香蕉船's Profile

E Molto之前朋友生日已經黎食過，好食得黎服務又好，上次我地食到讚不絕口，今次到我生日，朋友又請返我黎哩度食飯。每人叫左個套餐，有前菜、湯、頭盤、主菜和甜品。點完餐，侍應小姐先送上麵包，麵包有墨汁芝麻包和香草包兩款，兩款麵包上枱時都係暖暖地，聞倒麵包香。食麵包時除左牛油同黑醋，都可以試下佢地個香草茄子醬同辣肉腸南瓜醬，前者甜甜地，後者有少少辣味，都幾特別。前菜我揀左法式油封鴨腿塔，面頭圓形的是鴨腿，下面有番茄粒同洋蔥粒，食落涼涼地好似食緊吞拿魚他他咁。濃蝦濃湯有大大舊龍蝦肉，濃蝦味超重～！焗阿拉斯加蟹腳，好大條啖啖肉，上面有咸蛋黃碎同荷蘭醬，都幾好食。食主菜前，侍應小姐送黎每人一球番石榴雪葩清下口腔，酸酸甜甜幾清新。澳州神戶牛肉眼扒, 我點左五成熟, 生熟度剛剛好, 肉眼扒肉質好嫩, 上面有玫瑰岩鹽同酸汁調味, 下面係紫薯蓉同配菜。食牛扒當然唔少得紅酒，所以今次我點左杯Taylor’s Promised Land Cabernet Ｍerlot 2016，好順口，單寧不重。食完主菜，侍應小姐會送上每人一杯玫瑰花茶，可以幫助消化。紅茶焦糖燉蛋，燉蛋好滑，唔會太甜。最後仲有朱古力同蝴蝶酥。埋單時，侍應小姐話只要Like同Share餐廳Facebook page同俾現金就有埋單95折或者有85折coupon下次用，唔知下次幾時會再黎，所以我地當然要堆單95折，所以想食的朋友記住帶夠現金黎。…Read More

果日約左好耐冇見嘅表姐去中環行街, 行到又攰又熱, 因太攰都唔想再行, 就去之前係openrice有幾篇好評, 而又係附近新開呢間點心店試吓, 名附其實係小店, 坐位擺得比較密, 可能時間尚早, 19:00只得我地一枱客, 衛生麻麻, 侍應服務欠佳,  (臨走老闆娘仲叫我like Facebook tag3個fd, 可以送多一款點心, 為左小小利益出賣朋友嘅事, 我唔會做) 黑松露蝦餃皇 $49/2隻可能天氣熱蝦餃送到嚟一口咬落去巳感覺到有啲變味, 唔新鮮抹茶流沙飽 $35/3個 比預期細, 抹茶味淡, 皮厚冇流沙醋香黑木耳$28 呢樣唔使特別技巧, 巳經係全晚最好食…Read More

食開嗰間餐廳逢星期日休息, (而家佐敦好多餐廳星期日都休息), 每日行過呢間餐廳都未幫襯過, 見門口個價錢牌又唔太貴, 就去試吓, 舖內裝修比較殘舊, 枱椅擺得比較密, 因太多強國人, 顯得比較嘈, (如想清清靜靜食一餐, 要諗吓先), 睇完餐牌叫左個回鍋肉米粉餐$30凍飲+2 , 下次都唔會再幫襯凍檸檬茶好大杯, 不過只得冰味, 乜味都冇塊多士烘得剛好, 牛油份量啱啱好, 煎蛋同火腿不太油, 是成份早餐最好食部份回鍋肉米(少米) 只得顏色, 冇味…Read More

最近成日食韓, 日, 西, 泰菜, 多數都係煎煎炸炸, 想食返啲清清地而又原汁原味嘅蒸海鮮, 即上 open rice 睇吓有冇好評又方便, 而又不太貴的蒸海鮮, 終於搵到尖沙咀 "潮福蒸氣石鍋" 就去試吓, 環境舒適/寛敞, 點左幾款海鮮同粟米, 菜上枱後, 由放落去個爐至分到每位食客碟上, 都由侍應完成, 每食完一度菜都會換碟, 服務週到酸青瓜 酸酸甜甜瑤柱淮山雞粥 $60中蝦 $28/両 色澤鮮美, 食落爽口彈牙左 日本大元貝皇$78/隻 好大粒, 鮮甜美味 右 南非鮮鮑魚 $68/隻 厚實彈牙清蒸四寶丸 $98/8粒 墨魚丸 潔白彈牙 牛肉丸味濃, 豬肉丸嫩滑, 鯪魚丸 果皮味好香粟米 $58 香甜美味粥軟綿, 鮮甜味美…Read More

呢幾日氣溫只有單位數字, 咁啱有親戚嚟左香港, 咁凍天氣唔知帶佢地食乜好, 只好即上open rice 睇吓有乜好食, 見到呢間蒲頭島, 交通方便, 又唔太貴, 就去試吓, 去到可即時入坐, 環境寛敞乾淨, 侍應即時攞左每人一支Welcom Mocktail, 顏色好靚, 再睇吓manu唔同時段唔同收費$108-178+$10湯底另+1收費, 有好多款湯底任揀, 終於揀左個冬瓜蓉鍋, 仲揀左脆鯇魚片, 肥牛, 豬紅, 响鈴, 青口……, 以呢個價錢咁嘅質數好抵Welcom Mocktail, 顏色鮮艷, 味道似羅拔臣啫哩糖多款飲品任揀醬料區內有十幾種醬料俾人客隨意混醬冬瓜蓉鍋底 有冬瓜, 薏米, 冬菇, 蟹柳, 清清地, 唔會太熱氣肥牛 肥瘦適中, 好香牛味牛栢葉夾口脆鯇魚片   新脆鯇魚片, 新鮮脆口炸雲吞 皮薄很脆鮮蝦水餃 蝦新鮮青口 雖然細隻, 但鮮甜味美左 粉絲 右 木薯粉 咬落煙煙韌韌…Read More

朋友提議去食乳鴿, 我地就選左呢間老字號, 交通不太方便, 落巴士後仲要行大約10分鐘先到, 人均消費大約$200左右兩行大燈籠, 室內裝修得古色古香, 好似返到5-60年代龍華脆皮乳鴿 皮唔脆, 夠味, 夠juice醬燒骨 醬汁咸咸甜甜, 惹味, 骨多肉少鮮菠蘿大廚咕嚕肉 咕嚕肉不太肥加上新鮮波羅, 甜甜酸酸, 好開胃宮保雞丁 雞肉嫩滑, 三色椒, 西芹, 腰果, 色香味俱全 特式乾炒牛河 牛河炒得乾身, 有鑊氣, 不會油淋淋, 好味魚香茄子 咸咸地, 啱餸飯山水豆腐配桂花糖 不太滑, 一桶大約可分4碗…Read More

午飯時間要搵一間可以俾十幾個同事一齊食, 又唔使點等位嘅餐廳真係好難, 即時上open rice 搜尋一間係附近而又有口碑嘅食肆, 終於揀左呢間韓國烤肉店, 去到唔使等位, 可即時入坐, 入面園林設計, 好似置身森林, 環境整潔, 地方寛敞, 坐得舒適 前菜有4小碟雞扒蛋包飯$38 雞肉,蛋, 洋蒽, 份量多, 男人都夠食, 醬汁甜甜地加埋隻流心蛋韓式大醬湯配飯$42 有幾隻蜆, 豆腐, 味道清清淡淡, 不錯柑桔特飲+$6 柑桔味濃, 酸酸甜甜…Read More

呢間前身係hello kitty, 後來轉手另一間餐廳, 然後再轉做素食, 門面冇大改動, 呢條街位置偏靜, 附近有好多地盆, 應該好多地盆工人幫襯, 但每日行過都只得幾枱客, 見佢門外個牌價錢2餸$28, 3餸$38, 而家食餐飯2字都好難搵, 就入去試吓, 坐低後見張枱黐黐立立, 隻杯未用都有茶漬, 成間餐廳只得兩個侍應, 終於侍應可以招呼我, 問佢2餸飯, 有乜嘢餸揀, 佢話廚房有乜餸多, 就乜餸冇得揀, 只有落2個2餸飯, 送到上枱, 飯水多似爛飯, 餸只有5-6 舊冬瓜同南瓜, 同一碗冇乜味嘅紅蘿蔔赤小豆湯, 唔怪得新開張, 每日得幾枱客…Read More

聖誕節食乜都貴, 想揀啲比較平嘅嘢食, 行經黃埔花園見到KFC新出左個比利時特濃朱古力新地, 就入去試吓, 買左個套餐+瑪嘉烈葡撻+比利時特濃朱古力新地香辣脆雞餐 $42 香辣脆雞少少辣, 炸粉冇原味咁厚, 皮脆肉嫩, 多汁瑪嘉烈葡撻 $7.5 葡撻酥皮鬆化, 不太甜格格薯塊巳經凍左, 唔夠脆比利時特濃朱古力新地 $10朱古力味偏苦, 本人鐘意食麥當奴嘅朱古力新地多啲場內新增左呢部一站式洗手機, 自動出梘, 再出清水, 最後出紙, 俾客人抹乾隻手, 非常方便, 值得一讚…Read More

九龍城多數泰國菜, 難得見到間日本菜, 天氣凍又好耐冇食日本嘢, 就入去食碗熱辣辣拉麵暖吓, 小舖內有幾張圓枱外, 仲有幾張長枱都係貼埋牆, 如樓下滿坐可以經一條隱蔽嘅樓梯到上層進食, 睇個餐牌有好多嘢都想食, 但只得二個人, 只可係其中揀兩個餐, 終於揀左自家製黑蒜拉麵, 炸豬扒定食芥末牛油果蝦配餅乾 (前菜)牛油果醬味淡, 似芝士, 餅乾香脆凍柚子蜜唔使另外加錢自家製黑蒜拉麵 $78拉麵內有粒熱石, 石頭作用係保溫, 好香蒜味 湯底濃, 比較杰, 麵煮得剛好, 不會過冧, 有义燒, 流心蛋及日本竹筍, 蛋略嫌過火, 唔夠流心炸豬扒定食 $64豬扒炸得乾, 味道不過不失…Read More

行過廟街見新開左間媽咪雞蛋仔, 有好多唔同嘅口味, 香橙朱古力, 香蕉朱古力, 白芝麻,咖啡, 有機栗子, 芝士, 抺茶紅荳,  紫薯等等, 同幾年前係黃埔果間店比較, 而家多左好多選擇, 仲有雪糕格仔餅, 同多款沙冰,去到嘅時候巳經有好多人等緊, 裏面同一時間有好多部機整緊, 後來揀左最近好 heat 個款黃金雞蛋仔, 除左現金仲可以用八達通, 大約等左廿分鐘, 新鮮出爐, 熱辣辣, 香噴噴黃金雞蛋仔 $30 新鮮出爐, 外脆內嫩, 蛋黃味濃郁每粒都有咸蛋黃味, 味道香濃, 超正…Read More

上次試過呢間店嘅鴨胸覺得好食, 成日想搵機會再去, 但佢只開星期1-6 9:30-20:30 , 星期日同假期休息, 維有專登搵個星期六早啲去, (因呢間小舖只得大約十個位左右), 舖內多左幾張椅, 唔似上次咁要坐圓凳, 可以舒舒服服坐係度食招牌西班牙紅酒焗鴨胸配薯蓉 $62鴨胸比上次細大約3份1, 外脆內嫩, 保持水準, 好味蜜桃三文魚野菌意大利麵 $58 意粉不會太腍, 忌廉煮得較稀, 食完唔會立口餐+$18 可揀蛋糕一件左 朱古力香蕉蛋糕,朱古力味濃,味道唔太甜 右 魔鬼朱古力蛋糕, 朱古力味濃, 甜中帶有少少苦味 熱奶茶 冇茶味同奶味 熱檸茶 不過不失…Read More

參加公司聖誕聯歡會, 每人有一張可換單球雪糕劵, 咁啱經過海運見到呢間新開嘅雪糕店就換嚟食, 店員提醒原價單球$49, 雙球$69, 現做單球coupon+$15可多一球, 見櫃內有十多廿款口味, 唔知邊款好食, 就叫店員俾左幾款試味, 最後我就揀左檸檬雪菓, 冧酒提子, 去過幾間分店, 發覺有同一個問題, 就係比較熱, 如涼啲就更好上: 檸檬雪菓 其實係雪葩, 味道比較清新, 酸酸甜甜, 下: 冧酒提子 有少少冧酒味, 內有粒粒提子, 唔太甜, 兩款都好食…Read More

為左慶祝新一年來臨, 約左兄弟姐妹食番餐, 傾吓偈聚吓, 因為臨時臨急冇定位又係假期前, 就搵左呢間開係工廠區嘅酒樓, 貪佢易搵位, 18:30去到只得我地一枱客, 諗住都唔方好食左去邊, 睇吓菜牌價不太貴, 經相量後, 就落左幾款小菜, 食物上枱後,食落竟然有驚喜堂剪BB豬(自剪)$298 落單後大約半小時先上枱, 熱辣辣, 香噴噴, 皮脆肉嫩, 味道咸淡適中甜豆百合炒藕片 $50 甜豆同藕片新鮮爽口, 色香味俱佳蜜椒薯仔牛柳粒$88 牛柳好腍, 味道偏濃油鴨臘味芋頭煲$88 芋頭好香, 食落好粉, 加埋臘味道一流紅豆沙 不太甜, 好食 (送)…Read More

最近呢附近開左好多唔同嘅食肆, 見到呢間未試過, 由外面望入去都幾乾淨, 又冇乜人 ,就去試吓, 入面有十幾張枱, 坐落幾舒服, 牆上掛左幾幅畫裝飾, 仲貼左張通告, 餐廳唔想浪費, 唔會主動俾杯水客人, 如需要要自己出聲, 睇吓餐牌有三文治, 粉麵, 粥, 腸粉, 豆漿, 甜品, 小食, 豆腐花, 還有多款小菜, 如餐要凍飲+$2 , 最後揀左個扒餐要豆漿吉列豬扒 大大塊豬扒, 好鬆化, 味道啱啱好, 仲有4件鴨胸及奶油多士, 連埋杯熱豆漿 $32熱豆漿 豆味唔太濃, 不太甜…Read More