foodiechelsea的个人专页

當天我乘搭號54巴士，於蒙養小學站下車，便到達咖啡店。(你亦可由西鐵錦上路站步行10分鐘)位置雖然較爲偏僻， 但還是非常多人……平日下午2點去到 依然要等位，店員話留低電話 有位時會就通知我地，不過附近可以閒逛的地方不多，足足企係度等左個幾鐘先有位。\\Hojicha Latte (熱) $38香滑的牛奶溫和了焙茶的濃郁，茶香夠出不太甜。\\FLAT WHITE (熱) $38配有一小杯齋啡 比客人細味品嘗咖啡嘅原味，喝起來果酸感重。兩杯飲品都有靚靚拉花，旁邊仲放有almond ，相當有心思。\\CRAYFISH SALAD, AVOCADO & SALMON ROE (BAGEL) $88小龍蝦沙律帶著微微Wasabi味，搭配三文魚籽及牛油果，是較為少見的口味。賣相吸引，但不算很好吃。\\SMOKED SLAMON AVOCADO & CREAM CHEESE (BAGEL) $78Bagel橫切一半，中間塗上一層忌廉芝士，配上煙三文魚、牛油果，就是黃金配搭，怎麼可能不好吃。BAGEL另配雜菜沙律 (黑醋汁或日式芝麻醬) 很新鮮，份量很適合女生。\\APPLE CRUMB CAKE $38蛋糕翻熱到暖暖地，頂層鋪滿鬆脆的Crumble碎，食落質地似pound cake ，蘋果味淡薄 唔會太甜，比想像中好吃。食物擺盤精緻，超適合IG打卡！但味道稍微有些許失望…若果要排隊半個小時以上才能吃的話，我覺得不太值。…查看更多

朋友說要帶我來她在屯門喜歡的餐廳之一名為BYOB - Be Your Own Barista晏就1點去到，等左10分鐘就有位餐廳係採用自助形式，顧客選定食物後要先到櫃檯落單付款，然後職員會送食物到你枱。我地一人叫咗一杯【 京都宇治小山園鮮奶抹茶 (熱) $38 】採用小山園抹茶粉 抹茶味濃而不苦 配搭幼滑的鮮奶好飲啲之餘 仲有個靚靚海馬/飛馬拉花加上價錢比出面普遍相對平啲真係去得遠少少都值-另外再叫咗兩個意粉share我選的【 北海道帆立貝明太子意粉 $98 】可能因為我對白汁意粉的偏愛 個人比較喜歡這一款兩大粒帆立貝微微煎過 鮮甜美味意粉煮得恰到好處 軟硬適中個醬汁夠哂Creamy 每一啖意粉都充滿明太子的咸香味加埋木魚碎 很有「和風」感覺很好食 明太子味道再濃點就更好了！朋友大推的【 蕃茄忌廉蟹肉寬條麵 $88 】如果很喜歡吃紅汁意粉的話 這一款你一定會非常喜歡用了寬條麵 麵條比較厚身 有咬口麵條掛滿蕃茄汁 吃起來酸酸甜甜的寬條麵上有大量蟹肉同蟹籽 好多好足料！而且人手拆出來的蟹肉 沒有殼碎混在蟹肉內好食 再加點芝士粉就更棒了意粉味道不錯 份量很足夠，價錢夠親民 意粉平均九十元有交易，有機會的話想試試【卡邦尼意粉】同【黑松露雜菇意粉  】…查看更多

網上見到環境、食物很吸引 就埋好姊妹星期六嚟食個lunch我地都怕多人要排隊 提前Whatsapp book位啦 點知原來星期五六日12-6pm只接受Walk-in我地12點到等開門，不用排隊就可以立即入座，75分鐘用餐時間，我地每人叫咗一杯飲品，另外再仲叫咗兩個意粉同一個甜品share-主食款式其實唔多，只係得四款意粉選擇。我哋叫咗<明太子意粉 $118>同<黑松露意粉 $128>呢度嘅意粉擺盤非常好看，扁意粉掛汁又有咬口，明太子意粉 - 明太子味突出 飛魚籽嘅份量亦好多 食落口感非常豐富，黑松露意粉 - 意粉吃起來每一口都是松露香氣。-飲品方面，我叫咗杯signature <宇治抹茶紅豆拿鐵 $58>漸層做得好靚 個樣真係好似富士山，抹茶味都幾香，加咗牛奶 所以無抹茶嘅苦澀味，配埋甜甜嘅十勝紅豆，幾好飲如果唔鍾意紅豆可以轉白玉，不過就會冇咗最底嗰層紅色，望落會冇咁靚。-甜品就叫左最受歡迎嘅<莓莓法式西多士 $88>三大片厚多士 外皮煎到微脆 內層仍保有麵包的柔軟，充滿玉桂味 甜度剛好，可按個人喜好加糖漿。-總括嚟講，地方雖然比較細，但環境確實唔錯 坐得舒服，食物美味又高颜值，都值得大家來試下。…查看更多

之所以會嚟呢間由韓國人主理既café 係因為喺IG見到啲野飲同甜品整得好靚，想約朋友邊歎咖啡邊打卡影相，喺香港都可以感受到置身係去韓式咖啡店嘅感覺…咖啡店裡的空間不大，座位數量不多，座位也只有10個左右。由於我們去的時候正好下雨，所以人不多…平日下午12點半左右到達，唔洗等位。試晒2款甜品 - ▪️ Vanilla Ice cream Croffle $50Croffle其實係Croissant 同Waffle 嘅合體，外脆內鬆化嘅口感，有好香嘅牛油味，配雲呢拿味雪糕 好夾，係好食！但點綴用嘅紅莓乾放少了，照片和實物有點出入，有少少失望…▪️ Tiramisu $60Mascarpone Cheese口感幼滑，入口即溶，整體味道都幾好！略嫌酒味偏淡，檸檬味重了一點點，蛋糕份量偏小，兩三啖就食完…一人再嗌左一杯野飲 -▪️ Chocolate Latte (Ice) $50面層鋪滿左朱古力粉，底層加左朱古力漿，令視覺上得到滿足 飲落奶味比較濃，但有陣陣的朱古力香，兩者既味道balance得好好，唔會太甜！▪️ (店鋪人氣之選) Ice triple Dolce Latte $45由煉奶、3份espresso及牛奶沖製，咖啡味濃，奶味充足，甜度適中。仲叫多左個沙律 - ▪️ Avocado Chicken Salad $60配料有粟米、紅甜椒、洋蔥、沙律菜、半個牛油果、雞絲，只係加了Balsamic Vinegar，是較健康嘅沙律。整體而言 野飲同甜品幾靚，的確幾啱女仔打卡，但係性價比偏低。…查看更多

因為報導介紹 而留意到呢間大角咀小店，見IG好多人讚，所以拉朋友來試一下…平日6點半到，仲要落大雨，都要等一陣位…3人行，叫左3款不同口味的便當:▪️ [必吃] 古早味手工滷肉便當 $62滷肉，肥瘦半半，軟腍入味▪️ 香酥脆雞便當(鹽酥) $64一份有3大件雞球炸得相當酥脆，炸粉夠薄，食落香口雞塊超厚肉，肉質柔軟▪️ [招牌] 那個滷排骨便當 $66塊排骨超巨型，大過塊面， 仲好厚肉排骨先炸後滷 ，多層次的味道最欣賞嘅係 便當會免費配上每週更新嘅5款配菜 -包括流心到爆嘅溏心蛋、高麗菜、菇、粉絲、涼瓜，全部配菜都好好食 好適合送飯。仲可以補差價 升級台式飲品▪️ 黑糖波霸奶茶 (細杯) +$7▪️ 南投炭焙烏龍厚奶茶 (大杯)  +$5這是我吃過份量最多、最足料的台式便當，食物份量比足你，大大碗唔手軟，一般人一定夠飽。(女生們記得點少飯，以免浪費) 賣單每人$85，好好好抵食，性價比高，CP值又高，誠意推介！！！…查看更多

最近天氣涼左，同事就提議lunch去試下北海道嚟既湯咖哩…1:00pm去到 個場都幾爆，好彩仲有最後1張枱俾我地。( 其實餐廳好細 座位都唔多 容納25-30人到 )- 我就叫左人氣No.1既<雞脾野菜湯咖哩 $138>配麵包，辣度揀左3(p.s. 辣度1 係冇味的，唔好試)湯咖哩味道香濃帶點微辣，真係話咁易飲完一大碗！湯咖喱裡面有：雞髀、西蘭花、薯仔、紅蘿蔔、甜椒、蓮藕、黑木耳、鵪鶉蛋、麵包粒… 非常豐富；咁多蔬菜仲好營養健康。d蔬菜同咖喱湯一齊煮，所以好入味，但又保留到爽口感；另外 西蘭花同薯仔炸過 好香口；真係少有地覺得蔬菜都可以好好食。麵包暖暖地仲好柔軟，推薦大家可以試麵包-同事就叫左人氣No.2既<豚角煮野菜湯咖哩$148>配白飯除左舊肉唔同左之外，d配料大致上同我個碗一樣…舊豬腍到入口即溶，好似食緊五花腩咁！-買單每人$157，香港開咩都好貴…查看更多

朋友話想食再Sodam Chicken，因為佢個<太陽芝士炸雞>好好味我都食過幾次… <蜜糖芥末香蔥炸雞> 同 <太陽芝士炸雞>都出色如是者… 我地又約左假期lunch去食我book左1:30 去到餐聽 入面都幾多人 好彩仲有2張枱-我地今次試新野 <太陽芝士雞鍋 $288> (變奏版太陽芝士炸雞)鍋入面裝住滿滿的芝士 旁邊有4款雞，分別係: 原味炸雞、芝士味炸雞、BBQ味焗雞、辣味焗雞淨係賣相已經可以俘虜一眾鐘意打卡的朋友呀把雞蘸上香濃Creamy的芝士 一起手就輕鬆拉絲 真係好邪惡好肥 但絕對「芝」味無窮！食完保証充滿滿的幸福感如果你係芝士腔的話 相信我 呢款絕對是必食之一呀-雖然焗雞感覺上健康過炸雞… 但我地都覺得炸雞好味過焗雞炸雞個皮非常香脆 一咬落去會發出卡滋卡滋的聲音 -這個2至3人份量吧~ 我們2個女生只吃剩一點點想讚既係… d雞係冇骨架 食起上黎超方便…查看更多

朋友相約出旺角掃街，順便去試下最近新開既韓國過江龍Arirang Hotdog！而家唔洗飛韓國，喺香港都食到啦~餐牌有8款口味，我最後揀左 薯條熱狗棒 ($32)，朋友就揀左 車打芝士熱狗棒($34)；個分別就係：我個款係薯粒+腸，朋友個款就係Mozzarella+腸落單之後 你會見到佢即叫即整，見到佢先用麵包漿包住脆皮香腸，外面再加薯仔粒，再拎去炸，然後就俾你自行搭配醬料。我就好貪心貪心咁… 首先沾上椰糖 (呢個係韓國傳統既食法)，再係熱狗上灑上Garlic粉，然後醬就再加Cheddar Cheese 同Ketchup。P.S. 落多d醬會好味好多，因為薯仔同腸本身冇乜味咬落外層係好脆，薯仔既味道都幾出，脆皮腸食落都啖啖肉 夠晒大條，食完一枝雖然唔會話好油膩，但都飽飽地，所以建議女仔叫一枝食好啦，唔好貪心!如果你問我你好冇食的話，我會答你普通啦，不過你未食過的話 係直得一試既。…查看更多

上網見到話黎自台灣既春芳號開左黎中環一直都想試，今日終於經過，就買番杯試下 順便打個卡因為我係珍珠控，所以就決定叫 地瓜珍珠鮮奶茶 ($38) 地瓜蓉均勻地溶入左奶茶，飲落每一啖都有淡淡的地瓜香甜味，(可能地瓜本來都甜，就算已經叫少左甜，都有d甜)珍珠細細粒 但很Q彈，好好吃只是...地瓜加珍珠的組合 都幾飽肚 ，加上杯野飲都唔細杯 飲到一半已經好飽想說這裡的花花杯子 也是賣點之一，打卡用一流我很幸運的拿到香港地區限定款…查看更多

同朋友係中環睇完展覽，順便去潮聖下蔡瀾開嘅越南粉店，夜晚9:30去到，冇人排隊 即刻入得我點了生牛肉湯河 ($88)，朋友就點了香茅烤豬頸肉春卷撈檬 ($68)，再加了兩個小菜落單等左5分鐘就有得食一黎就試下佢個湯先，個湯的確非常清甜，飲落有好香嘅牛味，一啲都唔覺得油膩，好好味好好味！牛肉唔會太肥，很軟很腍有牛味；河粉很滑，麵量都不少 (不過如果你唔夠食，河粉係可以免費續加的)黃金蝦扒 ($78)好大塊嘅蝦餅，外皮炸得金黃香脆，食落都有蝦嘅鮮味，但嫌佢簿身左d… 如果做厚身d，相信食落會更彈牙蝦醬炒通心菜 ($48)通菜炒得夠嫩，蝦醬惹味，呢個價錢吃到一盤炒菜，真係幾抵係中環呢個地段，仲要打住蔡瀾的名氣，其實真係唔算貴食物味道絕對對得住價錢，去開中環 見到唔洗點排隊，可以去朝聖下!…查看更多

好想食船麵，然後同事就帶我黎呢度食，話呢度個湯底好濃郁Lunchtime 12:45去到，唔洗等就即刻有位我order左黑豚肉船湯(金邊粉)，同事就order左雞脾肉船湯落單等左5-10分鐘就有得食一黎就試下佢個湯底先，個湯的確相當濃郁，飲落有好重嘅香料味道(特別係胡椒)，所以越飲越辣…想話碗麵有好多配料: 魚蛋、蘿蔔、芽菜、秋葵、炸豬皮，好豐富；加埋炸蒜粒、蔥花，非常香口。另外黑豚肉又唔會太肥，軟嫩有肉味；麵底配了金邊粉，麵量都幾多。賣相同味道都對得住價錢，出開尖沙咀可以試下…查看更多

網上睇到 有間由名廚Ricky主理ge餐廳 開左係公司附近🤩lunch就同埋同事去試下…12:30去到 大排長龍，座無虛席 -0-還好 排隊等了20分鐘 就有位了，不過就要同人搭檯…叫左3樣野share...[經典芝士煙肉長通粉伴溫泉蛋]Carbonara醬汁唔稀，入口creamy配上簡單材料:煙肉有鹹香，芝士味濃郁，好夠味長通粉非常彈牙掛汁加上溫泉蛋拌勻同吃 令到碟意粉更滑更滋味[祥仔脆脆豬排飯]個豬扒炸得好香，外脆內軟個外皮堅脆 唔算厚肉質軟嫩又juicy一啲都唔乾配既茄汁飯 好香鮮茄味 好夠大碟!材料又豐富: 磨菇、洋葱、甜椒..係多汁左d啫~[麻辣手撕海南雞飯]油飯好香手撕雞好嫩滑 略嫌不夠麻辣味[兩日兩夜羅宋湯]聽說 這裏的羅宋湯要放兩日兩夜，話好飲ge羅宋湯一定要「過夜」wor…第一日煲90分鐘 攤凍冷藏; 第二日再煲90分鐘; 第三天翻滾後 先俾客人我就飲唔出啦~ 同埋我本身就唔多鐘意羅宋湯😅…查看更多

和友人在尖沙咀逛累了，想找一個不趕人的地方聊天hea下，就來到甜品店LeBread Lab。。。呢間是來自韓國嘅過江龍哦~ 成間舖都係粉紅色，充滿少女心啊！Le Bread Lab最受歡迎嘅就係奶油捲！友人想試朱古力味，我們點了四件士多啤梨朱古力奶油捲（因為冇得單件買）蛋糕係幾鬆軟，啲cream好幼滑唔會好漏，朱古力味都ok香濃，但啲士多啤梨就不是特別甜。聽說這裡的紫薯牛奶和士多啤梨牛奶也很有名，一場嚟到就順便試埋。紫薯牛奶：表面用紫薯粉撒上心形，真係好少女；紫薯味很濃，我覺得有驚喜，友人就認為甜左d！士多啤梨牛奶：飲到有粒粒士多啤梨肉，但士多啤梨味不是好濃，奶味相對較重2款同樣推薦喔！…查看更多

和友人在「荃灣南豐紗廠」逛累了也口渴了，就來到這間台北淡水的過江龍「木衛二鑄茶所」休息一下，試返杯台式茶飲我點了一杯奶霜觀音（半糖; 走冰），奶蓋非常厚身，入口香滑店裡面有月球燈，裝橫很有文青Feel，感覺挺休閒的…查看更多

去補習途中 經過見到新開ge正版台灣幸福堂唔洗排隊wor，朋友叫我買番杯試下，順便打個卡...我order jor 杯 - 焰遇幸福 黑糖珍珠真鮮奶 ($30)等左15mins 就有得拎!gimmick係睇到現場手炒d黑糖珍珠~黑糖珍珠配上鲜奶，再在鲜奶上面撒上黑糖炙燒。珍珠頗為煙韌，有淡淡黑糖香氣，(因為落左好多冰) 味道甜而不膩 。…查看更多