coking的个人专页

一眾身居香港既外國人一聽到開Cinnabon 都超級開心 !!!岩岩係東涌開業既Cinnabon, 令到只要一入到東涌大家就會見到人d一袋二袋攞住D肉桂卷周圍走。我就諗住萬聖節會有特別版出就即管走去睇下有咩好野。東涌店既座位真係比較少, 全店得一張2人chair , 1張圓bar檯同一行8個位既bar table所以當你叫野食時職員已經預你外賣。外賣既話, 放係常溫可以放2日, 而放係freezer就可以放 2星期, Cinnabon Fans 可以外賣番去慢慢食。第一次食我就叫左個set, 轉做Cinnabon cappuccino + 原味既Cinnabon mini bon  (其實我想試Choco先, 可惜唔可以轉)味道方面係超重既肉柱味(依個一定係架啦) 熱辣辣好香軟, 但一貫外國甜品一樣係比較甜,。 本人比較少食甜野, 但仍然覺得可以一試, 但一定一定要熱食先好味。Cinnabon cappuccino 就係咖啡面頭加左d肉桂粉, cream 比較多咖啡唔夠熱, 而飲落亦只有面果浸有肉桂味, 真係差左D. …查看更多

就近福來村既一間小店，唔識黎都要d時間行。 舖頭比較細，坐位真係有d迫。開頭接待果位職只都有D粗聲, 真係有少少驚, 後來坐落先發現其實佢都好細心, 外剛內柔~ 食物方面真係有驚喜，個帶子蟹膏刺身$68忍唔住一人食一碟，蟹膏味勁香又唔腥，帶子同赤刺身鮮甜肉厚😋😋😋😋 nomonomnom可樂餅睇黎係現成叫貨，大家都係自己在家氣炸罷🤭黑松露醬金姑亦都好香，可以一試。雖然職員推介蟶子王刺身, 但我地都好有默契要熟食。蟶子王鮮甜得黎有少少腥味，怕腥朋友就唔好叫了。三文魚卷 $48 亦係推介性價比高之選之選😋牛油果蟹卷如果可以再熱少少就更加好味~人均消費約$250，絕對抵食…查看更多

今晚晚餐食左3個course 都係咸食, 因為tea time 食左一堆甜點實在唔可以再食甜野由於朋友係素食, 餐廳menu亦都好細心有素食選擇Soup 餐湯:Lobster Bisque tarragon, cream文華龍蝦湯一定係我既首選, 香濃既龍蝦味湯底唔會太杰Wild Mushroom truffle and sour dough crouton黑松露磨菇湯朋友就叫左個黑松露, 超級香黑松露既氣味, 一試難忘, 朋友大讚Appetizer 前菜rganic Heritage Tomato mozzarella, quinoa, basil and extra virgin olive oil有機蕃茄水牛芝士配藜麥食材新鮮沙律自然好食, 蕃茄鮮甜Crab Salad avocado, romaine lettuce and citrus dressing牛油果蟹肉羅馬菜沙律配柚子汁估唔到依個咁好食, 柚子汁同羅馬菜出奇夾, 牛油果蟹肉一向係我favorite真係好好食,蟹肉味濃。Main Course 主菜:Steak Frites240g angus ribeye, maitre d'hotel butter安格斯肉眼扒配薯條個薯條新鮮熱辣好香口, 可惜係個牛扒熟左D, 叫medium rare 黎左個medium well可能係戴左口罩聽得唔清楚Fresh Tagliatelle Pasta pine nuts, shiitake, walnut and parmesan cream松子香菇意大利麵配帕森奶油無特別試, 但賣相唔錯最尾再黎一杯Earl grey 黎個完美終結點解全篇文都無講佢地點好服務? 因為我唔想人人覺得都係老鳳有依種服務希望大家遇到好既服務員,多一D稱讚少一點投訴, 洗2個錢唔係大晒, 有錢無品就無用啦! 多謝當晚招呼我地既服務員, 明就明。希望你keep 住好~ …查看更多

由於朋友係素食主意者, 為左就佢我就揀左幾間素食餐廳🥦比佢。點知佢又反比番我揀... 咁我見佢係中環番開工, 平時又好少咁熱衷搵食店, 就跟佢意思啦！去到間餐廳,  無客....... 可能比較早姐😧因為我地經openrice book 位所以有6折打開個menu 價錢一般 $130- $300 , 但食物種類比較少而且唔係素食餐廳。一問朋友之下先知佢亂咁揀...... 真心o咀左, 我每次都好認真揀過先比朋友揀呢！由於book 左檯唔好意思起身走, 係好難揀之下最後叫左.... Egg benedict🥚 $128 + Salmon (唔記得要加幾錢）味道尚可, 隻蛋都夠流心, 有discount 都算抵食Fried spicy tagliatelle with mushroom $98🤢依個就真心驚，d mushroom🍄 用罐頭野，有少少酸味炒2下就出菜，全程唔知有無5分鐘就上菜。 我煮一定好味過佢，完全係難過既經驗😭…查看更多

Staycation 包左一餐早餐, 可以選擇中餐set dor 或者buffet.以我比較大食黎計加上朋友係素食主意者, 一定係揀buffet.Buffet  人數唔多, 可能係平日既關係, 食物種類包括有中式點心、雞粥炒麵、生果沙律、雲吞麵檔、麵包窩夫、芝士冷盤。中式點心比較差，燒賣蝦餃都da mer , 平時去包X先生仲好食。滿心歡喜見到咁多牛角包, 揀左個杏片牛角包。不過如果可以heat 番會好D... 凍左硬左就無咁好食。食左好火龍果, 但無咩好講啦...都係新鮮同甜囉。雞粥炒麵反而煮得幾好, 可能尋晚食得太飽。雲吞麵既雲吞肉蝦平均,一口一粒比相象中好食。煙三文魚都OK 無霉得得最欣賞就係個外國人唔記得帶口罩個侍應都有邀請佢帶番口罩。 而家食buffet最緊要就係衛生整體黎講不過不失,無咩特吃…查看更多

話說前幾日要去灣仔做d緊要野...... 考試當然唔放過過海既機會睇下有咩好食Lunch 揀左間法國Crêperie 食，一落樓見到好多人係依間懷舊麵包店到排隊買野。我依d咁為食既梗係唔放過食好野既機會啦，見到一檯滿滿新鮮出爐既麵包，橱窗有我兒時既糧食.... 紙包蛋糕.... 老實講我唔太鍾意cream。旁邊有一小包一小包既蛋糕仔曲奇餅。林林總總花多眼亂，一下子都唔知買咩好，好想買雞批，但今晚又要出街食飯，免得壞左就浪費食物。係無時間之下，快速揀左菠蘿包同雞尾包。攞起手熱辣辣真係好開心，可惜最後比人食左個菠蘿包。而個雞尾包絕對有兒時回憶，隔日番叮都好好食，左面既椰絲勁多，真係推介👍👍😋…查看更多

生日黎試一次人生第一次任食大閘蟹。實在好懷念上年食足3人既大閘之旅喔!!依到有2個時段, 頭段6:00尾段8:00, 我地選擇左尾段食得舒服D搭MTR 於A3出口出, 過對面行左邊於太和街入口入, 直行到底向右轉灣仔道路痴既我又兜左個大圈。 但都好過去九如坊次次都搵餐死去到都有人等位, 搭lift上到去塞滿門口, 好彩D朋友一早到晒。 一黎就黃金蝦球🍤, 味道可以但個皮就粉左D再上杏汁燉花膠, 湯既外觀就比較例湯Feel , 花膠少硬雞腳反而唔錯, 大家當例湯好了之後主角出場....燈燈燈tang, 大閘蟹出場。 Size 有大有細 3 兩-4.5兩都有, 全部都係比公。 蟹膏一般唔算香, 白膏亦未係時間唔夠多。當然咩價錢就係咩貨式,  上蟹速度都好快唔會慳住, 值得加許。豉油王乳鴿。。每人半隻但大家都無時間食, 但味道其實唔錯糯米飯, 無咩配料, 但夠乾身都OK 最後的薑茶大定一定要飲呢, 因為大閘蟹真係好寒, 我番到屋企仲會飲多碗黑糖薑母菜先瞓…查看更多

疫情持續左十個月，重口味拉麵控都有一段長時間無再食過拉麵。係其他地方食過沾麵, 自己都係覺得拉麵好D，享受飲濃湯既口感依間位於旺角既拉麵店, 淨係睇圖已經相當吸引; 滿滿既櫻花蝦色彩豔麗，睇到流晒口水。下午2點時間都坐到爆晒，果然勁。等左10分鐘左右就可以入坐。叫左碗櫻花蝦拉麵, 上菜時隻蛋有D Overcook ... 心有D失望飲第一啖湯出奇的香濃，超出預期2片肉就肥膏多左df麵底不過不失整體個湯已經好有驚喜回頭率: 80適合重口味人士…查看更多

有開心事緊係要請同事食飯啦。 入到店真係好似去左日本咁, menu勁多選擇.. 人均睇左十分鐘先揀到食咩大家ORDER 左鹿兒島產吉烈黑豚豬扒定食$165豚肉拉麵+雞唐揚2件SET $98 牛肉定食豚肉定食由於我只係左食自己碗飯…所以只好介紹自己果個特上火炙飯定食 (大吞拿魚腩、帆立貝、三文魚腩) 配湯及蒸蛋$180 其實order前我有問過可唔可以唔燒.. 因為我都係鍾意刺身多D,佢地又無大吞拿魚腩刺身飯, 同埋個職員又話燒左香D, 咁唯有就揀佢啦~  個飯真係超級邪惡啖啖香油, 真係食到6成已經飽; 大吞拿魚腩真係帶比人好開心既感覺。個蛋亦都係同事們一至讚好; 依間店亦係同事讚係依一帶最好食既一間。埋單時亦有會員儲分APP dl, 原來隔離Rusitco西班牙食店係同一個GROUP, 下次都可以試下最後我都係覺得唔燒會仲好食D …查看更多

為左去睇家樂BB ,今日一早6點半就要食飯。上到黎先知有2層, 每層面積都好細間, 好有屋酒屋FEEL一黎就叫左大碗吞拿魚海膽丼, 海膽滿滿簡直愛心滿瀉.... 鮮甜可口.....唔係講笑真係好食, 睇相你都知, 必吃!!!鮨一沙律 $128  真的用料十足, 有帶子、三文魚、油甘魚、蟹籽等，好有驚喜炸軟殼蟹, 唔油膩粉醬又唔厚 ; 蟹肉鮮甜 ... 又一驚喜仲order左2串串燒--- 牛脷同露荀 , 味道合格唔算太驚喜, 可以留番個胃食第2D野Last再叫左元貝刺身壽司同鵝肝壽司 (媽呀....... 我真係好肥拿) 元貝刺身壽司... 都係正常果隻.... 唔洗我形容LA.... 新鮮甜美鵝肝壽司等候時間耐D.... 燒得乾左少少仍不失甘香整體食物高質, 服務亦可, 難得我會打算番吃既日本料理店~~…查看更多

Assembly分上下兩層下層就酒吧，好多人飲野都好熱鬧d而食飯呢就可以係隔黎商廈上 樓上，平日無咩人靜靜地都幾好生日飯如下: CAESAR SALAD 正正常常, 我唔會係到講菜好鮮甜CAJUN CHICKEN PIZZA細細個咁但係唔算話特別香濃，D芝士多可係可以拉到絲既~唯一不足係雞肉較少同"鞋"龍蝦意大利飯 係最好味既一個DISH  , 個湯汁夠濃飯夠咬口, 龍蝦亦有鮮味Buffalo Chicken Wings $98都好辣下, 一定要夾埋D配菜食牛扒都唔錯,肉味較濃Mushroom Burger Mushroom 好多汁唔洗成日都係肉, fresh D 亦都係推介之選依到本來咩都OK, 就係最攪笑係一早黎問左有無火焰雪糕, 因為有人生日會叫臨尾ORDER時先講個FREEZER壞左成個月,所以無真係激到我呢... 最後叫左個Grilled Shrimp Poutine 比朋友做生日蛋糕, 真係有點funny不過個Shrimp都幾好食比左一個難忘既生日佢都唔錯啦~ HAHA…查看更多

一個假洋妞去食西餐是合情合理的，加上LKF 地段最方便就係食飽再飲番杯依到食interior係必然的, 超高樓底吊住一盞咁靚既花燈, 真係靚過千言萬語但最後坐係下面既係一檯壯健既外籍男士, 真係相映成趣入番正題, 先黎西餐廳必有既朋友---- 麵包Garlic butter 配 竹炭包子,包子外脆內軟，對於一個餓人黎講係好好食的Starters -Seafood Platter $475生蠔有3款但名就唔得左了 + Cherrystone2者都夠鮮甜… 唔錯凍龍蝦我就一向覺得麻麻地帶子都不過不失啦, 個汁搶左佢既甜Foie Gras Terrine $195Sorry 淨係記我超級咸 Main - Sirloin Steak 12oz $550係最穩陣亦係扒房最見功夫既一環, 叫左medium 火喉剛好, 肉質軟硬適中又夠牛味配埋個蕃薯條, 成為今晚最好既序幕, 不得不提佢個配菜 豆+菇 很好吃~ 佢地個洗手間亦很花心思, 去到要visit下呀~…查看更多

係山林道近警署果邊既一條後巷內既小店主要以串燒同自家製「粗口」啤酒為賣點；咁岩我又病地,D 朋友又唔飲酒無機會試到。依個坐位唔多岩2-4 人今晚係汽水串燒傾計夜叫串燒最好就係有人遲到都可以邊食邊得生蝦都係泰國既好食，依個無咩味黑椒牛油洋蔥焗比目魚（$89）超級失望, 無味一夾就散黑松靈沙律醬薯條 ($49)推介個薯條食辣辣, 配埋個黑松露醬.. 正 ! 最尾牛油鹽焗翡翠螺（$69）未食過熟既翡翠螺，牛油味香但無左鮮甜味；相信做冷盤好D燒玉子軟棉棉, 好溫柔既感覺鹽燒安格斯牛柳粒大大粒牛柳粒燒得剛熟，肉質嫰滑鹽燒厚切牛舌最晚最佳推介牛舌味道很濃，厚切肉腍夠咬口燒原條蒜蓉茄子約15cm長，蒜蓉味勁，茄子鮮甜魷魚糯米飯 ($89)魷魚包糯米飯，夠飽肚又好味糯米飯夠香又煙韌。魷魚SO少得可憐又唔好味雞粒串肉質好乾好鞋唔建議叫整體都係唔錯既吹水之地, 不限時但難BOOK 位食物質數就好一普通，我覺得想試佢地既手工啤酒先好黎…查看更多

尋日同一班女子去哥嬋, 依到分別有兩層, 柔和既燈光最岩飲酒傾計仲有開埋暖爐真係LUM CHI CHIParma ham $98 中規中舉, 份量亦唔小, 岩晒餐前佐酒Salmon Tartar $158 依個賣相整潔. 味道清新Oyster $400 做緊半價超級抵食, 岩晒大蠔客。亦夠新鮮, 唯獨是侍應唔識換碟King Crab Salad $178 推介之一蟹肉鮮甜用青瓜包住 fresh up , 賣相夠吸睛Duck Leg confit$138 唔太腍,可叫可唔叫Lobster penne $198 龍蝦汁香濃, 可惜無肉好DRY Prime Ribs $498 個扒叫左medium rare 好腍無咩升水, 但可惜係一眾話食得生既女子都大叫太紅, 唯有番煎Molten Chocolate Cake $88 冰火心太軟, 朱古力味香濃Crème Brulee $88 超級推介, 香滑可口仲有少少橙香味Cheese Cake $88 有少少咖啡香Savigny D. Arnoux $550 帶Fruity 既紅酒, 由好好service既Eric介紹整體都好滿意, 食物好服務好。 最重要唔限時, 環境唔嘈又唔靜岩晒哥嬋…查看更多

年年生日月都係咀福不淺既日子, 尖沙咀更加係必去既區域。無諗過厚福街H8會有間咁既STYLE 既餐廳, 環境簡約舒適、服務優良。(好似賣廣告咁)D 杯仲要係斜既, 好得意呀今次叫左5樣野:水牛芝士沙律配日本水蜜桃 $88 --- 個黑醋配水蜜桃好鬼夾, 真係第一次食黑松霞醬炸薯條$68 --- 夠晒gas味, 好香口熱辣辣香燒荷蘭黑啤豬手配酸椰菜$288 --- 無咩特別, 我相信豬手大部分都唔會整得難食龍蝦蟹肉天使麵$198 --- 個麵林左少少火焰雪山$68 --- 依個係我極力推介, 燒起上黎自然夠吸晴, 雖然唔係話咩新菜式, 重點係我細過食過一個係好大浸酒味同苦, 真係有童年陰影以後都無再食過。今次朋友叫比我做生日蛋糕, 好彩依個真心好味, 雪糕好香滑~ …查看更多