winhappyla's Profile

之前一直食開，覺得小抄係好味，但昨晚食晚飯小菜，叫了兩個餸，一個蝦醬白菜仔炒牛肉，算正常，至於另一個係黑椒豬手煲，無黑椒之餘又咸到食唔到，向姐姐反映佢叫我哋換另一款，話轉了大廚近來好多投訴，咁心一沉諗下叫咩菜式會比較穩陣，最後諗因為叉燒係交來無得輸啦，就改了碟韮黃叉燒炒蛋，等再好耐送上一碟賣相已覺得不炒，蛋炒得幾老最過分係成碟得三條韮黃只見葱花，無料用左葱代替咁都得，幾離譜吓，蛋又炒得老，真係不了，近排要轉場了…Read More

食過幾次，裝修懷舊環境不錯，要注意店內收不到電話訊號，跟餐可選汽水或維他奶而無需加錢，幾好。 早餐的沙爹牛肉麵牛肉同沙爹汁都好味，唯獨是麵底煮過火太過淋，星洲炒米比一般的辣，而試過幾次不同豬扒菜式都係比較硬同無味，有待改善。 但炒意粉係好味，正！ 雖然竹園執了3間茶仔，人流一定不缺乏，但也希望店能做好些，保持競爭力。:)…Read More

環境都幾好，中午夠光猛，食物賣相也一流，價錢都算相宜，午餐包小點，餐湯，主菜，甜品同飲品，like FB同open rice 訂位午餐有85折但要加一服務費，味道就一般，只能講係一個同朋友談心相聚好地方…Read More

見雜誌介紹，自己又愛千層蛋糕，唸住支持小店便一試，坦白講仍有非常多進步空間，皮唔香也太硬，cream 也不夠軟滑，最大件事係原味牛乳味竟然溝了一點點的榴槤味，對於討厭榴槤的我，真係怕怕…Read More

本來滿心期待的上去，一開門就呆一呆，所謂大廳根本太細，放了兩張大檯，每張9人都很迫，有幾位仲要坐圓櫈，而且冷氣非常不足，未食已經一身汗，唸住環境唔掂，食物好都可以彌補下，點知一樣失望。最唔掂個大白菜豬肺湯，未夠火喉，清淡得過份。:(…Read More

睇左電視於是上來一試，初頭店員無放特價餐單，於是叫左個蕃茄肉碎通配炒蛋和香蒜多士，盛為24元都唔貴，個湯底好濃，正! 多士都好香蒜味，整體上不錯，唯一我比較有要求既熱奶茶唔夠滑，飲完有少少澀囗。第二日再上去試下個平價餐，蕃茄火腿煎蛋通外賣，回到公司打開，有驚喜果然有誠意，料同湯係分開，只係16大元，真係無得頂，個湯雖然無蕃茄肉碎咁濃，但係都好好，有蕃茄粒粒，下次要試下佢地d 午餐! …Read More

買左團購348再加一47.8平均400元位，環境昏暗，坐位還舒服，食物種類太少選擇，味道全都麻麻。冷盤有即開生蠔、蟹腳、翡翠螺等，以蟹腳新鮮好味 ，生蠔味道比較淡。排隊拿有燒牛肉，羊架及即炒意粉就肉醬最好味，松露汁淡而無味，燒物有雞翼(無味)，菠蘿，粟米 。炸蠔餅味道普通。湯有蕃茄忌廉湯、中式燉湯(比較淡，唔好飲)。 另有蛇羹十分足料，糯米飯就唔夠香係蒸的。 熱食還有冬蔭功海鮮、芝士焗西蘭花算是平凡得來好味、豬頸肉(味道古怪，難食)、日式蒸蛋、咖哩豬皮魚蛋、囗水雞。燒味有燒肉同即炸乳鴿(夠味，正)  ，咖哩有豬雞同雜菜，味道不太好，也沒有薄餅跟。甜品有芝士蛋糕，牛奶布丁，芒果撻，甜品以拿破侖最好味，雪糕只有兩款(雲喱拿同奶茶)，最唔開心係梳乎厘出左2，3輪七點九到八點半就無，西瓜也沒有再refill。 汽水係自己拿，個瓶落太多冰，好淡味 整體來說有少許失望 ，食物味道同款式真係麻麻地，情願去高質素小小既酒店食個lunch buffet仲物有所值。…Read More

平時多數都是食下午茶，價錢唔貴食物普通。今次同囡試下晚餐，她叫了肉眼扒餐7成熟跟蒜茸汁，白湯，凍檸檬茶。個扒來時已經係全熟，太熟唔掂另外個汁太杰整到好像蒸排骨咁味，似中餐汁比起大家樂還要差，檸茶無茶味 ，得個白湯係好飲。我自己點左黑松露雜菌忌廉汁意粉加大蝦薯仔沙律配芒果汁，意粉份量多，夠兩個女子份量，汁幾香，意粉整體不錯。但個沙律真係唔掂，兩隻蝦幾新鮮，不過完全唔係薯仔沙律，係比個普通什果沙律，薯仔不超過10粒，全都是蘋果同好硬既紅蘿蔔，個醬係普通白色沙律醬，淡而無味。整體來說只係環境坐得舒服，唔貴80元一個晚餐免加一，但食物真係唔係好得，有待改進…Read More

因很愛搽茶又見食評不錯便去試，有點失望本想食搽茶班戟，但原來平日的下午茶才有供應的！滑蛋豚肉飯份量細汁太多，搽茶雪糕豆腐布甸味道很普通，丸子不夠煙靭，搽茶曲奇牛乳奶昔味很夾不錯，又不會太甜！如專誠去試，便不去也可以。…Read More

經朋友推介，便同幾個朋友去食，七點到達即可入座，個半小時落單，可食兩個鐘。但個半鐘便會叫你埋單，也沒問收錢啦，有無最後order,只係叫你幫手掛張牌話時間夠，服務真麻麻！這兒可選的款式真比起其他放題少得很，手卷同壽司得幾款，連我最愛的軟殼蟹，炸蝦卷都欠奉，熱食仲少連很普通的牛肉鍋，金菇牛肉卷，炒烏冬，蟹粥，芝士年糕全都沒有！至於食物質素，真一般，壽司還算新鮮，三文魚，甜蝦，帶子。串燒就麻麻，無咩味，牛痢，小牛柳，羊架不錯，不過唔夠熱，所以上的菜，除了天婦蘿其他都不熱的，只係微暖！飲品除了檸檬茶，汽水也不是罐裝，其他還可以，係溝水的雀檸！12月加了小小價，不過這個價，我會寧願加少少錢去大喜屋或吉壽！…Read More

昨晚同男友一起去慶祝我的生日,一入坐果然有驚喜,本來說沒有窗口的位置, 最後都有,自成一角,好舒服, 外面景色雖不是很靚,不過其他的兩人位都在走廊, 人人出入取食物都經過, 感覺真的不好! 首先講吓食物, 冷盤較多, 海鮮以蟹腳, 瀨尿蝦最好, 沙律選擇都多, 以雞絲沙律最好咪, 酸酸的很開胃！三文魚，螺肉就用玻璃兜預先裝好的，也不錯！不過熱葷真的很少不過十樣，而且味道只係一般，有蟹子炒飯，炒什菌，牛柳粒，燒雞，紅酒尖燴羊，蛋撻及有專人切的火腿。有兩款湯，甘筍忌廉湯和豆腐海鮮羹，兩款都你好好味的 ! 仲有幾款芝士可選擇 !最多人喜愛就是甜品,有多款的馬卡龍, 食落都不錯, 有幾款一粒粒的朱古力, 味道幾新, 很多款式的mousse,我自己比較喜歡士多啤梨奶凍同芒果布丁, 雖然平凡,但超好味的！　如果平常都不愛熱葷，又喜愛甜品都係一個唔錯的選擇，不過如果兩個人去，窗口位就好緊要啦! …Read More