飲啡山人的个人专页

見網上幾多正評就去幫襯下，去到稍為等咗一陣就入得。試吓個海南雞飯啦，點知雞肉過熟，好鞋口！油飯亦唔香兼太乾。個難食程度係絕對配唔上啲口碑，真心有好多小店都好食過佢。再抬頭望，見牆上裱起好多明星留字話好好食… 非常費解🤔因為個海南雞真係好差！其他食物就唔清楚了。不過可能有明星吹捧，見好多遊客嚟排隊，不過質素如此，實在令人失望。…查看更多

見寫住syphon coffee專門店，專程嚟試一試。點咗杯Ethiopia Guji嘅虹吸，諗住比較大路，相對穩陣。\一試難忘，因為好難飲，極度失望，完全冇風味、冇果味、冇香氣，淨係得個苦字，亦稱唔上係醇厚。虹吸式應該比手沖更能將咖啡的風味特出。即使傳統日式咖啡店用深焙嘅咖啡豆，都可以將單豆咖啡嘅特性做到出嚟。所以唔關深炒淺炒事，呢杯啡係 零！風！味！劣質程度似便利店coffee! 或更差。\臨走店員/ barista 問我覺得杯啡如何，我直言冇乜風味。佢竟然回應：Guji嘅特性就係甘香醇厚。我話：其實唔係，如果咁講所有咖啡都要甘香醇厚，但係單品咖啡就係需要有風味，我係完完全全飲唔到有任何香味，唔fruity亦唔nutty……佢最後亂答話：咁要試吓11號，我完全冇睇11號係咩產地，直接走人。好明顯個barista係死撐亂吹，冇誠意。\我唔知究竟係barista學藝未精，定係本身啲咖啡豆有問題。態度上亦唔似對咖啡有要求，似係想蒙混過關。對於自稱虹吸式咖啡專門店而沖出如此垃圾，實在好離譜！！😡😡…查看更多