亞兔的个人专页

Price :杯裝 $58 (包3款配料&1款醬汁)筒裝 $38 (包1 款配料)Sofar見到個個食客都係食杯裝 感覺抵啲(同埋無理由食乳酪淨係食一款配料咁Dry😂)所有嘢都係自由配搭 簡左佢Top10嘅其三芒果、綠茶糯米糍、布朗尼除左布朗尼我覺得太漏之外另外兩款我覺得好Match💕個芒果係出乎意料嘅好食 好甜唔係罐頭生果 食完好解到膩再搭埋熱情果汁 酸酸甜甜 好好食🤤不過網紅店始終都係網紅店個個入親西貢都一定會食佢(自己都食過好多次 真係入親都想食)所以要有心理準備要排隊不過店員其實都好快手大約排15-20分鐘都會食到打卡嘅真係要快手啲 天氣熱 影兩張相真係就開始溶⋯🌞…查看更多

窩子係新蒲崗區已經好多年 每次經過都見到大排長龍 唔鐘意排隊嘅我 所以簡左Tea Time時間去食 直入🤪 叫左個「野菌松露油忌廉扁意粉」&「蛋沙律窩夫三文治」💕 兩樣我都比100分💯 個意粉係滿滿嘅野菌 真係啖啖都食到意粉同菇 好似野菌同意粉比例係50:50咁款。 而個窩夫好香口同脆身 夾埋蛋沙律又唔太甜 好適合女仔食🤤 不過份量真係太大份 如果女仔食 一定食唔哂 (無論當正餐定Tea) 最好就係開心Share咁孖住食喇😋 …查看更多

個人覺得打唔入米線關注組 無咩特色。 同男朋友兩個人去食 可以揀多啲餸Share食 分別嗌左兩碗都係雲南小鍋米線 搭金獎腩肉、豬大腸、豬皮、冬菇、貢丸。 整體上米線都無咩大問題 分量又Ok夠飽 個腩肉都好淋身 唯獨個豬皮有陣酸味 其實落單已經留意到佢括住寫微辣 兩個人食都覺得有陣酸味 之後問個老闆娘 ‘豬皮酸係咪正常’ 佢竟然答我‘係酸酸辣辣嘅豬皮黎 餐牌都寫左’ 既然佢講到係正常咪Ok囉 不過再三睇左個餐牌見唔到佢口中所講嘅酸酸辣辣豬皮 個人就覺得唔太好食 扣左啲分。…查看更多

放假經過葵涌廣場 去掃街睇下有咩食 發現真係太多年無黎 好多以前有嘅舖頭仔都唔見哂 亦都多左好多好多舖頭賣小食 見到依間章魚燒打哂蛇餅排隊買 本身都想睇定啲 行哂成個廣場Total有兩間都係食章魚燒 但人流可以差天共地 最後都係簡左依間多人嘅買 (羊群心理) 排隊買都排左十分鐘 到我店員先講要等大約三十分鐘先會有 不過見店員都勁有禮貌 所以最後都係照等 當行陣再返黎 隔左三十分鐘返到黎都直接有得拎 都算預得時間岩岩好 唔會搞到成盒凍哂 今次試左兩溝 係我暫時係香港食過最好食嘅章魚燒 外脆內軟 而且都算足材料 係唔記得叫佢比多啲沙律醬 整體上唔錯 算無白費到等…查看更多

咖啡就唔係咁啱我㗎喇 本身唔飲開 俾佢啲Donuts吸引咗入去 隻隻味都勁吸引 減緊肥都好難忍口 淨係打咭港女都開心 不過星期日就唔使諗可以坐低食㗎喇 因為周圍都係外傭姐姐 所以我就簡左Take-Away 亂咁買咗幾隻味試 因為真係落唔到決定 點不知真係亂咁買都咁出色 又唔使驚話太甜 年紀越大就越食唔到甜嘢 又真係好死唔死全部都唔算太甜至大獲 正啊 應該之後經過耐唔耐都會成日想食一隻 可惜分店太少喇 暫時見到都剩係得三間分店 現有地點都算方便㗎啦 讚…查看更多

30幾度都忽然興起想食串燒 朋友之前食過一次介紹 去到見到舖面其實唔算太大 見已經入邊有兩枱 焗住坐門口 其實真心覺得好熱 但都一場黎到就坐低 唔知係咪算比較早食 六點幾七點開始 見佢外賣單唔算太多 所以啲嘢食都唔算等得耐 上嘢食嘅時候入面張枱都埋單 可以坐入去涼冷氣仲正 啲串燒出乎意料好食 雖然唔算話太大串 價錢覺得有少少偏貴 一串安格斯肉眼要$38 但食完真係覺得正嘅 所以又再嗌左一轉 兩個人$230 都食到飽飽咁走 唯獨是就係舖頭職員仲多過啲位 如果想堂食可能都真係要早啲 如果唔係就要外賣啦…查看更多

放假經過開屯門 唔知食啲咩好 又熱辣辣 見間羅麥記個裝修幾特別 好似啲懷舊風茶餐廳咁 就入去Tea一個 嗌咗個千層朱古力西多 見OpenRice都無乜人食過 又無乜介紹 都驚驚地係伏野 個西多尼到無咩特別驚喜 但都唔算失望 只係普通西多落左朱古力醬 本身仲預期中間係流心朱古力 不過先$35 又有冷氣涼 都合情合理嘅 當搵個地方打下卡 其實都尚算合格 要求唔應該過高對啲茶記(對於住屯門嘅朋友仔而言) 但如果諗住係專登搭車入去屯門試就無謂喇…查看更多

其實已經食過好多次 由於自己唔食牛嘅關係 所以其實真係冇乜選擇 每次去都係會叫依兩款 「Kobekatsu 滋味單骨雞翼」&「咖喱忌廉雞肉烏冬」 癲 個雞翼係出色嘅 浸味好似食緊麥當勞蜜糖Shake-Shake薯條咁 麥當勞唔係成日有得食㗎嘛 咁間唔時尼依到食下過下癮都幾好嘅 至於香港真係冇乜幾間好食嘅烏冬 依間都算係入榜我心目中喜愛嘅其中一間 不過順帶一提 各位都唔好期望依間嘢有好好嘅服務 每一次去我都冇期望過 純粹當自己入咗快餐店食自己想食嘅嘢就可以😂…查看更多

兩個人放假喺土瓜灣附近求其搵啲嘢食 睇食評見都唔係太差 星期日又唔使點排隊 就即管試吓 本身打算嗌一個All day breakfast同埋焗黑松露蟹肉牛角包🥐 侍應淨係覆咗我一個字 ‘無’ 再望一望佢 佢先至完整句子講’今日冇牛角包’ 少少失望 啱啱開門就已經冇 最後轉左嗌咗個黑松露野菌意大利飯 嘢食其實都算唔差嘅 不過冇乜特別嘅驚喜 最重要就真係冇服務 水都冇一杯 當普普通通填飽個肚都無乜問題嘅 叫做試過下 咁嘅價錢會覺得有啲唔值…查看更多

早幾日係社交平台已經見到好多朋友Post相打咭 一見到朱古力就流哂口水 慕名山長水遠入到元朗試 本身都好驚要排好耐隊 下午5點買 派左張飛仔 嗌我15Mins後返黎就有 行左陣返到去岩岩好 唔算等得辛苦又食到熱辣辣嘅 鋪頭都見到佢掛住好多牌仔寫住「要即刻食」、「凍左唔好食」嘅溫馨提示 而且店員都勁有禮貌 整體上都係覺得正嘅 淡淡都會食到香蕉肉 夾埋榛子醬真係冇得輸 唯一美中不足嘅就係佢冇堂食 大熱天時企喺條街度真係有啲濕濟🌞…查看更多

早幾日收工食飽飯諗住係附近揾間甜品食下 見到Via Tokyo食抹茶為主 唔洗問即刻入去試下 入到餐廳 環境都Okay 睇完餐牌 兩個人商量好Share一份甜品 (岩岩食飽飯諗住過下口引) 行去櫃位落單 個服務員先話最低消費一人一份 咁我地都已經即刻話落住一個先 再商量下要多一個咩款 個服務員竟然話「咁等你地諗埋要咩先一次過」 其實間舖頭本身無寫明有最低消費 而我地亦覺得有都無問題 但態度可以好少少 即使個雪糕幾好食都唔會有下次 更何況個雪糕都只係普通抹茶雪糕 無特別好亦無特別差咁解👎🏻…查看更多

平安夜諗唔到去邊 就簡簡單單去返屋企附近食 睇完成個何里活廣場既水牌 都係覺得食西餐會有應節啲既氣氛 決定簡左HOKO Farm 嗌左個黑松露芝士野菌意式燴飯 整體上覺得佢價錢唔算太貴 而且都比到滿意既質素 不過不失 最欣賞係員工都幾有禮貌 都盡力協助客人既需要 相信會再次幫襯👍🏻…查看更多