CherieChan3256的個人專頁

今日收到天文台通知，夜啲會掛八號風球。所以收工即刻出旺角搵好嘢食，途中發現呢間泰國菜，價錢唔貴，所以試一試。兩個人叫左4個主食，2杯野飲。1:生蝦刺身每次食親泰國嘢一定會叫，呢間個蝦肉好彈牙，爽口，個汁比平時食開既淡，但我幾鐘意，因為唔會搶左生蝦既鮮味🥰2:香芒蟹肉炒飯呢個係第一次食，估唔到芒果熱左會甘香，同淡淡既蟹肉同炒飯一齊擺入口，個芒果味會有好有驚喜👍🏻3:椰子雞湯平時飲開冬陰功，開頭會以為椰子雞湯係好清淡，但發現原來佢個味道會同白咖喱有少少相似，入口好香椰汁味帶小小辣，同埋雞肉唔會煮到老晒，好值得試下。🥥🐔4:生菜包同行朋友最愛，呢個會有家庭味道，好香既香料味，但唔會好咸同好辣，以前食開都比較辣，配合爽口嘅生菜可以沖淡油膩感👍🏻5:龍眼冰，青檸梳打呢個就無咩特別，正常發揮👏🏻…查看更多

之前經過見到門口位叔叔派傳單，同埋係小店，特意黎支持一下。入到鋪面，小店乾淨熱情既招呼，唔錯🙂今次我叫左佢新推出既魚湯米線，可以揀三個餸，我揀左雞翼，雞尾腸同冬菇。個冬菇好入味，菇肉好厚身，夠味，多汁，雞翼超級大隻，肉林，但就有小小唔夠入味，但份量搭夠。佢個魚湯完全係媽媽既味道，岩岩入口有點清甜，後尾會有淡淡既魚味，食完個麵後，完全飲晒所有湯🥰最後同事叫左個叉燒蛋飯同埋雜果沙律仲有磨菇湯。叉燒半肥瘦，唔un,有肉味，送飯一流，同埋每款野食佢會配左d菜，感覺好健康。雜果沙律同平時係街食既唔同，佢呢款係好家庭式既味道，蘋果爽口，好新鮮，會令人諗起細個係屋企食既感覺。另外磨菇湯好足料，啖啖都充滿住磨菇既口感同味道。老闆既熱情招呼，好值得有下次既光臨。…查看更多

今日去開灣仔呢邊考試，見到呢間呢間小店，灣仔黎講價錢好平，決定試一試佢。老細話有新出既海南雞，同忌廉蘑菇湯，份量黎講，好抵食，雞肉好嫩，唔肥，岩岩好，配搭埋個紫椰菜沙律，開胃🤤，最後飲埋個忌廉蘑菇湯，好香濃，性價比高。另外幫男朋友叫多一盒，有蘿白羊腩，大大舊羊肉，好林，唔蘇，蘿白仲好入味，岩晒鐘意食羊既朋友仔。仲有款鹵水腩肉，腩肉有香味，好林，唔肥，聽老細介紹話係加左日本既麵豉醬去整，所以個味好特別，同平時中式台式既味道唔同。最後仲有個咖喱豬肉，咖哩係偏甜既，但好足料，送飯一流。老闆好後生，香港要支持下年輕人創業。…查看更多

身邊朋友間唔時就會推介工廈既小店比我😝今日襯放假去試下新野，一入門口覺得裝修好靚，以為去錯地方。地方寧靜，鐘意me time 既朋友唔好放過🤪一個人下午茶，所以只係點左輕食。香辣蒜片清酒蜆肉海鮮闊意粉 $65香蒜既味道帶出蜆肉既鮮味，意粉軟硬適中，唔會痴牙，帶有輕輕既清酒味，好特別，好岩鐘意食濃味既朋友。仲叫左杯香檸冰美式 $32無諗到檸檬同咖啡溝埋一齊都好清新，岩晒夏天飲，岩岩上枱，先飲下面既檸檬汁，之黎再溝埋一齊👍🏻就會覺得好解渴😜…查看更多

呢排聽朋友講呢頭開左好多網紅店，特意黎睇下周圍有咩好野食。見到呢間新開既鋪頭，店面雖小，但感覺都乾淨衛生。同男朋友唔太餓，所以叫左唔太多既餐點。1:芒果奶昔唔太甜，同埋睇住佢打，覺得好新鮮，無平時飲開個d甘甜。2:串燒雞肉炒飯平時食開係得一款米，但呢到似有2，3款米溝搭出黎，新鮮熱辣，推介😍3:白咖喱牛肉反而呢個比平時食開既酸，未必岩港人口味，但足料，牛肉都好香，可以一試。4:土耳其烤魚卷香甜洋葱配千島醬同烤魚，香脆得黎唔油膩，推介😚…查看更多

今日黎到久違既宜安街，發現開左間串燒店。門面乾淨，位置都闊落！讚👍🏻叫左蒜蓉生蠔半打，每隻都脹卜卜，好多汁，好鮮甜，每一啖都好滿足🥰燒牛舌，調味唔錯，但質地比較硬身，如果再厚身啲，口感可能更加正😙焦香五花肉，呢個一定要試，好正既油香，同埋小小脆口，但肉質唔老，呢個送啤酒一流😍燒粟米🌽粟米好甜，如果加埋牛油就更好😌同埋我最愛既燒茄子🍆好難得燒得唔乾，調味又夠味，仲要好多汁好大條燒韮菜 平時自己整一定會燶，但呢度一啲燶都無，難得🤪最後點埋雞腎，呢個又係送啤酒一流，爽口，多汁，唔會硬骨骨😍😍😍😍😍超愛…查看更多

其實每次經過呢間鋪都覺得好舒服，因為佢空間闊落，好岩同閨蜜或者me time 個陣去架。今日就試左佢午市套餐。1️⃣ cio精選全日早餐 $103薯餅🥔，扒茄🍅，香草腸🌭，煙肉🥓，煙三文魚🐟，黑松露炒蛋🥚，焗豆🫘，楓糖漿窩夫🧇，巴拿馬火腿🐖，大啡菇🍄，沙律🥗）我想講佢個黑松露炒蛋好香滑，好重黑松露味，超正，煙肉唔會硬，脆口，香草腸超多汁，切個陣直頭標左肉汁出黎😍啡菇都好入味，份量都好夠一個女仔食到飽架啦😚2️⃣ 炭烤3A加拿大西冷牛扒（8oz）配薯條 $133🐮牛排有得揀3，5，7成，全熟，我自己本身比較怕生，所以叫左7成熟，肉質好嫩，無過生或者過熟既情況，唔會有牛肉既酥味，鐘意食牛既朋友唔好錯過。3️⃣ 黑蜜紅豆刨冰配雲呢嗱雪糕🍦🫘🍯🍧 $78表面好多煮到好林既紅豆，配埋好香既黑蜜，無得頂👍🏻👍🏻👍🏻夾埋雪糕，凍到牙都痺埋，但好爽🤭順帶一提跟餐個個餐湯好好味🤤，一定要試吓。…查看更多

之前睇住佢裝修，今日有時間黎試下啦。必試酸菜魚鳳眼餃，一隻餃入面做到呢個層次，唔錯。另外松露野菌晶瑩素餃，外皮藍色，好特別，松露味好重🤭素菜爽口鳳爪排骨飯，好大兜，鳳爪同排骨好香😚最後甜品，桂花糕反而無咩特別，桂花味唔夠濃。可以唔洗試。…查看更多

突然想食飯卷，甘岩見到呢間韓式小店。份量適中，有機會都想再食佢既飯卷🙂叫左3款主食，1款小食1:芝士牛肉紫菜卷 $58牛肉香軟，配菜爽口，同埋佢入面帶住一陣香味，呢款香味之前係出面食其他飯卷未遇過🥳令我一路食一路諗個個香味係邊個配菜流出，真係好吸引🤩2:炸蝦紫菜卷 $58呢款我平時係韓國店比較小見，因為佢係即叫即做，所以入口個炸蝦都仲係脆口，但唔會覺得油膩3: 泡菜炒飯 $55呢個飯好特別，表面鋪滿蛋絲同紫菜，可以中和到泡菜既辣同酸，飯粒分明，即叫即炒帶點微辣，唔食得辣都可以食到。4: 魚餅湯 $20之前去韓國好鐘意企係街邊食，呢到個味道同韓國好相近，如果魚餅再大塊d,甘就更加開心啦，食完泡菜炒餅再飲啖湯，湯底清爽，魚餅軟林又唔會食到好飽，但好滿足…查看更多

搬住黎將軍澳無耐，鄰居話呢頭新開左間韓式鋪頭，今日放假就黎試一試。2個人絕對食得飽🥰1:牛肉飯捲佢入面個牛肉好多肉汁，蘿蔔個酸甜度配合得好好，同埋最重要佢唔會好多飯，飯粒薄薄一層，令到每食一舊都可以細味到每種配料既味道，超正☺️2:韓式炒粉絲呢個同我係韓國食既味道好相似，好有阿豬媽既味道，仲可以選擇配牛，豬，雞，好岩唔食牛既朋友👍🏻粉絲彈牙，配合牛肉既香味，加入多種配菜，口感一流，份量多，唔會揸流攤。3:水冷麵（牛肉味湯汁）水冷麵真係唔係間間韓國食店有，呢間仲要係小店，值得一讚。麵條保持彈牙爽口，湯底夠味，配合蘿蔔酸甜，好岩夏天悶熱既感覺，但如果加埋牛肉湯既冰塊就更加正。4:炸紅薯芝士條最後黎個甜品，呢個好特別，芝士中間夾雜住紅薯既香甜，好出色，第一次食，估唔到紅薯同芝士甘夾，熱食拉出長長既拉絲，一定要試🩷🙀…查看更多

今日黎開荃灣探親戚，經過呢間小店，見係正宗韓國人主理，第一眼就比韓國炸雞吸引咗入去。店門雖小，但乾淨整齊，店員都好有禮貌。 同行母親一直都想試正宗韓國炸醬麵，入口爽口彈牙，醬汁香濃，但唔咸，汁入面有小小乾蔥同薯仔增加口感，青瓜絲夾埋一齊食好有清新既感覺，夏天食都唔會覺得悶熱👍🏻甜辣炸雞好懷念疫情前係韓國食既炸雞，所以每次食韓國菜，炸雞係必須要食既😍上枱已經聞到好想既甜辣味，雞肉超嫩滑，仲有肉汁鎖住係入面，d汁唔會令炸雞既皮林晒，而係保持到鬆脆，好驚喜！最後本人都好鐘意韓國既鍋物，所以叫左豬肉粉絲湯鍋。好足料，唔會因為係小店就偷工減料，粉絲爽口，豬肉鮮味，湯底鮮甜，上枱仲滾緊，超正，最鐘意食熱辣辣既鍋物😚😚下次最想試埋醬油蟹，同埋泡菜鍋。如果去開既朋友真係可以一試，但留意反係5點後黎食野會有10% sevice charge 架‼️…查看更多

今日難得可以metime,去葵芳買衫之餘仲見到呢間小店，睇到價錢好似幾抵食，就試一試。門面好乾淨，一坐低就比佢個便當吸引，因為望落78蚊好抵食，而且質量唔錯，佢個豬頸肉好爽，唔油膩，最正係個豬軟骨，真係炆到好林，好入味👍🏻如果有烏冬配豬軟骨就正啦😍另外仲有配咖哩飯，好香，配埋加洲卷，抵食飽肚😚之後店員介紹厚切油甘魚刺身，賣相好吸引，入口啖啖甘香，入口有少少溶化👀鍾意食既朋友一定要叫🥹最後叫個蟹味甲羅燒，本身唔打算食甘多飯，但比佢價錢吸引左，上枱好香既海鮮味，蟹膏香濃，蟹籽脆卜卜，但如果包飯既紫菜另上就更好啦。最後要讚下職員好有禮貌👍🏻👍🏻…查看更多

朋友住開附近，每個星期都會去聚一聚，今日佢帶我地去食串燒。一坐低即刻叫左啤酒先，無幾可有得飲，日本啤酒，一個字，爽！第一下上左枝豆先，會粒都脹卜卜，好香豆味帶小小鹽，送啤酒吹水一流！之後上埋燒肥牛金菇，肥牛唔會太肥，夾埋金菇既汁，都唔會痴牙，好爽口，肥牛都唔鞋，無得輸。如果唔想食甘多肉，都可以叫燒娃娃菜黎食，初頭以為會好乾，多數去bbq都會燒到d菜好乾身，但呢到唔會有呢個問題，岩晒d唔食牛既朋友，之後我地都有再落呢2個串燒，因為唔夠分😂😂之前反國內好鍾意食燒韮菜，現家香港都唔另外，完全係我鍾意既口感，又夠味，豆卜又燒到脆卜卜，見到都流口水🤤朋友話四季豆都好爽口，又甜，唔會覺得食完好口乾最後叫埋燒玉子同薯仔，玉子當做甜品，好彩佢唔係好甜，我平時係出面食既玉子都偏甜，薯仔就比較爽口，羅黎送啤酒唔錯。最重要係同成班朋友一齊，甘樣就不知不覺2個鐘啦，下次都會再反去食，因為坐得好舒服。👍🏻…查看更多

之前聽朋友介紹話呢條街好多野食，今次比我發現左呢間平民小店。性價比唔錯👍🏻我同男朋友叫左5樣野食，都夠飽。燒土豆片同雞肉串，土豆片好似薯片甘，帶有小小炭燒味，好好食雞肉串當中既肉汁保持得好好，每一啖肉都包含肉汁，唔會乾柴甘，推介同埋上菜速度好快，唔會餓住甘等，話口未完麻辣小龍蝦就黎啦，d殼好似整，個蝦頭仲有好多膏，對於我呢啲鐘意食膏既人真係好開心，第一次食小龍蝦，估唔到甘有驚喜。另外仲叫左原隻風味燒魷魚🦑佢既剪法令到唔會靭，每一舊都好易咬得開，上面既蒜蓉唔會搶走左魷魚嘅鮮味，男朋友超愛！因為本人戒緊澱粉，所以叫埋超邪惡芝士燒茄子，厚厚既芝士夾住好多汁既茄子，真係一流，平時都係簡單用蒜，蔥去整，估唔到同芝士都甘夾。一定要試！最後比男朋友食埋麻辣鴨血粉絲湯，粉絲吸晒d湯汁，雖然唔係好特別，但呢個價錢都算性價比高呀😍😍😍鍾意鴨血一定唔可以放過😎…查看更多

其實呢間小鍋霸我食過好多次，每次都唔會令我失望。今次帶外國反黎既朋友去試下，叫左個姖松䇯雜菌湯底，滾起飲左啖，清甜夠味，仲好多料👍🏻我地係食288既套餐，因為我既經驗，覺得呢個價錢都好夠食😍雖然較平，但肉質一啲都唔失禮，夠肉味，唔會成陣雪味另外我一定要推介佢個芋頭雪香，超好飲，仲要可以走甜，好岩減肥既人同埋呢到竟然有鵪鶉蛋，我好耐無食過，好驚喜🤤同埋沙茶牛肉都好出色，出面比較少火鍋店有鐘意食海鮮既朋友一定要食蜆，好新鮮，鮮甜，仲有小小海水味最後一定食個雪糕埋尾，我叫左紅豆🫘，朋友叫左咖啡，雖然無咩特別，但有個甜品埋尾心情都好d架。值得一讚係職員每次既服務都好到位，地方闊落，坐得舒服，乾淨👌🏻…查看更多