tsztungyip的個人專頁

辣子肥腸呢個真係嗜辣人士嘅至愛！肥腸處理得非常乾淨，完全冇一丁點腥味，呢點真係值得一讚。外層炸到金黃香脆，咬落去咔嚓一聲，入面就保持住軟嫩多汁嘅口感。辣椒嘅香味完全滲入肥腸入面，我地選擇小辣，辣度啱啱好，唔會太刺激但又夠晒惹味。每一啖都帶住濃郁嘅花椒麻香，越嚼越有味道，根本停唔到口！我自己一個人差啲食晒成碟添，真係好好食。金湯酸菜桂花魚呢條魚真係驚艷到我！魚肉片剔透，入口即化，滑溜到唔使點咬，有足一斤唔欺場。金湯顏色靚仔，酸辣開胃，酸菜嘅酸爽同魚肉嘅鮮美完美融合。湯底濃郁但唔油膩，飲返啖暖身又開胃，尤其而家天氣有啲涼，飲埋湯真係舒服。整體口感更加層次豐富。餐廳仲有做重慶風味燒烤，我地選擇左幾款。翠玉瓜烤得啱啱好，保持住翠玉瓜本身嘅爽脆同清甜，蘸上餐廳嘅調料，清爽可口，中和咗其他燒烤嘅油膩。韭菜火候非常好，唔會太老變韌，帶住淡淡嘅焦香，口感鮮嫩多汁，韭菜本身嘅香味完全釋放出嚟。羊排呢個一定要試！羊排烤得外焦裏嫩，羊肉嘅香氣四溢，肉質鮮嫩多汁，完全冇羊膻味，配埋孜然粉同辣椒粉，簡直係絕配。雞皮香脆可口，烤得金黃誘人，油脂嘅香氣喺口中散開，但又唔會覺得油膩，真係越食越上癮。搭配呢啲重口味嘅餸菜，一杯凍啤酒簡直係天作之合！啤酒嘅清爽中和咗辣味同油膩，令口感更加平衡，每食完一啖辣餸，飲返啖啤酒。餐廳環境都幾唔錯，裝修有少少四川風情，坐得幾舒服。服務員態度亦幾好，落單同上菜都好快。總體嚟講，老川皇嘅餸菜口味地道，食材新鮮，廚師對火候同調味嘅掌控都好到位，尤其係辣味嘅處理，唔會太刺激但又不失風味。每一道菜都有其獨特嘅口感同味道，層次豐富，令人回味無窮。如果鍾意川味同重口味，呢間餐廳真係值得一試，保證你食完返尋味！下次我一定會再嚟試下其他菜式，例如水煮魚同麻婆豆腐，相信一樣會好正。…查看更多

銅鑼灣搵到間居酒屋，環境唔算太嘈，燈光柔柔地，啱晒同朋友傾偈食飯兼小酌一杯汁燒免治雞軟骨棒一上枱就聞到陣陣甜香，外層燒得微焦，啲汁黏口更顯雞肉嘅嫩滑，入面帶有雞軟骨，少少爽脆，口感好有層次，啱晒鍾意咬口嘅人。芝麻雞軟骨就係另一種風味，冇咁重味，但勝在香口，芝麻香滲入雞軟骨入面，配酒一流之後嚟咗鹽燒仙台熟成牛舌芯，真係水準之作。牛舌芯稍微厚切但唔韌，燒得啱啱好，表面微焦，咬落去有彈性，牛味濃郁，仲可以沾少少黃芥末，都好夾同朋友決定點個「月見・極丼」，一個set入面有生蛋烏冬配少少明太子，仲有個海鮮魚生飯，真係好豐富。烏冬滑溜溜，生蛋黃撈埋明太子一齊食，鹹香中帶少少黏口，有層次。魚生飯就更加精彩，吞拿魚茸細膩，生蛋令飯更滑，海膽就係點睛之筆，鮮甜濃郁，入口即化，呢個飯比起一啲刺身壽司鋪頭更出色。配埋面豉湯，暖笠笠咁收尾，舒服晒另外，我地跟隔離台叫咗個彩虹壽司卷，色彩繽紛，視覺上已經好吸引！每件壽司都包住唔同魚生，口感豐富，米飯唔會太硬，酸度啱啱好。貝類同魚生都一次過試齊刺身拼盤係時令鮮魚，有幾款唔同魚生，包括油甘、三文魚、鯛魚等等，全部都切得靚，厚薄適中，魚味鮮甜至於飲品方面，叫咗梳打梅酒，輕碳酸嘅口感好清爽，梅味唔會太甜，好易入口。茶割（Ochawari）就係另一種風格茶酒，入口有茶香，酒味唔重，啱晒唔想飲得太烈嘅人食物水準高，唔係淨係靠擺盤，真係有味道、有火候、有心思。居酒屋氣氛夠chill，啱晒同朋友慢慢嘆！…查看更多

去咗尖沙咀嗰間主打牛舌嘅餐廳，真係有啲料到。朋友嗌咗個「咖喱三重牛舌鐵板飯」，一上枱就聽到鐵板炸炸聲，香味撲鼻，成件事好有氣勢。牛舌分三個部位：舌心、舌尖同舌根，每樣都各有特色舌心厚身啲，咬落去有啲彈性但唔韌，吸晒咖喱汁之後好惹味，啲香料唔會太搶，幾有層次。舌尖薄啲，有啲擺耐左係鐵板會煎到微微焦邊，但中間仲係嫩嘅，口感有對比，混埋咖喱汁同白飯一齊食，啖啖都係牛香咖喱本身係日式風，唔係港式嗰種辣爆型，啱晒鍾意香而唔太辣嘅人。配埋味噌湯、汽水同薯條，雖然係套餐，但每樣都唔馬虎，薯條份量夠，味噌湯清清地啱晒解膩，仲要牛味超濃！ 我嗰份就係壽喜燒西冷牛扒，仲升級咗加牛舌根溫泉蛋丼飯。牛扒煎到外面焦香，入面仲有肉汁，壽喜燒汁甜甜地，如果舊牛扒可以肥返少少會更加美味。牛舌根就真係正，燉到好腍，入口即化，冇韌冇筋，專登加啲壽喜燒汁，更加香濃，配飯一流。溫泉蛋就係畫龍點睛，黏口又有層次，甜香、牛味、蛋香一齊爆出嚟總括嚟講，呢間餐廳真係玩得非常刁鑽，除左靠食材本身，火候、醬汁、配搭都好講究。食完之後唔止飽，仲有種「嘩，原來牛舌可以咁玩」嘅驚喜…查看更多

茘枝角藴藏好多性價比極高嘅餐廳。今次跟朋友嚟荔枝角行街之前去試咗一間冰室都幾唔錯！🍜 一上枱就聞到陣陣沙爹香氣，濃郁但唔膩，微微花生香同香料辛辣。雞扒肉質嫩滑，唔會乾柴又冇雪味，吸晒沙爹汁之後更惹味。公仔麵可以選擇軟硬度，唔會過腍，掛汁力強。整體味道偏重口，啱哂我而我朋友選擇嘅香煎特大豬扒超力銀絲米粉，豬扒真係名副其實「特大」，厚切但煎得恰到好處，外層焦香，內裡保持肉汁。醃料偏港式甜香，帶少少蒜味。米粉爽滑唔黏口，吸晒豬扒汁同湯底，口感層次豐富，湯底清甜。我哋仲特登加咗瑞士雞翼，雞翼滷得入味，甜中帶鹹，唔會死甜。雞翼皮滑肉嫩，骨位都滲晒味，相信瑞士雞翼撈麵都係一流。西多士去得冰室一定要叫，外層炸得金黃酥脆，內裡麵包鬆軟，蛋香濃郁。牛油同糖章融化後滲入麵包中，甜而不膩，佢唔會炸到太油，入口唔會有油膩感，反而係香脆同鬆軟嘅完美結合🍞好喜歡留住港式茶餐廳嘅靈魂，菜式多又有心思，唔係求其出品。無論係重口味嘅沙爹雞扒，定係甜香嘅西多士，都有佢獨特嘅風味，值得一試之餘！…查看更多

中意米線真係每星期都要食一次，今次同同事一齊去旺角食。佢話自從呢間店開咗之後，已經成為佢嘅“飯堂”。今晚見到門口排長龍，不過好彩翻枱快，唔洗等太耐。我選擇咗雞雜小鍋米線，可以試到雞腎、雞絲、雞肝、雞心同自製雞肉丸，呢啲餸都比較少見。藤椒湯底好獨特，麻味十足，仲可以根據自己喜好再調整辣度，真係好貼心。自製雞肉丸口感好特別，肉質滑嫩，仲有軟骨，咬落去好有嚼勁。米線呢位主角，圓滑、Q彈，咬下去好過癮。內臟日日新鮮入貨，例如雞心雞肝，經過細緻處理，肉質鮮嫩，帶有淡淡的香味，與湯底好夾。追加既韭菜餃就係我個人必加的餸菜。薄薄的餃皮包住新鮮的韭菜，餡料鮮美，口感清新，咬下去瞬間釋放出濃郁的香氣。每一口都能感受到韭菜的鮮甜。就算唔加菜，都一樣好豐富既配料，絕不欺場！同事選咗招牌嘅豬八戒小鍋米線，入面有豬軟骨、豬腰、豬肝同豬大腸。豬大腸經過滷水，入味又軟嫩，完全冇異味，散發出濃厚的滷汁香氣。豬軟骨外嫩內韌，咬落去脂肪的香氣四溢，真係令人欲罷不能。湯底係酸辣金湯，金黃色，酸味同辣味平衡得好好，每一口都有驚喜。如果鍾意輕輕刺激口感，麻辣豬耳一定要試！老闆話經過煮熟同冰水處理，保持咗脆爽，配合麻辣醬汁的刺激，真係食到停唔落口。最後，餐廳的服務態度亦好好，員工熱情友善，時刻關心客人需要。服務同食物質素都好掂，性價比又高，真係滿足既一晚！…查看更多

大坑係我非常鍾意嘅小區，每次有新店我都會踴躍一試黎到先發現係搬舖，班底極具實力!今次選擇中價menu🍣前菜既磯粒貝質纖細幼嫩帶咬口，味道爽口清甜刺身五點每款都凝聚創意，食材只求新鮮已經不足夠，配搭才是如虎添翼✨️有芥末既鰹魚豐腴油脂，入口濃郁甘香✨️青檸汁石垣貝口感豐富，有軟綿和爽脆的層次✨️仲有一試入魂既沙甸魚卷，當造季節好肥美，魚油和魚的甘香恰到好處接住上六貫壽司：獅魚 帆立貝 鯛魚 赤身 金目鯛 拖羅！各具特色，真係要讚下飯粒既軟熟度同調味🥢帆立貝輕輕介花，口感提升。微甜的味道，搭配海鹽提升風味。金目鯛油脂適中，甜味淡雅。拖羅肥美滑順，油香四溢跟住送上暖笠笠魚湯，乳白色就知唔會清淡，濃厚既魚鮮味加蔥段增添香氣 🐟炆煮超耐既鮑魚壽司配肝醬帶有海洋鮮味，搭配肝醬時常能感受到微酸的米香三文魚子和海膽壽司我稱為一口丼，甜度爆哂燈汁煮目張魚魚肉鮮嫩滑口，肉質豐滿，吸收哂醬汁的精華，每一口都充滿了醬油的鹹香和微甜作結還有雞肉素麪，麵條滑順，充分吸收了雞肉的鮮香，加入芝麻後，增添微妙的堅果風味，讓整道菜更加美味，湯底清爽…查看更多

移民朋友回港度假當然要好好接待佢本身諗住選擇Omakase或懷石料理最後揀選旬，見大家都推介是四季料理仲更加精緻高級✨$1088既lunch menu連埋甜品一共10樣🍱茶碗蒸如絲綢般滑順的口感，入口即化，食材的鮮味和香氣，令茶碗蒸的風味更具層次感時令刺身有靜岡白鮭魚，脂肪較少但好柔軟，味道相對清淡，所以加埋師傅調製嘅酸汁搭配一流跟住好快入戲肉就係燒吞拿魚顎，極為珍貴的部位，肉質極度油潤，好啱我口味，魚肉包裹在油香之中，仲有甘香滋味，邊位烤得香脆🐟炆煮既A4和牛肉香突出帶嚼勁，又甜又濃🥩蝦頭的天婦羅味道比蝦身更濃郁，帶有蝦子的鮮味和油脂，即使唔沾咖喱鹽都好有風味🍤師傅非常有實力因為炸蝦頭的油溫需要控制好好，以免變苦炸無花果更加令我喜出望外，食材多汁，外酥內軟最後既鵝肝飯味道豐富而多層次，有鵝肝本身的濃郁風味，又有米飯和醬汁的搭配🍚非常享受嘅一個下午💗…查看更多

落雨天最鍾意去荃灣逛下，今次隨便走到海之戀商場，竟然發現咗間高質的壽司店，真係意外驚喜！選擇咗吧台位，因為我同朋友都鍾意同師傅傾計，仲可以近距離睇佢哋嘅刀工。正好有壽司套餐折扣，就點咗“大滿足壽司定食” 裡面有我最愛的大拖羅、中拖羅、深海池魚同金目鯛等等，光係睇到呢啲食材就已經好開心🍣大拖羅肉質軟到入口即化，真係讚唔絕口!中拖羅口感緊實，但魚味更加鮮明。深海池魚雖然味道清淡，但師傅調味得宜。金目鯛肉質鮮甜，配上醋飯嘅酸味，絕配跟餐嘅海膽三文魚子碎拖羅飯真係好食到爆，甚至追加多一份！色彩鮮艷得令人垂涎，視覺效果超好。海膽同三文魚子嘅咸香融合得啱啱好，海膽滑到入口即化，濃郁海味無法抵抗！碎拖羅加上飯粒分明嘅醋飯，層次感十足。仲有，蝦嘅兩種食法都好特別！蝦膏搭配少量辣椒，不單止提升鮮味，仲有微妙嘅香辣感，值得一！鮑魚搭配簡單嘅調味同肝醬，肉質鮮嫩，風味獨特，讓整個用餐體驗更加升級。總之，呢次嘅壽司之旅真係好滿意，會再嚟！…查看更多

一坐落就叫酒，Oolong Highball永遠係我首選。烏龍茶香同威士忌結合得非常清爽，無論餐前定送串燒都好夾🍺等串燒燒好之前，先叫份刺身五點過下口癮。最吸引嘅係海膽，份量唔少，正好係食海膽嘅季節。佢有海水嘅umami，加上少少甜味，好creamy至於帶子，每次我都必點，肉質緊緻，咬落去有清甜感，配上啲醬油，味道更加豐富煙燻豬腩係廚師推介，一上枱香氣撲鼻，呢個部分肥瘦適中，唔會油脂過多。搭配啲芥末，適中的辛辣感同煙燻香氣好平衡，醬汁係甜口🐖黎得呢間串燒店唔會唔叫內臟，豬肝串味道濃郁，滑嫩得來唔會腥。燒到外面微焦，裡面仍然保持住juicy，配上燒汁醬，味道更加出色🍢茘枝正係當造季節，豚肉茘枝卷香味令人驚喜，薄片豚肉嘅鮮味同茘枝嘅甜味完美結合，口感特別，甜中帶咸，真係新鮮體驗！凍食顯得茘枝更甜，汁水爆滿九條蔥卷特別之處在於蔥香撲鼻，外皮烤到金黃酥脆，咬落去有香脆口感豬顎肉卷用新鮮豬顎肉製作，肉質滑嫩，咬落去口感豐富。搭配調味醬，咸香味道令人一口接一口。呢款唔係每間串燒店都有，真係難得一試…查看更多

最近同朋友喺中環搵到一間hidden gem。呢間酒吧主打「午夜後不是結束，而是第二十五時」，帶你遠離繁忙的生活🍸酒單上有16杯雞尾酒，每一杯都好有香港的特色。無論係中國茶、茅台定豉油、避風塘，啲創意都令經典雞尾酒有咗唔同的風味我最鍾意嘅係叫做VIVA的雞尾酒佢有九製陳皮的鹹香，然後係莓果同西柚的清新味道。特別之處係，呢度的鹽邊用咗豉油的結晶，真係意想不到但好搭！朋友點嘅CURTAIN FALLS，係調酒師以煨番薯作介紹🍠第一口就聞到泥煤威士忌的香氣，竟然同煨番薯有幾分相似。後來一問，原來真係用煨過的番薯浸泡Ardbeg，仲有炒栗子的獨特香氣。不過呢杯酒的酒感比較重，對於鍾意輕盈雞尾酒的朋友來講，可能會有啲挑戰調酒師見我們樂意試新口味，仲介紹咗HOMECOMING。呢杯以避風塘口味為靈感的雞尾酒，真係我從未想過。入口時，首先感受到水產的鮮味🦀隨後有一點辣感，最後係番茄水的青澀味🍅每次見到咁清澈的雞尾酒裡藏著咁多味道，真心佩服調酒師的技藝調酒師仲介紹咗首席調酒師Kenzo，係2022年獲得Time Out的Rising Star稱號。咁獨特的酒單同調酒師的才能，令我相信呢度的未來會更加精彩！希望更多人可以發掘呢間酒吧，享受25:00帶來的cocktail getaway…查看更多

因為升職特意請媽媽吃飯，由她選擇餐廳，最後佢食過既鐵板燒，呢間餐廳既食材質量非常高👍🏻我們選擇了極尚和牛二人套餐，包含九樣菜品，連同甜品，價格實惠。廚師不僅技藝精湛，還十分健談，願意介紹食材的來源和處理方式👨🏻‍🍳西柚蝦沙律酸酸甜甜，清新可口，為接下來的美食鋪墊了良好的基調，令人食慾大開廚師係水缸裡即刻挑選的澳洲南龍和鮑魚，只見他幾下手勢，便將鮑魚切片，燒至外脆內軟。配以少量清酒和海鹽，鮑魚的鮮味瞬間被激發。尤其是燒至香脆的鮑魚肝，外層酥脆，內裡滑嫩，冇諗過平時呢個不受歡迎的部位居然散發著濃郁的海鮮香氣，實在驚喜澳洲南龍加上自身龍蝦膏製作的醬汁，醬汁的濃郁與龍蝦肉的鮮甜相得益彰，肉質彈牙，完全比得上我喺日本食嘅鐵板燒🦞燒牛舌心外層微焦，釋放出香氣，而內部則保持著肉質的嫩滑，搭配一點海鹽，鮮明的牛肉風味愈發突出不過我更加喜歡和牛薄燒，捲著鮮甜的青蔥，肉質多汁，牛味濃郁，肥瘦相宜，肉的油脂在口中融化，難以抗拒🥩雖然海膽海鮮炒飯的海鮮不及前面的精品，但加了海膽醬後，味道變得極為豐富，而嗰刻嘅我其實已經好飽，不過都忍唔住一口接一口最重要的是，媽媽吃得開心，這間餐廳非常推薦，尤其係慶祝特別日子🫶🏻…查看更多

今次呢間餐廳幾年前我都去過，當時覺得服務態度超級好，而且海鮮好新鮮，所以今次朋友話想食日本菜就再次到訪！參考其他人嘅食評同埋最新嘅優惠我地都選擇咗「二人前龍蝦饗宴」前菜先黎蟹籽蟹肉沙律，蟹肉的甜美，醬汁係好light既醋汁，帶少少咸味，好開胃！刺身三點就有三文魚、深海池魚同天使蝦。拖羅極其新鮮，滑嫩的口感在嘴中融化，而天使蝦居然係黑色，好罕見，朋友話唔講以為係泰國虎蝦😀終於到今晚嘅正題！燒海鮮！活帆立貝經過燒烤，香氣誘人，如果唔燒咁耐相信肉質可以更加鮮嫩。搭配一點檸檬汁，恰到好處！活龍蝦燒烤得恰到好處，配埋少量芝士，增添了香氣和風味，外皮帶有輕微的焦香，內裡的肉質鮮甜且富有彈性，呢碟兩個人真係要爭食😂是日之最牛柳我們選擇五成熟的烹調，肉質鮮嫩，咬下去時能感受到滿滿的肉汁最後的龍蝦頭味噌湯烏冬，湯底濃郁，烏冬麵條吸滿了湯汁希望餐廳繼續保持水準，期待第三次到訪😋…查看更多

分享火鍋之前 忍唔住同大家先分享店內的鷓鴣茶 茶湯滑順 帶回甘 而且可以幫助消化提高免疫力 冇諗過係火鍋店可以飲到咁特別嘅茶🍵而更加估唔到嘅 係打邊爐嘅舖頭居然有自家椰子種植嘅基地 由田園到餐桌 全程嚴格把控品質 就連文昌雞養殖都有專屬嘅基地 用低密度散養方式 培育出更優質嘅雞🐔原味椰子雞鍋清澈見底 證明萃取椰子水嘅過程非常精密 完美過濾 當第一次煲滾之時 職員即刻上前幫忙將半隻雞倒入鍋中 倒轉漏斗 計時5分鐘開始！再次滾起 椰子嘅清香撲鼻而來 熱辣辣都忍唔住即刻飲番啖靚湯 四個椰子煲埋既一鍋湯 一滴水都唔加原來係如此滋味 而餐廳用到上海南文昌雞 雞肉煮到剛剛好 非常鮮嫩 沾上特製醬料 即使枱上有我最愛既肥牛都不足以令我變心飲夠湯後職員就即刻幫我地加湯 正式開始打邊爐！先試試火山肥牛肥瘦適中 爽口鮮甜 潮汕非遺丸雙拼為牛筋丸同魚丸 牛筋丸口感豐富 有嚼勁 牛味濃 值得一試菜方面媽媽揀左少有既鮮活水培菜 要自己一塊塊摘出黎 好有儀式感之餘 質地清爽可口 而午餐肉同響鈴都係可以索湯汁既好材料 椰香滿溢 令人一口接一口另一個令我期待既就係金牌非遺臘味煲仔飯🥘選用優等級油粘米 臘腸和臘肉 而且仲包有飯焦 香脆帶點豉油既甜口 臘味香氣濃郁 唔中意食飯焦既話職員亦可以另上在用餐過程中 即使在繁忙的時段 職員時刻關心我地既需求 定期檢查是否需要加湯 讓我覺得非常貼心!…查看更多

走進呢間餐廳，首先感受到的是熱鬧的氛圍，音樂輕快，周圍都坐滿客人，旅客都唔少。氣氛讓人感到輕鬆愉快，我哋先黎杯冰鎮啤酒，輕鬆一下。我地兩個女仔叫左以下美食，比大家參考下😌BBQ PORK RIBS一上枱已經知好味！表面燒到焦糖色，烤得恰到好處，嫩滑的肉質一撥就脫骨。醬汁的甜鹹平衡得宜，非常好味。薯條金黃酥脆，玉米餅配搭更加有風味，吸收哂啲肉汁，讓每一口都充滿驚喜。推介大家滴少少tabasco，提升整體口感，令味道更加立體。本身想食炸魷魚，職員推介我地試下Seafood Coquettes，真係好選擇！有少少似日本既可樂餅，外皮酥脆，內裡係西班牙海鮮飯，味道鮮明，絕不油膩，入口即化，非常適合做前菜。雞肉Taco食墨西哥菜點少得Taco🌮 我地選擇左雞肉，選擇實在太多！除咗一貫嘅墨西哥調味，仲有一點點花生醬味，好特別！搭配爽口的生菜和香香，加多少少青檸汁，口感好豐富，令人回味無窮。餅皮軟韌適中，係香港難得食到既地道墨西哥風味！…查看更多

旺角總係每間食肆都排長龍，又想好食，又想唔洗等位，係openrice搜索直線距離最近嘅餐廳，見到呢間潮州打冷幾多好評就膽粗粗試下～餐廳係3樓，經過樓下兩層時見到舖頭空蕩蕩，都有啲擔心，點知一到達明記潮館，坐無虛席氣氛超級熱鬧☺️炸蠔餅火候掌握得剛剛好，外皮金黃酥脆，內裡依然保持著蠔肉的鮮嫩。完全唔覺油膩，肥美蠔肉同香脆餅皮形成完美對比，咬落去個一瞬間，滿足感爆棚！🦪煲仔焗花甲都有驚喜！焗製過程中沒有加水，每粒花甲的鮮味都完美保存。蜆肉飽滿，無沙粒。認真呢道看似清淡卻絕不簡單，好味到不得了🍲原價$188既滷水拼盤，職員推介我地叫滿$300可以用$8追加。做得優惠以為會係細碟，點知超大碟！🥢拼盤有豬腩肉、鵝腸、大腸、紅腸、豬耳和大豆芽等多種食材。慢煮後的豬耳和大腸吸收了滷水的精華，醬香四溢，每一口都感受到濃郁的滷水味，配上辣椒油，真係停唔到口！方魚肉碎粥的口感滑嫩，粥底細膩，方魚肉脆卜卜帶點咸香。真係食得好開心，水準有驚喜！忍唔住叫返支啤酒！啤啤佢🍻…查看更多