littlelittletummy的个人专页

燒烤堂係我至愛嘅本地燒烤店！今晚帶左個未食過嘅朋友黎食，見佢食得好滋味，同埋大家都公認係抵食😆款款都好食，唔列晒出黎唔得😛兩個人K.O.左18碟野食：-鹽燒三黃雞腿肉-鹽燒雞中翼-鹽燒A4 宮崎和牛-厚切鹽燒牛舌拖羅（每次黎都必嗌牛舌，果種獨特嚼感真係好正，內裡軟嫩多汁，好食好食好好食）-鹽燒豚肉荳苗卷-蒜蓉燒生蠔（一份有兩大隻，性價比好高）-芝士黑醋無花果（有創意又開胃嘅前菜，賣相又得意）-焦糖青蘋果鵝肝多士（超鍾意呢個多士，鵝肝配上青蘋果，解膩之餘又增強口感味道）-焦糖鰻魚玉子燒-和牛棒（配松露一口飯）（軟腍嘅和牛壓碎，連同生雞蛋，一絲絲帶有松露香嘅芝士，同日本米撈埋，口感豐富好食）-香草蒜蓉包-蟹柳什錦冷烏冬配胡麻醬（辣版）（真係辣得幾過癮，好岩我口味，扁身冷烏冬咬落彈牙，鍾意辣嘅會覺得好開胃）-鹽燒秋葵-鹽燒露筍-明太子淮山燒（幾特別嘅配搭，淮山爽口，同明太子醬原來又幾夾）-牛油蒜蓉芝士焗雜菇-孜然蒜蓉茄子-黑糖菠蘿（有脆卜卜嘅一層黑糖，包住爆汁嘅大粒菠蘿！）飲品係菠蘿乳酸同士轉啤梨乳酸，兩杯內裏都有新鮮果肉，酸甜解膩👍…查看更多

早幾個月有朋友推介AMMO嘅下午茶set, 今日同朋友黎，原來今次個tea set 係13周年限定下午茶！個period係1/9到31/10。個set嘅甜鹹點全部都好精緻，而且我地坐喺窗邊位對住出面翠綠嘅大樹，呢個下午茶係視覺同味覺享受，weekend就係要黎一場優雅嘅下午茶之約😚😚鹹點4件：脆皮雞肉迷你漢堡（好滴骰好得意，舊雞炸得好香脆）帕馬火腿蜜瓜卷燴珍珠鮑魚撻 (食落除左鮑魚味仲有d黑松露味，勁香）蝦仁鵪鶉蛋串（呢個配搭嘅口感好豐富好特別）甜點5件：煉奶濃縮咖啡布丁（咖啡味濃香非常好食，好岩咖啡控）大理石芝士蛋糕抹茶馬卡龍迷你草莓蛋白餅（第一次食呢種餅，口感有少少似馬卡龍但又唔完全一樣，食到新野覺得好驚喜）英式鬆餅（鬆軟好食）另外叫左一杯mocktail同一杯cocktail,又係好靚，打卡真係一流～～另外仲送埋餐廳限定杯墊比我地～好有心思呀high tea真心好開心，期待下一個主題再黎食tea😍…查看更多

weekend黎airside行個街，見呢間拉麵店入面都幾多人，而menu價錢又唔貴，於是就入座食下。嗌左兩碗拉麵：橫浜終極MAX拉麵 & 極上和牛野菜拉麵。每款拉麵都可揀粗幼麵條，我地就一碗粗一碗幼。橫浜終極MAX拉麵湯底濃郁好好食，叉燒有三大塊，仲有波菜、溏心蛋，而最特別仲有鵪鶉蛋架！和牛野菜拉麵湯底係黑椒風味，超級香！和牛好大塊入口即化，堅係靚牛，呢個價好抵食，配料同樣有溏心蛋同鵪鶉蛋～我自己鍾情粗麵，咬落口感好好！…查看更多

好多年前都已經有幫襯過8鍋臭臭鍋呢個品牌，咁多年都係抵食一人火鍋之選！襯住涼左少少，同朋友打下邊爐。呢間啲位好寬落，兩個人坐左張四人卡位，好舒服！嗌左個二人餐。埋單每人唔過$150,包埋小食同野飲，個鍋d料又好多!招牌臭臭鍋, 啲料有娃娃菜，臭豆腐，香菇貢丸，米血糕，大腸，鴨血，墨魚仔，鵪鶉蛋，蕃茄，榨菜絲，韮菜，金針菇，嗚門卷，炸枝竹，粉絲。臭豆腐係精粹黎好好味呀😍招牌南瓜鍋，則包括娃娃菜，日本南瓜，番茄，青豆角，珍珠荀，冬菇，西蘭化，流沙海苔丸，墨汁貢丸，粉絲，腐皮，魷魚仔兩個鍋湯底都濃郁好味，材料新鮮。主食仲可以轉王子麵架。而小食就係大大份嘅麻辣鴨血，口感唔錯！肉係肥牛同雞。飲品超大杯兼且呢兩杯都唔洗加錢tim! 另外想一提店員啲態度服務都好好，我地想加火店員都會即刻過黎幫我地👍…查看更多

家家戶戶喺尖沙咀韓國街向來都好出名,今晚終於有機會同朋友黎食下！叫得做家家戶戶，的確環境同食物味道都有種當地家庭式嘅溫暖感覺，喺呢種環境感受傳統正宗野食係最正ga!!套餐有好多款，天氣凍左最岩食鍋品，叫左個泡菜豬肉鍋同海鮮炸醬撈麵。每款套餐都會有幾碟韓式前菜，仲有益力多。泡菜豬肉鍋熱辣辣好正，有大量泡菜同軟腍嘅豬肉，味道唔會太辣而且又純正並非味精味，食完頓時成個人暖晒！海鮮炸醬撈麵份量係極大！醬料好多，味道甜甜地覺得幾好食，聞落都幾香。配料亦食到好多魷魚之類嘅海鮮，十分足料！呢個set仲有埋兩隻大煎餃，餡料都好足👍…查看更多

今日去觀塘睇戲，順便搵下附近有咩正野食。見到呢間cafe啲窩夫好靚好吸睛，即刻入去食個lunch🤓望到隔離枱個窩夫認真唔細，所以兩個人嗌左一意粉，一小食，一窩夫，驚嗌太多食唔晒～呢個意粉係泡菜豚肉意粉（少辣），非常開胃嘅意粉，豚肉又入味，非常值得一試！鹹蛋黃雞翼（6隻），非常香脆嘅鹹香雞皮，鮮嫩肥美嘅雞肉，一人隊三大隻好滿足🤩🤩🤩😲甜品嗌左呢期期間限定嘅黑芝麻糯米窩夫，加豆腐味雪糕。窩夫份量真係好有誠意，就連個雪糕都大過人架！好厚嘅窩夫而且係帶有糯米嘅煙韌感，第一次食到咁正嘅窩夫！！！！飲品係Lotus 焦糖餅乾奶昔同熱薑汁撞奶。對於有以lotus餅乾做成嘅飲品覺得好開心，真係超好飲😍😍😍…查看更多

位於中環街市內嘅呢間拉麵小店，今日嗌咗兩碗麵加小食，覺得性價比唔錯！店員好細心，提醒我地唔好坐太遠，因為驚個接收器會收唔到👍拉麵有5款，最貴嘅和牛鹽風拉麵都只係$128,好抵，我地嗌左兩碗😂然後各加左一款小食，分別係黑豚肉餃子同唐揚雞翼。拉麵個湯底清清地唔會過濃過咸，拉麵幼身彈牙，薄切和牛牛花幾靚亦重牛味，食材上乘，另外每碗都會有半邊流心蛋。唐揚雞翼非常香脆且零油膩感，非常推介呀！餃子煎得好靚仔，爆料爆汁，滋味滿滿～飲品仲有支裝茶揀。…查看更多

氹仔舊城區其實真係幾多正野食，多係啲好local澳門餐廳，可以黎感受正宗嘅葡國菜味道～由其呢間葡富軒，係我覺得黎澳門必訪嘅一間餐廳～嗌左炙烤八爪魚及黑毛豬柳串、葡式海鮮飯、炒雜菜炙烤八爪魚及黑毛豬柳串，八爪魚外皮燒得微焦，口感脆嫩，內裡的章魚肉鮮美彈牙，配搭肉質鮮嫩且多汁嘅黑毛豬柳，再配埋特製醬汁，味道口感有層次，真心令人食慾大開呀！！至於葡式海鮮飯，每一粒飯都吸滿香濃嘅海鮮湯汁，豐富嘅海鮮配料包括大蝦、青口、帶子，鮮甜味美。而且份量係超足。…查看更多

又去左澳門氹仔舊城區食葡國菜🤓呢間餐廳以地道葡式菜聞名，眼見都多本地澳門人幫襯，可見口碑唔錯！！餐廳環境舒適，裝修帶葡式典雅風格，氛圍幾chill架。嗌左三樣野食share：葡式牛排🐮葡式炒牛肉粒 🐮葡國雞 🐥葡式牛排煎至外層焦香，內裡保持五六成熟嘅嫩滑口感，肉汁豐富且自身牛味濃郁，配上脆卜卜嘅薯條，食得我地好滋味～至於葡式炒牛肉粒同樣係火候適中，味道香口，牛肉粒入口十分軟嫩，每一口牛肉都吸滿醬汁，味道香濃有特色，真係令人食唔停架。配料仲有麵包，用黎點汁食都係一流架！葡國雞選用嫩滑嘅雞肉，用濃郁嘅咖喱椰汁醬烹調，帶有淡淡香料香同椰香，非常惹味又滿滿蛋白質～…查看更多

繼續去澳門搵好西食，今次同一個朋友又殺入氹仔舊城區，搵到呢間全澳唯一一間同時有正宗西班牙菜兼地道葡萄牙菜嘅餐廳！紅色嘅磚牆令我覺得好有地中海酒莊feel，坐低即刻感覺放鬆晒🤩今次重點食咗兩款招牌菜，包括葡式烤乳豬同西班牙式海鮮飯😋烤乳豬皮薄極脆！咬落去真係會聽到啪一聲，厚切嘅豬肉嫩又多汁，真心食到lam lam脷🥹西班牙海鮮飯份量超足，金黃飯粒吸滿左蝦、青口、蜆嘅精華，鮮甜極之香，熱辣辣上菜正宗嘅paella真係要比足滿分！！另外仲嗌左Sangria，酸甜清爽十分解膩～覺得餐廳整體水準好高，staff仲好nice介紹每款菜嘅葡文名，兩個人食到飽一飽，連埋野飲都係$330左右，性價比幾高呀！…查看更多

紅葉茶屋喺D2嘅分店好大間，啲卡位數量又多，坐得好舒適～呢晚同朋友一人嗌左一個主食，再加小食同甜品，份量好足，超級豐富嘅一餐😚和牛肉壽喜燒定食，和牛質素好好，牛味濃，壽喜汁調味恰恰好，唔會過甜過咸，而且賣相又靚，亦有提供埋溫泉蛋，撈日本米食一流呀！豪華吉列滑蛋丼（豬扒＆廣島蠔），兩款炸物都好大舊。由其個豬扒好厚，真係抵到爆！！炸皮非常脆薄香口兼少油。炸南瓜餅，同樣都係高質炸物，個南瓜仲要好香甜tim熱抹茶拿鐵、冰雜莓＆香橙紅茶鎌倉紅葉茶屋抹茶白玉、黑蜜原味蕨餅&抹茶蕨餅，咁靚嘅甜品點可以唔嗌呢，白玉同蕨餅都係煙煙韌韌非常好食😋白玉仲可以淨食/將抺茶倒落去食，又另一番風味😍…查看更多

做完運動想輕食一下，去左鰂魚涌呢間咖啡小店買左啲野食同嘆下啡chill下～嗌左杯Grapefruit Coffee Fizz, 將西柚嘅清新同咖啡嘅醇厚mix埋，感覺好清涼嘅咖啡，入口充滿果香真心好好飲🤩飲完即刻好想下次黎嗌埋另一杯又係特色咖啡- yuzu earl grey blackaccino!另外叫左個Matcha Bagel同Banana Bread, 兩款手工烘培性價比好高！Matcha bagel口感覺鬆軟Q彈，餡料好多，抺茶味夠濃，作為麵包控覺得個bagel係滿分😍而banana bread同樣好好食，質地夠濕潤，香蕉味好出，而且又加左nuts增強口感，正呀！…查看更多

上星期去左澳門,黎澳門當然要食葡國菜啦，呢間係有個澳門同事推介架～我地嗌左葡式鴨飯（$248)同炙烤馬介休（$248)鴨飯色澤金黃，鴨肉軟嫩多汁，肥而不膩，飯粒係粒粒分明，而且充分吸收鴨油同香料嘅精華，入口帶濃郁鹹香，滋味滿分！同埋份量真係好大碟好抵食！炙烤馬介休外皮烤得焦香酥脆，內裡魚肉細嫩，鹹鮮中帶煙燻香氣，調味恰到好處，入口有種回味無窮嘅感覺。另外想一提餐廳環境雅致，啲staff都笑容好好，上菜又快手，覺得今次黎澳門食到間正野覺得好滿足😍…查看更多

呢間御將燒有日本師傅制作食物，正宗味道毋庸置疑。我哋坐喺吧枱位，可以現場睇到師傅嘅用心烹調。決擇左好耐到底食廣島燒/現代燒/大阪燒，因為三樣都好想試🥹最後我哋嗌咗一份廣島燒，安格斯牛柳炒烏冬，同埋紅豆銅鑼燒。menu好清楚咁說明廣島燒嘅材料，原來一共係有11層配料架！而且仲可以自由另外加toppings tim!食落口感十分十分豐富，而且醬汁味道非常香，好好食呀😍真心推介！！炒烏冬又係極香，份量足，牛味濃而且冇筋位，連埋雜菜一齊炒，真心好食。有得望住師傅整銅鑼燒覺得好治癒🤩內裏有大量紅豆，脹卜卜好足料，兩個人嗌一份甜品剛剛好！下次一定會再黎食埋大阪燒同現代燒！😌…查看更多

朋友推介呢間semi-buffet比我，果然冇介紹錯，豐富又抵食，勁高質，環境又靚，weekend lunch全場爆滿。我地嗌左burger同金絲魚柳沙律bar嘅野食真心豐富，有薯條、麥樂雞、各式沙律菜、長通粉salad,甜品有daily cake同canele, 我仲發現啲cake好快比人夾晒之後仲即刻出左新款，係cheesecake黎！每款野食我都食均晒，全部都好好食😍其中嘅羽衣甘藍同canele我不停encore😝至於到主菜嘅burger同魚柳，burger份量勁足，個包有烘過所以係微脆好好食！餡係安格斯牛肉，牛味極濃😍薯條數量都多，夠熱又脆。魚柳肉質滑，加左檬檸汁好開胃，底下有薯仔，好夠飽肚！…查看更多