為食小姐28的個人專頁

自從係台灣食過豪大大既雞扒後, 一直念念不忘......好彩而家香港都食到....今次我依然叫左原味大雞排，即叫即炸，所以要等一陣先食得雞排外脆內軟, 雞肉相當嫩滑好有肉汁,加埋椒鹽味粉好夾好好味!!…查看更多

每次黎深水埗,除左會諗起新香園之外,維記都一定都會諗起!全因為佢既豬潤麵實在令人又愛又恨.....味道好好但膽固醇超高......呢日經開我又比我既魔鬼引誘左入去,唯有同自己講食一次半次唔緊要既 我又叫左豬潤麵,食左咁耐都冇令人失望~啲豬潤多到滿,好大碗,最重要係唔腥唔靭,無血腥味,爽脆香甜,好入味!豬潤水仲鮮甜,令人一飲再飲.唯一差既係個賣相.....碗面有好多泡泡，賣相唔係咁好...公仔面吸哂個豬潤湯底既味,超正!!始終食豬潤麵最好都係呢間.…查看更多

呢間上海婆婆長期多人排隊,之前聽好多人話呢到食物美味，今日屋企人話想試所以我地一早就去等位啦,等左半個鐘先入得.入到去環境都幾好幾舒服,唔會太迫.我地叫左:酸辣湯:好大碗好足料，無論熱度，咸度，酸辣程度都非常正，不過我覺得辣左少少,怕辣既人唔係好食到擔擔麵: 一擺上檯已經好香,d麵好幼細同彈牙，個湯底仲有好多花生醬好好味~黄金四季豆:看似簡單既菜式,其實佢用用鹹蛋黃炒完,每條四季豆都比鹹蛋黃包圍住,好香好惹味,令人追住係咁食~黑醋排骨:排骨炸得幾香幾惹味,酸味岩岩好婆婆粗炒:其實唔覺有咩特別.....配料好少好似只有肉絲,椰菜,白菜.....味道唔見突出,個麵仲有少少皂水味,令人失望總結水準價錢都ok既,不過唔係樣樣野好食…查看更多

呢日經過美心,心思思想買啲甜野返屋企食,咁就入去睇下啦~見到佢個芒果撻+栗子撻幾靚幾吸引, 於是就買左佢啦兩個撻都係以牛油皮為撻底，個撻底帶脆不厚，唔錯~先講個芒果撻,上面有好多芒果粒, 中間係海綿蛋糕同忌廉~啲芒果都幾甜,個人覺得比東海堂好味~比起芒果撻,栗子撻就失色少少,雖然佢上面啲栗子蓉質感幾柔軟幾好味,但比起芒果好似差少少咁,可以不吃…查看更多

呢日黎到荃灣,想搵D隱世食店試下~睇openrice見呢間野comment唔錯,同朋友就決定黎呢到啦~呢間野個位都幾偏僻,如果唔係跟住地圖搵相信唔會搵到......同埋佢個門面太細間啦,入到去啲裝修令人感覺好簡陋, 好難想像咁多人推介.....不過黎到就試下啦!我地叫左最出名既巴東牛肉飯同滷肉飯~講真,呢兩碟野一上枱我好失望....點解個賣相咁差既......同碟頭飯有咩分別??仲要收到$45咁貴??不過好彩食落唔太差,巴東牛肉飯口感勁似牛腩飯，炆到好淋,唔錯~滷肉飯個汁好濃好好味,啲餸仲多過啲飯,如果再多少少飯就好啦~我可以感受到呢一間係一間有心既小店,老闆亦好nice! 但如果再做出名d,就一定要執執門面啦.…查看更多

咁多間連鎖快餐店既火鍋之中,我最愛就係吉野家.原因好簡單,佢啲牛好食同埋個芝麻醬一流,所以成日都會黎幫襯.呢晚經開又前往食下,但令人失望.....個湯一向都知要等好耐先滾...今次等左差唔多15分鐘....隔離枱都食完走左啦....今次啲牛肉完全沒有解凍，全部黏在一起.....搞到我要將全部一次過放落鍋內......烏冬就依然咁正,放左入濃湯浸一陣已經好入味好彈牙!…查看更多

在唐記買了些點心當午飯吃,這次買了:豉椒排骨飯:一打開見到有菜,現在很少飯盒裡面會放菜,健康一點都不錯!!排骨份量可是算多,味道ok啖啖肉.米飯硬了少許,如果淋一點會更好.燒賣:賣相跟酒樓差不多,重點是平很多,味道也很ok,這個價錢不能要求太多了,新鮮就可~…查看更多

以前屋企住係附近,爸媽好喜歡帶我來食.我都喜歡食呢到的栥飯,就算人大了,我係外邊搵唔到比呢間好食的....呢日係凱都睇戲,我即刻忍唔住過對面呢到買個栥飯食下好好彩我去到唔多人,所以個呀姐肯即時整新鮮既栥飯比我,我覺得即整既好食好多栥飯入面有榨菜,肉鬆,油炸鬼,味道岩岩好唔會太鹹,同我細個食時完全一樣冇走樣到雖然比起以前佢貴左好多,但真係好味.…查看更多

7點幾黎到,門口已經有好多人係到等位啦,我地等左差唔多30分鐘先有位....今次我地叫左:蒜蓉包:呢到既蒜蓉包真係好好食又鬆脆,我次次黎都叫蜜糖雞翼:見到個個都推介,就試下你啦,食完果然好正,好香蜜糖味好惹味千島海鮮pizza:上枱時仲好熱,個千島汁加埋啲配料(菠蘿粒,蝦, 墨魚仔....)都夾幾好味咁既價錢有咁既質素算ok,下次會再黎~…查看更多

識我既朋友都會知道,我對抺茶有一種講唔出既情意結....抺茶雪糕,抺茶飲品,所以有關抺茶既野我都好鍾意!呢日係附近做完野就決定黎呢到食野啦.....係第一次但應該亦係最後一次....入到去叫野食都要等好耐,呢到啲侍應好似當睇你唔到咁,好奇怪....好辛苦咁落到單啦但係等左成半個鐘都冇野黎....唔知想點囉.....終於食物黎到:吉列豬排丼:塊豬排炸到太乾身....好硬. 飯就軟硬適中,唔錯~抹茶布丁白玉芭菲:有好多配料(抹茶雪糕,生果,紅豆茸,栗米片),賣相好吸引,口感豐富,有驚喜!總結呢到食物質素還可以,但服務員質素超差,要改善!!…查看更多

成日過去aeon行街時都會經過呢間野,一直想搵機會食~咁岩呢日約左成班同學飯聚,咁我就提議去呢間野啦~去到既時候有個侍應問我地有冇訂枱,我話冇(因為諗住平日實唔駛訂啦)點知個侍應就黑哂面咁話冇訂枱只可以坐到8點半,我地話唔知得唔得喎,佢就勁寸咁話我一陣要交枱比人,你地唔食就算!佢地大把客多我地一個唔多!omg!!!!我都係第一次見啲鋪頭可以咁寸,放題我食得多,就算人地要我地早交枱都唔會用咁巴閉既語氣講囉,可能佢真係好好生意唔指在,但真係好過份!同行友人因為一心諗住黎食,所以我地最後都入左去食.....呢到放題既種類都幾多,唯一冇甜品好似總係差啲野咁~一黎就上左刺身先,味道ok幾新鮮唔會有冰塊雪味~串燒我覺得比刺身壽司出色,燒得剛好~壽司ok,火燄三文魚好好味!雖然呢間野食物質素唔錯,但咁既價錢我寧願去大喜屋食啦,個到起碼唔駛受氣,真係照錢買難受,唉......…查看更多

一向最鍾意食牛,牛一,牛涮鍋個啲全部食過,估唔到今次去牛陣最有驚喜!!同朋友行過發現lunch 只需要58蚊就可以打邊爐一個鐘,平到唔係好信,就入去睇下你好冇食~~58蚊包既美國嚴選牛肉,當然唔會太有期望,不過食落都還可以,唔太差~其他野就可以任食,主要都係菜類,不過總算新鮮,都OK~最最最重要既就係有haagen dazs雪糕任食,仲要有4種味,真係唔錯~我見好多人一入去食個湯都未滾時就出去拿雪糕先,呢個策略幾好,我下次都要試下先~雖然今次係我打邊爐打得最趕急的一次，不過咁平有咁既質素絕對有下次…查看更多

次次黎荃灣呢到行街都會食佢~其實知道路德圍個邊仲多選擇仲平,不過呢到太方便,可以行行下差電食D小食再行~叫左燒賣食,啲燒賣好細粒,食完好似冇食過野落肚咁...雞蛋仔一早整起,淋哂仲有少少倒汗水.....食左兩啖就掉左.....裝修後好似仲差左咁,得個門面靚碗仔翅OK,保持水準,料都好足~下次可以再食呢樣~串燒牛肉同豬肉都幾好味,唔會燒到硬哂,正!總結呢間野啲野都係一般般啦,係勝在方便…查看更多

第一次食烤魚,幾得意,所以到來之前好期待.一上枱大家都嘩一聲,半條都好大條下~食落都唔錯,佢d湯都幾正~打邊壚配料款式唔算多,而且價錢幾貴下.......佢仲有熟食賣,反而更有驚喜!!冷盤既牛展,蒜泥白肉,都好味,我地好快清哂,不過如果唔食得辣唔好叫啦,都幾辣下.埋單個下嚇親,食左少少野就咁貴既.......咁既價錢出邊有好多選擇囉.....…查看更多