Charmine的个人专页

服務生雖然唔多，但總會在有需要時出現，全日早餐幾特別，用左台灣腸代替平時嘅外國腸，分量啱啱好，玫瑰鮮奶咖啡好正唔算好甜，都不致於滿口花味。下次要食牛排試下先。整體感覺好好，座嘅位置仲係冇咩人到嘅角落位啱晒傾計，而且座左好耐都冇趕客情況。…查看更多

本來諗住放工食公司附近上環間牛扒，但拎住咁多野於是返屋企放低先啦！屋企响油麻地，就搵下有冇類似嘅先，比我搵到舊神石嘞，去到都覺得唔掂，間野咁細咁窄嘅，比完錢比店員點去座單邊位，咁一條冷嘛冇所謂嘅，橫掂食完就走架啦～唔通仲隊多碗湯食多次沙律咩。點知隔離食客話有人，佢地係3個人，我都係比人點黎座架咋，咁咪座第二個位囉，比個店員望住好似想叫我座去第二度咁，老實，間舖超細，又窄不在講，啲店員好似唔知入左幾多客啲位點安排咁款。算啦，一餐半餐啫，點知，湯好咸，我知麵鼓湯咩味嘅，但好咸嘅麵鼓囉… 反而沙律係用心嘅，有紫椰菜同普通椰菜，醬汁都有幾款選擇。但主菜堅唔掂，鐘仔一响我就一支箭標去攞，係架，聽到支支聲架，點知返埋位一打開張紙巾，嘩生到唔生，咁咪切開一舊舊諗住等佢快啲熟囉。 我都有心機嘞，一舊舊排隊咁放，方便我由最先切個舊開始食。切完我就飲埋碗湯，食埋個沙律啦。不過飲完食完啲牛仲係3唔3，4成又唔講得嘅仲係生肉顏色嘅牛扒囉。與此同時我聽到後面3人行嘅講佢地塊板唔夠熱，牛唔熟。200克95蚊唔貴，但有得去嘅日本嗰間好食得多。…查看更多

終於食晒三款牛嘞，各有特色嘅，triple steak係我個人喜好，淋，夠牛味，我老細喜愛牛柳，有牛味唔韌，我覺得西冷肥左啲。早餐都唔錯喎，50零蚊其實計落咪同靚靚茶記差唔多。有多士，無限飲汽水茶啡。服務員幾細心，又自自3，整體真係唔錯。只可惜幾大1陣味，食完成身燒烤味，要支態熊寶寶幫手至得嘞。…查看更多

荃灣就係人都知多好野食，上個星期六入荃灣專程買南乳囗磨豉醬嘅我搭巴士旺角去沙咀道，落車諗住搵左野醫肚先行去悅和啦。一心諗住行去地鐵站個頭總有一間正架嘛。點知經過呢間冇咩人但店外嘅海報吸引左入去嘞。好，講下野食，好大份，幾乎食唔晒，雞好好味，感覺真係好新鮮嘅雞。飯係健康嘅糙米飯，大碗唔難食丫，唔知點解有人抗拒糙米飯嘅呢～輪到配菜，湯同沙律都好好味，湯應該冇味精，但好清甜，沙律就……咪沙律囉，食唔出啲咩黎，但個餐飲真係值得推介架，雪梨蘋果茶，落足料，有南北杏同雪耳架。我未必再去荃灣，但去嘅話會再去呢間餐廳食下個豬。…查看更多

禮拜去深水埗一心諗住食個合益泰跟住行去買啲車衫用品就返屋企。行過基隆街，見到有間唔係賣布嘅舖頭，仲打正旗號台灣野，阿女又好恨食仙草，於是的埋阿媽入去試下啦。叫左嫩仙草芋圓奶凍，好食喎，有台灣嘅感覺架！仙草真係好嫩！滑嘟嘟過滑嘟嘟，啲芋圓係現做的好味。我隔離張枱個對男女對話穩約聽到佢地話之前黎要等位，今日早左唔駛等。睇返之前啲食評話待應態度唔好。以上呢兩樣都冇，我地等位係因為冇三人枱，有兩人枱架，咁我地都係等隔離張枱走左咪入去囉。而待應見到我地隔左條巷仲靜靜細細聲問我地如果隔離走我地駛唔駛座返埋一齊添，可能換左人掛，兩位待應都好貼心，我見到另一位待應用濕布抹完枱仲用張亁紙抹多次。舖頭咁細，想請多個講真到時冇定行嗰喎... 由於野食係即叫即做，咁等耐啲情有可原囉，唔明點解啲人唔等很嘅。價錢比响台灣食當然貴左啦，但香港人工物料舖租咩都貴，呢個冇法嘅。唯一覺得貴嘅係一湯匙滷水要10蚊，同隻滷水蛋同價囉。…查看更多

尋日行開中環老蘭搵野食, 明知中午時份都要外賣架嘞, 本來想食X記嘅, 肥义好耐冇食, 點知比呢間香噴噴串燒吸引左, 買左個串燒飯連泰式炒飯午餐盒, 60蚊唔叫貴啦响中環... ... 今日又要行過老蘭, 特登12點前到, 等左6分鐘 (尋日都唔耐嘅, 10分鐘左右, 但天氣熱成咁~~~) 今日食海南雞飯, 都好正喎, 個汁好泰, 個雞雖然少左啲, 但好淋唔老, 食剩啲汁撈埋附送嘅菜真係好唔錯.…查看更多

It supposed to be a birthday dinner but the birthday boy did not come. We still had a dinner because it is really rude to cancel the booking. I was amazed by the atmosphere and the music once I got out from the lift, and I knew which direction should I go. Cat was greeting me at the door and then I saw a big guy, he is probably the owner. Well, we had been waiting for other 2 who were coming so I have some time to discover the restaurant.Green salad as appetitzer which was just ok, not a surprise with lettuce and red cabbage, maybe salad is not popular in Turkish. I love the combination of strong favoured dishes with plain yogurt. As one of our friend is vegetarian so we specially requested to have few vegetarian dish that the chef did prepared some wonderful vegetarian dish like rice stuffed in color bell pepper, fried vegetables, steamed rice. Flavoured rice stuffed in colorful bell peppers are both eyecatching and yummy; other dish flavoured rice stuffed in roasted chicken also a good one. Flavoured rice are different on 2 dishes, one is sweet with raisins and the other is with herb. I love the devilish cotton candy that I couldn't stop picking them to my mouth from a small silver bowl. Ice cream just average not really attractive.All the tableware are finely chosen... tiles on the table strengthen the feeling of Turkish, and the silver plate with silver bowls are really the best decoration with those lovely dessert. I am sure I will visit there once again and maybe more.…查看更多

本來諗住揸車去圓方，經過柯士甸附近突然想食韓烤，咁就撞下睇下有冇車位啦。泊左車之後本來過左對面上去山林睇下有冇位，點知有間野好鬼搶眼响停車場隔離，咪過返對面睇下有咩食囉。原來係韓烤，問左佢地冇時間限制又睇個場都好大仲唔即刻入去咩。座落就上左湯，沙律，凍水，泡菜同生菜呀咁，似足韓國個邊喎。睇下餐牌，都叫大路嘅有晒架，豬腩肉啦，豬皮啦，牛呀咁。最衰朋友唔食內臟啦，我真係想食豬腸同豬皮架。終於淨係叫左豬腩肉同牛仔骨，諗住陣間試埋冷麵嘛。一如韓國個邊啲舖頭，豬腩肉都係一大舊烤到咁上下先切開佢，正! 夾埋生菜同蒜頭食口臭都唔理咁多架嘞。因為一心諗住留肚試個冷麵，所以只係燒兩種肉。個冷麵味道好好，可惜唔夠凍，如果好似某餐廳咁有啲冰就透心涼嘞。因為新開張，點真露嘅時候服務員話其實有免費嘅，咁佢就比左張咭我，我要行去對面一間韓國舖頭攞酒嘞。送兩枝韓國啤酒同真露一枝。兩個人有一個要揸車，夠架嘞。總體上，服務員十分落力，本地嘅同韓國黎嘅都好週到，價錢唔貴，最好係無時限嘛，得90分鐘食個啲我真係唔想入去架，就算我真係食到但好大壓力，一邊食一邊睇住個鐘都不突止，到咁上下就有人比張單你話埋定先喎。慘過去大牌檔。…查看更多

因為要等考試，睇到Open Rice有間咖啡店响太子，咁近就去下啦。一入到咖啡室，個服務台位女職員都已經唔係咁友善架啦，諗住算啦，一次半次啫。再睇下個餐單，套餐係包餐湯或者咖啡，價錢定位真係嚇驚我。算啦算啦，都係呢次啫。嘩，個全日早餐係冇跟飲品架，好貴呀喺呢個區。阿女叫左個芝士火腿牛角飽跟餐湯，但佢個牛角飽唔知點解成10分鐘過晒都未到，喂，成間咖啡室30個位，得8個客咋，耐左啲喎，個牛角飽仲要係燶燶地嘅添。46蚊一個飽加個湯算係貴喎。我個全日早餐… 問個服務員個早餐包唔包野飲，佢又唔望又細聲又冇厘神氣咁答我話唔包… 分量方面係夠，但78蚊得2條腸一堆炒蛋夾埋一塊方包，仲有少少茄汁豆，78蚊响呢個區貴左啲啫。如果想完滿啲，叫埋本咖啡，咁就貴咯…呢個價錢太平洋咖啡座成日架嘞， 如果呀係等考試有時間又唔想週圍走我唔會去食，希望下次考試嘅時候有多幾間咖啡室可以揀。…查看更多

中午時份訂枱，好彩仲有吧枱。 估唔到咁爆架其實。 仲响美麗華商場個時食過一次，今次就係想隨便食啲野，飲我想飲嘅soju。兩個人要左一壺soju，好新鮮嘅檸檬汁加左落去，飲下飲下走個下起身先知high high 地。 炸雞好好食，原味個隻冇辣嘅好味，冰凍冷面我覺得好食過銅鑼灣時代個間。兩個菜都夠份量，下次想試湯麵。啲服務員十分唔錯，唔知係咪韓國人本身嘅敬業精神呢，佢地會盡量滿足客人嘅，我地嘅炸雞叫左成大半個鐘都未黎，同個服務員講聲，佢話冇落過我地張單，但佢話會落返，一邊講晒唔好意思，一邊已經到嘞 (唔知邊枱唔好彩要等多陣 )整體上餐廳細過以前，但我會再黎，佢個BBQ好似幾好，價錢唔貴。…查看更多

因為近會展, 所以訂枱... 方便我做完野快啲到 我叫左羊tenderloin, 五成熟, 好好味呀 得兩塊唔夠添 佢食闊條麵, 好似都O 喎, 佢食晒應該唔會差得去邊嘅 飯後杯咖啡都好正, 只係唔知點解個待應不斷攪錯野... 我叫紅酒佢比錯支裝餐牌我, 要咖啡佢比茶我咁啫 其他真係唔錯, 個領班早上幫我訂枱, 到晚上竟然仲記得我....…查看更多

阿媽睇完Master Chef, 話想食egg benedict 喎, 費事去香港島啦, 咁咪叫朋友介紹...港女介紹得, Bricklane 應該唔錯啦掛, 咁一於照跟啦. 早一日打電話比佢地, 問清楚要唔要訂枱, 佢地話lunch 唔駛喎, 咁我咪同阿媽11:55去到等佢地12點開門囉 點知........ 佢地12:10 先他他條條開門幫阿媽叫個egg benedict, 自己叫個set lunch...好期待咁等... ... 終於egg benedict 到左, 佢 個樣尚叫可以啦, 但個汁... 噢好唔似 hollanaise 汁嘅... 冇Oolaa 咁滑喎...... 但唔可以掃阿媽興嘅, 由佢食囉咁 我個set lunch ok 架, 薯條炸得好脆, pork loin煎得好嫩好淋.…查看更多

本來想去對面甜品館食早餐, 點知佢休息... 週圍睇又趕時間惟有去蘭亭咖啡閣快食個早餐啦.去到一座落已經鎖定目標食太陽旦茶走架啦, 話晒茶餐廳喎. 點知....出事囉 叫個阿姐太陽旦要煎香啲咁啫, 佢話冇咁做過喎 佢仲要對眼發死光咁望住我添 阿姐你唔知唔關我事, 你唔好好做好呢份工都算你仲要咁唔份氣呢個社會有你啲咁嘅人唔怪得之香港個名咁差啦 跟住仲攪笑, 隔離枱個阿叔, 睇怕都叫熟客掛, 佢要個腿旦治烘底, 個阿姐話冇烘底喎.... 阿叔聽到之後話咁唔駛啦, 腿旦治啦咁. 正一倒米倒到潟啦.兩個樓面真係正到七彩, 蕳直一絶.咁... 唔煎香嘅太陽旦啫, 一打落去個鑊度唔駛一分鐘上得碟啦, 我隔離個位個沙爹牛通都食完嘞太陽旦仲未到喎 好彩搵到個老細, 最後有得食嘅, 加送成肚氣囉 個位話冇做過太陽旦要煎香啲嘅阿姐係咁話哎呀唔識做野唔識做野有投訴, 講野要心要肺.早餐唔係平架, 26蚊出面街間間咁上下價, 成個旺地咁多餐廳我以後都唔會再去幫趁…查看更多

Honestly I am attracted to their fame and profile but I ended up with disappointment. This was the longest lunch I had in my life so far and we were annoyed by the environment... too quiet and we were the only table for all the 4 waiters that afternoon. Kind of weird though the service was excellent I would not recommend and no more next time. Food was good unfortunately I do not like fusion food... this was not a right choice I made definitely. …查看更多

This was a very lovely early afternoon with the one I like having brunch in Oolaa. He introduced his favorite restaurant to me every time and this is one of them.I ordered egg benedit and he ordered oyster and mussels with cream. Love the oyster not fishy or smelly you know... smell and taste not right. My egg benedit was sooooo perfect with fresh cherry tomatoes they were so sweet, everyone of them!Though the service was not good and the table we sat was a bit not right... with a glass of water with a scent of strawberry, basil and lemon... C'est la vie thanks P…查看更多