第一次經過見到門口嘅餐牌感覺有點似何文田嗰間Top Blade Steak Lab, 任食薯條都一樣，只係Top Blade煮咗塊扒俾你，而Chop Steak就係放上熱石度你自己烤，自己衡量想要幾熟就幾熟！塊扒其實真係普通，一來我又第一次去啦，又要烤又要食，有點手忙腳亂（另外一提，餐具同醬汁係自助嘅）。薯條真係唔脆嘅，隔離枱個小姐一放入口即刻同waitress 講唔脆要換過，之後我聽到個waiter同個waitress講，呢個世界真係好多麻煩人，仲要佢哋係一定生存到。希望我係誤會佢，其實佢唔係話緊隔離枱個小姐啦😛！可能佢唔係老闆未必要接受到麻煩客，但要求換食物當然係俾個機會呢間餐廳啦，仲要新開嘅，員工投入啲老闆都放心啦！其實佢哋一直都掛住傾計㗎喇，有時個waiter傾到講埋粗口，又傾到唔執枱，到上扒知唔夠位放，執一個碗又無執其他碗！好！講返食物，叫咗牛肩胛同西冷，肉質ok嘅少咗啲牛味，加$20有湯，沙律&任食薯條，湯同沙律唔錯，薯條唔脆。加錢有埋飲品！可以一讚👍🏽，佢哋會等你食晒湯同沙律先再上個扒俾你嘅，waiter 有提意手扒可以切好一塊塊先放上熱石烤！加油，可以有待改進！…查看更多
