dull5510的个人专页

中環而家真係變咗雪糕必爭之地，開咗大量新雪糕店，完全益咗我呢啲又鍾意食甜品又喺中環返工嘅人🤩🤩今次試一間喺中環國際金融中心IFC新開嘅過江龍，新開張期間有試食優惠，試咗佢嘅朱古力味加杏仁果粒，朱古力味香濃，雖然唔係gelato但都夠滑，配合埋杏仁果粒好有口感，唔會太甜好食。見到佢仲有其他水果雪葩口味，平時食飯時間經開，下次會有機會想再試埋其他味🤩🤩缺點係覺得價錢有啲進取，始終中環嘅雪糕店選擇實在太多。…查看更多

已經成為呢間韓式炸雞既常客啦，每次想食韓式炸雞都會諗起呢間。Sodam Chicken炸雞非常出色，有炸或者焗雞選擇，適合偶爾想食韓式炸雞，但又唔想太熱氣，多咗焗既選擇啦。 是次約咗朋友星期四晚上到銅鑼灣分店食，位置非常方便，就係time square後面，兩個人食咗蜜糖蒜香焗雞($178)同魷魚圈拼脆薯角($65)，加咗可樂($20)，份量夠，食完都食唔落甜品，兩個人夾埋$300有找，銅鑼灣區算合理啦。蜜糖蒜香焗雞($178)見齊哂兩雙脾同翼，應該有一隻雞既份量啦，焗雞有炸雞既樣子，面頭焗得好脆，雞肉仲有肉汁，點上甜甜既蜜糖醬勁香勁好食。魷魚圈拼脆薯角($65)魷魚圈同薯角都係即炸，一上枱勁熱，炸魷魚圈比炸薯角出式，配上醬汁又係勁快清。…查看更多