KapoF的个人专页

非常好的潮州菜。喺附近返工晏晝過嚟飲茶，單單是蠔仔粥已經是一絕。其他點心亦都非常新鮮好食。性價比極高。尤其今次有朋友帶小朋友一齊飲茶，職員主動安排房間給我們，很是貼心。…查看更多

約朋友食飯，朋友提議去萬豚屋，話曾經食過都唔錯，於是就去一試吧。因為朋友話之前一次要等位，為免唔需要企係度等位，我就預先打電話去book枱:)又book到喎！！我地book左7:30，去到見到有一條小人龍係雨中排隊，而我們三人就直接走入餐廳坐底，真係開心到笑出黎我地一人叫左一個手打烏冬，再叫左兩個小食一杯飲品，總共$400多d，價錢還可以吧。厚切豚肉手打烏冬 (中辣湯底)平時食得辣嘅我，覺得辣度適中，因為烏冬用石窩上，滾下滾下，好刺激到我味蕾呀厚切豚肉就好淋，入口即溶，但好肥好"漏"上級牛肉手手打烏冬 (魚介豚骨湯底)冇什麼特別，湯底夠甜吉列忌廉蟹餅冇乜蟹肉，入口係一"pat"東西木魚豚肉玉子燒味道幾好，一夾開滿滿豚肉，多汁好食吉列芝士豬扒 (跟烏冬)唔夠juicy，有點兒乾。但還好咬落去肉質夠淋活乳酸爆珠特飲好奇爆珠是什麼所以一試結果爆珠入面d汁真係唔係咁好味活乳酸就係益力多，冇稀釋嘅益力多整體黎講，可以一試。烏冬真係唔錯。…查看更多

本人平時冇咩必要都唔會食蒜頭，一來怕口臭，二來真係唔好食。唯有Mad for Garlic，改變左我對食蒜頭嘅抗拒昨晚約朋友食飯，朋友話不如去Mad for Garlic，我其實千萬個唔想，但既然朋友提議咁就硬住頭皮試下吧Garlic Steak (U.S. Beef Rib-Eye)見到個蒜片山，真係好誇張呀d蒜片炸到好脆，好香口，配埋個mushroom，真係好好食。至於塊牛扒，本來我地想叫7成熟，但侍應哥哥好好呀，佢提點我地係鐵板上，7成熟就會變全熟，所以我地改為叫5成熟。但最後上菜都係變左全熟，因為鐵板真係好熱，加上塊牛扒唔係好厚除左牛扒，我地仲叫左salad同pizza。都係蒜蒜蒜蒜蒜味放心，飲品冇蒜味…查看更多

一向都好鍾意食蛋糕嘅我，對蛋糕嘅要求越黎越高今次屋企人生日就買左帝苑餅店嘅士多啤利拿破倫蛋糕。帝苑餅店嘅拿破倫一直都好評如潮，一試之下真係名不虛傳賣相很好，味道更好！！一切開，一層酥皮一層吉士，好分明。酥皮因為既新鮮又鬆化，好容易切開，又唔會切爛一食入口，酥皮鬆化香脆，吉士份量適中，絕配最重要係唔會好甜食完之後係會有再想食嘅感覺士多啤利方面，都鮮甜，下次我會試芒果拿破倫呢PS. 個生日牌D字都寫得好靚，可見餅店嘅細節位都做得好好，值得一讚…查看更多

幾乎每一次食泰國菜都會叫泰式炒金邊粉嘅我，今次當然都唔例外。自從上年係泰國一間餐廳食過佢嘅pad thai之後，我係香港就再食唔返咁好味嘅pad thai。。今次黎到小曼谷，有驚喜喎金邊粉炒得乾身，麵條有咬口，入味，唔會太甜，略帶酸味，酸酸甜甜芝士蝦丸，好太粒(好似只係比網球細少少)，蝦丸部分好彈牙，有蝦味咬落去滿口芝士，但芝士味唔係好濃，呢方面就遜色左=[椰青好好飲，好甜，又大個，$37，係餐廳飲黎講唔算貴:)…查看更多

係facebook見到有朋友post食物相，賣相幾靚，一問之下知道係名館。於是就同屋企人來試試，果真唔錯。我地叫左6碟菜+1個甜品，埋單約$900多元，以食物質素同地方黎講，都不算太貴。酸菜滑魚片好好味！酸菜湯底麻而不辣，酸菜適中，魚片嫩滑，仲有粉條，粉條好有口感，正！石鍋鮑魚雞粒炒飯好好味！好熱好有石鍋味，炒飯粒粒分別，有咬口，每粒飯粒都有汁包圍住，味道非常好。仲有好多粒細鮑魚！蜜椒土豆安格斯牛柳粒都係好好味！！土豆粒外脆內軟，咬落去好淋好入味。牛柳粒就一般啦，冇特別。爆炒豬潤豬潤好爽脆，不過鹹左d，用黎送白飯一流燕窩流沙包賣相得意，味道普通大良鮮奶脆網卷好脆，但有點硬麻雀詐糊影相一流，但味道普通整體真係唔錯，可以再去試埋其他菜式…查看更多

泉章居一向都係老字號，食物有保證，所以父親節晚飯就揀左泉章居。因為就大家方便，就黎左旺角分店。點知未開飯已經唔開胃！一坐底，我就負責洗下d 杯碗同筷子，真係唔洗都唔知咁差！！！一枱10個位，起碼有5隻碗係粘住d食物，真係好嘔心。我明白出街食飯都唔好預左好乾淨，但基本嘅衛生都應該要有，旺角泉章居嘅清潔程度真係好差，好令人失望食物方面都還可以 (當然先唔好諗佢廚具嘅衛生情況，因為比人見到嘅地方都咁污漕，廚房入面都唔可以期望係清潔衛生)，還好我們都未有腸胃不適霸王雞都好食總結黎講，如果想食泉章居，可以諗下去第二間分店，清潔情況比較好。…查看更多

約朋友係旺角食飯﹐周圍好多人都唔知食乜好﹐結果係Openrice搵到呢間新餐廳﹐就即管去試下 (我最鍾意試新餐廳﹐因為一心諗住勝在夠新夠乾淨﹐又可以試新野)。。。。點知‧‧‧‧‧出乎意料‧‧好食！環境好！！又唔係貴！！！間餐廳係油麻地地鐵站行兩分鐘左右﹐上到去第一個感覺係環境簡潔﹐寧靜﹐有別於其他餐廳好嘈好壓迫﹐真係唔錯。我地三個人叫左一共六碟菜﹐分別係：啤酒薯條﹐Nachos﹐蟹肉多士﹐煎盲曹魚﹐pizza 同水牛城雞翼。埋單都係接近$700﹐以食物質素同份量來說﹐價錢很算合理。因為太心急食嘅原故﹐我們只係影左一張相﹐仲要係條魚已經比我地叉開左簡單形容下d食物啤酒薯條：外脆內軟﹐夠熱﹐冇啤酒味但我諗係正常嘅﹐因為可能啤酒炸會脆dNachos：玉米片唔會因為d芝士肉醬而淋左﹐仲要一層一層都夾住肉醬﹐唔單止上面有﹐做得好細緻﹐加埋個 sour cream 真係好好食蟹肉多士：多士底好脆﹐同蟹肉好夾。。不過擺耐左會淋煎盲曹魚：煎得唔錯﹐份量合理 (因為有其他餐廳d魚都好少﹐相對黎講呢度真係好大份)Parma Ham Pizza：都好食嘅﹐但唔算好好水牛城雞翼：呢個真係好好好好食﹐皮脆又Juicy﹐隻雞翼炸得好好﹐個汁好好味﹐形容唔到個好味﹐自己去試下啦整體黎講﹐性價比高﹐環境好﹐值得一試﹐亦會再去…查看更多