ricebox82的個人專頁

今日搵食嘅時候，無意發現咗一間好評嘅中東小店，佢喺柯士甸站附近。位置有啲偏，但我決定去試一試。入去之後，發現佢嘅氣氛好正，有啲土耳其嘅馬賽克燈擺放得好整齊同美觀，仲有啲土耳其嘅地毯同埋藍眼睛嘅吉祥物等物品掛係牆上，好似係土耳其咁。雖然店面細啲，但係店主真係用心，餐碟、餐具都好精緻，甚至檯毯都係迷你土耳其毯。*馬利蘭蟹肉餅佢嘅招牌菜馬利蘭蟹肉餅真係一定要試下！份量好大，蟹餅百分百都係蟹肉，好鮮甜，加埋清新既檸檬汁，好好味。*燒墨魚另外，佢嘅燒墨魚亦都好好食，口感彈牙，烤得香味十足，仲加啲孜然粉，味道惹味得黎剛剛好，唔會太鹹。*雞肉芝士餡餅佢嘅雞肉芝士餡餅入面嘅雞肉經過特別嘅燒烤處理，好好食，芝士半融化，可以拉絲，加上微辣嘅醬汁，令人忍唔住一啖接一啖。可能因為每道菜都十分美味，所以每道菜都搭配沙律，令味道更加平衡，沙律菜品新鮮，加埋啲青瓜同埋番茄等多種配料，令整餐餐點味道更加豐富。總括而言，呢間中東fusion菜餐廳嘅味道一流，雖然店面細啲，但氣氛好好。而且，用呢個價錢食到呢個質素，完全係物超所值，可以感受到店主同廚師對每個細節嘅認真執著。呢間絕對係一個值得再去嘅餐廳。價錢💰：🌕🌕🌕🌕🌕味道😋：🌕🌕🌕🌕🌕環境🏡：🌕🌕🌕🌕🌑…查看更多

今日去MOKO睇戲，見未夠鐘，就去搵附近一間叫嚐仙嘅甜品餐廳食。大概等左10分鐘就入到去啦。*杏仁布甸二號有一隻好得意嘅兔子形狀布甸，三色芋圓軟硬度啱啱好。水蜜桃同紅豆不過不失。😋👍🐰*五式牛奶冰可以自選5種配料，我哋叫左芋圓、芋泥、黑糖凍、仙草、珍珠，芋泥有粒粒芋頭口感，仙草好滑，黑糖凍有驚喜，雖然和仙草都係果凍狀，但口感完全唔同，而且黑糖味比想像中好濃。牛奶冰奶味足夠，融得好快，要趁快食😋👍總結而言，甜品份量多，性價比唔錯，味道唔過唔失，甜度啱啱好👍😋🥳。價錢💰：🌕🌕🌕🌗🌑味道😋：🌕🌕🌕🌕🌑環境🏡：🌕🌕🌕🌕🌑…查看更多

行經奧海城嘅時候，我意外地發現咗呢度台式餐廳，就決定入嚟食啦😋。*紅燒三星麵呢碗麵條配以牛𦟌、牛肚同埋牛筋，肉質柔軟，有著濃郁嘅牛肉味道，而牛骨湯底更係濃郁而美味，給人留下深刻印象。*台式炸雞排湯麵雞排炸得皮脆有嚼勁，肉汁十足，湯麵普通，未有太多驚喜，價格方面則稍嫌貴。*黃金地瓜條呢份新鮮炸製嘅黃金地瓜條份量唔多，但炸得香脆美味。飲品方面，我哋叫咗桂花烏龍冷泡茶，唔洗額外加錢。價錢方面，餐點屬於中等偏高，但紅燒三星麵嘅味道相當出色，值得一試。整體嚟講，餐廳環境普普通通，價格中等偏高，但紅燒三星麵值得一試。另外，炸物都係即叫即炸，呢點值得稱讚。價錢💰：🌕🌕🌗🌑🌑味道😋：🌕🌕🌕🌕🌑環境🏡：🌕🌕🌕🌑🌑…查看更多

經過深水埗隨便入左一間餃子小店，裝修都幾新淨，之後先發現原來係40年老字號小店。*椰菜餃上海麵 （6隻）手工餃子皮薄餡靚，椰菜餃餡料竟然仲有冬菇馬蹄，爽口既馬蹄令口感咁豐富，冬菇都好香。上海麵普通正常，湯底都沒咩特別。*淨湯鴛鴦餃子（10隻）韭菜餃餡料都有馬蹄蝦米，蝦米增加鮮味，馬蹄豐富口感，味道口感都十分平衡。椰菜餃同韭菜餃的肉偏少，食落十分清新。辣菜脯真係好辣，我就食唔到咁辣啦😅。雖然餐牌無寫明，但淨餃子可以兩溝，唔洗加💰就可以試曬2款。*豆腐花有得揀暖同凍既豆腐花，我就揀左暖既啦，真係好滑而且有豆味，本身加左薑糖水已經有少少甜，唔夠甜可以自己加黃糖粉，各方面都十分好。價錢💰：🌕🌕🌕🌕🌕味道😋：🌕🌕🌕🌕🌗環境🏡：🌕🌕🌕🌕🌑…查看更多