Wwhjj25的个人专页

之前馬灣都已經食過兩三次，味道確實很不錯。我最鐘意食海南雞、蝦餅、豬頸肉，同埋炒河粉見到佢地廚房師傅都係泰國人，所以餸菜都好有味道。幾次去親堂食幫襯，都是好多客人，雖然要等，但不過，我認為揀食肆當然一定要揀多客去的啦，証明有水準嘛（主觀感受而已！）最近先知道… 原來佢地都有做「到會」架，所以今次公司開party都點選左佢地，有套餐又可以散點，絕對不會局限客人，很好啊送貨都準時，醬汁都跟足，下次會再幫襯…查看更多

不知所謂既員工，服務態度超級差！入舖無人理，坐低十分鐘都無人執枱，舉手打算點餐+叫人執枱，員工走埋嚟問都無問客人要咩，第一句就講：「自己落單架喎！」我答左一句「咁可唔可以執一執枱？！」員工反問返轉頭：「我有話唔可以咩？」（其實我個問題佢聽到d咩？定專登要鬧客？）落完單，我叫了杯鴦走，因為系統無得揀少甜，又沒有寫明奶是分開上，所以諗住舉手講聲杯野飲要少甜，第一個員工見到照走開，另一位過來，我說：「我剛剛落左杯野飲想要少甜，系統無得揀所以想同你地講聲。」佢即刻反我白眼，邊走邊講：「奶係分開上架！！」，其實點解可以咁無知，佢地係咪唔知其他既餐廳都會係落埋奶，客人只是講一句，點解可以咁無禮貌？埋單問收銀，你地有無投訴熱線，收銀話：「下！要搵喎～」呢間野真係厲害，上市上到咁差都第一次見！永不回頭，兼傳開身邊嘅人blacklist此餐廳。…查看更多

凍冰冰～旺角行完街想食火鍋，上OpenRice掃一掃就搵左呢間新野，彌敦道行過黎10分鐘左右，紅紅既招牌好搶眼、好易搵坐位都舒服～叫左個從未食過既湯底「仙鶴神針」，裡面有乳鴿、冬瓜、素翅、竹笙、鯊魚骨… 湯底滾起後我哋每人先隊左兩碗湯，侍應幫我地將乳鴿碎上，乳鴿出奇地好食，入味，冬瓜之後食仲正，吸哂d湯～食完湯渣我地先叫火鍋料，其實佢有d食物同品名都幾特別， 「多多芫荽豚肉雲吞」、「武林聖火令」、「當兵遇上老油條」、「江山美人餃」、手打蟹子芝心蝦丸、紫色淮山…等等，食物新鮮，今次人太少試唔哂，下次會試再多啲，值得返兜…查看更多

8號風球唔知食咩好，好多都開始關舖，經過見到呢間小店繼續營業，就決心外賣個火鍋「花膠雞湯煲」返去同個風作戰。同員工傾開先知佢地仲會營業至10點，好有heart❤️佢地好nice, 好好傾，又會介紹我佢地既招牌菜。 攞外賣既時候，都已經覺得個煱底好墜手，果然返到屋企一開，好足料，除左雞同花膠仲有不少既竹笙😍湯底濃得黎又唔會口渴，我哋幾個一人一碗湯後先再邊爐，正啊。叫左個「安格斯手切牛」，好新鮮好好食啊，而男朋友就極力推介「韭菜餃」同「黑豬豚肉」🥰 同埋外賣小妹會好注重個packing，因為小妹曾經試過外賣有個不好既經歷，攞個水煮魚返屋企個湯瀉哂因為佢個外賣兜不夠受熱，攪到其他食物都扣哂分，自己都好狼狽，所以今次呢間我好鐘意，架車轉幾個大灣都無瀉到一滴出黎，返到屋企仲好夠熱👍🏿👍🏿總括黎講，味道同服務都會令我一定再Encore，因為我要去試佢個酸菜魚同日本啤酒🍻☺️☺️仲有見佢d小食都好吸引～～😋😋😋😋😋…查看更多

和友人選擇了這店「意樂」食早餐，一早入到舖，看到有枱剛剛有人走，即刻揀返張枱，企係度等了很久 終於有人過來執枱，員工很沒禮貌的說「借借丫」示意叫我地要俾位佢執（但問題 其實枱唔係只有一邊可以執！🤔）一早呆呆的，我哋都讓開了，行後了數步讓位置給她收拾。然後，另一員工著灰T-shirt長髮女人,名牌寫著(謝x儀)在我們後邊，勁大聲更加沒禮貌的說：「俾個位黎行丫，唔該！」附近的枱都聽到都望住，我相信，做服務性行業，其實都唔係好應該咁樣對客人講嘢，更何況我們什麼都沒做過就給你地兩位同事這樣的對待！！？一個叫我們退後讓位你執枱，另一個即刻後面話我地阻住你條路？？為求要給你們發洩？ 舉手叫野食，灰衫同事行過來兩次，望著我地同隔離枱舉手，甚至對望... 都只是不友善的望望，就走了去.... 這餐廳的員工發生咩事？這是什麼的操守？要搵客人出氣來平衡自己情緒的話，你是不是不太適合做這行業！？！ 餐具有污漬，浸完水都擦不走的！ 我們坐在收銀櫃的後面一張枱，食到一半，聽到灰衫女人大大聲咁同同事講，「佢走左入去，而家唔會出黎架喇，今晚無人先會走出黎」「我真係好驚，你好大膽」「好大隻下架」，其實就算知，係咪都唔太應該大大聲咁講呢！？…查看更多

事隔一年，今年再次聚會去到金兜記食大閘蟹宴，依然滋味，服務態度依然很好，不枉我地未到蟹宴時間就已經plan好要再book位去食😂 今年一去到，跟前年最大不同之處就係人流多左好多，滿坐的了，前年去只是數張枱，心諗好彩訂左位咋！😅不過因為8個人，我哋都需要分兩張枱坐，不過店員都好好地安排隔壁的枱，我地亦不被抗疫措施而影響心情🤣🤣跟友人談開才知道餐館今年都有被受雜誌採訪介紹，所以人流亦因此而增多了👍🏿👍🏿值得～ 上大閘蟹之前，首先係黎左乳鴿、黃金蝦球、杏汁燉花膠湯😋好味道啊，吃完了剛好就是上主角既時間，「每人兩隻，thx!」開始動手，比賽開始，每食完一隻半左右，我地就即刻舉手🙋🏾再叫、再叫、再叫... 職員沒有因為我地瘋狂的加蟹而黑面， I like this😂 蟹不算是很大的品種，聽聞好似係日本蟹（唔肯定），但蟹羔都不會失禮，都爆，我鐘意😍一d都唔膩，我既戰績係... 8隻，另外跟我同枱嘅都食咗10隻，我輸咗了😅哈哈。最後就是炒糯米飯和薑茶來作一個完結，糯米飯唔油唔濕唔太乾身，超好味啊，食食下成大半碟給我掃清😂😂 薑茶好夠薑，好正，飲落好舒服。因為食尾段，嚴格上都沒有看到客人給被催趕的。總括來說，今晚食得好飽又開心，店員亦好有禮貌的說謝及歡送👍🏿👍🏿我會再黎再Encore架😚🦀🦀…查看更多