二瓜田的个人专页

隱世小店真係名不虛傳個入口要去小巷先見到事前要俾少少心機搵星期六夜晚訂咗枱人唔係好多 環境好舒服佢有高枱同正常枱揀全場都坐到大概20人侍應都好有心機介紹餐牌講吓有咩推介同埋最近有咩多人食喇沙味唔係太濃，又唔會太辣清清地幾好嗰啲沙白真係好大粒好新鮮豆卜索晒啲汁真係好滿足喇沙烤雞擺盤有心機切好晒就咁拎嚟食都好方便個皮有啲crispy 好吸引如果啲肉再嫩啲會更加好食用左個椰絲薄餅埋尾脆邊再加埋個咖央醬好夾記得要趁熱食 凍咗就會覺得太甜 同埋太邪惡總括來講，都係一個好嘅食飯體驗👍👍👍…查看更多

店舖位置比較遠冇揸車既 離最近輕鐵站都要行五至10分鐘真真正正為食兵團要搵路入嚟不過附近都幾多嘢食舖位唔會太細 都有大概廿幾至30個位坐得幾舒服佢哋嘅主打船麵味道雖然唔係好濃 但我反而就覺得幾好唔會太鹹份量都唔少 有豬肉片同豬肉丸咖哩蛋白蟹肉飯撈飯一流 不過蟹肉份量就偏少味道比個湯麵濃好多li 杯好好飲清甜又舒服食完濃味野炸野之後好啱飲泰式奶茶當然要試可惜佢冇得少甜嗰茶味冇港式奶茶咁重總括嚟講 li 間舖頭都係值得一試既…查看更多

喺社交平台見到其他人介紹少見主打腐皮壽司既店舖所以特意黎試一試星期五都好多人好訂位都要喺地下等一等餐廳要上樓梯一層入到餐廳 啲裝修好特別驟眼睇，以為係西餐廳園林風枱同枱之都夠空位 唔太侷促主打嘅腐皮壽司平時食壽司，枱面實有Wasabi但擺明同腐皮唔夾 所以餐廳都冇擺出嚟壽司好足料 個人認為最正嘅係左口魚同三文魚同小甜的腐皮味道啱啱好同埋真係唔多地方，有腐皮壽司食初頭以為係居酒屋咁樣但又會有啲fusion嘢叫一碟炸雞，成班friend share又幾開心吹幾句水，又可以食一夠佢仲有唔同味你可以揀好食份量又唔少 差唔多有10件蟹膏蟹籽risotto 入邊都有一條條嘅蟹肉絲成個飯好香好creamy 抵讚不過記得要趁熱食 凍咗就冇咁好食總括來講，都係一間值得推薦嘅餐廳…查看更多

準備去運動展預咗喺入邊有排行搵定間靚餐廳食飽飽先呢間手工面長期都好高分梗係要入去睇吓啦店內嘅裝修都好簡潔入去嗰陣職員好好人提埋我哋仲有幾個字就有下午茶唔趕時間可以慢慢坐呢間舖頭有幾種手工麵各有特色唔係度度有有機會真係要試吓台式滷肉拌麵嗰醬好好味 個味夠濃 半肥瘦豬肉真係好正 雖然一路食一路有啲罪疚感切到一粒粒 一啖啖食啱啱好嫩雞白布湯闊麵呢個真係好正除咗有菜夠健康個闊麵又夠咬頭煙韌我覺得最正係個湯底係少有我差唔多飲晒個湯底嘅湯麵唔覺有味精絕對值得番食…查看更多

喺元朗廣場行到肚餓見亞金好似都幾出名所以就去拎飛等咗唔係好耐就有位啲侍應感覺都好有禮貌亞金龍鳳配 $75有喇沙仲有海南雞飯兩種味道體驗仲有埋黑白配 糖水都有埋$75 邊度搵值得一提既係油飯好香雞真係好嫩滑 又去哂啲骨一口咬落去啖啖肉幾咁爽如果啲餸多啲我會再開心啲叻沙味好足 加埋啲豆卜吸晒啲汁 真係一大享受扎肉雞絲河粉 $52清雞湯湯底一啲都唔肥膩啲扎肉又唔會有好多肥豬肉適合啲注重健康嘅朋友食得多濃味食物清清地又幾好總括來講我都覺得值得再食…查看更多

經過灣仔肚餓搵嘢食見到呢間叫做九頭鳥既米線舖個招牌有幾得意所以入咗去米線舖呢幾年開到成行成市總有一間在左近要突圍而出真係唔易入到去舖頭位置都幾舒服唔會太迫望一望個Menu 真係好似譚仔湯底又係差唔多 不過呢度有啲湯底唔可以揀辣度順帶一提 呢度係用QR code落單㗎嗌咗個豬軟骨蕃茄米線湯底唔會太酸豬軟骨不過不失 味道都唔錯唔會太硬湖南酸辣湯底 雞肉魚卷米線聞落都有香味但一食其實就同其他連鎖米線店有分別唔好講齋食米線 就算連埋啲配菜食我個人覺得都唔係太過入味始終食米線個湯底都係精粹配料都係中規中矩另外冇影到相 都叫咗五隻雞翼未到冇譚仔咁驚艷總括來講我會寧願食返連鎖嗰啲米線舖…查看更多

喺追月夜晚約咗屋企人食飯同長輩食廣東菜實唔會有問題聽過朋友介紹呢間粵菜菜式有特色所以特登book嚟試吓餐廳樓面唔算大大概有六七張大枱另外佢仲有包廂侍應全部都好主動幫手全晚都有換幾次碟脆魚皮好大塊打卡幾特別但味道同普通魚皮差唔多金磚豆腐做到外脆入面嫩滑仲有淡淡松露香值得推介人蔘杞子燉雞湯飲落好重人蔘味好足料唔錯個咕嚕肉真係冇得頂香脆嘅外殼包住軟淋嘅梅頭肉咬落去果下真係好享受同埋佢個咕嚕汁冇好酸值得一讚海虎蝦蒸糯米飯呢個就冇乜特別啲蝦冇乜味同埋啲肉可以再實啲百花脆皮雞其中一個必點嘅美食芝麻味好香雞皮好香脆蝦膠好有咬口索埋啲雞油真係冇得頂呢個手工菜真係唔係度度有得食正正常常嘅一碟浸菜豉油王蝦子炒麵味道上都係冇乜特別同驚喜不過就要讚讚佢吵得好乾身完全唔覺油膩每條麵都分開最尾送個甜品芋頭西米露買個靚尾總括嚟講 啲嘢食都真係唔錯尤其是係食得出有心機準備可以再戰…查看更多

喺觀塘附近嘅工業大廈上完啲文青工作坊已經差唔多夜晚九點幾個肚餓到乜都食得落醒起之前有朋友介紹過呢間火鍋店見OpenRice仲有優惠即刻book位打電話俾餐廳confirm未計+1每位$228 抵到爛嗰日係星期一 仲要已經差唔多夜晚10點諗住冇乜人點知係全場爆哂 勁高人氣我鍾意佢除咗地方闊落 唔似啲日式放題餐廳坐得咁辛苦啲侍應全部都好爽手會主動過嚟問有冇嘢要我哋食小寶套餐連埋自助吧有成三十幾款嘢食上菜速度好快又冇漏單值得一讚啲開胃前菜亦都唔係頹個鹽酥雞食到停唔到口食咗好多碟牛肉同啲黑毛豬另外佢最正係有好多自家飲品私心推介個竹蔗茅根好鬼解渴又下火最美想讚一讚夜晚差唔臨收鋪10點45分仲想食多條粟米自助吧冇晒同職員講佢哋都好好人即刻拎俾我…查看更多

行街行到攰見有啲肚餓就入咗嚟呢間東京淺草炸雞專門店估唔到都有驚喜鋪面好整齊夠晒光下午茶時間等咗一陣就有位滑蛋雞扒丼 $49好難得咁大塊扒出面咁香脆但入面一啲都唔乾咬落去仲有啲肉汁個飯底加埋滑蛋又唔會太鹹仲要有埋碗麵豉湯咁嘅價錢邊度搵親子丼定食 $59貴少少但有兩種食法烚嫩雞肉再加香脆雞肶肉份量一啲都唔少味道都係好好今餐幾有驚喜 雖然食炸雞唔太健康仲有啲熱氣但係呢間餐廳個性價比真係唔差唔介意再食最多食佢啲海南雞或者烚肉值得推薦…查看更多

天氣日日都咁熱喺坪洲行咗一個圈真係要坐低唞唞啦見呢間食評好似唔錯所以入去試吓佢都真係好似幾出名除咗好多人慕名而來之外電視都成日播返佢哋前做過嘅訪問最出名莫過於嗰個菠蘿包嘅雪糕一場嚟到點都要試吓啦再點多杯黑牛降下溫個菠蘿包嘅雪糕30幾蚊我個人就覺得味道冇乜特別個菠蘿包可以再香脆啲，感覺有啲硬同埋熱少少夾落過少少溶嘅雪糕我諗會正啲黑牛即係可樂溝朱古力雪糕正正常常一杯凍嘢飲熱天時解暑都係好嘅不過攤太耐真係會甜到唔想飲我個人如果要返轉頭可能就會試下佢啲午餐晚餐…查看更多

難得放假天氣又風和日麗唔出下街真係嘥晒所以就去咗長洲租間度假屋望住過海chill 下瞓醒第二朝肚餓就搵早餐呢間凱得餐廳雖然唔係好大但入邊好整齊個Menu仲有好少見嘅節瓜肉絲做早餐梗係要試吓啦另外叫埋沙嗲牛肉麵例牌有埋個包都係好有特色竟然有牛角酥同奶油豬晨早流流食個節瓜肉絲米粉清清地真係幾好味道好得來又健康佢個牛角酥真係好鬆化加埋煉奶雖然邪惡但係真係好正個沙嗲牛連我最鍾意佢有少少花生粒勁香口 唔係度度有個奶油豬仲有白芝麻真係冇得頂絕對值得翻轉頭再食…查看更多

其實已經下晝兩點幾當你見到隔離餐廳仲要等成幾十個號碼唔使等位真係好吸引入到去環境都舒服座位間隔ok 佢中間張枱長形好似竹葉咁幾特別星期六唔係間間有午市定食仲要午市定食有串燒送雖然份量唔多 但都有吸引力串番薯都幾好食架叫咗一個醬汁豚肉燒有個沙律有個麵豉湯算係咁個豚肉就冇乜特別分量多啲會開心啲另外仲有牛肉鍋定食正正常常起碼對我黎講唔會太咸埋單加埋兩杯凍飲160對比起附近舖頭算性價比高但未必會特登排隊食（記得環保走塑♻️）…查看更多

突然間想食蠔即刻入openrice search 見到li 間有得訂位仲要有九折就㩒制book 位去到餐廳環境唔錯 暗暗地幾有情調佢門口仲有前人寫字喺碟到做擺設又幾特別坐低就見到個396/12隻蠔既combo真係幾正 職員有心機介紹啲蠔款仲俾我li d 心大心細既人揀左5 隻試左味先再揀埋剩番嗰啲 服務細心幾好滿足完之後飲番個餐湯 暖暖個胃雖然個雜菜湯冇乜特別但反而個蒜蓉包又脆又香幾正叫左兩個主食一個黑松露野菌意大利飯我本人就覺得冇乜特別 （同埋我都唔係好好） 覺得乾身左少少另一個係黃金軟殼蟹扁意粉我覺得個扁意粉都幾出色聞好香 同食好味 又唔太水不過我係覺得個軟殼蟹呢 我expect 佢炸得黎出面個炸粉殼冇咁厚但個味係好既 這個主食食完好滿足（記得出街食飯 外賣 都要走塑 😌）…查看更多