗一間我比較滿意嘅日本放題舖頭佢係位於荃灣度，真係非常之就腳，我哋一行二人夜晚就揀咗呢一間放題食！我特別鍾意食刺身，其中最喜歡嘅係食甜蝦同帶子仲有欺靈魚，呢三款真係冇令我失望尤其是三文魚特別美味，肉質鮮美，油分充分新鮮，我真係encore左兩三轉都食唔飽！去到壽司手卷累，真係好大碟好好食，我一口就食咗成件壽司，飯又唔算大，個人喜歡食火炙壽司，佢嘅蝦壽司亦非常之香甜， 加小小嘅芝士，論賣相同味道真係一直得試呀！還有佢個加拿大海膽手卷真係值得一讚，可能因為季節問題啦非常之香甜，我真係一次過食咗10件，事關佢唔係好大舊飯，我真係一口氣可以食到三件真係非常之正呀，我覺得食完都真係值回票價啦！已咋嘛方面基本上我都全部都叫，除咗炸雞之外貓山王榴槤炸彈、香芋丸、芝麻雞翼、牛舌、天婦羅都炸得非常之香脆，完全唔似其他放題店咁樣剩係得油味，一啲都唔香脆。另外我哋亦都叫咗個豆腐牛肉煲，佢個湯底非常之香甜，加上牛肉卷着豆腐你食真係非常之過癮啦！我真係一次過成兜食晒！即係我食埋個Häagen-Dazs雪糕，我每一次都係叫呢一款，事關真係非常之好食，以呢一個價錢有埋呢種雪糕來講真係超值抵食完全冇蝕錢。…查看更多

今日約左個朋友係葵芳食飯，叫佢諗下食咩好，佢又叫我諗，我知去鐘意食西餐，咁就係去新都會Boring試下。叫左個兩人餐options A＋B＋S都係＄228都算幾抵食。叫左個A8.黑松露軟殼蟹意大利飯＄138, B7. 安格斯肉眼扒(80Z)配燒汁＄168 , S3.水牛城雞翼＄42 ,跟住叫多兩個海鮮湯每個加＄16。1. 黑松露軟殼蟹意大利飯意大利飯的煮法也合乎一般香港人的口味，食落去不是太硬身的。味道方面也是不錯的，濃烈的忌廉加上黑松露、再配上脆身的軟殼蟹真是一流！2. 安格斯肉眼扒今次叫了五成熟、 再配上黑椒汁！ 一如所料、五成熟的肉眼扒最適合我！ 當切開一片片的肉眼扒、中間還帶點半熟狀態、真叫人垂涎三尺！3. 水牛城雞翼這道菜是我第一次吃的，雞翼本身都算不錯！食落去有點酸和辣的味道而且汁本身比較濃。值得點讚係服務質素，服務員經常留意客人既需要，一無水就會好快為客人添加，而且態度非常友善又禮貌。…查看更多

這間餐廳是我第一次光顧的,位於奧海城3期地下. 對於甚少吃西班牙菜的我, 也是一個很好的體驗. 這間餐廳的環境都非常不俗, 坐位與坐位之間也非常之闊落. 對於想找一個相聚的地方真是很不錯. 當入坐後待應會送上墨西哥玉米片配以Creamy醬料, 真是一款非常開胃的小食, 當然配上啤酒就天然無逢. 在菜式方面, 也算是比較多選擇,而價錢也算合宜.因為本人都喜歡吃牛及海鮮, 所以今次點了炭燒美國頂級牛柳扒, 百里香泡沬帶子, 及西班牙雞辣肉腸燴飯. 1.石里香泡沬帶子第一道是百里香泡沬帶子, 百里香在很多烹飪上都很常見,再加上帶子較清淡的味道其實很相配. 廚師將帶子的兩邊輕微的煎一煎, 令清淡的帶子吃上去增添了一份野味, 同時又不會覆蓋百里香的香草味. 帶子本身都算鮮甜, 所以都值得加分.2.西班牙雞辣肉腸燴飯相信廚師在烹調中也是花了些功夫, 因為在烹調過程如果太快,飯的味道就不能完全吸收醬料的味道,吃上去也不會有軟綿口感.所以飯的味道是不俗的, 再加上西班牙辣肉腸, 令燴飯吃上去增添了一份野味. 而雞肉本身在切件上都算大件,味道也較為清淡, 所以味道較濃郁的燴飯加上清淡和鮮嫩的雞肉,其實都是很Match的.3.炭燒美國頂級牛柳扒當然來到我最愛的頂級牛柳! 牛柳本身的肉質比較爽口、所以叫了五成熟、 再配上較合適我口味的黑椒汁！當切開一片片的牛柳、中間帶點半熟狀態、真叫人垂涎三尺！一如所料、五成熟的牛柳最適合我個人的口味,而吃上去牛肉味都算重, 真的很不錯！當然還有金黃色的薯條、外脆內軟、而又不會感覺好油膩！ 當然,我也點了 Half-Pint - Paulaner Draught啤酒, 真是令整個晚餐錦上添花. 如果你想吃西班牙菜的話, 也值得推介你試一試這間 Cocina 3 Tapas Restaurant & Bar.…查看更多

限聚時間終於放寬到 10:00 、 又經過一週的忙碌工作、終於可以大解放！ 這間餐廳是我第二次光顧、所以對食物及環境都有一定信心！ 餐廳的環境和一般的Bar & Restaurant 分別不大、如果放工後想要高談闊論真是一個很不錯的地方！ 加上一杯啤酒、 足以令你暢談一整晚😆回到正題、今晚我點了三款菜式、分別是自選配料的扁意粉、美國安格斯漢堡和美國頂級牛柳！ 在上餐前、他們會先先上薯片再加上Creamy 醬料、在餐前或餐後傾談時的小吃真是一流、都值得加分既地方。扁意粉： 我比較少見可自選配料的意粉、如果你討厭了一成不變的食法、我覺得呢個都合適你。今次我就選了扁意粉+帶子再配以龍蝦汁！ 意粉的口感是合格的、比較爽口、也符合香港人口味！ 帶子配上龍蝦汁、令比較清淡的帶子加上小許滋味！ 整體來講都是不錯的！美國安格斯漢堡：記得上一次來吃時也有點、因為本人都喜歡漢堡！ 個人認為漢堡的靈魂除了牛肉本身、漢堡包的鬆軟程度也是十分重要！ 先談牛肉的本身、他們的制作還不錯、起碼不會因為過熟而流失了過多的牛肉汁、所以食落去都滋味的！ 而漢堡包本身都鬆脆的、令整体口感和層次都分明！當然還有金黃色的薯條、外脆內軟、而又不會感覺好油膩！ 😆美國頂級牛柳牛柳本身的肉質比較爽口、所以叫了五成熟、 再配上黑椒汁！ 一如所料、五成熟的牛柳最適合我！ 當切開一片片的牛柳、中間還帶點半熟狀態、真叫人垂涎三尺！ 如果你想找一個可以高談闊論又可以享受美食的地方、不妨來這裏一試！ 當然、這晚我和朋友都差不多用盡了所有放寬的時間、一杯碑酒加上餐前的薯片、的確足以令你詳談一整晚！ 食物的性價比也是相當合宜😎…查看更多

呢間上OMG Mamaday 仍然是10大好評即Top2🎉👍 再黎試多一次，疫情期間都想再食多次，所以叫左同事一齊去食👬👭，餐廳都做好防疫工作枱有加隔板，入去時都有幫忙探熱同比消毒酒精搓手，都做足安全。餐廳個格局都好色彩繽紛，格調環境氣氛都唔錯比人有一種舒服輕鬆的感覺。四個人叫了四個主菜兩個小食，蜜糖介末雞翼(單骨)、炸魷魚圈🐙、黑松露意大利扁麵、肉眼扒🥩沙律、炸魷魚圈墨魚滑墨汁燉飯🍜、牛油果鹹蛋黃蟹肉pizza。蜜糖介末雞翼(單骨)炸單骨雞翼再加上蜜糖介末醬，雞肉嫩滑味道好食。黑松露意大利扁麵黑松露份量都幾多食落每一條麵都充滿黑松露味幾足料，扁麵都夠煙韌。肉眼扒沙律肉眼扒應該係7成熟而且餐廳都已經切開左，牛肉非常重牛味有口感，仲有沙律同脆蝦片，蝦片都好脆口，唔似其他餐廳冧哂。牛油果鹹蛋黃蟹肉pizza係出面好少有得食呢個實在太邪惡了。味道真是係超級好味，蟹肉蛋黃牛油果配合得唔錯。整體感覺還是不錯的，雖然佢叫"麻麻地"但食物質素已經超哂班，用無得輸黎形容一啲都唔過份，真心推介mamaday👍👍。…查看更多

工作忙到無停手月頭總是埋數時間，做到8點都要去揾下野食，一個人最簡單緊係去食壽司，知道公司附近德美都有omakase 食，比起其他既omakase 平宜多就去左食啦！辛苦揾黎自在食，真係講得無錯。一去得見到咁多人，咁我要等到幾點先有位呢？我見到佢呢度都做外賣自取有9折優惠，外賣定堂食好?諗左一陣都係堂食比較好就等一陣。呢度晚市都有限時90分鐘，都唔駛等好耐就有位啦。入座前都有為客人探熱，呢個都有做足防疫工作，叫我可以放心用餐。我見個餐牌都好多款唔同既食物，有刺身、壽司、手卷、丼物、鍋物、串燒。omakase 都係食十件壽司姐，於是我叫左三款三色壽司，分別係一款大拖羅、三文魚腩、油甘魚腩 $145，主打肥美見稱完全食到果種油脂香停留係個口度唔散，令到我想再叫多一客。第二款三色壽司，分別係牡丹蝦、甜蝦、花竹蝦(配返個炸蝦頭) $103，蝦都出名爽滑彈牙。而由最鮮甜既甜蝦食先，完全食到出鮮甜既味道，之後就食最爽肉既花竹蝦大隻而且厚身爽彈，炸左個蝦頭基本上可以成個食，蝦頭既膏都好味。最後食當然係牡丹蝦係蝦中極品，食落鮮甜而且彈牙係前兩種蝦既結合。第三款三色壽司，分別係海膽、三文魚子、蔥拖羅茸$88，都係鮮味十足。都推介海膽軍艦一上就既食紫菜都仲脆海膽鮮甜而且有少少海水既味道沒有腥味。另外仲要左一串牛舌$42，$42唔算平我估計都係和牛牛舌黎，如果識食牛舌真係好食過牛肉。9件壽司等於出面食過千既omakase ,而呢度都係4百幾蚊。下次有時間再黎食，真心抵食高質素。…查看更多