cat_____的个人专页

想同朋友補祝生日～先發現荃灣有好多泰國菜見到呢間好多好評就決定嚟試下～星期五夜晚朋友大約6點15左右先到達職員告知當晚訂座已滿需要門外等待訂座客人缺席先可以入座果然好受歡迎！我大約6點半左右到職員表示可以安排入座但需要7點半前離開！特地嚟食泰國菜嘅我地當然無問題啦打開餐牌 選擇好多～但我地兩個人好快就決定好要速戰速決兩個人點左3個菜2杯嘢飲：#泰式燒雞（半隻）$148建議先點！因為需時20分鐘上菜好快！可能因為要7點半前交檯！熱辣辣嘅燒雞～外皮好脆！好juicy!好入味！好值得叫！#泰式船麵（豬肉）湯底好濃！但我其實唔係好識分越南河粉同船麵感覺好似🤣但啲麵索哂湯好正！#肉碎生菜包每次食泰國菜都好鍾意點呢個個人唔食得辣感覺呢個比其他地方食過嘅辣少少！不過生菜量好足～唔洗擔心最後剩係食肉碎#泰式蛇皮果梳打 $38睇menu見到幾特別就試下～雖然唔知咩係蛇皮果飲落酸酸地但係易入口！有啲似酸梅？但唔會好酸個人嚟講好鍾意可以解下辣～#珍多冰 $38朋友就點左呢個～應該係益力多？乳酸？成餐飯超滿足！！不過見到檯檯都差唔多點左個虎蝦冬蔭功！推薦想食泰國菜嘅朋友！有好多都想試～會再嚟（記得早啲訂位先…查看更多

一嘗越南菜訂左座7點半唔洗等即刻安排入座惹火上身鹹檸豬頸肉$70上檯後職員會先提示後點火可以拍片或者打下卡招牌金邊粉唔知點形容湯底味道好濃但有一陣好似荀嘅味道個人感覺有啲奇怪朋友覺得可以接受越南米紙做薄餅底好脆上面有好多蔬菜絲（紅蘿蔔/青瓜）仲有好多一粒粒蠟腸？好特別再配上甜甜酸酸醬汁口感豐富好好味第一次點嘅食物到齊因為份量唔算多就決定再點多個南越南法包試下～法包內有蔬菜扎肉肝醬好豐富好滿足整體價錢合理食物份量不會很多女生可以多試幾款另外無用餐時間限制可同朋友兩人休閑傾計用餐值得推介…查看更多

去唔到韓國旅行住就食韓國嘢頂住先空間感十足的餐廳座位舒適～兩個人點左2個主菜同2杯嘢飲1. 三重芝士炸豬扒蕃茄意粉 $92芝士流心打卡一流但只有兩塊豬扒有啲唔夠喉🤣意粉口感剛好蕃茄味唔會好酸而且好多醬汁每啖意粉都充滿蕃茄醬推薦❤️2. 半份甜辣無骨炸雞 $107無骨岩哂懶人🤣無骨比有骨平少少無記錯好似平係$10？仲有薯條/炸年糕配碟炸雞夠脆肉質夠juicy～甜辣味真係好似係韓國食咁！3. 白桃甜蜜梳打 $424. 無花果梳打 $42食完好飽好滿足試唔到甜品下次都會想再試下彩虹芝士炸豬扒同窩夫甜品…查看更多

幸好朋友提早到達取位唔洗等好耐兩個人點左2個主食1個小食* 芝士薯條 $28薯條新鮮炸起 好好味食唔停口* 黃金蟹肉意粉 $118（推薦）蟹肉份量多意粉口感唔錯！* 手撕豬漢堡 $128手撕豬肉份量好足但一打開發現兩面麵包都係烘燶哂搞到成個包好乾全口燶味另外點左兩款茶飲（$28/38）無咩特別套餐可加錢點甜品（+$28）款式就視乎供應試左兩個口味* Say cheese （打卡一流味道普通）* 70% choco（朱古力味，口感軟滑mousse)…查看更多

星期四夜晚同朋友4個人食飯～餐廳係旺角同油麻地中間花左小小時間先搵到到門口向職員表示已於openrice訂座好快就安排座位啦檯面有個會發光嘅月亮配合返餐廳主題輕觸一下月亮會變色🌕4個人點餐如下：1. Snack platter $188份量唔錯有炸蠔/蝦餅/雞翼/薯條蝦餅好味～～全部炸物（除薯條外）都食到少少辣味感覺有落到少少辣椒粉？2. J.moon pizza $148Pizza中間上放左隻溫泉蛋～特別得嚟好夾切開流心跟pizza一齊食好好味3. J.moon(signature cocktails 🍸) $128一位職員會先放飲品由另一位職員用火槍(?)加上效果然後有個半球體係飲品上面一觸即破化成煙打卡一流！味道還可、酒味道較重飲品顏色偏紫而且有淡淡檸檬味？如果從味道上揀嘅話我比較鍾意朋友杯Phoenix ($78)有檸檬配上青瓜嘅清新～酸酸地但唔會太重酒味3. Typhoon Shelter Pork Rack $178呢個有驚喜～切開個陣有少少難切但Pork Rack唔會韌好軟熟好好味！但係旁邊嘅配菜都係有少少辣？同小食拼盤一樣有辣椒粉咁？4. Tomato and XO cram sauce scallops spaghetti $138帶子有煎香～意粉口感好、唔會太淋味道唔錯！整體環境舒服、唔會好逼嘢食好味～打卡一流下次會再推薦其他朋友嚟建議先訂座大約8點半離開個陣見到有唔少人排隊等候入座…查看更多

八月份其中一個平日夜晚當時同男朋友大約7點左右Walk in到la famiglia 職員表示全晚full house最快可能要到8點半先有機會有檯所以無緣一試但十月同朋友再嚟澳門官也街終於試到大約2點左右到餐廳職員表示只可安排到室外位置用餐因為天氣剛轉涼而且實在太肚餓就決定坐室外啦職員亦為我地開風扇葡國菜除左炸馬介休球外最想試就係「葡式焗鴨飯」然後有選擇困難嘅我地係職員介紹下點左「葡式焗肉團」點完餐後職員表示有室內位置就安排我地轉檯#葡式焗鴨飯(Duck Rice) MOP138由於第一次食見唔到鴨就即刻向侍應問原來鴨係藏係飯入面～～飯充滿左鴨油香味～而且焗左嘅飯帶有飯焦口感！再配焗過嘅腸同煙肉每啖飯都可以食到鴨肉～而且鴨肉唔會好韌痴牙超值得推介#葡式焗肉團(Meatloaf) MOP228侍應推介嘅時候表示係豬肉混合芝士～然後同朋友見到圖片覺得幾得意就試下啦不過呢個等候時間比較耐大約要30分鐘左右？外層好脆而且有煙肉包住～肉團入面食到有芝士同紅蘿蔔同菇？但口感一啲都唔實唔會好似食豬肉餅而且好juicy味道有啲似芝士肉醬咁但又見唔到有蕃茄或蕃茄醬較為重口味同幾特別～整體環境舒服可以慢慢用餐及傾計而且侍應服務好好會留意食客用餐及不停加水而且友善解答問題食物質素高/與餐牌圖片一致推薦比到官也街想嘗試葡國菜嘅人…查看更多

之前睇到唔少人推介Goat baker嘅奶酪花杯子於是同男友行完大三巴慢慢行去行大約30分鐘左右終於到～1點半左右只有一個人係前面排隊買緊我地買左一個嚟試下MOP38買完拎出嚟影相嘅時候只係微暖影左幾張相就試食～個奶酪花杯子就凍左但食落的確奶味重外層很鬆脆而且中間好濃好滑————————————————係我地試食期間就有幾個人嚟排隊買期間聽到有人話尋日嚟賣哂賣唔到又有人話希望前面嘅人唔好買哂 留返一個比佢買但眼見店員係入面拎左新一盤出嚟排隊嘅人都買到—————————————————結論：味道唔錯而且打卡一流如果路過唔洗排隊可以一試但行程緊湊嘅話就可以唔洗特別去因為舖頭位置唔太近旅遊區…查看更多

星期六同妹妹兩個人到尖沙咀～預約下午1點～結果大約12點40分到餐廳🤣我地係第一檯客職員表示可以隨便揀坐邊到我地揀左安排靠𥦬邊嘅檯（有盆植物之餘又有光線 方便影相📸當我地坐低一陣～就接二連三咁入客！好快差唔多全場爆滿！但只見到一位職員在樓面工作雖然好忙，但係好有禮貌坐底後 職員會先每檯客人問想要茶或水然後放底menu時表示只需選擇主食號碼每個主食都係套餐有味噌湯、前菜、沙律、主食、甜品。最後兩個人揀左1.和諧盛盒 HKD1882.吉烈魔鬼赤雞 HKD128（85折後$108.8未計加一）# 和諧盛盒和諧盛盒入面9個格仔放左唔同嘅前菜、小食、主食，擺盤精美打卡一流嘢食包括有蟹子沙律、豬軟骨、芝士炸雞、溏心蛋、蘿蔔、鯖魚、章魚小丸子、芝士年糕每一款嘢食都唔錯其中兩粒章丸子入面真係有粒章魚、但表面個醬汁偏酸個人推薦豬軟骨（入味、而且肉質好軟唔會韌同痴牙）、蘿蔔（味道好似關東煮、超入味唔多根唔老，得兩三舊覺得唔夠喉🤣）# 吉烈魔鬼赤雞炸雞配上芝士醬汁～炸雞外皮香脆咬落去唔會皮肉分離而且肉質嫩滑仲有最後嘅甜品～好滿足嘅一餐～～其實有留意到有「幸福盛盒」（即係甜品版9盒格）但實在太飽啦！下次再試優惠～Openrice訂座有85折下午茶時間3-5pm更有7折優惠～但部分食品除外（例：和諧盛盒、幸福盛盒、海鮮類等等）…查看更多

同朋友去銅鑼灣想搵間貓cafe坐下係openrice見到catio 就決定上嚟試下一去到職員表示要消毒雙手再除鞋入場因為朋友著涼鞋需要除鞋入場見到門口一個架上面有成十幾對拖鞋以為要換拖鞋先入得但原來拖鞋只供職員使用客人可以使用架上其中一格放置嘅鞋套套上腳入場最終搞左一陣先入到去（P.S. 當我同朋友離開個陣cafe，有新客人入場一樣搞錯以為係要換拖鞋入去。）收費如下：每人每小時收費$78，配飲品一杯（特別飲品要加$10-20）如每人點食物一份，則額外免費第二個小時收費。另收加一服務費。同朋友先點嘢食再玩貓全場有14隻貓貓🐱全部都係靚貓貓影左一陣相就坐低傾計等嘢食大概等25分鐘先嚟左嘢食小食拼盤$188（炸魚柳2條/炸洋蔥圈2件/腸2條/雞翼3隻/炸蕃薯條）然後朋友食炸魚柳(?)叉落去第一下係硬咬一啖係凍嘅然後職員表示會換一碟新過多15分鐘就補返新嘅比我地見等左40幾分鐘都仲未有嘢飲同職員反映職員表示因為比較多單而人手⋯最後50分鐘多先有嘢飲。熱玫瑰朱古力原價$61（但入場收費$78包飲品而免費）杯嘢飲太甜無玫瑰味，而且唔熱只係暖。朋友點一杯ice black coffee,正常味道總結兩個人兩個鐘埋單4百幾蚊無論食物味道/份量、出餐時間及服務呢個價錢去其他貓cafe絕對有更好體驗…查看更多

星期六午市全場只有兩檯客午市時間為12-15每位原價298$加一Openrice訂座有八折優惠238$加一臨走前見到poster優惠獲職員安排舖頭最入面的位置打卡一流但對住冷氣風口位不過一陣食烤魚火鍋就好快暖返一上檯有職員講解首先會上海鮮盤（要食完先開始上烤魚）並建議先落單烤魚口味（因為需時制作）1. 海鮮盤海鮮盤包括蝦5-6隻、扇貝6隻、鮑魚2隻、蠔6隻、美貝一堆、咖哩角4隻及中間嘅油麵打卡一流、份量唔少味道正常，有超級多蒜兩個人食完都已經有少少飽啦2. 烤魚比較推薦酸菜味（較香同濃）相對蕃茄味明顯食到有茄汁味江團魚同清江魚嘅魚肉都滑但清江魚魚肉較厚實* 蕃茄味江團魚* 酸菜味清江魚3. 火鍋配料及飲品全程用QR code落單火鍋配料選擇少只有5-6款肉類可選及少量丸餃子比較特別係有鴨血可選菜可選生菜/娃娃菜及粟米（可自取）飲品提供罐裝飲品及紙包飲品（芒果玉露及烏龍茶）沒有提供非冷凍飲品，全部飲品都雪哂落雪櫃。食左兩條烤魚已經好飽，簡單點左三款肉試QR code落單旁邊有表明一碟有幾多片肉可以按需要點唔洗浪費試完三款肉除左牛肩脊，其他都係覺得食烤魚就夠總括嚟講坐位舒服、冷氣充足呢個價錢可以食到烤魚同火鍋係唔錯雖然火鍋選擇唔多，但如果想食唔同口味烤魚值得一試…查看更多

餐廳位置較偏遠雖然朋友識路但都花左少少時間搵路訂檯嘅時候有提供兩人套餐優惠但朋友睇完餐牌後決定單點兩個人點左1. 大圓茄子$48一份2. 手羽先（燒雞全翼）$38一隻3. 日本厚切黑豚肉$48一串3. 秘制牛舌蘑菇煲仔飯$1684. 飲品兩杯燒茄子係每次食串燒都必點～味道無得輸串燒好似都係即叫即燒可惜燒雞全翼咬落去叫到粉紅色肉仲連住骨咬唔開唯有請職員再燒多陣！日本厚切黑豚肉無咩特別但秋香嘅「煲仔飯」真係一流煲仔飯嘅每啖飯都充滿牛舌香油牛舌超有咬口而且入味再加上蘑菇可以解膩仲有最底嘅超香飯焦不過份量略少。唔夠喉！另外見到飲品都幾特別就點左兩杯試下～味道唔錯總結：煲仔飯絕對值得一試串燒就正常水準…查看更多

星期日下午到餐廳已經坐滿大約8成位置但仍獲職員安排近𥦬的4人位置掃描QR code落單假日午市定食有十幾款原本最想點的壽司定食已經售罄但仍想食魚生魚片的我最後點了 火灸油甘魚、左口魚裙邊丼（$128）而朋友點了 日式咖喱豬扒定食 （$88）定食套餐可配咖啡或茶或加$18轉飲其他咖啡亦可以加錢追加芝士蛋糕整個丼飯上面放滿火灸油甘魚及左口魚裙邊，仲有少許三文魚子超級滿足朋友的豬扒都炸得好鬆脆好好味餐廳環境舒服適合跟朋友傾計超推薦想休閑舒適過一個下午的人來試！…查看更多

天氣凍就想食熱辣辣嘅嘢今次就去左試烤魚火鍋🍲Openrice有得預先購買優惠卷（85折）～記得買左先訂檯去餐廳啦兩個人叫一條魚已經好大份啦因為我唔食得辣所以就叫左蕃茄味江團魚烤魚除左可以揀邊一種魚/口味仲有配菜可以選擇～當然要揀最易吸湯嘅豆卜啦江團魚魚肉比較滑～又唔會有好多細刺蕃茄味湯底都好濃 而且唔會好咸食嘢點可以唔飲嘢呢～於是就叫左杯「薄荷咸檸梳打」同「雜果賓治」薄荷唔會係好重牙膏味嘅薄荷糖漿加埋咸檸超夾雜果賓治就一般正常味啦！嘢飲全部都好大杯好抵飲不過走冰嘅話就好似少左1/4咁！另外仲叫左 米線 同 炸豆腐都好好味～餐廳用QR code落單！原來餐廳午市仲有一人烤魚餐好抵食～有機會都會再試下…查看更多

突然想食意粉同pizza - 屯門嘅「意粉狂熱」餐牌有好多選擇，價錢合理就去試啦平日晚上7點左右，仍有好多座位可以選擇即使我同朋友只有兩個人都可獲職員安排4人梳化座位我地揀左2人套餐，可以一次過滿足哂食意粉同pizza！洋蔥湯味道正常，但完全唔明點解蒜茸包要直接放落湯上，個包淋哂套餐有沙律同小食雞胸肉沙律 - 雞肉唔會好「鞋」、再加埋芝士碎沙律醬嘅配搭無得輸炸魷魚圈 - 呢個真係大伏完全無味加外皮同肉完全分開而且超級韌就算點埋配嘅他他醬都真係好難食落去終於到主角 意粉千層麵 - 成餐飯最好味～芝士加蕃茄千層麵 好難可以唔好食嘅嘢！其實最想食嘅就係Pizza材料足，但係個批底就超級淋好似食緊印度菜入面配嘅naan不過上菜速度好快～唔會怕餓親！最後上埋甜品🍮Oreo cheesecake!味道唔錯！唯一不足嘅口感～好似未完全解凍咁.有啲硬整體嚟講.環境好舒服.可以坐好耐傾計～嘢食就可以叫意粉/沙律…查看更多

終於放假啦又係時候食好嘢獎勵下自己努力返工今次就試左以bagel做主題嘅下午茶餐廳有一個秋千打卡位去到嘅時候已經唔少人影緊相啦下午茶需要提早預訂大約等左20分鐘左右下午茶tea set就到啦Scone超鬆化一啲都唔乾又唔會硬唔洗配埋果醬或忌廉都已經好好食大蝦沙律原本以為只係普通沙律點知用左Tabasco少少辣又幾得意Bagel就有以下4款青瓜洋蔥配三文魚最正路嘅配搭 唔算好特別雞胸肉配生菜 -雞肉只有簡單嘅調味但唔會太淡 最驚喜嘅係一啲都唔會好乾好鞋芝士泡菜豬肉絲4款入面最好食泡菜豬肉鬆好夾朱古力流心棉花糖有燒過少少溶嘅口感最好食但呢個bagel口感偏硬士多啤梨蛋糕入面除左係士多啤梨慕絲仲真係有士多啤梨果肉味道唔會好甜好假楊枝甘露撻上面柚子果肉同埋椰子忌廉下面撻係芒果慕絲真係好似食緊楊枝甘露去到cafe當然要飲返杯咖啡啦兩個人食完呢個下午茶實在好滿足好靚可以影相之餘仲好好味…查看更多