SerenaErin的个人专页

公司附近新開張嘅珍珠奶茶舖，試過白葡萄烏龍茶，正常甜度都唔太甜，淡淡香甜葡萄味。但真正愛上的係芝麻嗰杯，濃濃芝麻香又有超濃芝麻味，有燕麥同芝麻粒好有口感，超推介。今日正式開張仲有小小台灣稯子送…查看更多

登登登登。。。約咗朋友嘅我，今日就早咗好多出到銅鑼灣利園中心。所以就搵左Starbucks坐低諗住一路食一路等個朋友。點知當我想叫嘢食嘅時候，發現居然係Starbucks食雪糕食喎！即刻雙眼發光，冇錯我即刻叫左嚟食，雲呢拿雪糕配上蜜糖脆脆再加埋杏仁片焦糖醬，再配埋一杯濃濃嘅特濃咖啡，perfect！將咖啡倒入去雪糕，當雪糕溶咗係咖啡入邊，再飲一啖雲呢拿雪糕咖啡嗰種感覺真係好難形容一個字"正"！除咗雲呢拿，同一款嘅食品，仲有朱古力口味，下次一定要試！…查看更多

今日小編嚟到呢一間細細嘅cafe。為嘅其實係打發時間。。。因為小編約咗個朋友，而朋友又未到喎，所以呢就諗住搵一間餐廳坐低等啦！點知就比我見到呢間細細以白色為主，牆上邊掛住幾幅色彩繽紛嘅畫，吸引咗行咗入去。我叫左一個daily set。一個煙三文魚配番薯包，再加埋一杯熱嘅薄荷花茶。但我點解揀蕃薯包呢？因為其實我都係一個小小嘅蕃薯控嚟嘅，咁見到有蕃薯包，自不然就會好想叫嚟試吓，因為市面上其實好少有蕃薯味道嘅麵包，而係無蕃薯蓉做配搭的，所以小編先好想試下。其實都有少少失望嘅，因為比我想像中番薯味係冇咁濃啦，唔知係咪因為冇番薯蓉，所以就感覺唔係咁重番薯味。不過整體來講成個包嘅味道係唔錯嘅，因為煙三文魚其實都無得輸。…查看更多

係公司附近開咗咁耐,今日終於可以去試吓!講緊嘅就係呢一間 Mr & Mrs Fox我本身係係雜誌度見到有食家介紹，俾佢嘅裝修吸引。一直一直都好想嚟，不過可惜無人陪所以一直都無機會嚟試吓。今日終於親身來到，覺得呢度嘅裝修比我想像中更加舒服，大部份嘅傢俬裝修設計都係以木同貨倉為主，好有外國氣氛，店內亦都有好多外籍人士光顧。餐具都好有外國小店嘅特色好靚好特別！不過，可惜餐牌選擇唔多，因為得一個鐘頭lunch嘅關係，所以我只係揀咗個quick set。個餐係唔包嘢飲嘅，不過就有麵包沙律同主菜。麵包係法式麵包，外脆內軟，熱辣辣，好好味！麵包仲配埋一個黑色醬(味似松露)，食落口好creamy 同麵包好夾。沙律係蔬菜沙律配上blue cheese,芝士味濃！而主菜我就叫咗個BBQ醬嘅豬仔骨！豬仔骨炆到好軟好入味，味道偏濃。初上枱嘅時候，感覺好似得好少咁，有種覺得一定食唔飽嘅感覺，但食完晒成個餐之後，居然唔覺得唔飽同油膩，反而覺得啱啱好都飽肚。總括來講，我覺得呢一間餐廳俾我一種好舒服好輕鬆嘅感覺，我覺得好適合三五知己或者係happy hours飲下酒食下野咁，呢一度係一個好好嘅選擇。雖然價錢就有少少偏貴，不過食物味道，坐嘅舒適環境，就算貴少少我都覺得係值得嘅。…查看更多

食完飯就緊係要食甜品喇！這是常識吧！今日同好耐無見嘅舊同事係尖沙咀食飯聚聚，食完正餐同事就建議去食甜品。附近正好有小甜谷，睇完餐牌就俾綠茶雪糕吸引咗行咗入去坐底。我地一行三人，叫咗兩杯綠茶雪糕同一碗湯圓。綠茶雪糕杯，配有薄脆碗，紅豆蓉同芝麻湯圓。雪糕分量比睇餐牌仲要大仲要高，好大分好驚喜丫~~~~~綠茶配紅豆係無得輸，正！芝麻湯圓就略嫌皮太厚了。朋友仔叫嘅淨湯圓都有同樣問題，湯圓細細，皮厚餡少。…查看更多

今次又係一行三人，食飯吹水。因為朋友係日本返嚟，所以就就佢去食韓國野！本來係打算食x家㗎！但無奈要限時，所以就入咗呢家韓樓！(其實另一主要原因係因為價錢，睇到餐牌價錢相宜，所以就入去食lu)舖面唔大，大約有十張枱，整體整潔。我地叫咗一麵，一飯，兩壽司。水冷面，韓樓拌飯，韓式烤牛肉飯卷同韓式芝士飯卷。先講冷面。。。偏酸！怪怪的。。。配菜有雞蛋，酸湯，酸蘿白同梨感覺似酸梅湯加麵！我本人唔太like到拌飯，正！大碗抵食，三人食一人都有兩碗！分量同配菜一樣好足料！大讚！韓式飯卷感覺似日本嘅壽司，唔洗豉油都好夠味。本人比較喜歡烤牛肉嗰款，因為味道濃啲。是日四款菜式，泡菜配菜任忝，每人平均都唔洗一百蚊，以晚飯嚟講真係幾抵食。…查看更多

嚟呢間鋪頭食綠茶雪糕就食得多，但焙茶雪糕就係第一次。今次就叫咗有米脆，小丸子(綠色，白色)嘅焙茶雪糕杯。賣相相當吸引，第一口食嘅時候，焙茶茶味相當濃郁，丸子亦好有口感，非常Q彈。至於脆米配上雪糕一齊放入口，口感就更加有層次。…查看更多

終於捨得去潮聖，去到嘅時候舖頭未ready好，店員就叫我坐下等，一心潮聖嘅我當然無問題喇！但問題嚟喇！！！先唔好講食物，講服務！有個女店員返工黑黑面。。。對住男店員同另一名女店話話話（鬧鬧鬧，明顯發脾四中）一句，叫你幾點開舖㗎？。。。唔好俾客入嚟喇！當時舖裡面有三個客人。另一樣野係當時係中午十二點度，我係睇完openrice做咗功課知佢開11點，所以先行入去。未開舖唔召呼客人就掛牌嘛！當住客人面話唔好俾客入嚟(當時我坐咗係入應該有5分鐘㗎喇)係想d客即刻走定想唔做生意呢？野食幾好食咁嘅服務都留唔住客人喇！好講完服務，講翻d主角"鮮果雪條"，我自問係偏食怪有d生果我係有偏見的！所以保守起見我要咗伯爵茶開心果味。當然茶味雪糕係無得輸的，茶味濃亦有茶香唔太甜幾好味。不過，開心果只係得個底同杯中有少少，略嫌不足，亦同我想像中有所岀入。正體已然仍是正面嘅！舖頭裝修以白色為主，配襯木製長枱高凳，感覺悠閒之餘有帶有時尚感。…查看更多

聽好多朋友講灣仔有一間朱古力雞蛋仔雪糕店，相當吸引，所以今日我就慕名而來一試佢嘅龍與鳳。去到嘅時候舖頭細細而且有條小小人龍，未食已經覺得不枉此行。因為當然要好食先會人排隊，這是常識吧！我當然係叫咗大家都講嘅朱古力雞蛋仔雪糕啦！落咗order之後，等左差唔多15分鐘就有得食。細細杯嘅雪糕上邊有一底嘅朱古力雞蛋仔賣相果然同大家講嘅一樣非常吸引。雪糕亦都唔係淨係雲呢拿雪糕咁簡單，雲呢拿雪糕嘅表層加上朱古力漿，形成朱古力薄脆，食到中段仲會有香蕉味嘅雪芭同脆米，口感相當有層次。總算朋友冇介紹錯，以呢個價錢食到咁大份量嘅甜品來講，可以話相當抵食。我呢個大胃王一個人就食得晒啦！但對於一啲細食嘅女士來講，如果可以同男朋友一齊去食，當tea或者飯後甜品，呢個份量兩個人就應該啱啱好喇。…查看更多

對於我呢種電視迷呢講，電視機上邊介紹嘅嘢食有陣時睇到真係不得不試！而今次我就係睇到動新聞介紹，所以就膽粗粗走咗去試。試嘅就係太安樓嘅小食，即係掃街！自從搬黎左西灣河區之後，就好少去太安樓度食嘢lu... 不過,今次重臨太安樓就有非常新發現，就係紫薯手抓餅。手抓餅係台灣特色小食但居然係太安樓都有得食。我叫嘅就係紫薯底，芝士粟米蟹籽沙律紫菜味！(好長)餅底師傅一早就做好左，係雪櫃度攞咗圓圓嘅餅底岀嚟，落鑊即煎。等大約五分鐘就有得食。紫薯味相當濃，非常香蕃薯味，喜歡食蕃薯嘅朋友就一定要去試。芝士同粟米蟹籽沙律嘅味道非常夾，加上脆口紫菜，就更加加深咗口感嘅層次。25蚊價錢都總算相當相宜。店舖另外仲設有原味手抓餅，售價比紫薯味平3蚊，適合唔同口味人士。而且口味嘅配搭仲有差唔多20款任君選擇，非常多元化。…查看更多

久仰大名嘅朱古力雞蛋仔，終於俾我一嘗所願食到喇！係本店買感覺就好似有啲唔同，因為我已經試過銅鑼灣分店嘅朱古力雞蛋仔，但有啲失望朱古力唔夠溶，口感也麻。。。不過，係本店就好似原汁原味啲，朱古力非常多，"meet"第一粒嘅時候朱古力溶漿多到流岀嚟，感覺非常sweet sweet。好味到一粒一粒唔覺唔覺就食晒成底，非常邪惡！不枉我專誠由香港島到坐車去到紅磡，死心不息要試本店。…查看更多

對於蕃薯控嘅我嚟講，呢間雪糕店係小小嘅天堂。點解？因為呢度係用紫薯做主題嘅雪糕店。鋪頭裝修相當有心思，牆身畫滿壁畫，而壁畫畫嘅就係店嘅主角"紫薯仔"，每個紫薯仔嘅表情都唔同非常搞鬼得意。當日我就叫咗個紫薯派對，除咗主角紫薯雪糕，仲有紫薯蓉，細細舊嘅紫番薯，綠茶丸子同埋原味小丸子。雪糕嘅味道就好似食緊真嘅番薯一樣，蕃薯味相當濃郁，因為紫番薯本身就唔係太甜，所以呢款雪糕嘅味道都唔係咁甜，相當適合唔係太鍾意食甜野但又想食雪糕嘅朋友試食。雪糕杯食到中間，仲會夾雜着一層紫薯蓉，相當有誠意。三四十蚊嘅價錢食到呢一種味道嘅雪糕，我個人認為都相當合情合理。…查看更多

聞名已久嘅卡通拉花，我終於試到啦！呢度舖頭細細，裝修有家嘅感覺，一大張長枱最啱一大班朋友去聯誼。怨自己無做足功課，所以飲唔到最近好Hit嘅Minions Banana latte，係今次潮聖敗筆。當日我叫左一個lunch set,係龍蝦汁大蝦意粉(如果我無記錯)，配一杯Green tea latte三眼仔拉花。味道方面意粉就比較濃味，龍蝦味重大蝦都尚算新鮮，但意粉稍為硬咗少少。。。好似未熟得透徹。至於飲品方面，拉花公仔當然相當吸引，但至於味道就略嫌綠茶味唔夠重，我本人係少少"綠茶控"所以有啲失望。到我最鍾意嘅甜品，係blueberry cheesecake，細細件，入口即溶，非常好味，不過係蛋糕餅底，如果轉用餅做餅底會更加好食。…查看更多

香港樣樣都貴，係鬧市想搵平午餐已經好似無咩可能，今日因為要去守承諾所以去石硤尾。因為等開門又撞啱午飯時段，所以就入咗呢間餐廳。一入到去就即刻有位，人流唔多，夠靜，環境撲素。我地一行二人，一人叫咗一個set lunch,大家都係叫白菜鮮肉水餃雞湯蝦子闊條麵味道唔太濃，水餃多汁，皮薄多饀，麵嘅軟硬度適中！飲品我就叫咗凍烏龍龍茶，而朋友仔就叫熱茉莉龍珠茶。味道甘香，凍茶唔係加冰，而係雪凍，感覺唔會似加冰咁味道被溝淡。成個套餐都只係四十蚊，係依家嘅香港已經好難得！…查看更多

同屋企人下午食飯, 因為茶樓太多人等位, 所以轉戰 Ruby Tuseday。一入到去接待員就好好咁問想坐邊 (因為間鋪無咩客人)我地一家四口擇咗坐近沙律自助bar,方便忝食我地叫咗燒排骨配薯蓉 - 肉質鮮嫩, 燒汁濃香又唔會蓋過本身嘅肉味(正)三色漢堡包配薯條 - 三色漢堡分別係牛肉, 魚同雞肉。三個漢堡都份量上盛,超多汁~ 如果要將佢地做排名,我會擇牛肉,之後到雞肉,最後係魚。因為牛肉漢堡漢堡最夠份量,加上多片半溶芝士,味道口感都一流。但魚漢堡相對地就淡味好多,而雞肉漢堡就中中'亭亭',不過不失。自助沙律(無限忝食) - 有菜沙律,薯仔沙律,蛋沙律,鮮果沙律... ...等等,任君選擇…查看更多