hungry.la.baby的个人专页

朋友介紹一間食阿根廷牛扒的餐廳。環境幾chill, 直到8點幾都有人彈奏手風琴， 好有歐式風味嘅餐廳。▶️ Empanadas - fugazetta本來揀了雞肉但店員極力推介芝士味就轉頭了芝士的懷抱。係阿根廷餡餅嚟，味道又真係幾唔錯，有少少似印度風。 首頁唔係新鮮出爐，再熱啲就完美喇。▶️Hanger比較小地方有得食所以試下。一上枱熱辣辣，熱氣騰騰，有種炭火燒香嘅感覺。 Hanger的肉質比肉眼瘦，但肉咩更勝一籌，如要比較的話可能比較偏向似西冷扒。配咗六隻醬汁可以沾，個人比較喜歡bbq醬和蒜香牛油。▶️marshed potato簡直係薯蓉嘅天花板,好食到不得了。本身薯蓉已充滿住奶香。上面的黑松露更是錦上添花，當混和一體的時候，簡直係人間美食。薯蓉上有五六粒蒜頭有點像黑蒜的，味道甜甜酸酸的，配合薯蓉又是另一種層次。▶️Grilled Lamb Rack好欣賞佢能夠做到咁厚肉，裏面的羊肉仍然是軟滑的，但有好剛剛好是五成熟，沒有透血水。很難得食到咁厚肉的羊架，正正因為佢咁厚肉，中間的部分可能有點淡，配搭醬汁就剛剛好。…查看更多

新年前約左好友聚一聚，我當天因工作關係要到荃灣，所以在荃灣食。朋友推介這間餐廳，我當然奉陪。都幾多款式,揀左d特別少少的食物。🔸蒜香辣椒炒大蜆叫左小辣，但其實都唔辣。Homeland 俾朋友既印象係海鮮特別好食，呢款菜色果然不例外。蜆夠新鮮，大小適中，用惹味醬汁炒既，成件事係令我食完一隻又夾另一隻。下次可以叫中辣或以上。🔸鹹蛋黃喇沙軟殼蟹燉飯好濃郁的味道。首先係軟殼蟹炸得脆身，帶有鹹蛋黃的鹹香。下面的燉飯有點像冬蔭功味，有了香料的加乘，因此係雙重口感的享受 。 重口味人士推介。🔸玫瑰荔枝果肉芝士奶蓋個顔色同我想像中唔同。我以為係粉紅色奶底。係荔枝玫瑰茶飲落都唔錯喎，少了奶香，多了層清新感。奶蓋都唔係濃厚嗰種，反而比較輕薄，但又意想不到的夾，又唔會膩。和朋友談天說地，盡興了一晚 。有美食陪襯，人生一樂事也。…查看更多

去新強記相聚一下， 貪佢夠地道，夠大份。▶️新強記小炒王好足料的小炒王，蝦乾落得超多，仲要大大隻。韭菜冇渣，銀魚、菜甫都好香。食到底，碟底沒太多油，炒得不錯。▶️秘製香辣雞煲 （小辣）唔係好食得辣，所以只叫小辣。呢隻辣的程度係一開始食會覺得有些辣，食食下會習慣的辣。 我們覺得合適。雞件有好多塊，香香辣辣， 我連配菜都食埋，▶️乳鴿叫一隻過下隱，果然冇失望。幾多肉汁，又惹味。唔點鹽都得。最後有糖水送，有紫米同紅豆沙揀 。糖水少甜，值得一讚。…查看更多

今晚去的地方，係朋友介紹，話食物質素不錯。地點靠近尖東那邊多一點，由尖沙咀美麗華廣場一直行去也不遠。入座先有杯welcome drink。甜甜的好易入口😍，女士一定喜歡。 ▶️Lawson Dry Hills SB飲品有買一送一，我們先要杯白酒。 ok唔算好甜，配海鮮幾夾。▶️八爪魚意大利飯原條八爪魚切開， 餐廳新鮮整的，仲食到 海水味 ，鮮甜爽彈。 ▶️西班牙黑毛豬鞍西班牙黑毛豬煎得剛剛熟，食得出係靚嘅 來貨。有豬肉香氣，而咬下去竟然有肉汁！下面的蘋果蓉用來醮黑毛豬，中和油膩感。 ▶️白酒煮青口我同老伴都讚不絕口。首先係讚個青口新鮮，冇腥味，然後就是白酒汁煮得好，淺淺的酒香混和香草味，簡單中蘊藏不簡單。第三就係火候，青口煮得不老，就是剛熟的狀態。▶️朱古力brownie重朱古力味，下面加左少少煙燻過的Rosemary係底，又令brownie多左一份驚喜。 好鍾意成餐飯嘅感覺。 食物固然之好味， 服務亦都好到位，令人愉悅。…查看更多

諗唔到買咩餸，咁啱見到上次食手撕雞的餐廳有分店，咁今晚一於外賣加餸食燒味啦。佢嘅招牌菜係手撕雞，但今晚想食叉燒多一點，所以要左個醬皇腩叉燒+ 半隻沙薑雞套餐，98元有兩樣。食唔曬全份，攞咗一半出嚟。腩叉燒有燶邊，肉質係偏肥，一食就滿口油香。我自己唔鍾意瘦叉，所以呢個好啱胃口。沙薑雞好香濃，入曬味，啖啖肉之餘唔鞋口，保持到嫩滑嘅肉質。呢個好好餸飯，今晚食咗兩碗飯。估唔到都唔錯，下次可以再encore。好味指數： 👍👍👍👍…查看更多

我媽同我講，佢見到有間食手撕雞餐好抵食，所以我同佢去試下。餐廳不大但都算坐得舒適，冷氣亦開得足夠。個套餐都真係幾多嘢，有▶️半隻手撕雞。沙薑味好足夠,鹹鹹香香好惹味，最重要係唔使啃骨。▶️冬菇醬皇豬手豬手一咬就開，夠淋入味，充滿骨膠原。▶️鹽焗雞腎同手撕雞差唔多味道，都係沙薑味十足。▶️酸辣雲耳我幾鍾意呢個，因為好開胃。▶️油菜今日有菜心同生菜，我揀咗菜心，都幾新鮮喎，又淥得夠淋。▶️鵝油撈麵這個撈麵份量很多，唔算好油膩。▶️例湯湯渣有粟米紅蘿蔔等等，飲完唔會口渴，應該冇味精。▶️飲品兩杯普通飲品同埋特飲都揀得。我就揀咗鍾意嘅檸蜜，滋潤得嚟又消滯。…查看更多

老伴話想食大圍新強記， 咁我梗係陪啦。首先試下個馳名燒鵝先啦。 比想像中好食。 上次喺深井食過的一間燒鹅 餐廳 唔係幾滿意，今次有點超出預期。鹅肉好軟熟， 唔靭唔鞋口，調味都不錯， 令人有想一口 接一口嘅感覺。 另外點嘅係 招牌雞粥。幾夠味，雞肉唔鞋。 小菜有菠蘿咕嚕雞球。 老伴和我一致認同， 呢個係好食嘅咕嚕雞。首先係份量十足，而且即炒好有鑊氣。 冇骨嘅雞球好容易入 ，估計用雞扒起肉， 所以食落好滑。最重要係冇雪藏味！ 咕嚕汁酸酸甜甜好開胃，出色!燒鵝幾好食 ，有啲唔夠喉，所以 叫多咗兩隻乳鴿，又幾好食喎 。外皮香脆 ，內裡肉嫩。 椒鹽鮮魷外表唔太吸引 ，感覺炸皮可能會太厚。然而食落去又是另一回事 ，都做到香酥嘅感覺。食物和服務都幾超出預期，很不錯。…查看更多

睇戲之前要食個快嘅 晚餐 ，時間尚早見到拉麵店有位，就入去了。呢度主打的拉麵的叉燒可以揀 一點五倍 ，兩倍或者三倍 ，不過拉麵上枱時未算好瀕拜，但都幾好食呀。另外追加咗一份灸燒叉燒 ，呢個就好失望了，因為太瘦， 完全像咬瘦肉咁樣。…查看更多

去西九文化區前， 飯都有點熱 ，先去佐敦搵食 ，坐一坐回氣 。無意中發現這間cafe 裏面嘅環境都幾舒服 ，唔會坐得太迫 。食物都唔錯喎， 最鍾意嗰個 espresso tonic， 夏天飲真係好舒服 。我唔係太識飲咖啡，但係呢個咖啡我覺得好好飲 ，唔會苦 。就算我平日唔飲齋啡， 呢個咖啡我都覺得係好飲嘅。…查看更多

以前喺韓國食過 類似嘅三文治做早餐， 一直念念不忘 。經過呢間餐廳 ，餐牌好吸引 ，今日特登去試下 。價錢都有點進取 ，不過我真係好想食，所以都照試啦 。我食嘅係 泡菜豬肉， 口味 應該會係甜甜辣辣，加上芝士嘅香氣諗起都興奮 。結果有啲失望 ，雖然個樣係好靚 ，賣相令我以為覺得好好食， 但係每樣嘢都唔係好香 ，食完都唔覺得食咗啲咩 ，冇好回味嘅感覺 。不過，如果人少嘅時候又真係幾舒服嘅。望住出面個環境 ，幾chill。 不過都 未必會再去食了 ，始終味道未能吸引到我。…查看更多

突然諗起荃灣西站的Odelice! 剛好今晚有位可以即興食，真好。 ▶️clams pastis蕃茄茴香酒煮蜆 好香的香草味，食得到用大量蕃茄製作的心思。蜆冇腥味，唯有一兩隻有沙。好開胃的前菜。▶️bouillabaisse馬賽 龍蝦 海鮮鍋 好豐富的第一道主菜！有半隻龍蝦、大蜆、盲槽魚、魷魚。本身有黑青口，但當日冇貨，店員話以帶子代替，正合我意。海鮮好新鮮，個汁有點似煮蜆個汁，都係蕃茄香草底，每一口都有種浸在香草浴感覺。配搭兩塊麵包沾汁，好好味。▶️pork belly香橙烤豬腩 好推薦這道菜！ 係會一口接一口。冇錯，佢係好邪惡，厚厚肥脂，但係肉好軟，皮好脆，加上香氣四溢的脂肪，冇人能抗拒！一碟有四塊，兩人分每人兩塊剛剛好，一塊到喉唔到肺，三塊可能太膩，兩塊prefect!▶️coconut creme brulee椰香焦糖烤布蕾 我好中意食布蕾，這個是個好布蕾。它有好重的蛋香，質地較重身，焦糖份量剛好，不太甜。椰香是指上面的cream嗎？不太食到椰子味，但整個甜品係好食的。▶️soothing tisarom 香草茶，有多材料，最出係薄荷味。配搭甜品係王道，立即舒渴解膩。 ▶️prosecco 因為點了蜆和海鮮鍋，所以點了presecco配搭。這杯氣泡好細緻，甜度一般，同海鮮好夾。…查看更多

餐廳位於尖東站出口，一出即見到好方便。 ▶️foie gras and duck confit鹅肝配油封鴨薄餅 未試過呢個配搭，一於試下。都幾特色，它是薄身pizza, 有些鴨肉和鹅肝陪襯, 連同醬汁不錯，仲有火箭菜中和油膩。 ▶️Vongole Linguine蜆肉扁意粉 蜆肉新鮮，冇沙，一讚！下面炒意粉則正常，滿意。 ▶️Grilled suckling pig roll烤乳豬卷 四大塊份量好多。肉質較瘦，係健康的好選擇。烤得好乾身，吃下冇負擔，我自己就比較多肥肉的。碟上有好多蔬菜，烤得剛好，好啱口胃。 ▶️Poretti喜歡試未飲過的draught beer, 這一隻係來自意大利的，味道似藍妹啤酒。…查看更多

和老伴去一間朋友介紹的荃灣餐廳，裝修幾特別，有點像置身歐洲小木屋內。大熱天時，冷氣好足夠。👍 ▶️ 西蘭花忌廉湯▶️ 半熟三文魚伴三文魚籽本身同係幾好呢個前菜，點知好有驚喜。半熟三文魚輕微咸香感，入口鬆軟，再試下沾旁邊芥末醬汁，一樣咁夾。▶️法式海龍王配麵包 這道菜給我第一個印象係，好熱！好飲的湯汁係要熱的！ 湯汁浸住波士頓龍蝦  、帶子 、青口、 大蜆、 魷魚 、盲曹。湯汁富有濃厚的龍蝦味，仲係好鮮嗰隻。所有海鮮先輕煎過鎖住鮮味，而且唔會散哂，非常欣賞。青口同龍蝦不算大隻，兩個人分會爭少少冇咁滿足，但肉質彈牙可口。魚肉有好多，啖啖肉好滿足。帶子都好鮮嫩。儘管麵包沾不盡湯汁，我們都把它當做海鮮湯一飲而盡。▶️法式油封鴨髀配意式炸飯團 呢個鴨脾我非常欣賞，因為一般在外面食都可能出現鴨肉太硬或太淋或太乾，好難得食到呢度既外脆內軟的感覺剛好又能夠鎖住肉汁。 我以旁邊的芒果香橙莎莎配炸飯團食，正好中和油膩感。其他配菜伴碟都好好食，看得出廚師對待食物的心思。同上一道菜一樣，上桌時都是熱辣辣的。 ▶️ 麵包布甸 我想講，我不喜歡麵包布甸的，但呢個布甸真係好好食！改變咗我對麵包布甸嘅睇法。可能因為佢係配焦糖醬 配搭麵包舖邊度的蛋香，正中我喜愛的口味，真係好吸引 。 以跟餐的甜品來說，這個份量非常足夠兩個人都覺得好多。…查看更多

原本想試下 附近嘅 茶餐廳 ，咁啱見到餐廳招牌， 記得有影片介紹過呢間餐廳 ，所以轉投呢間餐廳嘅懷抱。叫咗兩個set. 炸豬扒好大份, 肉質都算嫩滑嘅 。另外嗰份 ，有炸蝦炸魚 ，我都尚算滿意。地方好闊落幾好坐 ，侍應的態度也 好好禮貌。…查看更多

慕名而來 ，終於去食訂了很久的 一餐晚飯。 門口充滿了訂了位的人，雖然等到很熱，但餐廳整體安排都可以。 叉燒好淋，口感係冇得彈。味道都不錯，有點貴，因為人多又想試下另外既小菜，只叫了一碟叉燒，所以只試了半塊，未能好準確形容味道。啫啫 菜煲 百幾元真係得幾條菜 ，一圍枱大概每人僅僅能分到一條 ，實在係太過份。整體餸菜的味道 正常 偏好，又未至於 會回頭再吃那種。 朋友說 之前的水準較好 ，份量亦比較足夠 。座位方面 係舒適的 唔會坐得太逼逼夾夾。最後有甜品送， 係椰汁馬豆糕 ，不太甜都幾好食。…查看更多