candychan719的个人专页

抱住沒有期望，我覺得有驚喜。。平常不太吃暮條煎炸野的我，把整份的炸暮條吃光了，LUNCH的雞朳餐，超級推薦雞扒的肉質很嫩滑很JUICY，暮條超脆口，熱咖啡很香，（即磨要加 HK$20蚊，我只點了普通黑咖啡），好味。加 HK$6 配煎双蛋（嘩～絕對是良心價）。我覺得這裡整個環境很舒服，很乾淨，很有70-80年代香港茶記的感覺，整個餐廳打理得很好，有靠窗的卡位，有陽光透進來並享受著凍飲，氣氛很放鬆，希望能夠係這裡遇見更多香港人。加油。來到深水埗的話，必定要抽時間試試，這是一間服務好好，又唔貴的地方，三五知己來食個早餐，下午茶，午餐或晚飯都唔錯。我幾次來到都係食雞扒，下次會試下佢地既手工意粉，期待中…查看更多

坐得舒服，好乾淨，可能係新開張嘅關係，希望以後都keep到乾淨。招呼唔錯，啲職員都笑笑口，介紹得好詳細，唔揀貴套餐都冇黑我面。晚餐唔算特別平，應該午餐抵食啲。晚餐我揀最平嗰隻，埋單兩個人六百幾蚊環境wise離講，我覺得唔錯。（雖然任食套餐啲牛肉唔係話特別好食） ，但三百幾蚊任食，都幾多嘢食，尤其係菜特別多，而且係比較特別嘅菜，整體嚟講都算好ok, 會再幫襯。 星期五，六 7:00-9:00pm 有live ，唱得幾好聽，如果想同朋友，搵間打邊爐可以坐得舒舒服服，可以傾吓偈，招呼又唔錯嘅，又唔太貴既，呢度係一個好選擇。 😋…查看更多

近排成日行過呢度，寫食評先知佢有咁多間分店，唔怪得，水準之上👍🏻.牛腩河，正價$52 ，下午茶$42仲有嘢飲，性價比超高❤️ 好耐冇食過有啲水準嘅牛腩河，之前成日喺尖沙咀食食到一肚氣。（可能呢度租平啲，先做得住。） 🤔 我試過加錢叫爽腩，坑腩，都一般般，仲要加錢，普通牛腩唔使加錢，味道口感仲非常OK。👍🏻😋.當然可能好多接近$100一碗嘅好食過佢好多，香港出名嗰幾間天后，旺角，等等等等我都食過，暫時覺得呢度性價比最高，價錢最合理，地方乾淨，服務又OK。.心水之選：牛腩河 ❤️牛丸腩汁蘿蔔（油菜就麻麻哋，又唔抵食）熱奶茶 😋…查看更多

食物又差，服務又唔掂，所謂出名嘅酸辣豬扒米線，廚師推介，得表面上嘅味粉有味，成塊豬扒都冇味，塊豬扒仲唔係一塊塊，而係一嚿嚿，都唔知呢度40幾個like係點樣嚟😓。.手機點米線，唔記得配嘢飲，散點后問佢可唔可以改返餐飲，嗰個疑似老闆娘嘅物體即時鬧，其實唔使咁惡，可以大大聲聲唔好改嫁麻，食餐飯啫，扯晒火為乜？😑😡全店普通話人處理，認真係咁上下。價錢唔算貴，但唔好食囉。.豬扒超唔掂，米線都唔好食。（最差）生菜個樣好衰，但味道唔算十分差。（合格）碟鱔問咗佢係咪新鮮，佢話係 🙄🙄🙄（差）…查看更多

咁啱經過， OpenRice全like，咁勁？入去試吓。平時喺灣仔食開坑腩，呢間店員介紹崩沙腩，好，信佢👌🏼👍🏻 .叫咗崩沙腩河（要加錢），冇問題，好食就得啦，但，事與願違，好麻麻，首先湯底好鹹，清湯腩嘅湯底咁鹹真係第一次，牛腩仲鹹，全部嘢偏重味。（真心唔係我杯茶），主角：牛腩腩崩沙腩好嚡+黐牙，雖然$58，但真心好一般。價錢合理👍🏻湯底夠，唔會乾爭爭噌👍🏻服務OK，服務員姐姐好親切👍🏻.只是食物質素（牛腩味道有待改善），魚蛋粉30幾蚊算好平，下次經過會試吓。 …查看更多

好多年前同客人嚟過呢間食大閘蟹，記得當時係有人會同你拆蟹，並且會排返成隻蟹樣，但係而家今時今日應該唔會再有人有時間喺客人面前拆蟹，但服務仲keep到，老員工好細心，服務好，有禮貌，唔錯。.每年10至12月係大閘蟹嘅季節，今日去已經冇大閘蟹食，只可以叫小菜，但係小菜都OK，幾好👍🏻 .中午套餐百零蚊好抵食，份量好足，同散叫份量一樣。老夥計推介醉乳鴿，蔥油拌麵，水準以上。.散叫推介臭豆腐（屋企人話唔夠臭），我覺得好OK，香港口味😉，另松子魚，豆腐羹，蟹粉小籠包，都好好味，雖然唔係啲咩驚為天人嘅米芝蓮，但性價比👍🏻❤️ .愉快滿足的一餐，還會再來的😋🫶🏼（今日叫多咗嘢，埋單有啲貴，正常消費午餐一般人均係百零蚊左右） 供參考🫶🏼.…查看更多

成日話啲港人唔留港消費返晒大陸，去晒日本，點解唔好好地檢討吓自己？ 呢間嘢真係期待過，呢個價錢，畢竟唔係我呢啲一般打工仔隨便可以嚟食，之前食過福臨門雖然不過不失，但價錢rise 嚟講都唔會再去。 講返呢間嘢（新同樂），由開始已經一肚氣，聽電話嗰條女晦晦氣氣，好似我差佢錢咁，仲收線拜拜都冇聲，直接cut線，我都未講完☹️。 （頂）.去到成間店原來得三個卡位，我叫佢安排卡位，我一個月前訂位，佢話冇。（尾音都無） 成餐飯情願吉晒嗰三個卡位都唔俾我哋坐。好嘢！👍🏻.嗰個著黑色西裝嘅部長仲經典👇🏼我：請問魚翅餐加$100要鵝掌是否有柚皮的？ （我見有食客啲相有。）男部長（西面答我）：冇寫咪冇囉 ！我：我呆咗😳（真正貼錢買難受） 🤬.魚翅一般，火腿嗰個好啲，紅燒嗰個千祈唔好叫不知所謂。 仲話魚翅專門店。😤😓（反眼中）. 加$100嗰個鵝掌，成碟嘢都冇味連啲汁都冇味，唔知係因為雪藏所以冇味？定係啲材料根本就好差，我已經分唔到，定係因為有錢佬食嘢淡口啲咩？甜野無甜味鹹野冇鹹味，總之一個字差！ . 成餐飯夾硬算最好食嘅係，餐嗰個煲仔飯，同另加嘅蛋白杏汁（雖然有啲稀）。 .anyway, 睇嚟呢間嘢都執得，2000幾差唔多成$3000食個lunch食啲咁嘅嘢，唔推薦，亦都唔會再去第二次，請都唔去。講完。 ☹️…查看更多

其實K-11 Musea 唔太順路，呢間第一次離，有驚喜。❤️.酸菜魚好食，味道好有層次，與其他四川店不同，其他店食落會有啲刺脷，同有好重味精味，呢間無，連鋪底的粉都好好食，食過好多其他店都是淋pat pat的，這間好吃，好Q彈，正宗不正宗不確定，反正我覺得好食，只是份量有點少，及稍稍不夠辣。.花雕雞待應推介，堅好食，半隻HK$288有點貴，但真好好食，酒味好香，雞肉好嫩滑，雞皮還是脆的，而家香港好少有店做到，呢度整得好好食（讚）👍🏻👍🏻👍🏻.豆腐花ok好食，豆味好濃，只稍稍有點貴（下次未必再叫）.糍粑好食，聽講甜品全部自家製，都唔錯。.服務好好，環境都唔錯，還會回頭的。😋👍🏻🫶🏼…查看更多

有一段時間冇嚟，隨着疫情，好多好食嘅拉麵一間一間執笠，而呢間曾經我覺得係全香港最好食嘅拉麵十大之一，前幾日再嚟，搞乜嘢？！ ☹️.服務唔好（其實=無服務） ，都算喇，乜事啲野咁難食？午餐套餐，差不多HK$200/人，（拉面都要比加一，無服務既服務費）。搞笑.之前我係呢度食開既湯底好清，好甜，有淡淡的蜆味，而面質軟硬度適中；今次上枱呢碗，湯底非常之濁，飲落去好腥，好大陣蜆味，面質鬆，散，淋。 根本就唔係一碗正常拉面既水準，大不如前，搞乜？ 嚴格來講，呢碗野根本無資格叫做拉麵。到底係轉咗手？定係搵夠唔憂？定覺得反正香港人咁鐘意日本，求求其其得喇？.個套餐九唔搭八，日本面配沙律，仲有幾款沙律揀，但其實無論你叫乜嘢沙律，都係嗰樣沙律，都係同樣味（只係topping有少少唔同），反眼中🙄。.套餐揀咗小碗牛肚羅白反，一上枱，嘩！嚇死，佢攞咗碗中式牛肚反比我，痴線，我以為日本拉面店會係日式牛肚反，點知係中式，仲唔好食，個樣又唔掂，啲味又中式唔似中式，日式唔似日式，三不象，如果我想食中式點解唔去牛雜舖幾十蚊搞掂，點解要比咁貴個lunch，仲要嘥咗個胃😮‍💨（激氣中）.成餐飯最正常係跟餐嗰罐可樂，啱味，夠凍😵‍💫👍🏻…查看更多

入咗嚟先至睇到食評，總之唔入嚟，食評超中肯，呢度真係冇服務啲嘢又唔好食。食材又差（真係巧婦難為無米炊）。.乜嘢酒樓可以用一款虾走天涯的？（答案：呢間） 。龍仔蒸蝦飯又係佢，炒蝦球又係佢，蝦餃燒賣又見到佢。（口感，味道，完全一模一樣，完全冇蝦味，得味精味）。食材差到一個點，鮑魚個樣好似塑膠，其實買一隻新鮮鮑魚都唔係好貴啫，係賺到盡啦？定係怕麻煩？ .工廠飯堂質素，酒樓價錢。行多2步去隔離街明星食好過。以後唔會再來，亦唔推薦。差！！！ 講完…查看更多

好鍾意呢間餐廳嘅原因係，1）服務2）環境靚3）乾淨4）食物質素。.幫襯咗好多年，老實講而家好難搵到一間餐廳水準咁穩定，無論服務，食物，環境。❤️😋.lunch : 午餐$98起，好抵食，食物質素好高，比起韓國街嗰啲午餐，品質類似韓國快餐店嗰啲好10倍唔止。😆😋.dinner : 兩個人嘅話最抵食就係$988餐，（我以前幫襯開係五百幾蚊，不過係完全冇海鮮，而家九百幾蚊嘅加多咗海鮮），雖然貴咗少少，但我覺得配合環境地方食物質素真係冇得頂。唔鍾意套餐嘅話可以散叫，散叫兩個人幾百蚊搞掂，節日慶祝平時食飯，同事食飯都適合。👍🏻👍🏻👍🏻.香港仲有好多高質亦都唔太貴嘅餐廳，希望多啲人留港消費支持有質素嘅餐廳🙏🏼❤️❤️❤️🫶🏼真●香港人上。 …查看更多

❤️😋以前覺得呢間嘢都幾貴，冇辦法佢專係開喺啲貴價地段，但今時今日當茶餐廳都要$50-60 一個茶餐嘅時候呢間嘢真心唔貴👍🏻🍰🍓☕️.外賣試過好多次，今次第一次係堂食，都坐得幾舒服，原來下午茶都好熱鬧，好多人幫襯，呢度都唔算好就腳，可能好多人係特登慕名而嚟。 🍰🎂.心水推介應該係原味千層，同埋朱古力，栗子就唔太推介，好似食緊栗子慕絲（唔似蛋糕）。 咖啡一般般唔算太香， 美式$40可以接受。☕️…查看更多

服務一啲都唔好，除咗你入去嗰陣帶下位，埋單走嗰陣時同你講聲多謝之外，中間完全冇服務。.點菜嗰陣問侍應門口黏咗嗰個八折套餐係乜嘢，點知佢問返我咩啊？咩啊？.雖然我食lunch，但都叫咗四百幾同五百幾蚊既餐，佢劈低碟汁，都唔知咩嚟，套餐有三片刺身，問佢攞刺身豉油先知原來佢唔出聲劈低嗰碟汁就係豉油（我以為係燒肉汁，點知係豉油，仲係刺身豉油，吹脹）。.兩個燒烤套餐，食到尾一個網都冇換過，搞到啲肉燒燒下變咗炭，點解呢度咁多食評話服務好，真心唔明。問乜嘢都黑口黑面，淨係識得答我單字（例如：係，無，哦）。.個火較嚟較去，一係好大火，一係好細火，啲人都唔主動走過來較，淨係識得圍埋一齊傾偈。.埋單嗰陣終於見到侍應笑笑口講多謝，可能佢心諗快啲走唔使做。（我都心想快啲食完快啲走，無謂對住啲人黑口黑面，情願企喺度傾偈都唔招呼客人。）真心冇見過咁差嘅服務。.…查看更多

從來未食過咁抵食，咁新鮮海鮮放題，呢間真心推介，食海鮮食到飽，真係第一次。 尖咀牛站牛肉放題我都好鐘意去，原來呢間係牛站老細開，唔怪之得好有質素。 👍🏻.希望唔係淨係因為新開張，希望以後都益街坊，都做得咁好。🙏🏼🦐🦀. 海鮮任攞，不停加，不停加，不停加，所以唔使迫，唔使急，慢慢食。 .其他食物，有鵝腸，生蠔，雞子，黑牛柏葉，全部都新鮮好食，好乾淨，呢啲喺香港其他火鍋店都買到好貴嘅食材，呢度係任食任攞，而且所有野都係不停加，真心食得好滿足。 . 雖然啲位就窄少少，（你上網見到youtuber 1-2個人好大張枱，坐得好舒服，呢啲都唔真實），但我仍然覺得呢個價錢係非常非常之抵食，合理，如果品質不變的話，值得一去再去。👍🏻😋❤️…查看更多

基本海鮮餐 $298（經openrice訂）（walk in $328）食物一樣。.海鮮好新鮮，蔬菜，蒜蓉粉絲任加任食。 鮑魚，龍蝦，生蠔，蟹，水箱自己揀，就算冇得揀的生蠔，扇貝，蝦，樣樣都好新鮮，份量好足。😋👍🏻👍🏻👍🏻同自己辛辛苦苦去街市買。拎餐死，洗餐死，差唔多價錢。.星期五，六，日，有live Band，都幾好聽。幾百蚊有嘢食，有嘢飲，有歌聽，坐得舒服，服務又好，真心好地方👍🏻😘。.樓面服務超級好，細心幫我地整理，又提我地蒸海鮮時間，無得頂。（服務好呢樣真係，係香港久違咗好耐。） .最後埋單：（人均消費） $298+凍檸茶$38+ 加一 （用原價$438加一） 。 .（我地要求 波士頓龍蝦 轉澳龍 再加$40/人） = $480左右/ 人 （醬料，蔬菜，聽歌，泊車，不另收費）👍🏻好均真，物有所值。❤️❤️❤️ …查看更多